ရန်ကုန်တိုင်းအစိုးရအတွက် ရီပို့ကတ်

ရန်ကုန်တိုင်းအစိုးရအတွက် ရီပို့ကတ်



ရန်ကုန်တိုင်းအစိုးရ၏ ဘဏ္ဍာရေးစီမံခန့်ခွဲမှုများကို ထောက်ပြထားသည့် ရန်ကုန်တိုင်းဒေသကြီးစာရင်းစစ်ချုပ်၏ ၂၀၁၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက်အစီရင်ခံစာသည်မြို့တော်သူမြို့တော်သားတို့ စိတ်ဝင်စားသင့်သည့် အစီရင်ခံစာဖြစ်သည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ရန်ကုန်တိုင်းအစိုးရ၏ ဘဏ္ဍာရေးစီမံခန့်ခွဲမှုများကို ထောက်ပြထားသည့် ရန်ကုန်တိုင်းဒေသကြီးစာရင်းစစ်ချုပ်၏ ၂၀၁၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက်အစီရင်ခံစာသည်မြို့တော်သူမြို့တော်သားတို့ စိတ်ဝင်စားသင့်သည့် အစီရင်ခံစာဖြစ်သည်။

အဆိုပါအစီရင်ခံစာသည် မဲပေးရွေးချယ်ထားသည့် အစိုးရ၏ စွမ်းဆောင်ရည်ကို အနည်းနှင့် အများဆ၀ါးနိုင်ရန် အထောက် အကူပြုမည် ဖြစ်သည်။

အစီရင်ခံစာတွင် ဖော်ပြထား သည်က တိုင်းအစိုးရက ရင်းနှီး မြှုပ်နှံထားသည့် ဘတ်စ်ကားများ အရှုံးပေါ်နေခြင်း၊ နိုင်ငံပိုင်မြေနှင့် အဆောက်အအုံများ ငှားရမ်းခ နည်းနေခြင်း၊ သမ၀ါယမ ဦးစီး ဌာန၏ ပြည်သူပိုင်အခန်းများငှား ရမ်းခနည်းနေခြင်း၊ ၀င်ငွေမရ သေးဘဲ အသုံးစရိတ်များနေသည့် မြို့သစ်စီမံကိန်းများ၊ လွှတ်တော် သို့ အသိမပေးဘဲ ပုဂ္ဂလိကဘဏ် များမှ ငွေများချေးယူထားခြင်းတို့ ကို အစီရင်ခံစာက အသေးစိတ် ဖော်ပြထားသည်။

ယခုအစီရင်ခံစာသည် ဒီချုပ်အစိုးရလက်ထက်တွင် ရန်ကုန် တိုင်းဒေသကြီးအစိုးရအဖွဲ့၏ ဒုတိယမြောက်စာရင်းစစ်ချုပ်အစီ ရင်ခံစာဖြစ်သည်။ အစီရင်ခံစာ တွင် အစိုးရသစ်အကောင်အ ထည်ဖော်ထားသည့် လုပ်ငန်းများ သာမက ယခင်အစိုးရလက်ထက် က လုပ်ကိုင်ခဲ့သည့် လုပ်ငန်းများ ဟူ၍ နှစ်ပိုင်းတွေ့ရသည်။

အရှုံးပေါ်နေသည့် ဘတ်စ်ကား များနှင့် အမြတ်မရသေးသည့် မြို့ သစ်စီမံကိန်းများ

ဒီချုပ်အစိုးရတက်လာပြီး နောက် ရန်ကုန်တွင် အကြီးမား ဆုံးပြောင်းလဲမှုသည် မထသစနစ် မှ YBS စနစ်သို့ ပြောင်းလဲခြင်းဖြစ်သည်။ အပြောင်းအလဲကြီး တွင် အခက်အခဲများ၊ စိန်ခေါ်မှုများ ရှိခဲ့သော်လည်း ပြည်သူများက အ ပြောင်းအလဲသစ်ကို လက်ခံကြို ဆိုခဲ့ကြသည်။ သို့သော် ထိုပြောင်းလဲမှုက အရှုံးပေါ်နေကြောင်း စာ ရင်းစစ်ချုပ် အစီရင်ခံစာက ဆို သည်။

ရန်ကုန်ဘတ်စ်ကားအများ နှင့်သက်ဆိုင်သော ကုမ္ပဏီ (YBPC) နှင့် ရန်ကုန်မြို့ပြအများပြည်သူ သယ်ယူပို့ဆောင်ရေးအများပိုင် ကုမ္ပဏီလီမိတက် (YUPT) ၏ နှစ် ချုပ်အရှုံး၊ အမြတ်စာရင်းတွင် ဘဏ္ဍာနှစ်သုံးနှစ်အတွင်း စုစု ပေါင်းကျပ်သန်း ၄,၀၀၀ ကျော် အရှုံးပေါ်နေကြောင်း အစီရင်ခံစာ တွင် ဖော်ပြထားသည်။

YBPC သည် ၂၀၁၅-၁၆ ဘဏ္ဍာနှစ်တွင် ကျပ် ၄၉ သန်း ကျော်၊ ၂၀၁၆-၁၇ ဘဏ္ဍာနှစ် တွင် ကျပ် ၁,၀၉၂ သန်းကျော်၊ ၂၀၁၇-၁၈ ဘဏ္ဍာနှစ်တွင် ကျပ် ၂,၉၃၈ သန်းကျော်အရှုံးပေါ်ခဲ့ သည်ဟု ဖော်ပြထားသည်။ YUPTသည် ၂၀၁၆-၁၇ ဘဏ္ဍာနှစ်တွင် ကျပ် ၂၅ သန်းကျော် အမြတ်ရ သော်လည်း ၂၀၁၇-၁၈ ဘဏ္ဍာ နှစ်တွင် ကျပ် ၆၀၃ သန်းကျော် အရှုံးပေါ်ခဲ့သည်ဟု အစီရင်ခံစာ က ဆိုသည်။

‘‘အရှုံးပေါ်နေတာ အစက တည်းက ကြားနေရတာပဲလေ။ စီမံခန့်ခွဲမှုအပိုင်းတွေပေါ့။ အမြတ် တွေက လူမှုရေးအမြတ်တွေပဲရ နေတယ်တဲ့။ စာရင်းစစ်ချုပ်အစီ ရင်ခံစာကလည်း ပွင့်ပွင့်လင်း လင်းဝေဖန်သွားပြီ’’ဟု ဒဂုံမြို့နယ် တိုင်းလွှတ်တော်ကိုယ်စားလှယ် ဦးကျော်ဇေယျက ပြောသည်။

