ပင်နီလွှမ်းသော (၂)နှစ်ပြည့်လွှတ်တော်ကို အကဲဖြတ်ခြင်း

ပင်နီလွှမ်းသော (၂)နှစ်ပြည့်လွှတ်တော်ကို အကဲဖြတ်ခြင်း


လွန်ခဲ့သော ၂ နှစ်က ပင်နီ အမတ်များလွှမ်းမိုးသော လွှတ်တော်စတင်ကျင်းပနေသည့် မြင်ကွင်း သည် သမိုင်းဝင် ၂၀၁၅ ရွေး ကောက်ပွဲအောင်မြင်မှု၏အသီး အပွင့်ကို စတင်ခံစားရသော အ ခိုက်အတန့်ဖြစ်သည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


လွန်ခဲ့သော ၂ နှစ်က ပင်နီ အမတ်များလွှမ်းမိုးသော လွှတ်တော်စတင်ကျင်းပနေသည့် မြင်ကွင်း သည် သမိုင်းဝင် ၂၀၁၅ ရွေး ကောက်ပွဲအောင်မြင်မှု၏အသီး အပွင့်ကို စတင်ခံစားရသော အ ခိုက်အတန့်ဖြစ်သည်။

အဖြူရောင်တိုက်ပုံများကြီး စိုးခဲ့သော လွှတ်တော်အခင်းအ ကျင်းတွင် နှစ်ရှည်လများအတိုက် အခံပါတီအဖြစ် ရပ်တည်ခဲ့သော အမျိုးသားဒီမိုကရေစီအဖွဲ့ချုပ်၏ အမှတ်အသားဖြစ်သည့် ပင်နီဝတ် စုံကို အစားထိုးနေရာယူခဲ့ချိန်မှာ ယခုဖေဖော်ဝါရီ ၁ ရက်တွင် ၂ နှစ်တိုင်ခဲ့ပြီဖြစ်လည်းဖြစ်သည်။

ဒုတိယအကြိမ် လွှတ်တော် များ စတင်ကျင်းပသည့် ၂၀၁၆ ဖေဖော်ဝါရီ ၁ ရက်ကို ‘ဒီမိုကရေ စီအသွင်ကူးပြောင်းရေးအတွက် ဂုဏ်ယူစရာနေ့’ ဟု ပြည်သူ့လွှတ် တော်ဥက္ကဋ္ဌ ဦးဝင်းမြင့်က မှတ် တမ်းတင်ခဲ့သည်။

ထို့အပြင် ‘‘သမိုင်းစာမျက်နှာသစ်တစ်ခု ဖွင့်လှစ်ခွင့်ရကြသူ များ’’ ဟုလည်း လွှတ်တော်အခင်း အကျင်းအသစ်တွင် ပါဝင်နေသူ များကို ၎င်းက ဂုဏ်ပြုပြောကြားခဲ့ သည်။

စစ်အုပ်ချုပ်ရေးခေတ်လွန် လွှတ်တော်သက်တမ်းနှစ်ရပ်အ ကြား အခြေအနေအရပ်ရပ်မှာ ကွဲပြားခြားနားမှု များစွာ ရှိနေသည်။ အထူးသဖြင့် လူထု၏ကြီးမား သော မျှော်လင့်ချက်ကို ထမ်းပိုးထားရမှုတွင် လက်ရှိလွှတ်တော် က ယခင်ပြည်ခိုင်ဖြိုးလွှတ်တော် ထက် ပိုသည်။ လူထု၏ရွေး ကောက်တင်မြှောက်မှုဖြင့် လွှတ် တော်တွင်း ဒီချုပ်က နေရာအများ စုလွှမ်းမိုးထားနိုင်ခဲ့ခြင်းမှာ ၁၉၆၀ နောက်ပိုင်း ပါတီမန်လွှတ်တော် အခင်းအကျင်း၏မျက်နှာစာသစ် လည်း ဖြစ်လာခဲ့သည်။

ထို့ကြောင့် ပထမအကြိမ် လွှတ်တော်ထက် ပိုမိုပီပြင်သည့် စွမ်းဆောင်ရည်များကို ပင်နီလွှမ်း သော ဒီချုပ်လွှတ်တော်တွင် မြင် တွေ့လိုခဲ့ကြသည်။ သို့သော် လက်ရှိ ဒီချုပ်လွှတ်တော်သက် တမ်း ၂ နှစ်အတွင်း ယခင်လွှတ် တော်ထက် ပိုမိုကောင်းမွန်သော စွမ်းဆောင်ရည်ကို ပြသထားနိုင် သည်ဟု ယူဆသူများများစားစား မရှိပေ။

