သမ္မတသစ် ဦးဝင်းမြင့်၏ ပထမဆုံး မိန့်ခွန်းတွင် ဦးစားပေးရည်မှန်းချက် ပန်းတိုင်သုံးရပ်ကို ထည့်သွင်းပြောကြား သမ္မတသစ်၏ မိန့်ခွန်းအပေါ်

သမ္မတသစ် ဦးဝင်းမြင့်၏ ပထမဆုံး မိန့်ခွန်းတွင် ဦးစားပေးရည်မှန်းချက် ပန်းတိုင်သုံးရပ်ကို ထည့်သွင်းပြောကြား သမ္မတသစ်၏ မိန့်ခွန်းအပေါ်


တရားဥပဒေစိုးမိုး ရေးနှင့် ပြည်သူများ၏ လူမှုစီးပွား ရေး၊ ဘဝတိုးတက်မြင့်မားရေးကို ဦးစားပေးရည်မှန်းချက်ပန်းတိုင် နံပါတ် (၁)၌ ထားရှိကြောင်း နိုင်ငံတော်သမ္မတသစ် ဦးဝင်းမြင့် က ၎င်း၏ ပထမဆုံးမိန့်ခွန်း၌ ထည့်သွင်းပြောကြားသည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


တရားဥပဒေစိုးမိုး ရေးနှင့် ပြည်သူများ၏ လူမှုစီးပွား ရေး၊ ဘဝတိုးတက်မြင့်မားရေးကို ဦးစားပေးရည်မှန်းချက်ပန်းတိုင် နံပါတ် (၁)၌ ထားရှိကြောင်း နိုင်ငံတော်သမ္မတသစ် ဦးဝင်းမြင့် က ၎င်း၏ ပထမဆုံးမိန့်ခွန်း၌ ထည့်သွင်းပြောကြားသည်။

မတ်လ ၃၀ ရက်တွင် ကျင်းပသော ပြည်ထောင်စုလွှတ်တော် အစည်းအဝေး၌ နိုင်ငံတော် သမ္မတနှင့် ဒုတိယသမ္မတများ ကတိသစ္စာပြုပြီးနောက် ခုနစ်မိနစ်၃၉ စက္ကန့်ကြာ ပြောကြားသော မိန့်ခွန်း၌ သမ္မတသစ်က ယင်းသို့ထည့်သွင်း  ပြောကြားခြင်းဖြစ် သည်။

ဦးစားပေးရည်မှန်းချက် ပန်းတိုင် သုံးရပ်

လွန်ခဲ့သည့် ၂ နှစ်တိတိက မြန်မာနိုင်ငံ၏ ကိုးဦးမြောက် သမ္မတ ဦးထင်ကျော်၏ ၂ မိနစ် စက္ကန့် ၅၀ ကြာ ပထမဆုံးမိန့်ခွန်း တွင် လူနေမှုဘဝ အဆင့်အတန်း တိုးတက်မြင့်မားရေး အကောင်အထည်ဖော်မည့်အချက်ကို နောက် ဆုံးအချက်အဖြစ် ဖော်ပြခဲ့သော် လည်း နိုင်ငံတော်သမ္မတသစ် ဦးဝင်းမြင့်က တရားဥပဒေစိုးမိုး ရေးနှင့် ပြည်သူများ၏ လူမှုစီးပွား ရေး ဘဝတိုးတက်မြင့်မားရေးကို ပထမဆုံး ဦးစားပေးအဖြစ် ပြော ကြားသည်။

မြန်မာနိုင်ငံတွင် လက်ရှိ အ ရေးတကြီးလိုအပ်နေသည့် တရား ဥပဒေစိုးမိုးရေးနှင့် စီးပွားရေးတိုး တက်မြင့်မားရေး ထည့်သွင်းပြော ကြား၍ လွှတ်တော်ကိုယ်စား လှယ်များနှင့် မြန်မာ့နိုင်ငံရေး လေ့လာစောင့်ကြည့်သူအချို့က ကြို ဆိုသည်။