 တိုင်းအစိုးရက အဆိုပါ ကုမ္ပဏီနှစ်ခုတွင် ကျပ် ၃၅ ဘီလီ ယံစီဖြင့် စုစုပေါင်းကျပ်ဘီလီယံ ၇၀ ရင်းနှီးထားသည်။ တရုတ်နိုင်ငံထုတ် ဘတ်စ်ကားအသစ် အစီး တစ်ထောင်ကို ကျပ် ၇၇ ဘီလီယံ ဖြင့် ၀ယ်ယူရာတွင် လုံလောက်မှု မရှိသဖြင့် ဧရာဝတီဘဏ်မှ ကျပ် ရှစ်ဘီလီယံ ထပ်မံချေးငှားခဲ့ ကြောင်း အစီရင်ခံစာ၌ ဖော်ပြထားသည်။

သို့သော် စတင်ချိန်က က သောင်းကနင်းနိုင်ခဲ့သော်လည်း လက်ရှိအချိန်တွင်မူ YBS သည် ခရီးသွားပြည်သူအများစု၏ စိတ် ကျေနပ်မှု ရရှိလာပြီ ဖြစ်သည်။

ထို့အပြင် အိမ်ရာစီမံကိန်း ခြောက်ခုအတွက် ကျပ် ၅၄ ဘီလီယံ ရင်းနှီးမြှုပ်နှံထားသည့် YMD (Yangon Metropolitan Development Public Co., Ltd) သည် ၂၀၁၇ မတ်လတွင် လုပ်ငန်းမစတင်နိုင်ခြင်းကြောင့် ကျပ် ၁၁ သန်းကျော် အရှုံးပေါ်ခဲ့သည်ဟု အစီရင်ခံစာက ဆိုသည်။

သို့သော် ၂၀၁၇-၁၈ ဘဏ္ဍာနှစ်တွင် ပြင်ပစာရင်းစစ်အဖွဲ့ဖြင့် စစ်ဆေးနိုင်ခြင်း မရှိသေးသော် လည်း ကုမ္ပဏီစာရင်းများအရ ကျပ် ၂,၂၈၉ သန်းဘဏ်တိုးရခဲ့ သည်ဟု ဆိုသည်။

Yangon Metropolitan Development Public Co., Ltd. (YMD) ကို ရန်ကုန်မြို့သစ်စီမံ ကိန်းများတည်ဆောက်ရန် ဖွဲ့စည်းထားပြီး တိုင်းအစိုးရက ၅၁ ရာခိုင်နှုန်းနှင့် ပုဂ္ဂလိကက ၄၉ရာခိုင်နှုန်းဖြင့် ဖွဲ့စည်းထားခြင်း ဖြစ်သည်။

ထို့အပြင် ရန်ကုန်တိုင်းဒေသ ကြီး ကြည့်မြင့်တိုင်တစ်ဖက် ကမ်းတွင် အကောင်အထည်ဖော် မည့် ရန်ကုန်မြို့သစ်စီမံကိန်း တည်ဆောက်ရန် New Yangon Development Co., Ltd. (NYD) ကုမ္ပဏီသည် ပြင်ပစာရင်းစစ်အဖွဲ့၏ စစ်ဆေးခြင်းများမရှိသေးသော်လည်း တင်ပြသည့်စာရင်းများအရ ၂၀၁၈ ဧပြီအထိ ၀င်ငွေလုံးဝမရရှိသေးဘဲ အသုံးစရိတ်၉၂ သန်းကျော်သုံးစွဲထားကြောင်း  အစီရင်ခံစာက ဆိုသည်။ အသုံးစရိတ်အပြင် လက်ကျန်ငွေ ၁၁ သန်းကို လက်ဝယ်ကိုင်ဆောင်ထားပြီး ကျန်ငွေအချို့ကို ကမ္ဘောဇဘဏ်နှင့် ဧရာဝတီဘဏ်တွင်ခွဲအပ်ထားသည်ဟု ဆိုသည်။

စီမံကိန်းလုပ်ငန်းများသည် ကြီးမားသဖြင့် နိုင်ငံတော်ဘဏ္ဍာရန်ပုံငွေမဆုံးရှုံးစေရန် နိုင်ငံတော်ဘက်က အကာအကွယ်အစီအမံများပြုလုပ်ဆောင်ရွက်ထားရန်လိုသလို အတည်ပြုထားပြီးသည့်စီမံကိန်းများအောင်မြင်ရန် တာဝန်ရှိသူအဆင့်ဆင့်က ကြီးကြပ်ဆောင်ရွက်သင့်ကြောင်း လှိုင်မြို့နယ်လွှတ်တော်ကိုယ်စားလှယ် ဒေါ်ခိုင်မာဌေးက လွှတ်တော်တွင် အကြံပြုခဲ့သည်။

ဝန်ကြီးများစီးပွားရေးလုပ်ငန်းများတွင် အစုရှယ်ယာပါဝင်နေ

ရန်ကုန်တိုင်းအစိုးရက ထူ ထောင်ထားသည့် YMD နှင့် NYD တို့တွင် အစိုးရအဖွဲ့ကိုယ်စားအစု ရှင်များအဖွဲ့၌ ၀န်ကြီးများပါဝင်နေကြောင်း အစီရင်ခံစာက ထောက်ပြထားသည်။

အဆိုပါအများပိုင်ကုမ္ပဏီ နှစ်ခုတွင် လျှပ်စစ်၊ စက်မှုလက်မှု နှင့် လမ်းပန်းဆက်သွယ်ရေးဝန် ကြီး၊ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီးတို့ က အစိုးရအဖွဲ့ကိုယ်စားအစုရှယ် ယာရှင်အဖြစ် ပါဝင်နေသည်။

‘‘အများပိုင်ကုမ္ပဏီဖွဲ့တယ် ဆိုရင် တိုင်းဒေသကြီးအစိုးရရဲ့ ကိုယ်စားပြုအနေနဲ့ ပါဝင်မယ်ဆို ရင် ၀န်ကြီးဆိုတဲ့ Position နဲ့ ပါဝင်လို့ ရပါတယ်။ ကုမ္ပဏီ List မှာ ၀န်ကြီးဆိုတဲ့ နာမည်နဲ့ ထည့်လို့ရပါ တယ်။ အမည်နာမနဲ့ထည့်လို့မရ ဘူး။ ဘာလို့လဲဆိုတော့ ၀န်ကြီး တွေက သက်တမ်းတစ်ခုပြီးရင် နောက်ဝန်ကြီးတစ်ယောက်လာ မယ်။ ဒီကုမ္ပဏီတွေက  အများပိုင်ကုမ္ပဏီတွေနဲ့ လုပ်ထားတာဖြစ် တဲ့အတွက် နှစ်ပေါင်းများစွာကြာ မှာဖြစ်ပါတယ်။ တာဝန်ခံမယ့်သူ တွေက Position ပဲဖြစ်သင့်ပါ တယ်။ အမည်တပ်ပြီး ဒါရိုက်တာ Post နဲ့ ပြည်သူ့ဘဏ္ဍာငွေကို ကိုယ်စားပြုလို့မရပါဘူး’’ဟု ဒေါ် စန္ဒာမင်းက မီဒီယာများအား ဖြေ ကြားထားသည်။