လေ့လာသူအချို့က ယခင် လွှတ်တော်နှင့်အလားတူသော စွမ်းဆောင်ထားနိုင်သည်ဟုဆို သည်။ ယခင်လွှတ်တော်ထက်ပင် ပို၍ အားနည်းနေကြောင်း ဝေဖန် သူအချို့လည်း ရှိသည်။

ထိုသို့ ဝေဖန်သူများတွင် လွှတ်တော်ကိုယ်စားလှယ်အချို့ ကိုယ်တိုင် ပါဝင်သည်။ ‘‘ဘယ် လွှတ်တော်က ပိုအလုပ်လုပ်နိုင် တယ်ဆိုတာထက် အရင်လွှတ် တော်က လမ်းကြမ်းလေးဖောက် ပေးခဲ့တယ်ဆိုရင် အခုလွှတ်တော် က အနည်းဆုံး ကြမ်းချောအဆင့် လောက်တော့လုပ်ပေးနိုင်ရမှာ ပေါ့။ အဲဒါမျိုး ရှေ့တိုးပြီး မလုပ် နိုင်သေးဘူး’’ဟု ရခိုင်အမျိုးသား ပါတီဝင် ပြည်သူ့လွှတ်တော်အ မတ် ဦးဖေသန်းက လွှတ်တော် နှစ်ရပ်အပေါ် နှိုင်းယှဉ်ပြသည်။

စစ်အစိုးရ ခေတ်အလွန် တွင် ပထမဆုံးစတင်ပေါ်ပေါက် လာသည့် လွှတ်တော်သည် မျှော် လင့်သည်ထက် ပိုမိုစွမ်းဆောင် နိုင်ခဲ့ရာ ဒီမိုကရေစီ အင်အားစု များလွှမ်းမိုးသော ဒီချုပ်လွှတ်တော် အနေဖြင့် ပြုပြင်ပြောင်းလဲရေးကို ပိုမိုတွန်းအားပေးသင့်ကြောင်း ၎င်း ကပြောသည်။ ပြည် ထောင်စုကြံ့ခိုင်ရေးနှင့် ဖွံ့ဖြိုးရေး ပါတီထိပ်တန်းခေါင်းဆောင်ပိုင်း တွင် ပါဝင်ခဲ့သည့် အမျိုးသားလွှတ် တော်ကိုယ်စားလှယ်ဟောင်း ဦးဇော်မြင့်ဖေကမူ လွှတ်တော်နှစ် ရပ်ကြား အဓိကကွာခြားချက်မှာ နိုင်ငံရေးစိတ်ဓာတ်ဟု မှတ်ချက် ပြုသည်။

‘‘နိုင်ငံရေးအရကတော့ သူ တို့က နိုင်ငံရေးစိတ်ဓာတ်ပိုပြင်း တယ်လို့ ပြောလို့ရတာပေါ့လေ။ အဲဒါကတော့ ခရက်ဒစ်(အမှတ်) ပေးရမှာပါ’’ဟု ၎င်းက ဆိုသည်။

ပင်နီအမတ်တို့ ဦးဆောင်ပုံ ဖော်နေသော သမိုင်းစာမျက်နှာ အသစ်သည် ၂ နှစ်တာကာလအ တွင်း မည်မျှခရီးပေါက်ခဲ့ပါသ နည်း။ လွှတ်တော်ကိုယ်စားလှယ် များ၏အဓိကတာဝန်များမှာ ဥပ ဒေပြုရေး၊ အပြန်အလှန်ထိန်း ကျောင်းရေးနှင့် မဲဆန္ဒရှင်များကို ကိုယ်စားပြုနိုင်ရေးတို့ဖြစ်သည်။

၂ နှစ်သား ပင်နီလွှတ်တော် ၏ စွမ်းဆောင်ရည်ကို ဆန်းစစ် မည်ဆိုပါက အထက်ပါအချက် များအပေါ် အခြေခံ၍ လေ့လာရ မည်ဖြစ်သည်။

ဥပဒေပြုရေး

ဥပဒေပြုရေးကဏ္ဍတွင် အဓိ ကကျပြီး ဒီချုပ်၏ ရွေးကောက်ပွဲ ကတိတစ်ခုလည်း ဖြစ်သော ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးနှင့်ပတ်သက်၍ လက် ရှိ လွှတ်တော်တွင်း၌ ကြိုးပမ်းမှု တစ်စုံတစ်ရာမရှိသေးပေ။

