$icon = $this->mediaurl($this->icon['mediaID']); $thumb = $this->mediaurl($this->icon['mediaID'],350,350); ?>

အဆိုးလွန်၊ အကောင်းလွန် ၂၀၁၂

  • News Code : 379082
  • Source : 7Day News

အဟ်လေ့ဘိုက် (အ.စ) သတင်းဌာန ၊ အဗ်နာ အမေရိကန် သမ္မတ ဘားရက် အိုဘားမား ကန်သမ္မတ တစ်ဦး၏ ပထမဆုံး ခရီးစဉ် အဖြစ် မြန်မာနိုင်ငံသို့ လာရောက်ခဲ့သည့်နှစ် ဖြစ်သည်။

အစိုးရ ၀န်ကြီး ဌာနများ၏ ငွေစာရင်း ကွာဟမှုကို လွှတ်တော် အစည်းအဝေးများမှတစ်ဆင့် ပြည်သူလူထု ပထမဆုံး အကြိမ် တရားဝင် သိရှိခွင့် ရခဲ့သည့်နှစ်လည်း ဖြစ်သည်။

ဆယ်စုနှစ် နှစ်ခုကျော် အင်အား အကြီးမားဆုံး အတိုက်အခံ ပါတီကြီး အဖြစ် ရပ်တည်ခဲ့သော အမျိုးသား ဒီမိုကရေစီ အဖွဲ့ချုပ် ပါတီသည် လွှတ်တော်တွင်းသို့ ပထမဆုံး အကြိမ် ရောက်ရှိလာခဲ့သည့် မှတ်တမ်းဝင်နှစ် လည်း ဖြစ်ပြန်၏။

နှစ်ပေါင်းများစွာအတွင်း နိုင်ငံ အုပ်ချုပ်သူ တစ်ဦးအား ပြည်သူလူထုက ထောက်ခံ ဆန္ဒ ဖော်ထုတ်မှု ပထမဆုံး ရှိခဲ့သော နှစ်လည်းဖြစ်၏။

နိုင်ငံရေးအကျဉ်းသားအားလုံးနီးပါးကိုလည်း ပထမဆုံးအကြိမ် အလုံးအရင်းနှင့် လွှတ်ပေးခဲ့သည်မှာလည်း ၂၀၁၂ ခုနှစ်တွင်းမှာပင် ဖြစ်သည်။

မြန်မာ့နိုင်ငံရေး သမိုင်းတွင် အင်အားသုံးဖြိုခွဲမှုများနှင့် ပတ်သက်၍ ပြည်ထောင်စုအဆင့် အစိုးရအဖွဲ့၏ ပထမဆုံးအကြိမ် တောင်းပန်မှုအဖြစ် လက်ပံတောင်းတောင် သပိတ်စခန်းဖြိုခွင်းရာတွင် ဒဏ်ရာရရှိခဲ့သော သံဃာတော်များအား ၀န်ချတောင်းပန်ခြင်းသည်လည်း ယခုနှစ်၏ ပထမဆုံးသော မှတ်တိုင်များတွင် ပါဝင်ခဲ့သည်။

ထိုကဲ့သို့သော ပထမဆုံးများနှင့် ၂၀၁၂ ကို နှစ်ပေါင်း ၅၀ အတွင်း မြန်မာနိုင်ငံအတွက် အပြောင်းအလဲအမြန်ဆုံး နှစ်တစ်နှစ်အဖြစ် နိုင်ငံရေးသုံးသပ်သူများ၊ ပြည်သူများက မှတ်ချက်ပြုကြသလို ဒီမိုကရေစီပန်းတိုင်သို့ အရှိန်အဟုန်နှင့် သွားနေသည့် တစ်ချိန်တည်းမှာပင် နောက်ကြောင်း ပြန်လှည့်သွားစေသည့် သံသယများထွက်ပေါ်စေသောဖြစ်ရပ်များဖြစ် ပွားခဲ့ကြောင်း နိုင်ငံရေးလေ့လာသူများက သုံးသပ်သည်။ ထို့အတူ ၂၀၁၂ ကို အကျည်းတန်သွားစေသည့် ဖြစ်ရပ်များလည်း ဖြစ်ခဲ့သည်။

ရခိုင်အရေးကိစ္စ၊ ကချင်အရေးကိစ္စနှင့် လက်ပံတောင်းတောင် အရေးကိစ္စများသည် ၂၀၁၂ ခုနှစ် အပေါ် အကြီးအကျယ် ရိုက်ခတ်မှုရှိခဲ့ပြီး ဦးသိန်းစိန်အစိုးရ၏ မူဝါဒအပေါ် အကျိုးသက်ရောက်မှုရှိခဲ့ကြောင်း မြန်မာ့နိုင်ငံရေးလေ့လာသူ ဦးနေသန်မောင်က ဆိုသည်။

