$icon = $this->mediaurl($this->icon['mediaID']); $thumb = $this->mediaurl($this->icon['mediaID'],350,350); ?>

ရဟန်းတို့ လမ်းပျောက်လေသော် …

  • News Code : 411048
  • Source : m-media
Brief

နှစ်ဟောင်းမှအညစ်အကြေးများ၊ အပြစ်များသာမက ကံဆိုးခြင်းများ ပပျောက်ကင်းစင်စေ ရန် ဆေးကြောသည့် အနေဖြင့် မြန်မာပြည် သူပြည်သားများ သည် ပြီးခဲ့သည့် ဗုဒ္ဓဟူးနေ့ကအထိ သင်္ကြန်နှစ်ကူးပွဲတော် ဆင်နွှဲခဲ့ကြလေသည်။ ဗုဒ္ဓဘာသာဝင်အများစုရှိသည့် နိုင်ငံတွင် မွတ်စလင်မ်တို့အပေါ် အကြမ်းဖက်မှုများ ရှိခဲ့သဖြင့် လွန်လေပြီးသော နှစ်ဟောင်းသည်ကား မြန်မာပြည်အတွက် အမှောင်လွှမ်းခဲ့သည့်ကာလပင်။  သမ္မတကြီး ဦးသိန်းစိန် ၏ နိုင်ငံရေး ပြုပြင်ပြောင်းလဲမှုများစတင်ပြီး နှစ်နှစ်အကြာတွင် ဖြစ်ပွားနေသည့် လူမျိုးရေး အမုန်းတရားများ ပဋိပက္ခမျာနှင့်စပ်လျဉ်း၍ ပြည်တွင်း အခြေဆိုက် စာရေး သူ နှစ်ဦးတို့က သတိပေး ရေးသားထားပါသည်။

မူရင်းဆောင်းပါးရှင်  -ဆွေဝင်း

www.straitstimes.com

မြန်မာနိုင်ငံ စစ်အုပ်ချုပ်ရေးလက်အောက်တွင် ရှိနေစဉ် လွန်ခဲ့သည့် ငါးနှစ်က အနောက်တိုင်းသားနှင့် တရုတ်လူမျိုး မိတ်ဆွေအချို့က ကျွန်တော့်အား အကြမ်းမဖက် သိမ်မွေ့မှုကို သွန်သင်သည့် ဗုဒ္ဓသာသနာ ထွန်းကားရာ မြန်မာနိုင်ငံတွင် အဘယ်ကြောင့် ဖိနှိပ်ချုပ်ချယ်မှုများ ရှိနေရပါ သနည်းဟု မေး ခဲ့ကြပါသည်။

ထိုစဉ်တုန်းက ကျွန်တော်က တိုင်းပြည်တွင်းမှ ကိုယ့်သဘောနှင့်ကိုယ် စွန့်ခွာခဲ့ကာ ဟောင်ကောင် တက္ကသိုလ်တွင် စာနယ်ဇင်းပညာ သင်ယူနေ စဉ်ဖြစ်ပြီး ပြန်ဖြေလေ့ရှိသည်က တိုင်းပြည်အုပ်ချုပ်နေသူ  စစ်ခေါင်းဆောင်များက အကျင့်စာရိတ္တ ပျက်ပြားနေကြပြီး ဗုဒ္ဓသာသနာကလည်း အမည်ခံမျှ သာ ဖြစ်နေသောကြောင့် ဟူ၍ပင်။ ထို့ပြင် မြန်မာနိုင်ငံ၏ ကိုလိုနီခေတ်မတိုင်မီ ပဒေသရာဇ်ခေတ် အုပ်ချုပ်သူ ဘုရင်များကလည်း အမည်ခံဗုဒ္ဓ ဘာသာဝင်များသာဖြစ်ကြပြီး သူတို့ ကိုယ်တိုင်ကလည်း ရာဇဝတ်မှုကြီးများ ကျူးလွန်ခဲ့ကြဖူးသည် ဆိုသည်ကို လည်း ထောက်ပြဝေဖန်လေ့ ရှိခဲ့ပါသည်။

ဆိုလိုသည်က ဘာသာတရားသည် တစ်စုံတစ်ရာ လွဲမှားနေခြင်းမဟုတ်ဘဲ ဘာသာတရား၏ သွန်သင်ချက်များကို ဖြောင့်ဖြောင့်ကြီး ဆန့်ကျင် ခဲ့ကြ သည့် အုပ်ချုပ်သူ နိုင်ငံရေးသမားများ၏ ပြဿနာသာ ဖြစ်ကြောင်းပင်။