သို့သော် နိုင်ငံတော်၏အ တိုင်ပင်ခံပုဂ္ဂိုလ် ဒေါ်အောင်ဆန်း စုကြည်အပါအဝင် ဒီချုပ်ခေါင်း ဆောင်များက ငြိမ်းချမ်းရေး အောင်မြင်မှုမှတစ်ဆင့် ဖွဲ့စည်းပုံ ပြင်ဆင်ရေးကြိုးပမ်းရန် ရည်ရွယ် ဆောင်ရွက်နေကြောင်း ထုတ် ဖော်ပြောကြားထားသည်။

နိုင်ငံရေးလေ့လာသူများက လည်း တပ်မတော်က ထောက်ခံ မှ အောင်မြင်မည့် လွှတ်တော်တွင်းဖွဲ့စည်းပုံပြင်ဆင်ရေးကြိုးပမ်း ခြင်းသည် လက်ရှိအခြေအနေအ ရ လက်တွေ့ဆန်သော နည်းလမ်းမဟုတ်ဟု သုံးသပ်ထားသည်။

သို့ဖြစ်ရာ ၂ နှစ်သား ပင်နီ လွှတ်တော်သည် ဖွဲ့စည်းပုံအခြေ ခံဥပဒေပြင်ဆင်ရေးစာမေးပွဲတွင် အောင်မှတ်ရသည်ဟု မဆိုနိုင် ပေ။ အခြားဥပဒေပြုရေးကိစ္စရပ် များတွင်မူ နိုင်ငံရေး၊ စီးပွားရေး နှင့် သက်ဆိုင်ရာကဏ္ဍအသီးသီး အတွက် လိုအပ်နေသည့် ဥပဒေ အချို့ အသစ်ပြဋ္ဌာန်းခြင်းနှင့် ပြင် ဆင်ရေးဆွဲခြင်းတို့ ဆောင်ရွက်နိုင် ခဲ့သည်။

လက်ရှိ အချိန်အထိ သက် တမ်း ၂  နှစ်အတွင်း ပြည်ထောင် စုလွှတ်တော်က အတည်ပြုထား သည့် ဥပဒေစုစုပေါင်း ၅၀ ရှိရာ အသစ်ပြဋ္ဌာန်းသည့် ဥပဒေ ၂၀ ခု၊ ပြင်ဆင်သည့် ဥပဒေ ၂၄ ခု၊ ရုပ်သိမ်းသည့် ဥပဒေခြောက်ခုတို့ဖြစ် သည်။

နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ဟူသော ဝိသေသကို ရရှိလာစေ မည့် နိုင်ငံတော်၏အတိုင်ပင်ခံ ပုဂ္ဂိုလ်ဆိုင်ရာ ဥပဒေကို အတည် ပြုခဲ့ခြင်းက ဒီချုပ်လွှတ်တော်၏ ပထမဆုံးသော ဥပဒေပြုရေးခြေ လှမ်းဖြစ်သည်။

လက်ရှိလွှတ်တော်က အ သစ်ပြဋ္ဌာန်းခဲ့သည့် ဥပဒေများ တွင် နိုင်ငံသားများ၏ပုဂ္ဂိုလ်ဆိုင် ရာ လွတ်လပ်မှုနှင့် လုံခြုံမှုကို ကာကွယ်ပေးရေးဥပဒေ၊ မြန်မာ နိုင်ငံရင်းနှီးမြှုပ်နှံမှုဥပဒေ၊ သက် ကြီးရွယ်အိုများဆိုင်ရာ ဥပဒေ၊ ငြိမ်းချမ်းစွာစုဝေးခြင်းနှင့် စီတန်း လှည့်လည်ခြင်းဆိုင်ရာ ဥပဒေ စသည်တို့ပါဝင်သည်။

