ရခိုင်ကိစ္စ လွတ်လပ်သော စုံစမ်းစစ်ဆေးရေး ကော်မရှင်တွင် နိုင်ငံတကာမှ ပုဂ္ဂိုလ်တစ်ဦးပါဝင်မည့်အပေါ် ပြည်ခိုင်ဖြိုးအမတ် အရေးကြီးအဆိုတင်

ရခိုင်ကိစ္စ လွတ်လပ်သော စုံစမ်းစစ်ဆေးရေး ကော်မရှင်တွင် နိုင်ငံတကာမှ ပုဂ္ဂိုလ်တစ်ဦးပါဝင်မည့်အပေါ် ပြည်ခိုင်ဖြိုးအမတ် အရေးကြီးအဆိုတင်



နေပြည်တော်၊ ဇွန်လ၆ရက် ။ ။ နိုင်ငံတော်အစိုးရအနေဖြင့် ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေး ကော်မရှင်တစ်ရပ်ကိုဖွဲ့စည်းရာတွင် နိုင်ငံတကာမှ ပုဂ္ဂိုလ်ကြီး တစ်ဦးအပါအ၀င် အဖွဲ့ဝင် (၃)ဦးဖြင့် ဖွဲ့စည်းသွားရန် ရှိသည့်အပေါ် ပြည်ခိုင်ဖြိုးပါတီမှ မိုင်းပန်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးစိုင်းကျော်မိုးက အရေးအကြီးအဆိုတစ်ရပ် တင်သွင်းခဲ့သည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


နေပြည်တော်၊ ဇွန်လ၆ရက် ။                    ။ နိုင်ငံတော်အစိုးရအနေဖြင့် ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေး ကော်မရှင်တစ်ရပ်ကိုဖွဲ့စည်းရာတွင် နိုင်ငံတကာမှ ပုဂ္ဂိုလ်ကြီး တစ်ဦးအပါအ၀င် အဖွဲ့ဝင် (၃)ဦးဖြင့် ဖွဲ့စည်းသွားရန် ရှိသည့်အပေါ် ပြည်ခိုင်ဖြိုးပါတီမှ မိုင်းပန်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးစိုင်းကျော်မိုးက အရေးအကြီးအဆိုတစ်ရပ် တင်သွင်းခဲ့သည်။

ရခိုင်ပြည်နယ်အတွင်းဖြစ်ပွားခဲ့သော အကြမ်းဖက် ဖြစ်စဉ်များနှင့် ပတ်သက်ပြီး  ဖြစ်စဉ်များ မဖြစ်မီ အခြေအနေ၊ ပကတိဖြစ်စဉ်များ၊ နောက်ဆက်တွဲ ကိစ္စရပ်များ နှင့်သက်ဆိုင်သော ကိစ္စရပ်များကို ပြည်ထောင်စု အစိုးရနှင့် တပ်မတော်ပိုင်းဆိုင်ရာတို့မှ တရားဝင်စုံစမ်းစစ်ဆေးကာ သတင်းထုတ်ပြန်ထားပြီးဖြစ်သောကြောင့် ယခုကဲ့သို့ ပြည်ပမှ အမိန့်ပေးစေခိုင်းမှုကို မလိုအပ်ကြောင်း ၄င်းက အစည်းအဝေးတွင်း ပြောခဲ့သည်။

“နိုင်ငံတကာမှ ပုဂ္ဂိုလ်များ ပါဝင်သော အဖွဲ့ဖြင့် စုံစမ်းစစ်ဆေးမှုကို ခံယူရပါက ပြည်တွင်းကိစ္စရပ် သမိုင်းကြောင်း  မြေပြင်အနေအထား ယဉ်ကျေးမှုနောက်ခံ နဲ့ ခံစားချက်  ဒေသတွင်းနေထိုင်သူများရဲ့ Communuty Right၊ National Identityတို့ကို မသိနိုင်ပဲ  လူ့အခွင့်အရေးနဲ့ Humantarian Intervention လူသားခြင်းစာနာမှုခေါင်းစဉ်ကို သုံးသပ်ခဲ့ကြလို့ မြေပြင်အနေအထားအမှန်နဲ့ ကွဲလွဲနေမှုကြောင့် ယနေ့တိုင်ဖြေရှင်းနေရတာကို တွေ့ရှိနေကြရပါတယ်" ဟု ၄င်းက ပြောသည်။

