$icon = $this->mediaurl($this->icon['mediaID']); $thumb = $this->mediaurl($this->icon['mediaID'],350,350); ?>

မြန်မာ့နိုင်ငံရေး အသွင်ကူးပြောင်းမှု – ၂၀၁၅ ရွေးကောက်ပွဲ မတိုင်ခင် ဖြစ် နိုင်ခြေ အနေအထား ၄ ခု (၂) ပ

  • News Code : 432485
  • Source : ဧရာဝတီ
Brief

အဟ်လေ့ဘိုက် (အ.စ) သတင်းဌာန ၊ အဗ်နာ လွှတ်တော်အစည်းအဝေးတွင် တက်ရောက်နေကြသော တပ်မတော်သား လွှတ်တော် ကိုယ်စားလှယ်များ (ဓာတ်ပုံ – ဧရာဝတီ)  

စီးပွားရေး အကျပ်ရိုက်ခြင်း သို့မဟုတ် သဘာဝကပ်ဘေးများ

၂၀၀၇ ခုနှစ်ကနေ စတင် ရေတွက်လိုက်မယ်ဆိုရင် အဖြစ်အပျက် နှစ်ခုကြောင့် တည်ငြိမ်မှုတွေ အကြီးအကျယ် ပျက်စီးခဲ့ပါတယ်။ ပထမ တခုကတော့ လောင်စာစီ ဈေးနှုန်းတွေ မြင့်တက်လာရာကနေ စတင်မြစ်ဖျားခံလာတဲ့ ၂၀၀၇ ရွှေဝါရောင် တော်လှန်ရေးဖြစ်ပြီး နောက်တခုကတော့ ၂၀၀၈ ခုနှစ်မှာ တိုက်ခတ်ခဲ့တဲ့ နာဂစ် ဆိုင်ကလုန်း မုန်တိုင်းပဲ ဖြစ်ပါတယ်။ ရွှေဝါရောင် တော်လှန်ရေးက အာဏာရှင်အစိုးရရဲ့ တရားဝင်မှုကို တရားနည်းလမ်းကျကျ တိုက်ရိုက် စိန်ခေါ်လိုက်တာ ဖြစ်ပါတယ်။ နာဂစ် ဆိုင်ကလုန်း မုန်တိုင်းကို အစိုးရကိုင်တွယ်ဖြေရှင်း ပုံကတော့ ပြည်သူတွေအပေါ် ထားတဲ့ အာဏာာရှင်အစိုးရရဲ့ ရက်စက်တဲ့ သဘောထားကို ပေါ်လွင်စေခဲ့ပါတယ်။ နိုင်ငံရေးမတည်ငြိမ်မှုကို ဖြစ်စေတဲ့ အဆိုပါ အဖြစ်အပျက်နှစ်ခုလုံးကို စစ်အစိုးရက ကျော်လွှား ဖြတ်သန်းနိုင်ခဲ့ပေမယ့် နိုင်ငံရေး အင်အားစုအသစ်တွေ ပေါ်ထွက်လာခဲ့ပြီး ပြောင်းလဲမှုတွေကို အလျင်အမြန် လုပ်ဆောင်လာစေဖို့ မျိုးစေ့ချပေးခဲ့ပါတယ်။