ထို့အပြင် စစ်အစိုးရခေတ် တွင် နိုင်ငံရေးသမားများအား ဖိနှိပ်ရာတွင် အသုံးပြုခဲ့သည့် နိုင်ငံ တော်အား နှောင့်ယှက်ဖျက်ဆီးလို သူများ၏ဘေးအန္တရာယ်မှ ကာ ကွယ်စောင့်ရှောက်သည့် ဥပဒေ၊ နာမည်ကျော် ပုဒ်မ ၅(ည) ပါဝင် သောအရေးပေါ်စီမံမှုအက်ဥပ ဒေ၊ ရပ်ကျေးအုပ်ချုပ်ရေးဥပဒေ တို့ကို ပြင်ဆင်ရုတ်သိမ်း နိုင်ခဲ့သည့်အတွက် ဒီမိုကရေစီ အင်အားစုများထံမှ ထောက်ခံမှုရရှိခဲ့သည်။

သို့သော် ဒီချုပ်အစိုးရလက် ထက်တွင် ကိုင်တွယ်ကျင့်သုံးမှု မြင့်တက်လာသော ဆက်သွယ် ရေးဥပဒေပုဒ်မ ၆၆(ဃ) ကို ဖျက် သိမ်းပေးရေး တောင်းဆိုမှုများရှိ သည့်တိုင် လွှတ်တော်က ဖြေ လျှော့မှုအချို့သာ ပြုလုပ်ခဲ့ခြင်း ကြောင့် ပင်နီအမတ်အချင်းချင်း ကြား၌ပင် သဘောထားကွဲလွဲမှု များရှိခဲ့သည်။

ဒီချုပ်လွှတ်တော်သက်တမ်း ၂ နှစ်အတွင်း ဒီမိုကရေစီစံနှုန်း များနှင့် မကိုက်ညီသည့်ဥပဒေအ ချို့ကို ရုပ်သိမ်းနိုင်ခဲ့သော်လည်း ပြည်သူလူထု၏လက်တွေ့အခြေ အနေအပေါ် သက်ရောက်စေမည့် ဥပဒေများပြဋ္ဌာန်းနိုင်ခြင်း မရှိသေးကြောင်း ကိုယ်စားလှယ်အချို့နှင့် နိုင်ငံရေးလေ့လာသူများက သုံး သပ်သည်။

‘‘အုပ်ချုပ်ရေးပိုင်းကရော၊ လွှတ်တော်ကရော လက်ခံထား တဲ့ ခံယူချက်တွေနဲ့ မျှော်မှန်းချက် တွေဟာ ပြည်သူလူထုရဲ့ မျှော် လင့်ချက်တွေနဲ့ အလှမ်းကွာဝေး နေတဲ့ အနေအထားဖြစ်နေတယ်’’ ဟု ရှမ်းတိုင်းရင်းသားများဒီမိုက ရေစီအဖွဲ့ချုပ်မှ မိုင်းရယ်အမတ် ဦးစိုင်းသီဟကျော်က ဝေဖန်သည်။

လူထု၏ယုံကြည်မျှော်လင့်မှု ကို ယခင်လွှတ်တော်ထက် ပိုမို ရရှိထားသော်လည်း သက်တမ်း ၂ နှစ်အတွင်း နိုင်ငံရေး၊ စီးပွား ရေး၊ လူမှုရေး၊ စသည့် ကဏ္ဍအ သီးသီးအတွက် အပြောင်းအလဲ ဖြစ်စေမည့် အရေးပါသော ဆောင်ရွက်ချက်မလုပ်နိုင်သေး ကြောင်း ၎င်းက သုံးသပ်သည်။

‘‘၂ နှစ်အတွင်း ဆောင်ရွက် ခဲ့တာက သာမန်လောက်ပဲရှိ တယ်။ အားမရဘူး’’ဟု ၎င်းက ပြောသည်။

လွှတ်တော်က ရည်ရွယ်ချက် ကောင်းဖြင့် ပြဋ္ဌာန်းလိုက်သည့် ဥပဒေများရှင်သန်အသက်ဝင်နေ ရန်လည်း အရေးကြီးကြောင်း ဒီ ချုပ်ဝါရင့်အမတ် ဦးအောင်ကြည် ညွန့်က ထောက်ပြသည်။

‘‘ဥပဒေတွေ ပြဋ္ဌာန်းထား သော်လည်း ဆောင်ရွက်ရန် တာ ဝန်ရှိတဲ့ ဌာနဆိုင်ရာဝန်ထမ်းများ က ဥပဒေပါ ပြဋ္ဌာန်းမှုအတိုင်း တိတိကျကျဆောင်ရွက်မှုမရှိတဲ့ အခါမှာ မရှင်သန်နိုင်တဲ့ သဘော မျိုးတွေရှိတယ်’’ဟု ၎င်းက ပြော သည်။