ယခုအခါတွင်တော့ ထိုအဖြေမျိုးပေးရန် မဖြစ်နိုင်တော့။ ယခင်က ဘာသာရေးအရ အကြမ်းဖက်မှု ပဋိပက္ခ တစ်စုံတစ်ရာ ဖြစ်ပွားခဲ့ဖူးခြင်း သမိုင်းတွင် မရှိခဲ့သည့် မြန်မာပြည်အလယ်ပိုင်းရှိ မိတ္ထီလာမြို့တွင် ဗုဒ္ဓဘာသာဝင်များက မွတ်စလင်မ်တို့အား သေသည်အထိ တိုက်ခိုက်မှုများ မကြာသေးမီ က ဖြစ်ပွားခဲ့သောကြောင့်ပင်။ ဘုန်းတော်ကြီးများကိုယ်တိုင် မီးရှို့ဖျက်စီးမှု စတင်ခဲ့ကြခြင်း၊ ရိုက်ပုတ်သတ်ဖြတ်ခဲ့ကြခြင်း သတင်းသက်သေများ အရ ဤသည်တို့၏နောက်ကွယ်တွင် ကျင့်ဝတ်မစောင့်သည့် အစိုးရအမှုထမ်းများ သက်သက်ထက် များစွာပိုမိုနက်ရှိုင်းသည့် ပြဿနာတစ်ရပ်ကတော့ ရှိနေချေပြီ။

(လူဦးရေ၏ ၉၀ ရာခိုင်နှုန်းခန့်ရှိသော)ဗုဒ္ဓဘာသာကိုးကွယ်သူများ၊ (၆၅ရာခိုင်နှုန်းကျော်ရှိသော) တိုင်းရင်းသား ဗမာလူမျိုးများ အများ စုဖြစ်ကြ သည့် မြန်မာလူထုကတော့ ဤသို့ ရက်ရက်စက်စက် မတရားပြုမူရာတွင် ပါဝင်ကြသူ ဗုဒ္ဓဘာသာဝင် ဘုန်းတော်ကြီးများသည် ဘုန်းတော်ကြီး စစ်စစ်မဟုတ်ကြဟု ယုံကြည်လိုကြသည်။ ဤနည်းအားဖြင့် ဗုဒ္ဓသာသနာ၏ အလေးအမြတ်ထားရာ ရတနာတစ်ပါးဖြစ်သည့် သံဃာတို့ကိုယ်တိုင် ပျက်စီးခြစားနေကြကြောင်း ခါးသီးသောအရှိတရားကို လက်ခံခြင်းထက် သက်သာရာ ရနိုင်သည်ကိုး။

လူငယ်လူရွယ် အမျိုးသားပျို အမျိုးသမီးပျိုများကိုယ်တိုင် သဒ္ဓါတရားထက်သန်စွာဖြင့် တရားရယူနိုင်ရန်အလို့ငှာ သာသနာ့ဘောင်ဝင်ခဲ့ကြသည့်ခေတ် ရှိခဲ့ဖူးပါ၏။ သို့ရာတွင် စစ်အာဏာအောက်တွင် နှစ်ပေါင်းငါးဆယ်ခန့်ကြုံတွေ့နေခဲ့ရစဉ်တွင်မူကား နယ်စပ်တစ်လျှောက် စစ်ဖြစ်နေခြင်းနှင့် ဆင်းရဲ မွဲတေမှုတို့ကြောင့် ဘုန်းကြီးကျောင်းများတွင် ကိုရင်များ တိုးလာခဲ့သည်။

အများစုမှာ အခြားရွေးချယ်စရာလမ်း မရှိသည့် မိဘမဲ့များ နှင့် မိဘများကိုယ်တိုင် ခိုကိုးရာမဲ့နေသောကြောင့် သားသမီး နေရေး စားရေး ပညာရေးစိတ် ချရစေရန်အတွက် ဘုန်းတော်ကြီးများထံ အပ်နှံခဲ့ကြရသူများ ဖြစ်လာသည်။

လူသစ်တိုးပွားလာရခြင်း နည်းလမ်းအားဖြင့်မူ သံဃာများသည်လည်း မြန်မာ့တပ်မတော် စစ်သည်သစ် စုဆောင်းကြပုံနှင့်မခြားတော့။ အချို့နေရာများ တွင် ကျောင်းထိုင်ဆရာတော်များသည်ပင် စစ်အရာရှိတို့ကဲ့သို့နည်းတူ ရက်စက်ကြမ်းကြုတ်ကြသူများ ဖြစ်ခဲ့ကြသည်။

ကျွန်တော်က ၁၉၉၀ပြည်လွန်နှစ်များတွင် မိရိုးဖလာ ဗုဒ္ဓဘာသာမိသားစုတစ်စုမှ ကြီးပြင်းခဲ့သူဖြစ်သည်။ ငါးတန်းနှစ်မှစတင်ကာ နှစ်စဉ် နွေရာသီတိုင်း ဘုန်းကြီးကျောင်းများတွင် လေ့လာသင်ယူခဲ့သည်။ ဘုန်းကြီးများသည် တရားဓမ္မ ကျင့်ကြံအားထုတ်ကြရမည့်အစား အလှူငွေများများရှာနိုင်စေ ရန် ဗေဒင်ပညာ သင်ယူခြင်း၊ ဝတ္ထုပစ္စည်းများ လှူဒါန်းလာသည်ကို စုဆောင်းလက်ခံခြင်းတို့ဖြင့် အချိန်ကုန်ကြလေ့ရှိသည်။

