ခြေဥပြင်ဆင်နိုင်မှသာ အသွင်ကူးပြောင်းရေး အာမခံနိုင်မည်ဟု အတိုင်ပင်ခံရုံးဝန်ကြီးပြော

ခြေဥပြင်ဆင်နိုင်မှသာ အသွင်ကူးပြောင်းရေး အာမခံနိုင်မည်ဟု အတိုင်ပင်ခံရုံးဝန်ကြီးပြော

၂၀၀၈ ဖွဲ့စည်းပုံအခြေခံဥပဒေကို ဆွေးနွေးညှိနှိုင်း၍ ပြင်ဆင်နိုင်မှသာ အသွင်ကူးပြောင်းရေး အာမခံနိုင်မည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီး ဦးကျော်တင့်ဆွေက ယမန်နေ့တွင် ပြည်ထောင်စုလွှတ်တော်၌ ပြောကြားသည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


၂၀၀၈ ဖွဲ့စည်းပုံအခြေခံဥပဒေကို ဆွေးနွေးညှိနှိုင်း၍ ပြင်ဆင်နိုင်မှသာ အသွင်ကူးပြောင်းရေး အာမခံနိုင်မည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီး ဦးကျော်တင့်ဆွေက ယမန်နေ့တွင် ပြည်ထောင်စုလွှတ်တော်၌ ပြောကြားသည်။

ဦးကျော်တင့်ဆွေသည် အစိုးရ၏ ကဏ္ဍစုံတွင် ကြိုးပမ်းဆောင် ရွက်ချက်များနှင့်ပတ်သက်၍ လက်ရှိအစိုးရသက်တမ်း ၂ နှစ်ကျော် အတွင်း ပြည်ထောင်စုလွှတ်တော်၌ ပထမဆုံးအကြိမ်ရှင်းလင်းပြောကြား စဉ် ယင်းသို့ပြောကြားခြင်းဖြစ်သည်။

‘‘၂၀၀၈ ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး ကျွန်တော်တို့ အစိုးရမျှော်မှန်းထားတဲ့အတိုင်း တစ်ဆင့်ပြီးတစ်ဆင့် ပြင်ဆင်နိုင် မှသာလျှင် အသွင်ကူးပြောင်းရေးကို အာမခံနိုင်မှာ ဖြစ်ပါတယ်။ အလားတူ တိုင်းရင်းသားလူမျိုးစုတွေ အကြားမှာလည်း လွတ်လပ်မှု၊ တန်းတူညီမျှမှုနဲ့ အပြန်အလှန် လေးစားမှုတို့ကို တည်ဆောက်နိုင်မှသာ ဒီမိုကရေစီဖက်ဒရယ်ပြည်ထောင်စု တည်ဆောက်ရေးကို အကောင်အထည်ဖော်နိုင်မှာ ဖြစ်ပါတယ်’’ဟု ၎င်းကဆိုသည်။

နိုင်ငံတော်အစိုးရသည် နိုင်ငံသားအားလုံးက တန်ဖိုးထားသော ပြည်ထောင်စု တည်ဆောက်ရေး ကို ဆောင်ရွက်နေကြောင်းနှင့် တစ်ဖက်တွင် ဒီမိုကရေစီအသွင် ကူးပြောင်းရေးဟူသော စိန်ခေါ်မှု ကြီးကို ကျော်လွှားရန်ရှိကြောင်း အတိုင်ပင်ခံရုံးဝန်ကြီးက လွှတ် တော်၌ ပြောသည်။