ဥပဒေပြုရေးတွင် လက်ရှိ လွှတ်တော်၏ထူးခြားချက်မှာ သူရဦးရွှေမန်းခေါင်းဆောင်သော အ ထူးကော်မရှင်၏အခန်းကဏ္ဍဖြစ် သည်။ ဥပဒေပြုရေး၊ ပြင်ရေးအ တွက် စစ်အစိုးရလက်ထက် ထိပ် တန်းခေါင်းဆောင်ဟောင်းနှင့် ပြည်ခိုင်ဖြိုးလွှတ်တော်အကြီးအ ကဲဟောင်း သူရဦးရွှေမန်းဦး ဆောင်သော ကော်မရှင်၏အကြံ ဉာဏ်များ ရယူဆောင်ရွက်နေ ခြင်းအပေါ် ဝေဖန်မှုများလည်း ရှိ နေသည်။

အခြားတစ်ဖက်တွင်မူ ကော် မရှင်၏အကြံပြုတင်ပြချက်များ ကို လက်ရှိ ဒီချုပ်လွှတ်တော်က အရေးတယူဆောင်ရွက်ခြင်းမပြု ဆိုသော ရှုမြင်မှုများကလည်း ရှိ နေပြန်သည်။ သို့သော် အထူး ကော်မရှင်အဖွဲ့ဝင် ဦးဇော်မြင့်ဖေ ကမူ ကော်မရှင်၏တာဝန်သည် လွှတ်တော်နှင့် လွှတ်တော်ကော် မတီများကို အထောက်အကူပြု ပေးရန်သာဖြစ်ကြောင်း ပြော သည်။

ကော်မရှင်တွင် သက်ဆိုင် ရာကဏ္ဍအသီးသီး၌ အတွေ့အ ကြုံရှိသူများ ပါဝင်နေ၍ ကော်မ ရှင်၏ အကြံပြုချက်များအပေါ် လွှတ်တော်က အလေးအနက် ထားစဉ်းစားမည်ဖြစ်သော်လည်း တင်ပြချက်တိုင်းကို လက်ခံမည် မဟုတ်ဟု ၎င်းက ပြောသည်။

‘‘ကော်မရှင်က လွှမ်းမိုး တယ်၊ မလွှမ်းမိုးဘူးလို့ ဘယ်လိုပဲ ပြောနေနေ အဖြစ်မှန်ကတော့ ကော်မရှင်သည် လွှတ်တော်ကို အထောက်အကူပြုဖို့ပဲ။ လွှတ် တော်က တာဝန်ပေးထားတာပဲ။ ဒီနေ့ မလိုချင်ဘူးဆိုရင် ဒီနေ့ဖြုတ် လိုက်လို့ရတယ်’’ဟု ဦးဇော်မြင့်ဖေ က ဆိုသည်။

အပြန်အလှန်ထိန်းကျောင်းရေး

လွှတ်တော်ကိုယ်စားလှယ် များ၏အဓိကတာဝန်သုံးရပ်အ နက် အပြန်အလှန်ထိန်းကျောင်း ရေးကဏ္ဍသည် ယခုသက်တမ်း ၂ နှစ်အတွင်း အားအနည်းဆုံးအ ပိုင်းဖြစ်ကြောင်း 7Day Daily က မေးမြန်းခဲ့သည့် နိုင်ငံရေးလေ့လာ သူများနှင့် လွှတ်တော်ကိုယ်စား လှယ်များက တညီတညွတ်တည်း ပြောကြားသည်။

ယခင် ပြည်ခိုင်ဖြိုးလွှတ် တော်အပေါ် မျှော်လင့်ချက်များ စွာ မထားရှိခဲ့သော်လည်း လွှတ် တော်ဥက္ကဋ္ဌများ၏ဦးဆောင်စီမံမှု ဖြင့် အားကောင်းသည့် အပြန်အ လှန်ထိန်းကျောင်းမှုစနစ်ကို ပုံဖော်နိုင်ခဲ့ကြောင်း သီပေါအမတ် ဟောင်း ဦးရဲထွန်းက ပြောသည်။