မြန်မာ့စီးပွားရေး အခြေအနေက လုံးဝကို အထိအခိုက်မခံ ဖြစ်နေပြီး တိုင်းပြည်မှာ လူသားဖွံ့ဖြိုးတိုးတက်မှု ကင်းမဲ့နေတာကြောင့် လောင်စာဆီဈေးနှုန်းတွေ နောက်ထပ်မြင့်တက်လာတာ၊ အိမ်ခြံမြေ ဈေးနှုန်းတွေ ကျဆင်းသွားတာ ရေကြီးရေလျှံတာ စတဲ့ အဖြစ်အပျက်တွေကိုလည်း နိုင်ငံရေးတွက်ချက်ရင် ထည့်သွင်းစဉ်းစားသင့်ပါတယ် (ကုလသမဂ္ဂ ဖွံ့ဖြိုးမှု အစီအစဉ်က ပြုစုခဲ့တဲ့ နိုင်ငံ ၁၆၉ နိုင်ငံပါ ၂၀၁၀ ခုနှစ် လူသားဖွံ့ဖြိုး တိုးတက်မှု အညွှန်းကိန်းမှာ မြန်မာနိုင်ငံက အဆင့် ၁၃၂ ပဲရှိပြီး အရှေ့တောင်အာရှ နိုင်ငံတွေကြားထဲမှာ အနိမ့်ဆုံး ဖြစ်ပါတယ်)။ လွန်ခဲ့တဲ့ ၅ နှစ် လောက်တုန်းကဆိုရင် တိုင်းပြည်မှာ လွတ်လပ်တဲ့ မီဒီယာဆိုတာ မရှိခဲ့ပေမယ့် အခုတော့လွတ်လပ်တဲ့ သတင်းဌာနတွေ များပြားလာတာ၊ လက်ကိုင်ဖုန်းတွေ များပြားလာတာ၊ အင်တာနက်ကို အသုံးပြုသူတွေ များပြားလာတာကြောင့် လူထုကို ထိန်းချုပ်ဖို့ဆိုတာ တဖြည်းဖြည်း ခက်ခဲလာပါတယ်။ ဒီမိုကရေစီ အသွင်ကူးပြောင်းမှုကို လုပ်ဆောင်ခဲ့တဲ့ တခြားနိုင်ငံတွေမှာလိုပါပဲ၊ မြန်မာနိုင်ငံမှာလည်း ပြည်သူတွေရဲ့ မျှော်လင့်ချက်တွေ မျှော်မှန်းချက်တွေက ပိုမြင့်မားလာကြပါတယ်။ လွတ်လပ်မှုကို ပိုမိုလိုလားလာကြသလို ပိုမိုကောင်းမွန်တဲ့ ဘ၀ကိုလည်း တောင့်တလာကြပါတယ်။ ဒါပေမယ့် စီးပွားရေး အကျပ်အတည်းတွေကို ရင်ဆိုင်ဖြေရှင်းဖို့ သဘာဝကပ်ဘေးတွေကို တွန်းလှန်တုန့်ပြန်ဖို့ လုပ်ဆောင်ရာမှာ အစိုးရစွမ်းရည်က အားနည်းချို့တဲ့နေမယ်ဆိုရင် ပြည်သူလုထုတွေရဲ့ ဆန္ဒပြ တောင်းဆိုမှုတွေလည်း ဖြစ်လာနိုင်ပါသေးတယ်။

အားလုံးကို အနှစ်ချုပ် ပြန်ပြောရမယ်ဆိုရင် မီဒီယာအပေါ်မှာ ချုပ်ကိုင်မှု လျော့နည်းလာတာ လူတွေရဲ့ လွတ်လပ်စွာ စုဝေးခွင့် အသင်းအဖွဲ့ ဖွဲ့စည်းနိုင်ခွင့်ကို ပိုမိုခွင့်ပြုလာရတွေကြောင့် အစိုးရအနေနဲ့ လိုက်လျော ဖြည့်ဆည်းပေးရမှာ တွေပိုများလာသလို ပြည်သူလူထုရဲ့ မျှော်မှန်းချက်တွေ လိုအင်ဆန္ဒတွေကို အပြည့်အ၀ မလိုက်လျောနိုင်တာလည်း ဖြစ်နေဦးမှာပါ။