လွှတ်တော်သို့ အသိမပေးဘဲ ငွေချးထားခြင်းနှင့် ခေါင်းစဉ်ပြောင်းသုံးခြင်း

၂၀၁၆-၁၇ ဘဏ္ဍာရေးနှစ် ၏ ဖြည့်စွက်ရန်ပုံငွေမှ တောင်းခံ ထားသော ကျပ် ၁၃၄ ဘီလီယံအနက် ရန်ကုန်မြို့သစ်တည်ဆောက်ရေးလုပ်ငန်း အကောင်အထည်ဖော်နိုင်ရန် ကျပ် ၆၄ ဘီလီယံနှင့် ခရီးသည်တင်ယာဉ်သယ်ယူပို့ဆောင်ရေးအများပိုင်ကုမ္ပဏီတွင် ရင်းနှီးမြှုပ်နှံရန် ကျပ် ၇၀ ဘီလီယံကို လွှတ်တော်က ခွင့်ပြုပေးခဲ့သည်။

အဆိုပါငွေများကို လွှတ် တော်တွင် တောင်းခံစဉ်က အစိုးရ က ရင်းနှီးမြှုပ်နှံငွေထည့်ဝင်ကာ စီးပွားရေး လုပ်ဆောင်ရန်ဟု တောင်းခံထားသော်လည်း အစီ ရင်ခံစာတွင် YMD ကုမ္ပဏီက Project များလုပ်ဆောင်ရန် သုံးထားသည်ကိုတွေ့ရကြောင်း၊ ထို့အတူ လွှတ်တော်က ခွင့်ပြုထားခြင်းမရှိသော (NYD) ကုမ္ပဏီသည် ၀င်ငွေလုံးဝ မရရှိသေးဘဲ အသုံးစရိတ်များ သုံးစွဲနေခြင်းသည် နိုင်ငံတော်ဘဏ္ဍာငွေများကို ထင်သလို သုံးစွဲထားခြင်းဖြစ်သောကြောင့် တိုင်းဒေသကြီး အစိုးရသည် ပေးအပ်ထားသော အာဏာကိုကျော်လွန်အသုံးပြုခြင်း ဖြစ်ကြောင်း ဆိပ်ကြီးခနောင်တိုမြို့နယ် လွှတ်တော်ကိုယ်စားလှယ် ဒေါ်စန္ဒာမင်းက လွှတ်တော်တွင် ဝေဖန်ခဲ့သည်။

ဒေါ်စန္ဒာမင်းသည် ရန်ကုန် တိုင်းဒေသကြီးလွှတ်တော်တွင် ဖွဲ့စည်းထားသော ကော်မတီများအ နက် ဘဏ္ဍာရေး၊ စီမံကိန်းနှင့် စီး ပွားရေးကော်မတီဥက္ကဋ္ဌလည်း ဖြစ်သည်။ ရန်ကုန်တိုင်းစာရင်းစစ်ချုပ်၏ ၂၀၁၆-၁၇ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာ နှင့်ပတ်သက်၍ အောက်တိုဘာ ၂ ရက်က တိုင်းလွှတ်တော်၌ ဆွေး နွေးစဉ် ၎င်းက အထက်ပါအတိုင်း ပြောကြားခြင်း ဖြစ်သည်။

ထို့အပြင် ဘတ်စ်ကားအစီး ရေ ၁,၀၀၀ ၀ယ်ယူရန် ကျပ် ၇၀ဘီလီယံဖြင့် မလုံလောက်သဖြင့် ဧရာဝတီဘဏ်မှ ကျပ်ရှစ်ဘီလီယံနှင့် ကျောင်းကားအစီး ၂၀၀ ၀ယ်ယူရန် ကမ္ဘောဇဘဏ်မှ ကျပ်သန်း ၅,၅၀၀ ချေးယူထားသော ကိစ္စ သည်လည်း လွှတ်တော်သို့ တင်ပြ ခဲ့ခြင်းမရှိကြောင်း ဒေါ်စန္ဒာမင်းက ဆိုသည်။

‘‘ကမ္ဘောဇဘဏ်က ချေး တယ်ဆိုတာက အစီရင်ခံစာထွက် လာမှတွေ့ရတာပါ။ ငွေတွေလို အပ်လာရင် လွှတ်တော်ကိုတင်ပြ ပြီး လွှတ်တော်အတည်ပြုချက်ရ ယူပြီးတော့မှ သုံးရပါတယ်’’ဟု ၎င်းက ပြောသည်။

တိုင်းဒေသကြီးအစိုးရသည် ခွင့်ပြုငွေမလုံလောက်၍ ထပ်မံလို အပ်သဖြင့် အခြားမှ ငွေချေးယူ မည်ဆိုပါက ဖွဲ့စည်းပုံအခြေခံ ဥပဒေပုဒ်မ ၂၃၀ အရ လွှတ်တော် သို့ တင်ပြအတည်ပြုချက် ယူရ မည်ဟု ဒေါ်စန္ဒာမင်းက ထောက် ပြသည်။

‘‘ပြန်ဆပ်မယ်ဆိုရင် အများ ပိုင်ကုမ္ပဏီရဲ့ ပုဂ္ဂလိကက ပေါင်း စပ်ထားတဲ့ ကုမ္ပဏီတွေဘက်က နေပြီးတော့ ဆပ်ချင်ရင် ဆပ်လို့ရ ပါတယ်။ ကျွန်မတို့ပေးထားတဲ့ ဘီလီယံ ၇၀ ဘက်က၊ ရင်းနှီးမြှုပ် နှံမှုဘက်က ကြွေးမြီဆပ်မယ်ဆို တာကိုတော့ ကျွန်မတို့က ခွင့်မပြု ပါဘူး’’ဟု ၎င်းက ဆိုသည်။

 ယင်း ဧရာဝတီဘဏ်နှင့် ကမ္ဘောဇဘဏ်တို့မှ ငွေကြေးအ မြောက်အမြားချေးငှားထားခြင်း သည် ဖွဲ့စည်းပုံအခြေခံဥပဒေနှင့် အညီ လွှတ်တော်သို့ တင်ပြခြင်း မရှိ၍ ဖြစ်ပေါ်လာမည့် ဆုံးရှုံးမှု အရပ်ရပ်တို့သည် လွှတ်တော်တွင်တာဝန်မရှိကြောင်း မရမ်းကုန်းမြို့ နယ် တိုင်းလွှတ်တော်အမတ် ဦး ရန်ရှင်းက ပြောသည်။

တိုင်းအစိုးရအနေဖြင့် စီမံ ကိန်းဖော်ဆောင်မည်ဖြစ်စေ၊ ချေး ငွေယူမည့်ကိစ္စဖြစ်စေ လွှတ်တော် သို့အသိပေးသင့်ပြီး လွှတ်တော်၏အတည်ပြုမှုရယူသင့်ကြောင်း ပွင့်လင်းမြန်မာ့ရှေ့ဆောင်အဖွဲ့အမှု ဆောင်ဒါရိုက်တာ ဦးအေးကျော် က ပြောသည်။