လက်ရှိလွှတ်တော်ကမူ အ စိုးရကို ထိန်းကျောင်းရန်ထက် ကာကွယ်ရန် ပိုမိုအသားပေးနေ သည်ဟု သူက ဝေဖန်သည်။ ပြည် ခိုင်ဖြိုးပါတီဝင်ကိုယ်စားလှယ် ဟောင်းတစ်ဦးကတော့ ယခင် သက်တမ်းတွင် ပါဝင်ခဲ့သည့် ကိုယ်စားလှယ်အများစုသည် အုပ်ချုပ်ရေးပိုင်းဆိုင်ရာ အတွေ့အကြုံရှိသူများဖြစ်၍ အစိုးရအပေါ် ထိန်း ကျောင်းမှုအားကောင်းခဲ့သည်ဟု သုံးသပ်သည်။

‘‘ပထမအကြိမ်က ပုဂ္ဂိုလ် တွေကတော့ အုပ်ချုပ်ရေးနဲ့ပတ် သက်လို့ အတွေ့အကြုံပိုများ တယ်။ ဆိုတော့ အစိုးရဌာနတွေ ရဲ့အကြောင်းကို ဘယ်အကွက် ကတော့ ဘယ်လိုလုပ်တယ်ဆို တာ သူတို့က သိနေတယ်’’ဟု ၎င်းက ပြောသည်။

ပြည်ခိုင်ဖြိုးလွှတ်တော်၏ ကနဦးကာလများတွင်လည်း အစိုးရတင်လာသမျှ ကန့်ကွက်မှု မရှိ အတည်ပြုပေးနေရသော ရော်ဘာတံဆိပ်တုံးလွှတ်တော်ဟူ ၍ ဝေဖန်မှုများဖြင့် ရင်ဆိုင်ခဲ့ရ သေးသည်။ သို့သော် လွှတ်တော် က အပြန်အလှန်ထိန်းကျောင်း ရေးကို အာရုံစိုက်ဆောင်ရွက်လာ ချိန်တွင် မဏ္ဍိုင်နှစ်ရပ်အကြား ပွတ်တိုက်မှုများရှိလာခဲ့သည်။

ဒုတိယအကြိမ်လွှတ်တော် သက်တမ်းတွင်မူ အစိုးရအဖွဲ့ဝင် ဝန်ကြီးများနှင့် ဝန်ကြီးဌာနများအ ပေါ် ထိန်းကျောင်းရေးအသွင် ဆောင်သည့် လုပ်ဆောင်ချက်များ ရှိသော်လည်း ပွတ်တိုက်မှုဟုဆို နိုင်သည့် အခြေအနေများ ပေါ် ပေါက်မလာသေးပေ။

လွှတ်တော်အမတ်များနှင့် ဝန်ကြီးဌာနများအကြား အချေအ တင် အငြင်းပွားမှုသည် ယခင် လွှတ်တော်တွင် မကြာခဏ မြင် တွေ့ရလေ့ရှိသော မြင်ကွင်းဖြစ် သည်။ လက်ရှိလွှတ်တော်တွင်မူ ယင်းအစား တပ်မတော်သားအ မတ်များနှင့် အာဏာရပါတီအ မတ်တို့အကြား အချေအတင်အ ငြင်းပွားမှုမြင်ကွင်းကိုသာ မကြာ ခဏမြင်တွေ့ရမည်ဖြစ်သည်။

သို့သော် ဝါရင့်ဒီချုပ်အမတ် ဦးအောင်ကြည်ညွန့်က လက်ရှိ လွှတ်တော်၏အပြန်အလှန်ထိန်း ကျောင်းရေးအခြေအနေအပေါ် ဝေဖန်မှုများကို ပယ်ချသည်။ ‘‘မတည့်လို့ ရန်ဖြစ်နေတာနဲ့ အ ပြန်အလှန်ထိန်းကျောင်းတာကို ရောပြီး တွေးနေတာ’’ဟု ၎င်းက တုံ့ပြန်သည်။

ပြည်ခိုင်ဖြိုးလွှတ်တော်နှင့် သမ္မတ ဦးသိန်းစိန်ခေါင်းဆောင် သော အစိုးရအဖွဲ့တို့အကြား နောက်ခံ နိုင်ငံရေးအခြေအနေ ကြောင့် ပေါ်ပေါက်လာသည့် ပွတ်တိုက်မှုများကို အပြန်အလှန်ထိန်း ကျောင်းခြင်းဟု မသတ်မှတ်သင့် ကြောင်း ဦးအောင်ကြည်ညွန့်က ပြောသည်။