ယနေ့ခေတ်တွင် မြန်မာဘုန်းကြီးအများစုတွင် ဒစ်ဂျစ်တယ် တယ်လီဖုန်းများ၊ ဇိမ်ခံ အကောင်းစားကားများ၊ LCD တီဗီများ ပိုင်ဆိုင်နေကြသည်။ အချို့က လောင်းကစားတောင် လုပ်ကြသေး၏။ “ အသက်ကြီးလာတော့မှသာ တရားကျင့်ကြံ အားထုတ်ကြတာ။ မဟုတ်လို့ကတော့ ဘုန်းကြီး အများစုက သာမာန်လူတွေလို နေနေကြတာပါပဲ” ဟု ပြီးခဲ့သည့် သီတင်းပတ်က ကျောင်းထိုင်ဘုန်းတော်ကြီးတစ်ပါးက ကျွန်တော့်ကို ပြောခဲ့ပါသည်။

ပိုဆိုးသည်ကတော့ ထိုနွေရာသီကာလများအတွင်း ကျွန်တော် ကြုံတွေ့ခဲ့သည့် ဘုန်းကြီးများက ဗုဒ္ဓ၏ တရားစစ်မှန်တို့အား လျစ်လျူရှုကာ အခြား ယုံကြည်ရာ သာသနာတို့အား မထီလေးစားပြုမူလျက်  သံဃာတို့အား သီးသန့် ဂိုဏ်းဂဏတစ်ရပ်အသွင် ယူဆခဲ့ကြခြင်းပင်။ မြန်မာနိုင်ငံသည် နိုင်ငံရေး စီးပွားရေးအရ မတည်ငြိမ်သမျှကာလပတ်လုံး သံဃာဟူသည် ဒုက္ခသည်ပြည်သူတို့၏ အားကိုးအားထားရာသာမက အချို့အခြေအနေများတွင် ဂိုဏ်ဂဏအသွင်ဆောင်စရာ အကြောင်းခံ ဖြစ်နေပေသည်။

၂၀၀၁မှစကာ တောင်ငူ၊ ပျဉ်းမနား၊ ကျောက်ဆည်နှင့် အခြား မြန်မာပြည်အလည်ပိုင်း မြို့ရွာအချို့တွင် မွတ်စလင်မ်ဆန့်ကျင်ရေး လှုပ်ရှားမှုများ ဖြစ်ပွား ခဲ့ပြီး ဦးဆောင်ပါဝင်သူ ဘုန်းကြီးအချို့ ထောင်ကျခဲ့ကြ သည်။ နိုင်ငံရေးလှုပ်ရှားသူ ကျောင်းသားတစ်ဦးဖြစ်သော ကျွန်တော်သည် ထို ထောင်ကျ ဘုန်းကြီးအချို့နှင့် မန္တလေးမြို့အနီးရှိ မြင်းခြံထောင်တွင် ဆုံခဲ့သည်။

သူတို့ထဲမှ တစ်ပါးက မွတ်စလင်မ်တို့၏ ပစ္စည်းဥစ္စာများအား ကိုယ်တိုင်မီးရှို့ဖျက်ဆီးကာ ဗုဒ္ဓသာသနာကို ကာကွယ်ခဲ့ကြောင်း ကျွန်တော့်အား ဂုဏ်ယူစွာ ပြောပြသည်။ ဝီရသူအမည်ဖြင့် ကျော်ကြားသူ နောက်တစ်ပါးကတော့ ထိုစဉ်ကအခြားထောင်တွင် အဆိုပါပြစ်မှုမျိုးအတွက် ပင် ထောင်ဒဏ် ကျခံခဲ့ရသူ ဖြစ်ပြီး ယခုအခါ ၉၆၉ လှုပ်ရှားမှုကို  ဦးဆောင်ကာ မွတ်စလင်မ်မုန်းတီးရေးတရားများ ဟောပြောနေလေသည်။

ပြီးခဲ့သည့်နှစ်က ရခိုင်ပြည်နယ်ရှိ နိုင်ငံမဲ့မွတ်စလင်မ်လူနည်းစု ရိုဟင်ဂျာများနှင့် ပဋိမက္ခ ဖြစ်အပြီးတွင်တော့ ကျွန်တော့်မိတ်ဆွေ ဘုန်းကြီးအချို့က လူ့အခွင့်အရေးနှင့် အနောက်တိုင်း၏ စံချိန်စံညွှန်းများအား ထိုသူတို့အတွက်