ယနေ့ ဇွန်လ(၆)ရက်နေ့က ကျင်းပပြုလုပ်ခဲ့သည့် ဒုတိယအကြိမ် ပြည်သူ့လွှတ်တော် အဋ္ဌမပုံမှန် အစည်းအဝေး၏ ၁၂ရက်မြောက်နေ့ အစည်း အဝေးအတွင်းတွင် “နိုင်ငံတော် အစိုးရအနေဖြင့် ရခိုင်ပြည်နယ် အတွက်လွတ်လပ်တဲ့ စုံစမ်းစစ်ဆေးရေး ကော်မရှင်တစ်ရပ်ကို နိုင်ငံတကာမှ ပုဂ္ဂိုလ်ကြီး တစ်ဦးအပါအ၀င်  အဖွဲ့ဝင်(၃)ဦးဖြင့် ဖွဲ့စည်းခြင်းနှင့် စပ်လျဉ်း၍ UNSC ကိုယ်စားလှယ် အဖွဲ့၏ အကြံပြုချက်မှာ ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်း၊  နည်းလမ်း(၂)သွယ်ပါရှိရာ  ဖွဲ့စည်းမည်ဆိုပါက လွတ်လပ်သော  နိုင်ငံတော်ရဲ့ အချုပ်ခြာအာဏာနဲ့  နိုင်ငံသားပြည်သူများ၏ ဂုဏ်သိက္ခာကို လေးစားယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စု အစိုးရအား တိုက်တွန်းကြောင်း” ဆိုသည့် အထက်ပါ အဆိုတစ်ရပ်ကို ၄င်းက တင်သွင်းခဲ့ခြင်းဖြစ်သည်။

နိုင်ငံတော်သမ္မတရုံးမှ မေလ၃၁ရက်နေ့က အဆိုပါ လွတ်လပ်သော စုံစမ်းစစ်ဆေးမှု ကော်မရှင်ကို ဖွဲ့စည်းရန် ဆုံးဖြတ်ပြီးဖြစ်ကြောင်း သတင်းထုတ်ပြန်ချက်ထဲတွင်  ရခိုင်ပြည်နယ်ဆိုင်ရာ အကြံပြုချက်များအကောင်အထည်ဖော်ရေး ကော်မတီ၏ ကြားဖြတ်အကြံပြုချက်များကို ထည့်သွင်းစဉ်းစားဆုံးဖြတ်ထားပြီး ၄င်းအဖွဲ့သည် အာဆာ အကြမ်းဖက် အဖွဲ့၏ အကြမ်းဖက်တိုက်ခိုက်ပြီးနောက် လူ့အခွင့်အရေး ချိုးဖောက်မှုများ၊ ယင်းနှင့် ဆက်နွယ်သည့် ကိစ္စများကို စုံစမ်းစစ်ဆေးသွားမည်ဟု ဖော်ပြပါရှိသည့် အပေါ် ပြည်ခိုင်ဖြိုးပါတီ၊  မင်းကင်းမဲဆန္ဒနယ်မှ ပြည်သူ့လွှတ်တေ်ာကိုယ်စားလှယ်ဦးမောင်မြင့်က ပြောဆိုခဲ့သည်။