ပြည်သူများ၏ ဆန္ဒကို အလေးထားရန်၊ ပြည်သူ့အသံကို နားထောင်ရန် ပြောကြားခဲ့ပြီး ပြည်သူဗဟိုပြုအုပ်ချုပ်ရေးစနစ်အား ပြောင်းလဲရန် နိုင်ငံတော်သမ္မတ ဦးသိန်းစိန်၏ ပြောကြားလုပ်ဆောင်ခဲ့မှုများကြောင့် ပြည်သူ၏ ထောက်ခံမှုများ ပိုမိုရရှိခဲ့သည်။

ပြုပြင်ပြောင်းလဲရေးလုပ်ငန်းစဉ်များ အရှိန်ကောင်းလာရန် အစိုးရအဖွဲ့အတွင်း ၀န်ကြီးနေရာ အပြောင်းအလဲ အများအပြား ပြုလုပ်ခဲ့ပြီးဝန်ကြီးဌာနအချို့အား ပေါင်းစည်းခြင်း၊ အချို့အား ပယ်ဖျက်ခြင်း၊ ဒုတိယ၀န်ကြီး နေရာအချို့တွင် ကျွမ်းကျင်သူပညာရှင်များအား ခန့်အပ်ခြင်းတို့ကို ပြုလုပ်ခဲ့သည်။

အဆိုပါ ကိစ္စရပ်များ ပြုလုပ်ခဲ့ခြင်းက နိုင်ငံအတွင်း ကောင်းသော ပြုပြင်ပြောင်းလဲမှုအရွေ့ကို သိသာထင်ရှားစေသော ဆောင်ရွက်ချက်များဖြစ်ကြောင်း နိုင်ငံရေးလေ့လာသူများက သုံးသပ်သည်။

အမျိုးသားဒီမိုကရေစီအဖွဲ့ချုပ်ပါတီ မြန်မာ့နိုင်ငံရေးအခင်းအကျင်းတွင် ပါဝင်လာရေးအတွက် အစိုးရက ရွေးကောက်ပွဲဥပဒေမှ အချက်အချို့အား ပြင်ဆင်ပေးခဲ့သဖြင့် ကြားဖြတ်ရွေးကောက်ပွဲတွင် အပြတ်အသတ်အနိုင်ရရှိပြီး လွှတ်တော်တွင်း ရောက်ရှိခဲ့ခြင်းကလည်း ၂၀၁၂ ၏ အားကောင်းသော အရွေ့ကြီးတစ်ခု ဖြစ်ခဲ့သည်။

“အဲဒါဟာ ၁၉၈၈ ကတည်းက အာဏာသိမ်းခဲ့တဲ့ စစ်အစိုးရဟာ အတိုက်အခံနဲ့ ပတ်သက်၍ ဘယ်တော့မှ အတိုးအလျှော့မလုပ်ဘူးဆိုတဲ့ မူဝါဒကို စတင်ပြောင်းလဲတာပဲ။ အဲဒါဟာ နိုင်ငံရေးမှာ သိသာထင်ရှားတဲ့ အပြောင်းလဲတစ်ခုပဲ” ဟု အပြောင်းလဲဖြစ်စဉ်များနှင့် ပတ်သက်၍ သတင်းစာဆရာ ဦးရဲနိုင်မိုးက သုံးသပ်သည်။

နိုင်ငံတော်သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့၏ ပြည်ပခရီးစဉ်များအနက် ၎င်းတို့နှစ်ဦး အမေရိကန်နိုင်ငံသို့ မရှေးမနှောင်း သွားရောက်ခဲ့ပြီး တွေ့ဆုံနှုတ်ဆက်ခဲ့သော ဖြစ်ရပ်သည် ပြည်သူများအကြား စိတ်ဝင်စားသော ဖြစ်စဉ်တစ်ခုဖြစ်ခဲ့သည်။

အဆိုပါ ပုဂ္ဂိုလ်နှစ်ဦး သွားရောက်ခဲ့သည့် ပြည်ပခရီးစဉ်များနှင့် နိုင်ငံရေးပြုပြင်ပြောင်းလဲမှုများ ရလဒ်အဖြစ် နိုင်ငံတကာမှ စီးပွားရေးပိတ်ဆို့မှုများကို ဖြေလျှော့ပေးခဲ့ပြီး နိုင်ငံတကာ၏ အာရုံစိုက်မှု ပိုမိုအားကောင်းလာခဲ့သည်။