‘‘သမ္မတရဲ့ မိန့်ခွန်းထဲမှာ ပထမဦးဆုံး၊ အသားအပေးဆုံးက တရားဥပဒေစိုးမိုးရေးပဲ။ မြန်မာ နိုင်ငံရဲ့ တကယ်လိုအပ်နေတာ လည်း တရားဥပဒေစိုးမိုးရေးနဲ့ ဖွံ့ဖြိုးရေး။ ဖြစ်နိုင်ခြေအရှိဆုံးနဲ့ အားရှိတဲ့ မိန့်ခွန်းတစ်ခုပါ။ ဒါဟာ စိတ်ကူးယဉ်တာမဟုတ်တဲ့ မိန့် ခွန်းတစ်ခုဖြစ်တယ်’’ဟု ရခိုင်ပြည် နယ် မဲဆန္ဒနယ် အမှတ် (၁၁) အမျိုးသားလွှတ်တော်ကိုယ်စား လှယ် ဒေါ်ထုမေက ပြောသည်။

သမ္မတသစ် ဦးဝင်းမြင့်က ဦးစားပေးရည်မှန်းချက် ပန်းတိုင် ၏ ဒုတိယအချက်အဖြစ် အမျိုး သားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး၊ တတိယ အချက်အဖြစ် ဒီမိုကရေစီဖက် ဒရယ်ပြည်ထောင်စုကြီး တည် ဆောက်ရေး အခြေခံအုတ်မြစ်ဖြစ် သည့် ဖွဲ့စည်းပုံအခြေခံဥပဒေ ပြင်ဆင်ရေးတို့ကို ဦးတည်ကြိုး ပမ်းဆောင်ရွက်မည်ဟု ပြောကြားသည်။

‘‘ပထမတစ်ချက်ကို သူစူးစူး စိုက်စိုက် လုပ်မယ်ထင်ပါတယ်။ ဌာနဆိုင်ရာ လျော့တိလျော့ရဲဖြစ် နေတာတွေ၊ ဌာနဆိုင်ရာတွေနဲ့ ပတ်သက်ပြီး စည်းကမ်းတကျ တင်းတင်းကျပ်ကျပ် ကိုင်တွယ် မယ်လို့ ထင်ပါတယ်။ နောက် အဂတိလိုက်စားမှုကို ကိုင်တွယ် မယ်လို့ ထင်ပါတယ်။ နောက်တစ် ခု တရားရေးမဏ္ဍိုင်။ အဲဒါကို သူ ဇောင်းပေးပြီး ကိုင်တွယ်မယ်လို့ ထင်ပါတယ်’’ဟု မြန်မာနိုင်ငံရေး လေ့လာစောင့်ကြည့်သူ ဦးမောင် မောင်စိုးက မှတ်ချက်ပြုသည်။

သမ္မတဟောင်း ဦးထင် ကျော်၏ ပထမဆုံးမိန့်ခွန်းတွင် ဒီမိုကရေစီဖက်ဒရယ်ပြည်ထောင် စု တည်ဆောက်နိုင်ရန် ဖွဲ့စည်းပုံ အခြေခံဥပဒေပြင်ဆင်ရေးကို အ ကောင်အထည်ဖော်မည့် အချက် လေးချက်အနက် တတိယမြောက်အဖြစ် ထားရှိပြောကြားခဲ့ပြီး လက်ရှိသမ္မတ ဦးဝင်းမြင့်က ဦးစားပေး ရည်မှန်းချက် ပန်းတိုင်သုံးရပ်၏ နောက်ဆုံးအချက်အဖြစ် ထားရှိ ပြောကြားသည်။

လက်ရှိတွင် ၂၀၀၈ ဖွဲ့စည်း ပုံအခြေခံဥပဒေပြင်ဆင်ရန် ခက်ခဲနေပြီး သမ္မတသစ်၏ မိန့်ခွန်း၌ယင်းအချက်ကို နောက်ဆုံးသို့ ပို့ခဲ့ခြင်းသည် အမျိုးသားဒီမိုကရေ စီအဖွဲ့ချုပ်ပါတီ၏ မူဝါဒဖြစ်နိုင် ကြောင်း ဦးမောင်မောင်စိုးက သုံးသပ်ပြောကြားသည်။