ဦးမောင်မြင့်က “စုံစမ်းရမယ့် Scope အင်မတန်ကျဉ်းနေတယ်။ ARSAတွေရဲ့ တိုက်ခိုက်မှု သတ်ဖြတ်မှုတွေကို ကန့်လန့်ကာနဲ့ ကာထားပေးသလိုဖြစ်နေတယ်။ လူ့အခွင့်အရေးချိုးဖောက်မှုတွေ ဖြစ်ခဲ့ဦးတော့  အဲ့တာဘာကြောင့်ဖြစ်တာလဲ ဆိုရင်တော့ ARSAရဲ့ တိုက်ခိုက်မှုကို တပ်ဖွဲ့တွေက  Rule Engagement အရ ဆောင်ရွက်ခဲ့ခြင်းသာ ဖြစ်ပါတယ်။ လူ၁၀၀ကျော်သတ်ခဲ့တဲ့  ARSA ရဲ့ရက်စက်ကြမ်းကြုတ်မှုကို လူ့အခွင့်အရေး ကန့်လန့်ကာ နဲ့ ဖုံးကွယ်ဖျောက်ဖျက်ပြီးတော့ မိမိတပ်ဖွဲ့ဝင်တွေကို ဦးတည်စစ်ဆေးချင်တယ်ဆိုရင်  တရားမျှတမှု မရှိပါဘူး။ ကျောသား ရင်သားမခွဲခြားပဲ မျှမျှတတဖြစ်အောင် The Whole Picture ကိုပဲ စုံစမ်း စစ်ဆေးသင့်တယ်”ဟု အဆိုကို ထောက်ခံဆွေးနွေးရင်း ပြောဆိုခဲ့သည်။

UNSC Statement ထဲတွင်  ရခိုင်အရေးကို စုံးစမ်းရာ၌ ပွင့်လင်းမြင်သာမှု ရှိစေရန်သာ တိုက်တွန်းထားပြီး နိုင်ငံတကာမှ ပုဂ္ဂိုလ်များ၊ ဥပဒေပညာရှင်များကို ပါဝင်ရန် တိုက်တွန်းထားခြင်းမရှိသည့်အတွက် အဆိုပါ ကော်မရှင်ကို ပြည်တွင်းမှ ပညာရှင်များဖြင့်သာ လုပ်ဆောင်ရန် အစိုးရ၏ ဆုံးဖြတ်ချက်ကို စဉ်းစားသင့်ကြောင်း ဦးမောင်မြင့်က ပြောကြားခဲ့သည်။

ARSA (အာဆာ)အကြမ်းဖက်အဖွဲ့၏ တိုက်ခိုက်မှုနောက်ပိုင်းတွင် ရခိုင်ပြည်နယ်အတွင်း ဖြစ်ပွားခဲ့သည့် လူ့အခွင့်အရေးချိုးဖောက်မှုများနှင့်ပတ်သက်ဆက်နွယ်သည့်ကိစ္စရပ်များအား စုံစမ်းစစ်ဆေးရန် လွတ်လပ်သည့် စုံစမ်းစစ်ဆေးရေးကော်မရှင်တစ်ခုအား ဖွဲ့စည်းသွားမည်ဟု ပြည်ထောင်စုမြန်မာနိုင်ငံတော် သမ္မတရုံးက ပြီးခဲ့သည့် မေလ ၃၁ ရက်နေ့တွင် ကြေညာချက်ထုတ်ပြန်ခဲ့ခြင်းဖြစ်သည်။

ပြီးခဲ့သည့် ဇွန်လ ၁ ရက်နေ့ ကလည်း ကော်မရှင်ဖွဲ့စည်းမည့်အပေါ် ပြည်ခိုင်ဖြိုးပါတီမှ ကန့်ကွက်စာထုတ်ပြန်ခဲ့သေးသည်။

ကော်မရှင်ကို အမျိုးသားအစီအစဉ်တစ်ရပ်အနေဖြင့် မြန်မာအစိုးရမှ ဖွဲ့စည်းသွားမှာဖြစ်ပြီး ကော်မရှင်၌ နိုင်ငံတကာမှ ပုဂ္ဂိုလ်ကြီးတစ်ဦးအပါအဝင် အဖွဲ့ဝင်(၃)ဦးပါဝင်မည်ဖြစ်ကာ ယင်းကော်မရှင်ကို ပြည်တွင်းနှင့် နိုင်ငံတကာမှ ဥပဒေနှင့် နည်းပညာကျွမ်းကျင်သူများက ပံ့ပိုးပေးမည်ဟု သတင်းထုတ်ပြန်ထားသည်။

=======================
251 / End


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

Quds cartoon 2018
We are All Zakzaky