ဒီမိုကရေစီဖက်ဒရယ် ပန်းတိုင်ပျောက်လို့မဖြစ်
လက်ရှိအစိုးရက မျှော်မှန်း ထားသော ဒီမိုကရေစီစံနှုန်းများ ရောက်ရှိရေး၊ ဖက်ဒရယ်ပြည် ထောင်စုကြီး တည်ဆောက်နိုင် ရေးတို့အတွက် အချိန်အပိုင်းအ ခြားဖြင့် အဆင့်လိုက် ရှေ့ဆက်ရ မည်ဖြစ်ကြောင်းနှင့် အခက်အခဲ များ၊ စိန်ခေါ်မှုများ ရှိနေသော် လည်း ဘုံရည်မှန်းချက်ဖြစ်သည့် ဒီမိုကရေစီဖက်ဒရယ်ပြည်ထောင် စု ပန်းတိုင်ပျောက်ပျက်၍မရ ကြောင်း ဦးကျော်တင့်ဆွေကပြောကြားသည်။

‘‘တိုင်းရင်းသားတွေ အစဉ် တစိုက်တောင်းဆိုခဲ့ကြတဲ့ ဒီမိုက ရေစီနဲ့ ဖက်ဒရယ်ပြည်ထောင်စုကို ဦးတည်ပြီး ခိုင်ခိုင်မာမာ အကောင်အထည်ဖော်သွားမယ်ဆို တာကိုလည်း နိုင်ငံတော်အစိုးရ က အကြိမ်ကြိမ်ပြောခဲ့ပြီး ဖြစ်ပါတယ်’’ဟု ၎င်းကဆိုသည်။

 ဒီမိုကရေစီဖက်ဒရယ်ပြည် ထောင်စုကြီး တည်ဆောက်ရေး အခြေခံအုတ်မြစ်ဖြစ်သည့် ဖွဲ့ စည်းပုံအခြေခံဥပဒေပြင်ဆင်ရေး ကို ဦးတည်ချက် ခိုင်ခိုင်မာမာထား ၍ ဆက်လက်အကောင်အထည် ဖော် ကြိုးပမ်းဆောင်ရွက်မည်ဖြစ် ကြောင်း ဦးကျော်တင့်ဆွေက ရှင်းလင်းပြောကြားသည်။

နိုင်ငံတော်အစိုးရက လက်ရှိ ကြိုးပမ်းနေသည့် ငြိမ်းချမ်းရေး လုပ်ငန်းစဉ်၏ အဓိကရည်မှန်း ချက်ပန်းတိုင်သည် အနာဂတ် ဒီမိုကရေစီဖက်ဒရယ် ပြည်ထောင်စု တည်ဆောက်ရေး နိုင်ငံရေး သဘောတူညီချက်များ ရရှိရန်၊ ပြည်ထောင်စု သဘောတူစာချုပ် ခိုင်ခိုင်မာမာချုပ်ဆိုပြီး အစဉ်အ ဆက် ဆက်လက်အကောင်အ ထည်ဖော်နိုင်ရန်ဖြစ်ကြောင်း ၎င်း က ဆက်လက်ပြောကြားသည်။

‘‘ဒီလိုကြိုးပမ်းရာမှာ နိုင်ငံ ရေး ဆွေးနွေးပွဲတွေကတစ်ဆင့် ဘုံသဘောတူလက်ခံတဲ့ အခြေခံ မူတွေ ထွက်ပေါ်လာအောင် ဆောင်ရွက်နေတာ ဖြစ်ပါတယ်’’

ငြိမ်းချမ်းရေးလုပ်ငန်းစဉ် အောင် မြင်ရန် တပ်မတော်က အရေးပါ
လက်ရှိ ကြိုးပမ်းဖော်ဆောင် နေသည့် ငြိမ်းချမ်းရေးလုပ်ငန်းစဉ် အောင်မြင်ရန် တပ်မတော်၏ အ ခန်းကဏ္ဍသည် အရေးပါကြောင်း အတိုင်ပင်ခံရုံးဝန်ကြီးက ထည့် သွင်းပြောကြားသည်။