‘‘အစိုးရအဖွဲ့ပဲဖြစ်ဖြစ်၊ လွှတ်တော်ပဲဖြစ်ဖြစ် ပွင့်လင်းမြင်သာ မှုရှိစေချင်တယ်။ ဘယ်လောက် ပြည်သူကို အကျိုးရှိမယ့်စီမံကိန်း မျိုးပဲ ဖြစ်ဖြစ် တကယ့်ကို ဥပဒေ အတိုင်း လုပ်ထုံးလုပ်နည်းတွေကို မကျော်လွန်ဘဲနဲ့ လုပ်တာမျိုးပဲ ဖြစ်စေချင်တယ်။ အဲဒီလိုမဟုတ်ဘူး ဆိုရင်တော့ ပြည်သူ့အစိုးရဆိုတဲ့ ကိစ္စက ဝေဖန်ပြောဆိုစရာတွေ ဖြစ်လာလိမ့်မယ်လို့ ထင်ပါတယ်’’ ဟု ၎င်းက ပြောသည်။

ပန်းခြံနှင့် နိုင်ငံပိုင်မြေ၊ အဆောက်အအုံများငှားရမ်းခနည်းပါးနေ

ရန်ကုန်မြို့တော်စည်ပင် သာယာရေးကော်မတီက ပန်းခြံ များအတွင်း ဆိုင်ခန်း ၁,၀၀၀ ကျော်ကို ငှားရမ်းခွင့်ပြုခဲ့သော်လည်း ခေတ်ကာလပေါက်ဈေးများနှင့်အညီ ငှားရမ်းခမရရှိကြောင်း စာရင်းစစ်ချုပ်အစီရင်ခံ စာက ဆိုသည်။

ပြည်သူ့ဥယျာဉ်ရှိ မြေ ၇၆ ဧကကျော်ကို တစ်လလျှင် တစ်ပေပတ်လည် ၃၂ ကျပ်ဖြင့် ငှားရမ်း ထားကြောင်း ဖော်ပြထားသည်။ မြကျွန်းသာ အပန်းဖြေဥယျာဉ် တွင် မြေ ၄၂ ဧကကို ကုမ္ပဏီ ရှစ်ခုအား တစ်နှစ်ကျပ် ၁၀ သိန်းဖြင့် ငှားရမ်းထားပြီး ယခုအချိန်တွင် ငှား ရမ်းခကောက်ခံခြင်းမပြုဘဲ လုပ် ငန်း ရပ်ဆိုင်းထားသော်လည်း စားသောက်ဆိုင် နှစ်ဆိုင်ဖွင့်လှစ် ရောင်းချနေသည်ကို တွေ့ရ  ကြောင်း အစီရင်ခံစာက ဆိုသည်။ကရ၀ိတ်ဥယျာဉ်တွင် မြေ ၁၉ ဧကငှားရမ်းရာ တစ်ပေပတ် လည်အတွက် တစ်လလျှင် ၄၇ ကျပ်၊ ဦးဥတ္တမပန်းခြံနှင့် မြိုင် ဟေ၀န်ပန်းခြံများတွင် စားသောက်ဆိုင်များကို မြေငှားရမ်းရာတွင် တစ်ပေပတ်လည်အတွက် တစ် လလျှင် အများဆုံး ၂၀၆ ကျပ်နှင့် အနည်းဆုံး ၁၃ ကျပ်သာရှိသည် ဟု ဆိုသည်။

ပြည်သူ့ရင်ပြင်နှင့် ပြည်သူ့ ဥယျာဉ်အတွင်းရှိ မြေနေရာ၊ အ ဆောက်အအုံများငှားရမ်းခသည် ကာလပေါက်ဈေးအောက်လျော့ နည်းနေ၍ တစ်လလျှင် ကျပ်သန်း၁,၀၀၀ အထိ နစ်နာဆုံးရှုံးနေ ကြောင်း ဒဂုံမြို့နယ်လွှတ်တော် ကိုယ်စားလှယ် ဦးကျော်ဇေယျက ဆိုသည်။

‘‘ဒါတွေက နိုင်ငံ့ရဲ့ ဘဏ္ဍာ တွေဆုံးရှုံးနေပါတယ်’‘ဟု ၎င်းက ပြောသည်။

ထို့အပြင် ရန်ကုန်တိုင်းအ တွင်းရှိ ပန်းခြံများထဲမှ ကန်တော် ကြီးသဘာဝဥယျာဉ်အတွင်းရှိ စားသောက်ဆိုင် ငါးဆိုင်၊ ဦးဥတ္တမ ပန်းခြံအတွင်းရှိ စားသောက်ဆိုင် တစ်ဆိုင်နှင့် ကလေးကစားကွင်း တစ်ခု၊ မြိုင်ဟေ၀န်ပန်းခြံအတွင်း ရှိ စားသောက်ဆိုင်တစ်ဆိုင်တို့ကို ငှားရမ်းထားရာတွင်လည်း အမှန် တကယ် လုပ်ကိုင်နေသူများကို ငှားရမ်းထားခြင်း မဟုတ်ဘဲ ကျောက်တံတားမြို့နယ် မိခင်နှင့် ကလေးစောင့်ရှောက်ရေးအသင်း ခွဲမှတစ်ဆင့် ငှားရမ်းထားခြင်းဖြစ် သည်ကို တွေ့ရှိရကြောင်း ဒေါ် ခိုင်မာဌေးက ယင်းအစီရင်ခံစာအ ပေါ် ထောက်ပြသည်။

‘‘ငှားရမ်းတဲ့နေရာတွေက လည်း နေရာမယူပေမယ့် အလွန် စည်ကားတဲ့နေရာဖြစ်ပြီး ခေတ် ကာလပေါက်ဈေးနဲ့ ယှဉ်ပါက တစ် နှစ်လျှင် သန်းပေါင်း ၂၀,၀၀၀ ကျော်ခန့် လျော့နည်းနေတာ တွေ့ရပါတယ်’’ဟု ၎င်းက ပြောသည်။

ငှားရမ်းခများက ကာလ ပေါက်ဈေးထက်နည်းနေသည်ဟု အစီရင်ခံစာက ဆိုသော်လည်း အဆိုပါငှားရမ်းမှုများသည် ယခင် အစိုးရလက်ထက်တွင် စာချုပ်ချုပ်ဆိုထားသည့် စာချုပ်များပါဝင်နေ သည်။