‘‘ရန်ဖြစ်နေတာကို အပြန်အ လှန်ထိန်းကျောင်းတယ်လို့ တွက် ရင်တော့ ဒါမှန်ကန်တဲ့သုံးသပ် ချက်မဟုတ်ဘူး။ ဒီအစိုးရသက် တမ်းမှာတော့ အဲဒီလိုရန်ဖြစ်တယ် လို့တော့ မရှိဘူး။ ဒါပေမဲ့ အပြန် အလှန်ထိန်းကျောင်းမှုလုပ်တဲ့နေ ရာမှာတော့ လျော့မသွားဘူး’’ဟု ဆိုသည်။

ထင်ရှားသည့် သာဓကအ ဖြစ် အစိုးရအဖွဲ့က တင်ပြတောင်း ခံလာသည့် ဘတ်ဂျက်များကို လွှတ်တော်က အားမနာတမ်း ဖြတ်တောက်နေခြင်းသည် အပြန် အလှန်ထိန်းကျောင်းမှုတစ်ခုပင် ဖြစ်ကြောင်း ၎င်းက ဆက်လက် ပြောသည်။

‘‘နိုင်ငံ့အကြီးအကဲရဲ့လမ်း စဉ်အရ အားလုံးကို ငြိမ်းငြိမ်းချမ်း ချမ်းညှိညှိနှိုင်းနှိုင်းနဲ့ သွားချင်တဲ့ ပုံစံဖြစ်တဲ့အတွက် တချို့ကိစ္စ တွေကို ဖိအားမပေးဘဲနဲ့ ညှိနှိုင်း ပြီး သွားနေတဲ့ ပုံစံမျိုးလို့ ယူဆ တယ်’’ဟု ဒီချုပ်ထောက်ခံသူအစိုး ရဝန်ထမ်းအမျိုးသားတစ်ဦးက လက်ရှိလွှတ်တော်အပေါ် ၎င်း၏ အမြင်ကို ပြောသည်။

မဲဆန္ဒရှင်များအား ကိုယ်စားပြုနိုင်မှု

လွှတ်တော်တွင်း အဆိုတင် သွင်းမှုနှင့် မေးခွန်းမေးမြန်းမှုဆိုင် ရာ အချက်အလက်များအရ လက် ရှိလွှတ်တော်ကိုယ်စားလှယ်များ သည် သက်ဆိုင်ရာမဲဆန္ဒရှင်များ အား ကိုယ်စားပြုနိုင်ရေး ကြိုးပမ်း မှုတွင် အားကောင်းသည်ကို တွေ့ ရကြောင်း ပွင့်လင်းမြန်မာရှေ့ ဆောင်အမှုဆောင်ဒါရိုက်တာ ဦးအေးကျော်က ပြောသည်။

‘‘အခုလွှတ်တော်ကိုယ်စား လှယ်တွေအများစုကတော့ ပြည် သူထဲက လာကြတယ်။ ဒါကြောင့် ဒုတိယအကြိမ်လွှတ်တော်က ပြည်သူနဲ့ပိုပြီးတော့ နီးစပ်တယ်လို့ ယေဘုယျအားဖြင့်တော့ ပြောလို့ ရတယ်’’ဟု ၎င်းက ဆိုသည်။

သို့သော် ပြဋ္ဌာန်းသည့် ဥပဒေများနှင့် လွှတ်တော်တွင်း ဆောင် ရွက်ချက်များတွင် ပြည်သူလူထု ၏ဆန္ဒသဘောထားများ ထင်ဟပ် မှုအားနည်းနေဆဲ ဖြစ်ကြောင်း ဦးအေးကျော်က သုံးသပ်သည်။

ရွေးကောက်ပွဲဆိုင်ရာ ပြည် သူ့လှုပ်ရှားမှုအဖွဲ့(PACE)က တိုင်းနှင့် ပြည်နယ်အသီးသီးရှိ ၂၅၄ မြို့နယ်မှ ပြည်သူ ၂,၈၀၀ ကျော်ကို လွှတ်တော်အမတ်များ ၏လုပ်ငန်းစွမ်းဆောင်ရည်နှင့် ပတ်သက်၍ မေးမြန်းရာ ‘ကောင်း ပါသည်’ ဟု ဖြေသူ လေးပုံတစ်ပုံ ပင်မပြည့်ပေ။ ထို့အတူ ‘ညံ့ပါ သည်’ ဟု ဖြေသူလည်း လေးပုံ တစ်ပုံအောက်သာရှိသည်။