‘‘အားလုံး ဟန်ချက်ညီတဲ့ ငြိမ်းချမ်းရေးဖြစ်စဉ်တစ်ခု ခိုင်ခိုင် မာမာဖြစ်လာအောင် ကြိုးပမ်းရာ မှာ စိန်ခေါ်မှုတွေ အများကြီးကို ကျော်ဖြတ်ရပါတယ်’’ဟု ၎င်းက ပြောသည်။

ငြိမ်းချမ်းရေးလုပ်ငန်းစဉ်ကို ဗဟိုပြု၍ အမျိုးသားပြန်လည်သင့် မြတ်ရေး ရယူနိုင်မည်ဆိုပါက မြန်မာနိုင်ငံ၏ ဒီမိုကရေစီအသွင် ကူးပြောင်းရေးနှင့် ပြည်ထောင်စု တည်ဆောက်ရေးကို တည်တည် ငြိမ်ငြိမ်၊ ခိုင်ခိုင်မာမာ၊ အောင် အောင်မြင်မြင်ဖြင့် ဖော်ဆောင် နိုင်မည်ဖြစ်ကြောင်း ဦးကျော်တင့် ဆွေက လွှတ်တော်၌ပြောသည်။

နိုင်ငံရေးသဘောတူညီချက် များ ထွက်ပေါ်လာနိုင်ရန် ပြည် ထောင်စု ငြိမ်းချမ်းရေးညီလာခံ ၂၁ ရာစု ပင်လုံအစည်းအဝေးသုံးကြိမ်ကျင်းပခဲ့ပြီး နိုင်ငံတော် သဘောတူညီချက် ၅၁ ချက် ရရှိ ထားသည်။

၂၁ ရာစု ပင်လုံ ဒုတိယအ စည်းအဝေး၌ ခွဲမထွက်ရေးဆို သည့်အချက်နှင့် တိုက်ရိုက်ဆက် စပ်နေသော ကိုယ်ပိုင်ပြဋ္ဌာန်းခွင့်၊ ပြည်နယ်များ၏ ကိုယ်ပိုင်အခြေခံ ဥပဒေရေးဆွဲရေး စသည့်ကိစ္စရပ် များနှင့်ပတ်သက်၍ သဘောတူ ပြီးမှ ချန်လှပ်ခဲ့ရကြောင်း ဦးကျော်တင့်ဆွေက ပြောသည်။

‘‘ခွဲမထွက်ရေးက အရေးကြီး သလို ခွဲမထွက်ချင်တဲ့၊ ခွဲထွက်စ ရာမလိုတဲ့ ပြည်ထောင်စုကြီးဖြစ် လာအောင် အားလုံးလက်တွဲပူး ပေါင်းပြီး အကောင်အထည်ဖော် ဖို့ကလည်း အင်မတန်အရေးကြီး ပါတယ်’’

အသွင်ကူးပြောင်းရေး ကာလတွင် မီးထတောက်သည့် ရခိုင် အရေး
ရခိုင်ပြည်နယ် အရေးကိစ္စ သည် အစိုးရအဆက်ဆက် ဖြေ ရှင်းနိုင်ရန် ကြိုးပမ်းသော်လည်း လွန်ခဲ့သည့် နှစ် ၇၀ ကျော်က တည်းက မီးခဲပြာဖုံးအဖြစ်နှင့် တငွေ့ငွေ့ လောင်မြိုက်နေခဲ့ခြင်း ဖြစ်ကြောင်း ဦးကျော်တင့်ဆွေက ပြည်ထောင်စုလွှတ်တော်၌ ပြော သည်။

‘‘ဒီမီးကြွင်းမီးကျန်ကို မငြှိမ်း သတ်၊ မဖြေရှင်းနိုင်ခဲ့တာကြောင့် ဒီမိုကရေစီအသွင်ကူးပြောင်းရေး ကာလမှာ မီးထတောက်တဲ့အခါ ကျွန်တော်တို့ အစိုးရအနေနဲ့ ဖြေ ရှင်းနေရတာဖြစ်ပါတယ်’’ဟု ၎င်း ကဆိုသည်။

