အစ္စလာမ်၏ စစ်မှန်သည့်သွန်သင်မှုများကို ပြန့်နှံ့စေမည့် ဒိန်းမတ်မှ အမျိုးသမီး ဗလီဝတ်ကျောင်းတော်

  • News Code : 775300
  • Source : M-Media
Brief

ဒိန်းမတ်နိုင်ငံ မြို့တော် ကိုပင်ဟေဂင်ရှိ ‘မာရီယမ် ဗလီဝတ်ကျောင်းတော်’ မှ အာဇန်သံ (၀တ်ပြုရန် ဖိတ်ခေါ်သံ) တစ်ခုထွက်ပေါ်လာခဲ့ပြီး အမျိုးသမီးတစ်ဦးက ဟစ်ကြွေးသည့် ထိုအာဇန်သံမှာ သမိုင်းဝင်အာဇန်သံ ဖြစ်လေသည်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



ဒိန်းမတ်နိုင်ငံ မြို့တော် ကိုပင်ဟေဂင်ရှိ ‘မာရီယမ် ဗလီဝတ်ကျောင်းတော်’ မှ အာဇန်သံ (၀တ်ပြုရန် ဖိတ်ခေါ်သံ) တစ်ခုထွက်ပေါ်လာခဲ့ပြီး အမျိုးသမီးတစ်ဦးက ဟစ်ကြွေးသည့် ထိုအာဇန်သံမှာ သမိုင်းဝင်အာဇန်သံ ဖြစ်လေသည်။

ထိုဗလီဝတ်ကျောင်းတော်မှာ ဒိန်းမတ်နိုင်ငံ၏ ပထမဆုံး အမျိုးသမီး ဦးဆောင်ဝတ်ပြုသည့် ဗလီဝတ်ကျောင်းတော်ဖြစ်ပြီး တရုတ်နိုင်ငံအပြင်ဘက်တွင် အမျိုးသမီးက ဦးဆောင်ဝတ်ပြုသည့် လက်တစ်ဆုတ်စာ ဗလီဝတ်ကျောင်းတော်များအနက်မှ တစ်ခုလည်း ဖြစ်သည်။

ရှာရင် ခန်ကန်နှင့် ဆာလေဟာ မာရီ ဖာတာဟုခေါ်သည့် ရှေ့ဆောင်အီမာမ်နှစ်ဦးက ဦးဆောင်သည့် ဗလီဝတ်ကျောင်းတော်၏ ယခုတစ်ပတ် သောကြာနေ့ဝတ်ပြုမှု အစီအစဉ်သို့ အမျိုးသမီး ၆၀ ကျော် လာရောက်ခဲ့လေသည်။

ဝတ်ပြုမှုကို အမျိုးသမီးများက ဦးဆောင်မှုမှာ ၁၉ ရာစုတွင် တရုတ်နိုင်ငံ၌ ပထမဆုံး ပေါ်ထွက်လာခဲ့ပြီး ၁၉၉၅ ခုနှစ်တွင် တောင်အာဖရိကသို့ ရောက်ရှိခဲ့ကာ၊ အမေရိကန်နိုင်ငံ၏ ပထမဆုံး အမျိုးသမီးဦးဆောင်သော ဗလီဝတ်ကျောင်းတော်ကို လော့စ်အိန်ဂျလိစ်မြို့တွင် ပြီးခဲ့သည့်နှစ်က ဖွင့်လှစ်ခဲ့သည်။

သောကြာနေ့ ခွသ်ဗာတရားဒေသနာကို မာရီ ဖာတာက မိန့်ကြားပြီး ခေါင်းစဉ်က ‘ခေတ်သစ်ကမ္ဘာရှိ အစ္စလာမ်နှင့် အမျိုးသမီး’ ဖြစ်သည်။

ဗလီဝတ်ကျောင်းတော်အတွင်း ကုရ်အာန်ကျမ်းတော်မြတ်မှ ပါဒတော်များကို ရေးထိုးထားသော စာပန်းချီ ကားချပ်များ၊ ပန်းများ၊ မီးတိုင်များဖြင့် အလှဆင်ထားပြီး ဖွင့်ပွဲအခမ်းအနားကို ၀တ်ပြုမှုမတိုင်ခင် ပြုလုပ်ခဲ့သည်။ အာဇန်ဟစ်ကြွေးသူက ခန်ကန်ဖြစ်ပြီး ဖွင့်ပွဲအမှာစကားကိုလည်း ၎င်းကပင် ပြောကြားခဲ့သည်။

တရားဒေသနာဟောကြာပြီးနောက် ၀တ်ပြုဆုတောင်းမှုများ ပြုလုပ်ခဲ့ကြလေသည်။ ဖွင့်ပွဲအခမ်းအနားသို့ အခြားလူ့အဖွဲ့အစည်းများမှ အမျိုးသမီးများကိုလည်း ဖိတ်ကြားခဲ့ပြီး ၎င်းတို့မှာ အစ္စလာမ်ဘာသာဝင်အမျိုးသမီးများ၏ ၀တ်ပြုဆုတောင်းမှုတွင် ပါဝင်ခဲ့ကာ ဦးညွှတ်ခြင်း၊ ဦးချခြင်း၊ ဆိတ်ငြိမ်စွာ ထိုင်ခြင်း စသည်တို့ကို လိုက်လံ လုပ်ဆောင်ခဲ့မှုက ထူးခြားသည့်မြင်ကွင်းတစ်ခုလည်း ဖြစ်ခဲ့သည်။