ဖြစ်နိုင်ခြေ အနေအထား ၄ ခု

ကြီးကျယ်လေးနက်ပြီး သက်ရောက်မှု အတိုင်းအတာ ကြီးမားတဲ့ နိုင်ငံရေး အသွင်ကူးပြောင်းမှု ဖြစ်စဉ်ထဲမှာ မြန်မာနိုင်ငံက ဖြတ်သန်းနေရပါတယ်။ အပြောင်းအလဲတွေရဲ့ အတိုင်းအဆနဲ့ အမြန်နှုန်းက အခုအချိန်အထိတော့ ကြီးမားပေမယ့် ဖြေရှင်းစရာ အကြောင်းကိစ္စတွေ အများအပြား ကျန်နေဆဲဖြစ်ပြီး အသွင်ကူးပြောင်းရေးရဲ့ ဦးတည်ချက် လားရာကိုလည်း မသိရသေးပါ။ “စေ့စပ်ညှိနှိုင်း ဒီမိုကရေစီ အသွင်ကူးပြောင်ရေး” ဆိုတာကို နိုင်ငံရေးအုပ်စုတွေ အားလုံးက လိုလား နှစ်သက်ကြသလို အောင်မြင်ဖို့ အနီးစပ်ဆုံးလည်း ဖြစ်ပေမယ့် တကယ်သာ ဖြစ်လာရင် ဒါက တောင်အာရှ ဒါမှမဟုတ် အရှေ့တောင်အာရှမှာ ပထမဆုံးဖြစ်လာမယ့် (အစိုးရနဲ့ အတိုက်အခံတို့ကြား) “နှစ်ဖက်ညှိနှိုင်း အသွင်ကူးပြောင်းရေး” လည်း ဖြစ်လာပါလိမ့်မယ်။ မြန်မာ့နိုင်ငံရေး အသွင်ကူးပြောင်းမှုက ရှည်လျား၊ ခက်ခဲ ကြမ်းတမ်းပြီး ကြိုတင်ခန့်မှန်းဖို့လည်း မလွယ်ကူပါ။ အခု လေ့လာတင်ပြမယ့် ဖြစ်နိုင်ခြေ အနေအထား ၄ ခုက မြန်မာ့နိုင်ငံရေးမှာ ပါဝင်ပက်သက်နေတဲ့ နိုင်ငံရေး စီးပွားရေး လူမှုရေး အင်အားစုတွေကို မြင်သာအောင် မီးမောင်းထိုးပြတာဖြစ်ပြီး မြန်မာ့နိုင်ငံရေး ပြောင်းလဲမှုကို (ခန့်မှန်းဖို့မဟုတ်) ပိုမိုနားလည်အောင် အားထုတ်ကြိုးစားမှုလည်း ဖြစ်ပါတယ်။

ဖြစ်နိုင်ခြေ အနေအထား (၁)

စေ့စပ်ညှိနှိုင်း အသွင်ကူးပြောင်းခြင်း၊ ပါလီမန်ကို NLD ထိန်းချုပ်နိုင်ခြင်း

ဒေါ်အောင်ဆန်းစုကြည်နဲ့ NLD တို့ရဲ့ နိုင်ငံရေး ထောက်ခံမှုကို ရယူထားနိုင်တာကြောင့် အစိုးရ ဖော်ဆောင်နေတဲ့ နိုင်ငံရေး အသွင်ကူးပြောင်းမှုက ရှေ့ကို ဆက်လက်ဦးတည်နေပါမယ်။ ပြုပြင်ပြောင်းလဲရေးတွေရဲ့ ရလဒ်ဖြစ်လာတဲ့ လွတ်လပ် တရားမျှတတဲ့ ရွေးကောက်ပွဲတွေကို ၂၀၁၅ ခုနှစ်မှာ ကျင်းပနိုင်ရင် NLD က အပြတ်အသတ် အနိုင်ရပါလိမ့်မယ်။ ၂၀၁၂ နဲ့ ၂၀၁၅ ခုနှစ်တွေကြားမှာ အစိုးရက အမျိုးအစား စုံလင်တဲ့ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေကို ဆက်လက် လုပ်ဆောင်ပြီး အဆိုပါ ပြုပြင်ပြောင်းလဲမှုတွေကြောင့် ပိုအားကောင်း ကျယ်ပြန့်လာတဲ့ အရပ်ဖက် လူ့အဖွဲ့အစည်းတွေ၊ လွတ်လပ်တဲ့ မီဒီယာတွေ ပေါ်ထွန်းလာပြီး နိုင်ငံရေးပါတီတွေ ပိုအားကောင်းလာကာ စီးပွားရေး အခွင့်အလမ်းတွေ ပိုအရည်အသွေး ပြည့်ဝလာပါလိမ့်မယ်။