 အစိုးရသည် နိုင်ငံတော် တည်ငြိမ်ရေး၊ ငြိမ်းချမ်းရေးနှင့် ဒီ မိုကရေစီ ဖက်ဒရယ်ပြည်ထောင် စု တည်ဆောက်ရေးတို့ကို ဆောင်ရွက်နေချိန်တွင် စိန်ခေါ်မှုများရှိနေကြောင်း အတိုင်ပင်ခံရုံးဝန်ကြီးက ဝန်ခံပြောကြားသည်။

ရခိုင်ပြည်နယ် အရေးကိစ္စ ကိုင်တွယ်ဖြေရှင်းရာတွင် မတူကွဲ ပြားမှုများအကြား ငြိမ်းချမ်းစွာ အတူယှဉ်တွဲ နေထိုင်နိုင်ရေးဖြင့် အကောင်အထည်ဖော်မည် ဖြစ် သော်လည်း အဆိုပါပဋိပက္ခများ၊ တင်းမာမှုများ ဖြစ်ပွားစဉ်တွင် ရှိခဲ့ သည့် ရှုမြင်ချက်အဟောင်း၊ အယူအဆအဟောင်းများဖြင့် ဖြေ ရှင်းနိုင်မည် မဟုတ်ကြောင်း ဦးကျော်တင့်ဆွေကပြောသည်။

‘‘တရားမျှတမှုမရှိတဲ့ စိန်ခေါ် မှုများ၊ တစ်ဖက်သတ်ဖိအားပေး စိန်ခေါ်မှုများကို ပြည်သူရဲ့ ညီ ညွတ်မှုအင်အားနဲ့ စုပေါင်းရင် ဆိုင် ကျော်လွှားသွားမှာ ဖြစ်ပါ တယ်’’

ရခိုင်ပြည်နယ် အရေးသည် အလွန်သိမ်မွေ့နက်နဲပြီး အစိုးရ သည် နိုင်ငံတော်၏ ရှေ့ရေးကို မျှော်မှန်းကာ လုပ်သင့်လုပ်ထိုက် သည်များကို ခက်ခဲစွာ ကြိုးပမ်း ဆောင်ရွက်နေရချိန်တွင် နား လည်မှု၊ ယုံကြည်မှုအပြည့်ဖြင့် ထောက်ခံအားပေးသည့် ပြည်သူ များအား ကျေးဇူးတင်ကြောင်း ဦးကျော်တင့်ဆွေက ဆက်လက် ပြောသည်။

ဒီချုပ်အစိုးရ ဆောင်ရွက်ချက်များ
မိနစ် ၅၀ ကြာမြင့်သည့် အတိုင်ပင်ခံရုံးဝန်ကြီး၏ ရှင်းလင်းပြောကြားချက်တွင် လက်ရှိအစိုးရ ဆောင်ရွက်ချက်များ၊ တိုးတက်လာသည့် ကိန်းဂဏန်းများ ကို မိနစ် ၂၀ ခန့် အချိန်ယူပြော ကြားသည်။

‘‘နိုင်ငံတော်အစိုးရ ကြိုးပမ်း ဆောင်ရွက်နေတဲ့ နိုင်ငံတော် တည်ဆောက်ရေးမှာ ဒီမိုကရေစီ တန်ဖိုးအရ၊ လူ့အခွင့်အရေးစံနှုန်း အရ လိုက်လျောညီထွေ မဖြစ် တော့တဲ့ ဥပဒေများအား ပြင်ဆင် ခြင်း၊ ပယ်ဖျက်ခြင်းတွေကိုလည်း စဉ်ဆက်မပြတ် ဆောင်ရွက်နေပါ တယ်’’ဟု ဦးကျော်တင့်ဆွေက ဆိုသည်။