ပုံစံကျနေသည့် အတွေးအမြင်၊ အလေ့အထများ ပြောင်းလဲရန် လိုအပ်

သမ္မတသစ် ဦးဝင်းမြင့်က လက်ရှိအချိန်အခါသည် ဒီမိုက ရေစီ အသွင်ကူးပြောင်းရေးကာ လ၏ အစသာရှိနေသေးကြောင်း နှင့် ပြည်သူများအပါအဝင် နိုင်ငံ့ဝန်ထမ်းများအားလုံးက ပုံစံကျနေသည့် အတွေးအမြင်များ၊ ပုံသေကားကျ အလေ့အထများကို ပြု ပြင်ပြောင်းလဲရန် လိုအပ်ကြောင်း ထည့်သွင်းပြောကြားသည်။

ယင်းအချက်နှင့်ပတ်သက်၍ သဘောတူထောက်ခံကြောင်း အမျိုးသားဒီမိုကရေစီအဖွဲ့ချုပ် ပါတီမှ နုတ်ထွက်ထားသည့် တစ် သီးပုဂ္ဂလအမတ် ဦးစိန်ဝင်းက အောက်ပါအတိုင်း ထောက်ခံ သည်။

‘‘တကယ်အလုပ်လုပ်ဖို့အ တွက် သမ္မတကြီးတစ်ယောက် တည်း တာဝန်ရှိတာမဟုတ်ဘူး။ ပြည်သူတွေရော ပြည်ထောင်စု အဖွဲ့အားလုံး ပူးပေါင်းဆောင် ရွက်ဖို့လိုတယ်လို့ အန်ကယ်က တော့ အဲဒီလိုမြင်ပါတယ်’’ဟု မအူ ပင်မြို့နယ် ပြည်သူ့လွှတ်တော် ကိုယ်စားလှယ် ဦးစိန်ဝင်းက ပြော သည်။

ထို့အပြင် နိုင်ငံတော်သမ္မတ ဦးဝင်းမြင့်က ပြုပြင်ပြောင်းလဲမှု နှောင့်နှေးနေသည့် ဌာနဆိုင်ရာ အဖွဲ့အစည်းများကို ကြပ်မတ် မည်ဖြစ်ကြောင်းနှင့် ယိမ်းယိုင်နေ သည့် တရားစီရင်ရေးကို တည့် မတ်မည်ဖြစ်ကြောင်း မိန့်ခွန်းတွင် ထည့်သွင်းပြောကြားသည်။

ဆက်လက်၍ သမ္မတဦးဝင်း မြင့်က ‘‘အဂတိလိုက်စားမှုကို ပိုမို တိုက်ဖျက်ရပါလိမ့်မယ်။ လူ့အ ခွင့်အရေးချိုးဖောက်ခံရခြင်းများ ကို မြှင့်တင်ကာကွယ်ရပါလိမ့် မယ်။ မူးယစ်ဆေးဝါးကို ပိုမိုနှိမ် နင်းရပါလိမ့်မယ်’’ဟု ပြောကြား သည်။

ယင်းနောက် ဥပဒေမဲ့သိမ်း ဆည်းခံခဲ့ရသည့် လယ်ယာမြေ များ ပြန်လည်ရရှိရေး၊ လျော် ကြေး၊ နစ်နာကြေး ရရှိရေးတို့ကို ဥပဒေနှင့်အညီ ဆောင်ရွက်ရမည် ဖြစ်ကြောင်း၊ တောင်သူလယ် သမားများ၏ လူနေမှုဘဝမြင့်မား တိုးတက်ရေး၊ အလုပ်သမားများ ၏ ဘဝသာယာစိုပြေရေး၊ ကျောင်းသားလူငယ်များ အဆင့်မြင့်ပညာ ရပ်များ ဆည်းပူးခွင့်ရရှိရေးတို့ကို ဖော်ဆောင်ရမည်ဖြစ်ကြောင်း သမ္မတဦးဝင်းမြင့်က ပြောကြား သည်။