ပြည်သူအများစုက လွှတ် တော်ကိုယ်စားလှယ်များ၏လုပ် ငန်းစွမ်းဆောင်ရည်နှင့်ပတ်သက် ၍ မည်သို့ အကဲဖြတ်ရမည်ကို မသိဟု ဖြေကြားကြောင်း ယင်းစစ်တမ်းတွင် ဖော်ပြထားသည်။ သို့ ဖြစ်ရာ လွှတ်တော်ကိုယ်စားလှယ် များအနေဖြင့် ပြည်သူနှင့် ပိုမိုထိ တွေ့၍ လွှတ်တော်ဆိုင်ရာလုပ် ငန်းများကို ရှင်းပြပေးရန် လိုအပ် နေသည့် သဘောဖြစ်သည်။

ဒီချုပ်ဝါရင့်ပါတီဝင်အမျိုး သားလွှတ်တော်ကိုယ်စားလှယ် တစ်ဦးက လွှတ်တော်ကိုယ်စား လှယ်များသည် တစ်နိုင်ငံလုံးကို ကိုယ်စားပြုနိုင်မည့် အဆို၊ မေခွန်းတင်သွင်းမေးမြန်းမှု အားနည်းနေ ကြောင်း ထောက်ပြသည်။

‘‘မိမိတို့ရဲ့မဲဆန္ဒနယ်တွေကို ကိုယ်စားပြုမှုပေးသလိုပဲ တစ်နိုင် ငံလုံးရဲ့အတိုင်းအတာကို ဆောင် ရွက်နိုင်ဖို့လည်း ပိုပြီးတော့ ကျယ် ပြန့်တဲ့ အတွေးအမြင်နဲ့ ဆောင် ရွက်မှုတွေ ဖြစ်ဖို့လိုတယ်’’ဟု ၎င်း က အကြံပြုသည်။   ။

ပြည်သူ့လွှတ်တော်နှင့် အမျိုးသားလွှတ်တော်တို့ရှိ ပါတီအလိုက် ကိုယ်စားလှယ်စာရင်းချုပ်

စဉ်    ပါတီ                                                          ပြည်သူ့လွှတ်တော်     အမျိုးသားလွှတ်တော်
၁။    ဒီချုပ်                                                           ၂၅၃                        ၁၃၄
၂။    ပြည်ခိုင်ဖြိုး                                                   ၃၂                          ၁၁
၃။    ရခိုင်အမျိုးသားပါတီ                                        ၁၃                          ၁၀
၎။    ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)   ၁၃                          ၃
၅။    တအာင်းပလောင်အမျိုးသားပါတီ                        ၃                           ၂
၆။    ဇိုမီးဒီမိုကရေစီအဖွဲ့ချုပ်                                   ၂                           ၂
၇။    ပအိုဝ်းအမျိုးသားအဖွဲ့ချုပ်(PNO)ပါတီ                 ၃                           ၁
၈။    လီဆူအမျိုးသားဖွံ့ဖြိုးတိုးတက်ရေးပါတီ              ၂
၉။    ကချင်ပြည်နယ်ဒီမိုကရေစီပါတီ                        ၁
၁၀။    ‘ဝ’ ဒီမိုကရက်တစ်ပါတီ                               ၁
၁၁။    မွန်အမျိုးသားပါတီ                                     ၁
၁၂။    ကိုးကန့်ဒီမိုကရေစီနှင့် ညီညွတ်ရေးပါတီ          ၁
၁၃။    တိုင်းရင်းသားစည်းလုံးညီညွတ်ရေးပါတီ          ၁
၁၄။    တစ်သီးပုဂ္ဂလ                                         ၁                        ၂

        စုစုပေါင်း                                               ၃၂၃                    ၁၆၇

မှတ်ချက်။      ။ ပြည်သူ့လွှတ်တော်ရွေးကောက်ခံကိုယ်စားလှယ်စုစုပေါင်း ၃၂၅ ဦး (နှစ်ဦးကွယ်လွန်- NLD, SNLD တစ်ဦးစီ)။
                အမျိုးသားလွှတ်တော်ရွေးကောက်ခံကိုယ်စားလှယ် ၁၆၈ ဦး (တစ်ဦးကွယ်လွန်-NLD တစ်ဦး)။

========================
251 / End



လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

မွတ်စလင်မ် များ အတွက် အရေးအကြီးတကာ အကြီးဆုံးတာဝန်မှာ ပါလက်စတိုင်း ကို ကာကွယ်ရမည် ဖြစ်ပါတယ်
پیام امام خامنه ای به مسلمانان جهان به مناسبت حج 2016
We are All Zakzaky