ဒီချုပ်အစိုးရ ရည်မှန်းထား သည့် တရားဥပဒေစိုးမိုးရေး ဖော် ဆောင်ရာတွင် ဥပဒေ၊ နည်းဥပဒေလုပ်ထုံးလုပ်နည်း၊ စည်းမျဉ်းစည်း ကမ်းများ၊ တရားရေးဆိုင်ရာ အဖွဲ့အစည်းများ၊ လုံခြုံရေးဆိုင်ရာ အဖွဲ့အစည်းများ၊ တရားရေးဝန် ထမ်းများနှင့် လုံခြုံရေးဝန်ထမ်း များ၊ အုပ်ချုပ်ရေးယန္တရားများကို ပြုပြင်ပြောင်းလဲရန်၊ အရည်အချင်းမြှင့်တင်ရန် ကြိုးပမ်းဆောင် ရွက်နေသည်ဟု ၎င်းက ဆက် လက်ပြောသည်။

ထို့အပြင် အတိုင်ပင်ခံရုံးဝန် ကြီးသည် အစိုးရက ဆောင်ရွက် နေသည့် ပညာရေး၊ အလုပ်အ ကိုင်အခွင့်အလမ်းရရှိရေး၊ ကျန်း မာရေး၊ အခြေခံအဆောက်အအုံ တည်ဆောက်ရေး၊ လမ်းတံတား နှင့် လျှပ်စစ်မီးရရှိရေး၊ အဂတိနှင့် မူးယစ်ဆေးဝါး တိုက်ဖျက်ရေး စသည့် ကဏ္ဍများ၊ တိုးတက်မှု ကိန်းဂဏန်းများကို လွှတ်တော်၌ ရှင်းလင်းသည်။

ဝန်ကြီးရှင်းလင်းမှုအပေါ် သုံးသပ်ချက်များ
နိုင်ငံတော်၏ အခြေအနေ အရပ်ရပ်အပေါ် ပြည်ထောင်စု လွှတ်တော်သို့ နိုင်ငံတော်၏ အ တိုင်ပင်ခံပုဂ္ဂိုလ် ဒေါ်အောင်ဆန်း စုကြည် လာရောက်ရှင်းလင်းမည် ဟု အစောပိုင်းတွင် သတင်းထွက် ခဲ့သော်လည်း ယမန်နေ့တွင် အ တိုင်ပင်ခံရုံးဝန်ကြီး ဦးကျော်တင့် ဆွေကသာ လာရောက်ရှင်းလင်း ပြောကြားသည်။

အတိုင်ပင်ခံရုံးဝန်ကြီး ရှင်းလင်းပြောကြားချက်သည် အချိန်ကြာ၍ စိတ်ဝင်စားဖွယ်မကောင်းကြောင်းနှင့် ခေါင်းစဉ်နှင့် လွဲချော်နေကြောင်း အတိုက်အခံပါတီ ပြည်ခိုင်ဖြိုးအမတ်တစ်ဦးနှင့် ရခိုင်အမျိုးသားပါတီ အမတ်တစ်ဦးက ဝေဖန်သည်။

‘‘တင်ပြမှုအပေါ် သိပ် မကြိုက်ဘူး။ တဲ့ပြောစေချင် တယ်။ ဘယ်လိုဆောင်ရွက်ဖို့ရှိ တယ်၊ ဘယ်လိုပူးပေါင်းစေချင် တယ်၊ ဘယ်လိုဖြေရှင်းမယ် ဒါ တွေ ပြောစေချင်တယ်။ လက်ရှိ ဖြစ်နေတဲ့ ကုန်ဈေးနှုန်းကြီးမြင့် တာ၊ ဒေါ်လာဈေးတက်တာ၊ ပြည်သူတွေအပေါ် ရိုက်ခတ်မှုရှိတယ် ဆိုတာ မပြောဘဲ ဝန်ကြီးဌာန ပြောကြားရမယ့် အချက်တွေကို သူ (ဦးကျော်တင့်ဆွေ)က ပြော သွားတာ’’ဟု မြေပုံအမတ် ဦးဖေ သန်းက ပြောသည်။