မပြီးဆုံးသေးသည့် ဈေးများနှင့် ရန်ကုန် မီးပွိုင့်ထိန်းချုပ်ရေး စင်တာ

တာမွေမြို့နယ်၊ ရာပြည့်ဈေးတည်ဆောက်ရာတွင် ၂၀၁၇ ဇွန်လ၌ ပြီးစီးရမည် ဖြစ်သော် လည်း စစ်ဆေးချိန်အထိ ၃၀ ရာခိုင်နှုန်းသာပြီးစီးခြင်း၊ အင်းစိန်မြို့ နယ် တညင်းကုန်းဈေးသည် ၂၀၁၈ ဇွန်လတွင် ပြီးစီးရမည်ဖြစ်သော်လည်း စစ်ဆေးချိန်၌ ၆၁ ရာခိုင်နှုန်းသာပြီးစီးခြင်းနှင့် မြောက်ဥက္ကလာပရှိ သီရိရတနာလက်ကားဈေးသည် ၂၀၁၈ ဖေဖော်ဝါရီတွင် ပြီးစီးရမည်ဖြစ်သော်လည်း ၇၀ ရာခိုင်နှုန်းသာပြီးစီးသေးကြောင်း အစီရင်ခံစာ၌ ဖော်ပြထားသည်။

ထို့အပြင် ဈေးများဌာနသည် ၂၀၁၆-၁၇ ဘဏ္ဍာနှစ်အတွင်း လုပ်ငန်းစတင်နိုင်မှုမရှိသေးသည့် လုပ်ငန်း ၁၇ ခုအတွက် ကျပ် ၇၄၈ သန်းကို ပြန်လည်အပ်နှံခြင်းမရှိ ဘဲ ဘဏ္ဍာရေးနှစ်လွန်အသုံးစ ရိတ်အဖြစ် စာရင်းတင်ထား ကြောင်း ဖော်ပြထားသည်။

ရန်ကုန်မြို့တော်စည်ပင် သာယာရေးကော်မတီဈေးများ ဌာနတွင် ဒဂုံမြို့သစ်အရှေ့ပိုင်း အမှတ် (၂) ဈေး၏ လုပ်ငန်း ခြောက်ခု၊ မြောက်ဥက္ကလာပမြို့ နယ် အမှတ် (၂) ဈေး၏ လုပ်ငန်း ခြောက်ခုနှင့် အလုံဈေးအကြီးစား ပြင်ဆင်မှုအတွက် လုပ်ငန်းငါးခု၌ ကျပ် ၇၄၈ သန်းကျော်သည် လုပ်ငန်းဆောင်ရွက်ထားမှုမရှိဘဲ ထုတ်ယူပေးချေထားသည်ကို လေ့လာ တွေ့ရှိရကြောင်း အစီရင်ခံစာကို ဆွေးနွေးရာတွင် ဦးသန်းနိုင်ဦးက ပြောသည်။

ထို့အပြင် တိုင်းအစိုးရသည် ရန်ကုန်ကမ်းနားလမ်း ညဈေးနှင့် ပတ်သက်၍ ကျပ်သိန်း ၁၈,၀၀၀ သုံးစွဲထားသည်။ ဖွင့်ခါစက ဆိုင်ခန်း ၁,၆၀၀ ကျော်ရှိပြီး လက်ရှိတွင် ရောင်းချနေသည့် ဆိုင်အရေအတွက် ၂၀၀ ခန့်သာရှိတော့သည်။

‘‘အစိုးရအနေနဲ့ ငွေကြေး များသုံးစွဲရာမှာ မိမိရဲ့ ချွေးနှဲစာလို့ သဘောထားပြီး စိစစ်သုံးစွဲသင့်ပါတယ်’’ဟု  ဦးရန်ရှင်းက လွှတ်တော်တွင်ပြောသည်။

ရန်ကုန်မြို့တော်ယာဉ်ကြောပိတ်ဆို့မှုရှင်းလင်းရန် ခေတ်မီမီး အချက်ပြစနစ်တပ်ဆင်ခြင်းနှင့် ထိန်းချုပ်ရေးစင်တာသည် သတ် မှတ်ရက်အတွင်း လုပ်ငန်းမပြီးစီး သဖြင့် ယနေ့အချိန်အထိ ဒဏ် ကြေးကျပ် ၂၁ သန်းရရှိထားပြီး ဖြစ်သော်လည်း ဒဏ်ကြေးဆက် လက်ပေးဆောင်ခြင်းမရှိကြောင်း အစီရင်ခံစာတွင် ဖော်ပြထား သည်။

ရန်ကုန်မြို့ယာဉ်ကြောပိတ် ဆို့မှုရှင်းလင်းရန် ၂၀၁၅-၁၆ ဘဏ္ဍာနှစ်တွင် မြန်မာရွှေယင်း ကုမ္ပဏီနှင့် တရုတ် CRCC ကုမ္ပဏီတို့က စာချုပ်ချုပ်ဆိုခဲ့သည်။

‘‘ဒါတွေဟာ အရင်အစိုးရ လက်ထက်က စာချုပ်ချုပ်ခဲ့တာ မှန်ပါတယ်။ အခု ကျွန်တော်တို့ တာဝန်ယူတဲ့အခါ တာဝန်ယူမှု၊ တာဝန်ခံမှုရှိရမယ်’’ဟု ဦးကျော် ဇေယျက ပြောသည်။

ထိုစနစ်သည် ယခင်အစိုးရ နှင့် ချုပ်ဆိုသော စာချုပ်အရ ၂၀၁၆ သြဂုတ်တွင် ပြီးစီးရမည်ဖြစ်သော် လည်း ၂၀၁၈ အထိ မပြီးစီးသေး ပေ။ သတ်မှတ်ရက်အတွင်း မပြီး စီးပါက တစ်ရက်လျှင် ကျပ် ၁၀၀,၀၀၀ ဒဏ်ကြေးပေးဆောင်ရမည်ဖြစ်သော်လည်း ရက်ပေါင်း ၂၁၀ အတွက် ကျပ်သိန်း ၂၁၀ သာရရှိသေးသည်ဟု ဆိုသည်။

‘‘ဒီစင်တာကြီးပြီးရင် တရား ဥပဒေစိုးမိုးမှု၊ ယာဉ်ကြောကျပ် တည်းမှုတွေ ဖြေလျှော့နိုင်တယ်။ ဒါတွေ လုပ်ဖို့လိုပါတယ်။ တကယ့်လက်တွေ့မှာတော့ မပြီးသေးပါ ဘူး’’ဟု ဦးကျော်ဇေယျက ဆို သည်။

သမ၀ါယမဦးစီးဌာနအောက်ရှိ ပြည်သူပိုင်အခန်းငှားရမ်းခများ နစ်နာနေ

သမ၀ါယမဦးစီးဌာနက စီမံ ခန့်ခွဲနေသော ပြည်သူပိုင်အခန်း များငှားရမ်းရရှိငွေသည် ကာလ ပေါက်ဈေးနှင့် နှိုင်းယှဉ်ပါက တစ် နှစ်လျှင် ကျပ်သန်း ၅၀၀ ကျော်နစ် နာကြောင်း ရန်ကုန်တိုင်းဒေသ ကြီး စာရင်းစစ်ချုပ်၏ အစီရင်ခံစာတွင် ဖော်ပြသည်။