‘‘ပြောသွားတဲ့အထဲမှာတော့ ပြုပြင်ပြောင်းလဲမှုလုပ်မယ်ဆိုတဲ့ သဘောတွေ့ရတယ်ပေါ့။ နောက်တစ်ခုက မြေသိမ်းယာသိမ်းကိစ္စ တွေကို တရားမျှတမှုရှိအောင်၊ လျော်ကြေး၊ နစ်နာကြေးတွေရ အောင် သူ့အနေနဲ့ ဆောင်ရွက် မယ်ဆိုတဲ့စကား ထူးထူးဆန်း ဆန်း ထည့်ပြောသွားတာပေါ့။ ဒါ က သူ့ရဲ့ လွှတ်တော်ဥက္ကဋ္ဌရဲ့ ဝိညာဉ်ပါလာတယ်လို့ ပြောရမှာ ဖြစ်တယ်။ လွှတ်တော်ဥက္ကဋ္ဌတုန်း က သူပြောပဲပြောနိုင်ခဲ့တယ်။ ကိုယ်တိုင် မလုပ်နိုင်ခဲ့ဘူး။ အစိုးရ ကို စာပို့တာလောက်ပဲလုပ်နိုင်ခဲ့ တယ်။ အခု သူကိုယ်တိုင် ဆောင် ရွက်ရတော့မယ်။ သူကိုယ်တိုင် ဆောင်ရွက်ရတော့မယ့်အနေအ ထားကို ဒီမိန့်ခွန်းထဲမှာ ထည့်ပြော သွားတယ်’’ဟု အမျိုးသားလွှတ် တော်ကိုယ်စားလှယ်ဟောင်း ဦးခိုင်မောင်ရည်က မှတ်ချက်ပြု သည်။

ဦးခိုင်မောင်ရည်သည် သမ္မတ ဦးဝင်းမြင့်၏ ပထမဆုံးမိန့် ခွန်းကို လေ့လာသူအဖြစ် ပြည် ထောင်စုလွှတ်တော်အစည်းအ ဝေးသို့ ယမန်နေ့က လာရောက် နားထောင်ခဲ့သည်။

မဏ္ဍိုင်များ ပူးပေါင်းဆောင်ရွက် ရန်တိုက်တွန်း

သမ္မတသစ် ဦးဝင်းမြင့်က အုပ်ချုပ်ရေးမဏ္ဍိုင်၊ တရားစီရင် ရေးမဏ္ဍိုင်နှင့် ဥပဒေပြုမဏ္ဍိုင်တို့ အကြား အပြန်အလှန်လေးစားမှု၊ အပြန်အလှန်နားလည်မှု၊ အပြန် အလှန်ယုံကြည်မှုများဖြင့် ပြည်သူ များ၏ အကျိုးအတွက် ပူးပေါင်း ဆောင်ရွက်ရန် တိုက်တွန်းသည်။

‘‘ကျွန်တော်တို့ရဲ့ နိုင်ငံသူ၊ နိုင်ငံသားတွေ မျှော်လင့်တောင့် တနေတဲ့ လိုအင်ဆန္ဒတွေကို အ တတ်နိုင်ဆုံး ဖြည့်ဆည်းပေးနိုင်ဖို့ မဏ္ဍိုင်ကြီးတွေအလိုက် ကျွန် တော်တို့အားလုံး ဆထက်ထမ်းပိုး ကြိုးပမ်းကြရဦးမှာ ဖြစ်ပါတယ်’’ ဟု နိုင်ငံတော်သမ္မတ ဦးဝင်းမြင့် က ပြောကြားသည်။

ထို့အပြင် ပြည်သူများ၏ နားများ၊ မျက်စိများဖြစ်သည့် သတင်းမီဒီယာများ၏ အခန်း ကဏ္ဍကို အလေးအနက်ထားရန် နှင့် အစိုးရက အလုပ်အကျွေးပြု ရမည့် နိုင်ငံသူ၊ နိုင်ငံသားများ၏ ပြည်သူ့မဏ္ဍိုင်ကို အလေးအမြတ် ပြုရန် သမ္မတသစ် ဦးဝင်းမြင့်က တိုက်တွန်းသည်။

ဆက်လက်၍ ဦးဝင်းမြင့်က ‘‘အလားတူ နိုင်ငံတကာအသိုင်း အဝိုင်းရဲ့ အလယ်မှာ ကျွန်တော် တို့နိုင်ငံရဲ့ ပုံရိပ်ပြန်လည်တောက် ပ မြင့်မားလာအောင် ကျွန်တော် တို့ နိုင်ငံသူ၊ နိုင်ငံသားများတွေရဲ့ ဂုဏ်သိက္ခာ ပို၍ပို၍ မြင့်တက်လာ အောင် ကျွန်တော်တို့ အားလုံး ဆက်လက်ပြီး ကြိုးစားကြရဦးမှာ ဖြစ်ပါတယ်’’ ဟု ပြောကြားသည်။