ကဏ္ဍအလိုက် ခွဲခြားကာ သီးခြားစီ သေချာခွဲခြားရှင်းလင်း တင်ပြသင့်ကြောင်းနှင့် တင်ပြပုံ မကောင်းသဖြင့် ကိုယ်စားလှယ် များ စိတ်ဝင်စားမှုမရှိကြောင်း ပြည်ခိုင်ဖြိုးပါတီမှ ကျောင်းကုန်း အမတ် ဦးသိန်းထွန်းက သုံးသပ် သည်။

နိုင်ငံတော်အစိုးရက ပြည် ထောင်စုလွှတ်တော်သို့ လာ ရောက်ရှင်းလင်းခြင်းသည် ပြည် သူလူထုကို ရှင်းပြခြင်းဖြစ်၍ ဒီမိုကရေစီ၏ အနှစ်သာရဖြစ်ကြောင်း နှင့် ကြိုဆိုကြောင်း ဒီချုပ်အမတ် ဦးအောင်ကြည်ညွန့်က မှတ်ချက် ပြုသည်။

‘‘ဒီလို လာပြီးဆောင်ရွက်တဲ့ အလေ့အထရဲ့ အနှစ်သာရကို တော့ အင်မတန်လေးစားတယ်။ ဘာဖြစ်လို့လဲဆိုတော့ အစိုးရများ ဟာ ကိုယ်လုပ်ချင်သလိုလုပ်ပြီး ပြည်သူတွေကို ဘာမှမတင်ပြဘဲ ထားမယ့်အစား အခုလိုဆောင် ရွက်နေတဲ့ အခြေအနေကို ပြည် သူတွေကို အလေးထားတဲ့အနေ နဲ့ လွှတ်တော်ကြီးကိုလာပြီး ရှင်း လင်းတင်ပြတယ်ဆိုတဲ့ အစဉ်အ လာကို ပြုစုပျိုးထောင်တာ အင်မတန်လေးစားဖို့ ကောင်းတယ်’’ ဟု ၎င်းကဆိုသည်။

ယင်းကဲ့သို့ ပြည်ထောင်စု လွှတ်တော်သို့ လာရောက်ရှင်း လင်းခြင်းသည် အစိုးရအနေဖြင့် ၎င်းတို့၏ ဆောင်ရွက်ချက်များ တိုးတက်မှုရှိကြောင်း ပြောရန်လို အပ်လာပြီဟု ယူဆပုံရကြောင်း နှင့် အရေးပေါ်အကြောင်းရင်း တစ်ခုခုရှိပုံရကြောင်း မြန်မာ့နိုင်ငံ ရေး လေ့လာစောင့်ကြည့်သူ ဦးသီဟသွေးက သုံးသပ်သည်။

‘‘ကိန်းဂဏန်းတွေက ပြည် သူလူထုအတွက် အားမဖြစ်ဘူး။ မျက်မြင်ကိုယ်တွေ့မြင်ရတဲ့ ရလဒ်တွေပြနိုင်ရင် ပိုကောင်းတာပေါ့’’ ဟု ၎င်းကဆိုသည်။

ထို့အပြင် ဒီချုပ်အစိုးရသည် ၂၀၀၈ ဖွဲ့စည်းပုံပြင်ဆင်ရေးကို စ၍အသံပြုသည်ဟု ယူဆ ကြောင်းနှင့် ခြေဥပြင်ဆင်ရေးကို ၂၁ ရာစု ပင်လုံညီလာခံနှင့် ချိတ် ဆက်ထား၍ ပြင်ဆင်ရေးဖြစ်လာပါ့မလားဟူသည်ကို စိုးရိမ် ကြောင်း ဦးသီဟသွေးက မှတ် ချက်ပြုသည်။