လက်ရှိသမ၀ါယမဦးစီးဌာန က ငှားရမ်းထားသော ပြည်သူပိုင် အခန်း ၃၄ ခန်းရှိ၍ ပုဂ္ဂလိကနှင့် သမ၀ါယမအသင်းများသို့ ငှားရမ်း ထားပြီး ခန့်မှန်းကာလပေါက်ဈေး နှင့် နှိုင်းယှဉ်စိစစ်ရာ လစဉ်ကျပ် ၄၄ သန်း၊ တစ်နှစ်လျှင် ကျပ်သန်း ၅၀၀ ကျော်နစ်နာနေကြောင်း အစီရင်ခံစာက ဆိုသည်။ သမ၀ါ ယမဦးစီးဌာနက စီမံခန့်ခွဲနေသောပြည်သူပိုင်အခန်း ၁၁၆ ခန်းရှိသည့်အနက် လက်ရှိအသုံးပြုနေသည့် အခန်း ၃၄ ခန်း၊ သော့ပိတ်ထား  သည့် ၆၉ ခန်းနှင့် အန္တရာယ်ရှိအ ဆောက်အအုံအဖြစ် သတ်မှတ် ထားသော အခန်း ၁၃ ခန်းရှိ ကြောင်း အစီရင်ခံစာတွင် ဖော်ပြ သည်။‘‘နိုင်ငံတော်ရဲ့ အဆောက် အအုံတွေကို ဈေးပေါပေါနဲ့တော့ ငှားတာတော့ မဟုတ်ဘူး။ ဒါက မူဝါဒပေါ့နော်။ တစ်နေရာနဲ့ တစ် နေရာမတူဘူးပေါ့။ ဒါပေမဲ့ နိုင်ငံ တော်က သတ်မှတ်ထားတဲ့ ဈေး နှုန်းအတိုင်းလုပ်တာ။ ဒါပေမဲ့ သူ က သတ်မှတ်ထားတဲ့ဈေးနှုန်းကို လျှော့ပြီးတော့ ငှားတာလည်း မ ဟုတ်ဘူး။ သတ်မှတ်ထားတဲ့ ဈေး နှုန်းအတိုင်းငှားတယ်။ ငှားပြီး တော့ ပြင်ပပုဂ္ဂလိကကို သူတို့ရဲ့ နှုန်းနဲ့ ပြန်ငှားတယ်’’ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဆိပ်ကမ်း မြို့နယ်လွှတ်တော် ကိုယ်စားလှယ် ဦးစံကျော်က ပြောသည်။

အခွန်ဌာနမှ အောင်မင်္ဂလာ အဝေးပြေးဝင်းရှိ ခရီးသည်တင် ဆိုက်ရောက်ရပ်နားနေရာကို ဌာနက ဆောင်ရွက်နိုင်သည့်အနေအထားရှိသော်လည်း ကုမ္ပဏီတစ်ခုနှင့် အကျိုးတူဆောင်ရွက်ပြီး ၂၀၁၆ သြဂုတ်မှ ၂၀၁၇ သြဂုတ်အထိ တစ်နေ့လျှင် ကျပ် ၈၈,၀၀၀ကျော်သာရရှိခဲ့သည်။ သို့သော် ၂၀၁၅-၁၆ ဘဏ္ဍာနှစ် ၀င်ငွေစံ နှုန်း နှစ်ကြိမ်ကောက်ခံမှုအရ တစ်နေ့လျှင် ကျပ် လေးသိန်း ကောက်ခံရရှိသဖြင့် ကုမ္ပဏီအားအခွင့်အလမ်းပိုမိုပေးရန် ဆောင်ရွက်ထားသည်ကို တွေ့ရှိရကြောင်း အစီရင်ခံစာက ဆိုသည်။

 အဆိုပါနေရာ ငှားရမ်းခကောက်ခံခြင်းတွင် ကန်ထရိုက်က တစ်နှစ်လျှင် ကျပ် ၁၁၃ သန်းကျော်ရရှိနေပြီး ဌာနက ကျပ် ၃၁ သန်းကျော်သာရရှိသဖြင့် သက်ဆိုင်ရာက ပြန်လည်သုံးသပ်ရန်လိုအပ်ကြောင်း  မင်္ဂလာတောင်ညွန့်မြို့နယ်လွှတ်တော်ကိုယ်စားလှယ် ဦးလှဌေးက ပြောသည်။

လွှတ်တော်တွင် မှတ်တမ်းတင်

စာရင်းစစ်ချုပ်အစီရင်ခံစာ ကို ပြည်သူ့ငွေစာရင်းကော်မတီ အပါအ၀င် လွှတ်တော်ကိုယ်စား လှယ် ၂၆ ဦးက သုံးရက်ကြာဝေဖန်ဆွေးနွေးခဲ့ပြီးနောက် လွှတ်တော် က ကန့်ကွက်သူမရှိ မှတ်တမ်းတင် ခဲ့သည်။

ရန်ကုန်တိုင်း အစိုးရက ရန်ကုန်မြို့သစ်စီမံကိန်းဆောင် ရွက်ရန် YMD ကုမ္ပဏီတွင် ကျပ် ၅၄ ဘီလီယံ၊ NYD ကုမ္ပဏီတွင် ကျပ် ၁၀ ဘီလီယံ၊ ရန်ကုန်ဘတ်စ်ကားအများနှင့် သက်ဆိုင်သော ကုမ္ပဏီ (YBPC) တွင် ကျပ် ၃၅ ဘီလီယံနှင့် ရန်ကုန်မြို့ပြအများ ပြည်သူသယ်ယူပို့ဆောင်ရေးအ များနှင့် သက်ဆိုင်သောကုမ္ပဏီ (YUPT) တွင် ကျပ် ၃၅ ဘီလီယံ ဖြင့် စုစုပေါင်းကျပ် ၁၃၄ ဘီလီယံ ရင်းနှီးလုပ်ကိုင်နေခြင်းနှင့် ပတ်သက်၍ ရန်ကုန်တိုင်းစာရင်းစစ်ချုပ် ဒေါ်ခင်သန်းလှက ပြန်လည်ရှင်းပြသည်။

အဆိုပါလုပ်ငန်းများနှင့် ပတ်သက်၍ ပြည်ထောင်စုစာရင်းစစ် ချုပ်ဥပဒေနှင့် အညီ တာဝန်ပေး အပ်လာပါက အသေးစိတ်စစ် ဆေးပေးနိုင်မည်ဟု ၎င်းက ပြော သည်။သို့သော်အစိုးရက ဧရာဝတီဘဏ်နှင့် ကမ္ဘောဇဘဏ်တို့မှ ကျပ် ၁၃ ဘီလီယံကျော်ကို လွှတ် တော်သို့ တင်ပြခြင်းမရှိဘဲ ချေးယူထားသည့်ကိစ္စနှင့် ပတ်သက်၍မူ စာရင်းစစ်ချုပ်က တစ်စုံတစ်ရာ ပြောကြားခြင်းမရှိပေ။ ရန်ကုန်မြို့ တော်ဘဏ်၏ လုပ်ငန်းနှင့် စာရင်းများနှင့်ပတ်သက်၍ ဗဟိုဘဏ်၏ သဘောတူညီချက်ဖြင့် ပြင်ပစာ ရင်းစစ်အဖွဲ့ငှားရမ်းကာ နှစ်စဉ်စစ်ဆေးမှုခံယူနေကြောင်း စာရင်းစစ်ချုပ်က ပြောသည်။