၂၀၁၂ သြဂုတ်လမှာ နိုင်ငံတော်သမ္မတ ဦးသိန်းစိန်က ၀န်ကြီးအဖွဲ့ကို ပြောင်းလဲ ဖွဲ့စည်းလိုက်သလို လက်ရှိအစိုးရကလည်း သဘောထား ပျော့ပျောင်းသူတွေကို နေရာပေး ချီးမြှင့်မြှောက်စားပြီး သဘောထား တင်းမာသူတွေကို ဘေးဖယ် ထုတ်ထားပါလိမ့်မယ်။ ရွေးကောက်ပွဲ ပြီးသွားတဲ့နောက်ပိုင်းမှာ စစ်တပ်က သူ့ရဲ့အာဏာတွေကို နောက်ထပ် ဖြေလျှော့ ပေးလိုက်တာကြောင့် အခြေခံဥပဒေကို ပြင်ဆင်ရေးဆွဲဖို့ စတင် ကြိုးပမ်းအားထုတ်လာပါလိမ့်မယ်။ အင်ဒိုနီးရှားနိုင်ငံမှာ ဆူဟာတို ပြုတ်ကျပြီးနောက်ပိုင်း ဖြစ်ပျက်ခဲ့သလိုပါပဲ။ စစ်တပ်က နောက်ပိုင်းမှာ နိုင်ငံရေးကနေ ထာဝရ ထွက်ခွာပေးမယ်လို့ သဘောတူပြီး အဲဒါကို အပြန်အလှန် လိုက်လျောတဲ့အနေနဲ့ နိုင်ငံရေးမှာ အတိုင်းအတာတခုအထိ စစ်တပ် ဆက်လက် ပါဝင်ပက်သက်နေမှာကို NLD က သဘောတူပါတယ်။

ဒီဖြစ်စဉ် အနေအထားအရ ၂၀၁၅ ရွေးကောက်ပွဲတွေက ပြုပြင်ပြောင်းလဲမှု လုပ်ငန်းစဉ်တခုလုံးရဲ့ အရေးကြီးတဲ့ အဆင့်တခုလည်း ဖြစ်ပါတယ်။ ရွေးကောက်ပွဲတွေကြောင့် ခေါင်းဆောင်သစ်တွေ အာဏာရလာရုံတင်မကဘဲ ရွေးကောက်ပွဲစနစ်အရ တနိုင်ငံလုံးမှာ ပေးတဲ့ မဲအားလုံးရဲ့အများစုကို အနိုင်ရဖို့ ပါလီမန်မှာ အခုထက် နေရာတွေပိုရဖို့ NLD က အခြေအနေ ကောင်းနေပါတယ်။ ၁၉၉၀ မေလ ရွေးကောက်ပွဲတွေနဲ့ ၂၀၁၂ ဧပြီလ ရွေးကောက်ပွဲတွေမှာ NLD အတွက် လူထုထောက်ခံမှုတွေက ဧရာမ ရွေးကောက်ပွဲ အောင်ပွဲကြီးတွေအဖြစ် ကူးပြောင်းသွားခဲ့ပါတယ်။

စစ်တပ်အနေနဲ့ သူတို့မှာ လူထုထောက်ခံမှု ရှိမရှိဆိုတာကို ၂၀၁၅ေ