မြန်မာကျပ်ငွေကျဆင်းမှု ပြည် တွင်းစီးပွားရေး အားနည်းချက်နှင့် ဆက်စပ်
လက်ရှိတွင် ကန်ဒေါ်လာ ဈေး အလွန်ခိုင်မာလာပြီး ကျပ်ငွေ တန်ဖိုးကျဆင်းနေသည့် အခြေအနေကို ထည့်သွင်းပြောကြားပြီး ငွေ လဲလှယ်နှုန်းအပေါ် လွှမ်းမိုးထားသည့် အဓိကအချက်များသည် ကုန်သွယ်မှုလိုငွေ၊ အတိုးနှုန်း၊ ငွေဖောင်းပွမှုနှုန်းနှင့် တိုင်းပြည်၏စီးပွားရေး အလားအလာတို့ဖြစ် ကြောင်း ဦးကျော်တင့်ဆွေကပြောသည်။

‘‘မြန်မာကျပ်ငွေတန်ဖိုး ကျ ဆင်းခဲ့ခြင်းကို လေ့လာကြည့်ရင် ပြင်ပသက်ရောက်မှုက စတင်ခဲ့ ပေမယ့် ပြည်တွင်းအခြေအနေ မှာ စီးပွားရေးအခြေအနေမညီမျှ မှု ပြဿနာများနှင့် စီးပွားရေးနဲ့ ပတ်သက်သည့် အခြေခံအားနည်း ချက် (weak economic funda-mentals)တွေ ရှိနေတယ်လို့ ဆို နိုင်ပါတယ်’’ဟု ၎င်းကဆိုသည်။

ကုန်သွယ်မှု လိုငွေသည် ၂၀၁၇-၁၈ ဘဏ္ဍာနှစ်တွင် လျော့နည်းပြီး ကန်ဒေါ်လာ ၃ ဒသမ ၈ ဘီလီယံရှိကြောင်းနှင့် ၂၀၁၆-၁၇ဘဏ္ဍာနှစ်တွင် ကုန်သွယ်မှုလိုငွေ ကန်ဒေါ်လာ ၅ ဒသမ ၂ ဘီလီယံ၊ ၂၀၁၅-၁၆ ဘဏ္ဍာနှစ်တွင် ကန် ဒေါ်လာ ၅ ဒသမ ၄ ဘီလီယံ ရှိခဲ့ကြောင်း ဦးကျော်တင့်ဆွေက လွှတ်တော်၌ ပြောသည်။

 ထို့အပြင် မြန်မာနိုင်ငံ၏ ရာသီအလိုက် နိုင်ငံခြားငွေလိုအပ် ချက်သည် ပြောင်းလဲမှုရှိသည်ကို တွေ့ရကြောင်းနှင့် ဇူလိုင်မှ ဒီဇင် ဘာအထိ နိုင်ငံခြားငွေလိုအပ် ချက်မြင့်မားသည့် ကာလဖြစ် သည်ကို တွေ့နိုင်ကြောင်း ဆက် ပြောသည်။

‘‘ကုန်သွယ်မှုလိုငွေ လျှော့ချ နိုင်ဖို့နဲ့ ပြည်တွင်းစီးပွားရေး ဖွဲ့ စည်းတည်ဆောက်မှု မှန်ကန်ခိုင် မာပြီးသက်ရောက်မှု အမျိုးမျိုးကို ခံနိုင်ရည်ရှိစေဖို့ နိုင်ငံတော်အစိုးရ အနေနဲ့ ပုဂ္ဂလိကကဏ္ဍက သက် ဆိုင်သူတွေနဲ့ ထိတွေ့ပြီး ပြုပြင် ပြောင်းလဲမှုတွေ ဆောင်ရွက်နေ ကြောင်း ပြောကြားလိုပါတယ်’’

=======================
251 / End


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

We are All Zakzaky