အစ္စလာမ်သာသနာက သတ်မှတ်ထားသည့် ဗလီဝတ်ကျောင်းတော်ဆိုသည်မှာ အမျိုးသမီး၊ အမျိုးသား လာရောက်ဝတ်ပြုရာနေရာတင်မကဘဲ ပညာဆည်းပူးရာ၊ လူမှုရေးလုပ်ငန်းများဆောင်ရွက်ရာ စင်တာမျိုးဖြစ်သည်။

မွတ်စလင်အများစုရှိရာ နိုင်ငံများရှိ ဗလီဝတ်ကျောင်းတော်များတွင် အမျိုးသမီးများအတွက် သီးသန့်နေရာများ သတ်မှတ်ပေးထားသော်လည်း လူနည်းစုအဖြစ်နေထိုင်ရသည့် နိုင်ငံများတွင် နေရာအခက်အခဲရှိသဖြင့် ထိုကဲ့သို့ မစီစဉ်ပေးနိုင်မှုကြောင့် အမျိုးသမီးများအနေဖြင့် မိမိတို့၏ နေအိမ်တွင်သာ ၀တ်ပြုကြရန် အစ္စလာမ့်ဓမ္မပညာရှင်များက ညွှန်ကြားထားလေသည်။

ကိုပင်ဟေဂင်မှ ယခု မာရီယမ် ဗလီဝတ်ကျောင်းတော်တွင် ဖေဖော်ဝါရီလကတည်းက ၀တ်ပြုမှုများကို စတင်လုပ်ဆောင်ခဲ့သော်လည်း ၆ လကြာပြီးနောက် ယခုတစ်ပတ် သောကြာနေ့တွင်မှ တရားဝင်ဖွင့်လှစ်ခဲ့ခြင်းဖြစ်သည်။

“ကျွန်မတို့ သင်ယူလေ့နေဆဲအဆင့်သာ ရှိပါသေးတယ်။ ကျွန်မတို့ အခုမှ ခြေလှမ်းတစ်လှမ်း လှမ်းလိုက်တာဖြစ်ပြီး ခရီးအရှည်ကြီး နှင်ရအုံးမှာပါ” ဟု ခန်ကန်က ပြောကြားခဲ့သည်။

အဆိုပါဗလီဝတ်ကျောင်းတော်တွင် မင်္ဂလာပွဲများကိုလည်း ကျင်းပပေးပြီး ပြီးခဲ့သည့်လများအတွင်း လက်ထပ်ပွဲ ၅ ခုကို စီစဉ်ပေးခဲ့ပြီး ဖြစ်လေသည်။

ရည်ရွယ်ချက်

ခန်ကန်ကတော့ မိမိတို့ ဗလီဝတ်ကျောင်းတော်၏ အဓိကရည်ရွယ်ချက်များမှ တစ်ခုမှာ ဘာသာရေးအသင်းအဖွဲ့များတွင် မဟာဖိုဝါဒ ကြီးစိုးနေမှုကို ရင်ဆိုင်ရန်ဖြစ်သည်ဟု ဆိုသည်။

“အစ္စလာမ်မှာ မဟာဖိုဝါဒ ကြီးစိုးတာမျိုး ဖြစ်နေတယ်။ ခရစ်ယာန်ကက်သလစ်နဲ့ ဂျူးဘာသာမှာလည်း အမျိုးသမီးတွေဟာ တန်းတူ ဆက်ဆံခြင်း မခံရပါဘူး”
ထို့ပြင် အစ္စလာမ်ကြောက်ရောဂါအား တိုက်ဖျက်ရေးနှင့် အစ္စလာမ်သာသနာ၏ စစ်မှန်သောတန်ဖိုးများအား မြှင့်တင်ရေးတို့မှာလည်း မိမိတို့ဗလီဝတ်ကျောင်းတော်၏ ရည်ရွယ်ချက်များတွင် ပါဝင်သည်ဟု ခန်ကန်က ထပ်လောင်းပြောကြားခဲ့လေသည်။

ဒိန်းမတ်နိုင်ငံအတွင် အစ္စလာမ်ဘာသာကို သက်ဝင်ယုံကြည်သူအရေအတွက်မှာ ၃.၈ ရာခိုင်နှုန်းရှိပြီး အစ္စလာမ်ဘာသာကို ကူးပြောင်းသက်ဝင်မှုအရေအတွက်မှာလည်း တစ်ဖြည်းဖြည်း မြင့်တက်လျက်ရှိနေသည်။

Ref : The Guardian, Telegraph

===============================

251/End




လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

Arba'een
Mourining of Imam Hossein
We are All Zakzaky