ထိရောက်သည့် အောင်မြင် မှုရရှိရန် အရပ်သားအစိုးရနှင့် တပ်မတော်အကြား ပူးပေါင်း ဆောင်ရွက်မှု အနည်းငယ်အား နည်းနေပြီး အားလုံးစုစည်းရန် လို အပ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ပြည်သူ့လွှတ်တော်ကိုယ်စားလှယ် ဦးသောင်းအေးက မှတ်ချက်ပြုသည်။

‘‘ဦးဝင်းမြင့်အနေနဲ့ ဥပဒေ ကို နားလည်တတ်ကျွမ်းသူဖြစ် တယ်။ ပြီးတော့ရှေ့မှာ ဦးထင် ကျော်ဖြတ်သန်းခဲ့တဲ့ ၂ နှစ်တာ ကာလကိုလည်း သူတွေ့ခဲ့ပြီးဖြစ် တဲ့အတွက် ပြည်သူတွေ ဘာလို ချင်နေတယ်၊ နိုင်ငံတော်ကြီး ဘယ်လိုလုပ်ဖို့ လိုတယ်ဆိုတာ သူမြင်နေပြီ ဖြစ်ပါတယ်။ အဲဒါ ကြောင့်မို့ ဒါကိုသာ မှန်မှန်ကန် ကန် သူရပ်သွားတည်မယ်၊ နောက်ဖွဲ့စည်းပုံအခြေခံဥပဒေနဲ့ အညီ ပေးအပ်ထားတဲ့ အမိန့်အာ ဏာတွေကို အားလုံးနဲ့ညှိနှိုင်းတိုင် ပင်ပြီးတော့ ထိထိရောက်ရောက် သုံးသွားမယ်ဆိုရင်တော့ မအောင်မြင်စရာမရှိပါဘူး’’ ဟု ဦးသောင်း အေးက ပြောသည်။

လက်ရှိတွင် အရပ်သားအစိုး ရနှင့် တပ်မတော်အကြား ဆက် ဆံရေးကောင်းမွန်ရန် နှစ်ဖက်စ လုံးက ပြန်လည်ကြိုးစားနေသည့် ပုံစံမျိုးရှိပြီး သမ္မတသစ်ဦးဝင်းမြင့် က အရေးပါသည့် အခန်းကဏ္ဍ တွင် ရှိနေကြောင်း မြန်မာ့နိုင်ငံ ရေး လေ့လာစောင့်ကြည်သူ ဦးမောင်မောင်စိုးက ဆိုသည်။

‘‘သမ္မတအိမ်တော်မှာ တွေ့ ရတဲ့ အခင်းအကျင်းတွေကြည့်ရ တာတော့ အဲဒါကိုတည်ဆောက်ဖို့ နှစ်ဖက်စလုံးက ကြိုးစားမယ်ထင် ပါတယ်’’ ဟု ၎င်းကဆိုသည်။

တပ်မတော်ကာကွယ်ရေးဦး စီးချုပ် ဗိုလ်ချုပ်မှူးကြီးမင်းအောင် လှိုင်သည် လွန်ခဲ့သည့် ၂ နှစ်က ဦးထင်ကျော် နိုင်ငံတော်သမ္မတ ဖြစ်စဉ်က ပြည်ထောင်စုလွှတ် တော်သို့ လာရောက်ခဲ့သလို ယ မန်နေ့ကလည်း ပြည်ထောင်စု လွှတ်တော်သို့ လာရောက်ခဲ့ သည်။

ထို့အပြင် ယမန်နေ့တွင် သမ္မတအိမ်တော်၌ ပြုလုပ်သည့် နိုင်ငံတော်သမ္မတဦးဝင်မြင့်နှင့် ပြည်ထောင်စုအဆင့် ပုဂ္ဂိုလ်အား လုံးတို့ ကြိုဆိုမိတ်ဆက် အခမ်းအ နားသို့ ဗိုလ်ချုပ်မှူးကြီးမင်းအောင် လှိုင် တက်ရောက်ခဲ့သည်။