ထို့အပြင် နိုင်ငံပိုင်မြေနေရာ၊ အဆောက်အအုံ၊ အပန်းဖြေနေ ရာငှားရမ်းခများ၊ သမ၀ါယမဦးစီး ဌာနအောက်ရှိ ပြည်သူပိုင်အခန်း ငှားရမ်းခများ၊ နိုင်ငံပိုင်မြေနှင့် အ ဆောက်အအုံများ၏ ငှားရမ်းခ များစသည့် လွှတ်တော်ကိုယ်စား လှယ်များ၏ ဝေဖန်ထောက်ပြ ဆွေးနွေးမှုများအပေါ် တိုင်းစာရင်းစစ်ချုပ်က ထည့်သွင်းဖြေကြား ခြင်းမရှိပေ။

ကိုယ်စားလှယ်များက အဆို ပါအစီရင်ခံစာနှင့်ပတ်သက်၍ ၀န်ကြီးဌာနအသီးသီးက ပြန်လည်သုံး သပ်ဖြေကြားပေးရန် မျှော်လင့်နေ သည်။

အဆိုပါအစီရင်ခံစာနှင့်ပတ် သက်၍ ‘‘ဒီအစီရင်ခံစာနဲ့ပတ် သက်ပြီး အစိုးရအပေါ်မှာ သက် ရောက်လာနိုင်တာမျိုးတွေရှိတာ ပေါ့။ အရေးကြီးတာက ကိုယ်စားလှယ်တွေ ဆွေးနွေးပြီးသွားတဲ့ အချိန်မှာ တိုင်းအစိုးရအနေနဲ့ ပြန် လည်ရှင်းလင်းဆွေးနွေးတာမျိုး တွေရှိမယ်’’ဟု ပွင့်လင်းမြန်မာ့ရှေ့ ဆောင်အဖွဲ့အမှုဆောင်ဒါရိုက် တာ ဦးအေးကျော်က သုံးသပ် သည်။ ‘‘ဒီအစီရင်ခံစာက နိုင်ငံ တော်ရဲ့ ကြီးမားတဲ့ ဆုံးရှုံးမှုတွေ ကို စာရင်းစစ်ချုပ်အစီရင်ခံစာမှာ ဖော်ပြထားတာဖြစ်တဲ့အတွက် စာရင်းစစ်ချုပ်ရဲ့ တာဝန်ကျေမှုကို အထိုက်အလျောက်သိနိုင်တယ်။ ဘာလို့အထိုက်အလျောက်လို့ ပြောရရင် တချို့နေရာတွေမှာ စာရင်းစစ်ချုပ်အနေနဲ့ ဒီထက်ပိုပြီး စစ်ရမယ့်နေရာတွေရှိသေးတယ်။ အခုစစ်ထားတာတွေက အစိုးရ အဖွဲ့ရဲ့ ခွင့်ပြုချက်ရတာတွေကိုပဲ စစ်ရတာဖြစ်တဲ့အတွက်ကြောင့် တချို့ကိစ္စတွေကို မစစ်နိုင်တာရှိ တယ်’’ဟု ရန်ကုန်တိုင်းလွှတ် တော် ကိုယ်စားလှယ်ဟောင်း ဒေါက်တာညိုညိုသင်းက ပြောသည်။

‘‘ပြည်သူလူထုကလည်း စိတ်ဝင်တစားရှိကြတာပေါ့။ အစိုးရ က ဘာပြန်ပြောမလဲပေါ့။ ကျွန် တော်ထင်ပါတယ်။ ဒါကို ရှင်းလင်းချက်ကို အစိုးရအနေနဲ့သော်လည်းကောင်း၊ ဒါမှမဟုတ် YRTA အနေ နဲ့သော်လည်းကောင်း ပြည်သူကို ပြန်ပြီးသတင်းစာရှင်းလင်းပွဲလုပ် မယ်ထင်တယ်။ လုပ်ပေးရလိမ့် မယ်။ မလုပ်ပေးလို့မရဘူး။ သူတို့ ဒါကို ပြန်ရှင်းရလိမ့်မယ်’’ဟု ဦး ကျော်ဇေယျက ဆိုသည်။

အစီရင်ခံစာထုံးစံအရစာရင်းစစ်ချုပ်တင်သည့် အစီရင်ခံစာကို ကိုယ်စားလှယ်များက လိုအပ်သည် တို့ကို ဆွေးနွေးကြကြောင်း၊ အစိုးရက ပြန်ဖြေလေ့မရှိကြောင်း၊ လွှတ်တော်တွင် မှတ်တမ်းအဖြစ်ထား ရှိပြီး ဆွေးနွေးချက်များကို အစိုးရ က အာရုံစိုက်၍ ပြုပြင်ပြောင်းလဲမှုများ လုပ်ဆောင်သင့်ကြောင်းဦးလှဌေးက ပြောသည်။

‘‘ကိုယ်စားလှယ်တွေက တော့ တိုင်းပြည်ရဲ့ ဘဏ္ဍာတွေဆုံး ရှုံးနေမှုတွေကိုပဲ အဓိကထောက် ပြတယ်။ အစီရင်ခံစာအရဆိုရင် တိုင်းပြည်ရဲ့ ဘဏ္ဍာတွေဆုံးရှုံးမှု တွေက တအားများပြီးတော့ တိုင်း ပြည်အတွက် နစ်နာနေတယ်။ ဒါ တွေကို လွှတ်တော်ကိုယ်စား လှယ်တွေကနေ ထောက်ပြခဲ့ပြီး ပြီ။ အဓိကလုပ်ရမှာက အစိုးရ ဘက်ကတာဝန်ရှိတဲ့ ဌာနတွေက အဲဒီလိုလျော့နည်းဆုံးရှုံးနေတဲ့ တိုင်းပြည်ဘဏ္ဍာငွေတွေကို အ ပြည့်အ၀ပြန်ရအောင် ဘယ်လို လုပ်ရမလဲ၊ ဘယ်လိုစွမ်းဆောင် မလဲဆိုတဲ့ နည်းလမ်းမျိုးတွေနဲ့ ဆောင်ရွက်ဖို့လိုတယ်’’ဟု ၎င်းက ပြောသည်။