အပြောင်းအလဲကို မျက်ဝါးထင် ထင် တွေ့မြင်နိုင်ရန် ကြိုးပမ်း ဆောင်ရွက်မည်

နိုင်ငံတော်သမ္မတဦးဝင်းမြင့် ၏ မိန့်ခွန်းအစပိုင်းတွင် မြန်မာ နိုင်ငံသည် အဘက်ဘက်မှ လိုအပ် ချက်များနှင့် ဆင်းရဲနွမ်းပါးဆဲဖြစ် သောကြောင့် နေရာ၊ ကဏ္ဍအသီး သီးတွင် များစွာဆက်လက်ရုန်း ကန်ကြိုးပမ်းရမည်ဖြစ်ကြောင်း ထည့်သွင်းပြောကြားသည်။

‘‘နိုင်ငံတော်စာမျက်နှာမှာ လည်း ဖိအားပေးမှုတွေ၊ ဝေဖန်မှု တွေနဲ့ အထင်အမြင်လွဲမှားနေတာ တွေလည်း ရင်ဆိုင်နေရပါတယ်။ ကျွန်တော်တို့နိုင်ငံနဲ့ ကျွန်တော်တို့ ပြည်သူတွေ ဒီကနေ့တွေ့ကြုံရင် ဆိုင်နေရတဲ့ စိန်ခေါ်မှု၊ အခက်အ ခဲတွေကလည်း မနည်းလှပါဘူး’’ ဟု ဦးဝင်းမြင့်က ဆိုသည်။

သို့သော် သမ္မတသစ်က ပြည်သူများ မြင်ချင်တွေ့ချင်နေသည့် အပြောင်းအလဲများ မျက်ဝါး ထင်ထင်တွေ့မြင်နိုင်ရန် ပြည်သူ များနှင့်အတူ မမှိတ်မသုန်ကြိုးပမ်း ဆောင်ရွက်မည်ဖြစ်ကြောင်း အ လေးအနက် ကတိပြုပြောကြား သည်။

ထို့အပြင် ပြည်သူများအ တွက် ဝန်ထုပ်ဝန်ပိုးဖြစ်စေသည့် ကြိုးနီစနစ်များ၊ မြန်မာ့လူ့အဖွဲ့ အစည်းအတွင်း လှိုက်စားနေ သည့် အဂတိလိုက်စားမှုများကို စနစ်တကျ တိုက်ဖျက်မည်ဖြစ် ကြောင်းနှင့် နိုင်ငံသူ၊ နိုင်ငံသား များ၏ စာရိတ္ထမဏ္ဍိုင် ခိုင်မာ အောင် ကြိုးပမ်းဆောင်ရွက်မည် ဖြစ်ကြောင်း သမ္မတဦးဝင်းမြင့်က ပြောကြားသည်။

ဖြတ်သန်းရင်ဆိုင်ခဲ့ရသည့် အကျပ်အတည်း၊ အခက်အခဲများ ကို သင်ခန်းစာယူ၍ ပစ္စုပ္ပန်နှင့် အနာဂတ်အတွက် မိဘပြည်သူ များ လိုလားတောင့်တနေသည့် ဒီမိုကရေစီနှင့် လူ့အခွင့်အရေးကို မျက်ခြည်ပြတ်မခံဘဲ အဂတိတ ရားကင်းရှင်းစွာဖြင့် ကိုယ်စွမ်း၊ ဉာဏ်စွမ်းရှိသရွေ့ ကြိုးပမ်း ဆောင်ရွက်မည်ဟု သမ္မတ ဦးဝင်း မြင့်က ပြောကြားသည်။

အမျိုးသားဒီမိုကရေစီအဖွဲ့ ချုပ်ပါတီဦးဆောင်သည့် အစိုးရ အဖွဲ့၏ လက်ကျန်သုံးနှစ်ကို နိုင်ငံတော်၏ အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်နှင့်အတူ အဓိက နေရာမှ မောင်းနှင်မည့် သမ္မတသစ် ဦးဝင်းမြင့်က ၎င်း၏ ပထမဆုံး မိန့်ခွန်းတွင် ‘ကြိုးပမ်း’ ဟူသောစကားလုံးကို ခုနစ်ကြိမ် တိတိ သုံးနှုန်းခဲ့သည်။

========================
251 / End


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

We are All Zakzaky