ယခင်နှစ်က စာရင်းစစ်ချုပ် အစီရင်ခံစာကို ဆွေးနွေးထောက် ပြခဲ့ပြီးနောက် ယခင်နှစ်က တစ် စတုရန်းပေလျှင် ၈၈ ပြားဖြင့် ငှား ရမ်းထားသည်တို့ကို ၃၂ ကျပ်၊ ကျပ် ၅၀ ဖြင့်ရအောင် အစိုးရက ကြိုးပမ်းထားသည်ကို တွေ့ရ ကြောင်း ကျောက်တံတားမြို့နယ် လွှတ်တော်ကိုယ်စားလှယ် ဒေါ် ကြည်ပြာက ရှုမြင်သည်။

‘‘လက်ရှိအစိုးရသည် အစိုးရ သစ်က အစိုးရဟောင်းရဲ့ ဆိုးမွေ၊ ကောင်းမွေကို လက်ခံရတယ်။ ဘာပဲဖြစ်ဖြစ် ဒီဟာတွေကို အ ကောင်းဆုံးဖြစ်အောင် ဘယ်လို ပြန်လုပ်မလဲ။ အကြွေးတွေရရှိ အောင် ဘယ်လိုလုပ်မလဲ။

နောက်ပြီး စည်ပင်ကော်မတီဆိုရင် အရှုံးပေါ်နေတဲ့ဌာနတွေ၊ ဈေးတွေ၊ ဈေးကောက်မရတာတွေ စသည်ဖြင့် ဒါမျိုးတွေကို တိုက် တိုက်တွန်းတွန်းလုပ်သွားရမယ်’’ ဟု ၎င်းက ဆိုသည်။

လက်ရှိအစိုးရဖော်ဆောင် သည့် လုပ်ငန်းများ၏ အဆင်မပြေမှုများကိုလည်း စနစ်တကျပြန် လည်သုံးသပ်သင့်ကြောင်း ဒေါ် ကြည်ပြာက ဆိုသည်။

‘‘ဒီဟာတွေနဲ့ ပတ်သက်ပြီး အစိုးရက တစ်ချိန်ချိန်မှာ ပြန်ပြီး ရှင်းလင်းနိုင်မယ်လို့ မျှော်လင့်ပါ တယ်’’ဟု ၎င်းက မျှော်လင့်သည်။

အဆိုပါစာရင်းစစ်ချုပ်အစီ ရင်ခံစာအပေါ် အားရကျေနပ်ပြီး ၂၀၁၇-၁၈ အစီရင်ခံစာထွက် လာပါက ယခုထက်ပိုပြီးကောင်း သည့်အစီရင်ခံစာဖြစ်ရန် မျှော် လင့်နေကြသည်။

၂၀၁၆-၁၇ အစီရင်ခံစာထက်၂၀၁၇-၁၈ အစီရင်ခံစာတွင်ဘဏ္ဍာငွေဆုံးရှုံးမှုမည်မျှ လျော့နည်းလာနိုင်ကြောင်းစောင့် ကြည့်ရမည် ဖြစ်သည်။

လာမည့်အစီရင်ခံစာနှင့် ပတ်သက်၍ ဒေါ်ကြည်ပြာက ‘‘ယခင်အစိုးရအဆက်ဆက်က လုပ်ခဲ့တဲ့အမှားတွေကို ပြန်လည် ပြုပြင်နိုင်ပြီးတော့ ဒီချုပ်အစိုးရ လက်ထက်မှာလည်း အမှားအ ယွင်းကင်းတဲ့ အစီရင်ခံစာတွေကို မျှော်လင့်ပါတယ်’’ဟု ဆိုသည်။

‘‘စာရင်းစစ်ချုပ်အစီရင်ခံစာ နဲ့ပတ်သက်ပြီး မီဒီယာတွေ ဖုန်း ဆက်ဗျူးရင် YBS တို့၊ မအောင် မြင်တဲ့ ကမ်းနားညဈေးအကြောင်းတို့မေးပြီး လက်ရှိအစိုးရကို ဘယ်လိုအကြံပေးချင်သလဲပေါ့။ ဒါလည်း  မေးသင့်တာမှန်ပါတယ်။ ဒါပေမဲ့ ထူးဆန်းတာက အစိုးရအကူးအ ပြောင်းကာလမှာ ၄၂ နေရာမြေ ဂရန်ထုတ်ပေးခဲ့တဲ့ကိစ္စမျိုး၊ လူတစ်ဦးတည်းကို ဧက ၅၀၀ တို့၄၀၀ တို့၊ ထုတ်ပေးပြီး သတ်မှတ်ဈေးနှုန်း ၁ စတုရန်း ၉၀၀ ကျပ်ကို ၂၀ ကျပ်နဲ့ ထုတ်ပေးခဲ့လို့ နိုင်ငံတော်က သန်းပေါင်း ၂၁,၀၀၀ ကျော် နစ်နာသွားတဲ့ကိစ္စမျိုး၊ ၂၀၁၅-၁၆ မှာ ဒဂုံဆိပ်ကမ်းစက်မှုဥယျာဉ် တည်ထောင်ဖို့ ကုမ္ပဏီတစ်ခုကို ဂရန်ဝန်ဆောင်ခကင်းလွတ်ခွင့်ပြုပြီး နှစ် ၆၀ မြေငှားဂရန်ထုတ်ပေး လိုက်လို့ နိုင်ငံတော်က ၂ ဒသမ၅ ဘီလီယံနာသွားတာမျိုး၊ စည်ပင်ယာအုံနဲ့ အကျိုးတူ ပူးပေါင်းထားတဲ့ ဆောက်လုပ်ရေးတွေ (စပယ်ဖြူတို့၊ မင်္ဂလာတောင်ညွန့် အဆင့်မြင့်အိမ်ရာတို့၊ For-tune Plaza တို့ပေါ့)ခုထိသန်းပေါင်း ၂၈,၀၀၀ ကျော်အစိုးရမှာ ကြွေးကျန်ဖြစ်နေတဲ့ကိစ္စမျိုး စတဲ့ကိစ္စမျိုးတွေမှာ လက်ရှိအစိုးရဘယ်လိုဆက်ကိုင်တွယ်မယ်ဆိုတာမျိုးကျ မမေးကြဘူး။

 နိုင်ငံတော်ဘဏ္ဍာတွေဖြစ် ချင်တိုင်းဖြစ်ခဲ့တဲ့ အရင်ကာလက အကြောင်းတွေဟာ စိတ်ဝင်စား စရာမကောင်းတော့ဘူးလား။ လက်ရှိအစိုးရကိုပဲ ပိုစိတ်ဝင်စား တယ်ထင်ပါရဲ့’’ဟု ဒေါ်ကြည်ပြာ က သူ၏ လူမှုကွန်ရက်စာမျက်နှာ တွင် အောက်တိုဘာ ၇ ရက်က ရေးသားခဲ့သည်။  ။

=======================
251 / End


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

Arba'een
Mourining of Imam Hossein
We are All Zakzaky