၁၉၉၀ ပြည့်နှစ်က ရရှိထားသော ငြိမ်းချမ်းရေးနိုဗယ်ဆုကို ယခုနှစ်တွင် ဒေါ်အောင်ဆန်းစုကြည် ကိုယ်တိုင်သွားရောက်လက်ခံရယူခဲ့သလို ၂၀၁၂ ခုနှစ်အတွက် ပေးအပ်သည့် ငြိမ်းချမ်းရေးနိုဗယ်ဆုကို ဆန်ခါတင် ရွေးချယ်ခံရသူ ငါးဦးစာရင်းတွင် စစ်ဗိုလ်ချုပ်ကြီးဟောင်းတစ်ဦးဖြစ်သူ နိုင်ငံတော် သမ္မတ ဦးသိန်းစိန် ပါဝင်လာခဲ့သည်။

နိုင်ငံတကာစာမျက်နှာများတွင် အရပ်သား သမ္မတလက်ထက် နိုင်ငံ၏ ပြုပြင်ပြောင်းလဲရေးဖြစ်စဉ်များ၌ နိုင်ငံသားအားလုံး ပါဝင်လာစေရန်ဟူသော ရည်ရွယ်ချက်ဖြင့် ပြည်တွင်းရှိ အထင်ကရနိုင်ငံရေး အကျဉ်းသားများကို လွတ်ငြိမ်းချမ်းသာခွင့်ပေးခဲ့သည့်အပြင် ပြည်ပသို့ ရောက်ရှိနေသော အတိုက်အခံများအား ပြည်တွင်းသို့ ပြန်လည် ၀င်ရောက်လာနိုင်စေရန် အမည်မည်းစာရင်း (Black List) များကို ပယ်ဖျက်ပေးခဲ့သည်။

နိုင်ငံရေးအကျဉ်းသားများအား လွတ်ငြိမ်းချမ်းသာခွင့် ပေးခဲ့ခြင်းနှင့် စပ်လျဉ်း၍ ဧရာဝတီတိုင်းဒေသကြီးလွှတ်တော်ဥက္ကဋ္ဌ ဦးဆန်းဆင့်က “ထောင်အုတ်နံရံ လေးဘက်ထဲမှာပဲ တန်ဖိုးရှိတဲ့ လူ့ဘ၀ကို အချိန်ကုန်မခံစေဘဲ ပြည်သူ့ဘ၀၊ ပြည်သူ့အကျိုးပြုစေနိုင်တဲ့ အခွင့်အရေးတွေ ပေးလိုက်ခြင်းဟာ လူသားအကျိုးပြုဒါနအမှုလို့ ဆိုနိုင်ပါတယ်” ဟု ပြောကြားသည်။

အာဏာသုံးရပ်ကို ခွဲဝေကျင့်သုံးသည့်စနစ် ကျင့်သုံးခဲ့ပြီးနောက် ဥပဒေပြုရေးအာဏာကို ကိုင်စွဲသည့် လွှတ်တော်များနှင့် အုပ်ချုပ်ရေးအာဏာကို ကိုင်စွဲသည့် အစိုးရအဖွဲ့ကြား အားပြိုင်မှုလည်း ဖြစ်ပေါ်လာသည်။

လွှတ်တော်များမှ ဖွဲ့စည်းထားသော ကော်မတီ၊ ကော်မရှင်များကို ပြည်ထောင်စုအဆင့် သတ်မှတ်ထားခြင်းသည် အခြေခံ ဥပဒေနှင့် မညီဟု အခြေခံ ဥပဒေဆိုင်ရာ ခုံရုံးက ဆုံးဖြတ်ခဲ့သဖြင့် ခုံရုံးဥက္ကဋ္ဌနှင့် အဖွဲ့ဝင်များကို လွှတ်တော်များက စွပ်စွဲပြစ်တင်ခဲ့ရာ ဥက္ကဋ္ဌအပါအ၀င် ခုံရုံးအဖွဲ့ဝင်များ နုတ်ထွက်သွားခဲ့သည်။

ဥပဒေပြုရေးကိစ္စရပ်များကို အဓိကထား လုပ်ဆောင်ခဲ့သော ပြည်ထောင်စုလွှတ်တော်သည် နိုင်ငံတော်သမ္မတ လက်မှတ်ရေးထိုးခြင်းမပြုသည့် ၂၀၁၂ ခုနှစ် ပြည်သူ့လွှတ်တော်၊ အမျိုးသားလွှတ်တော်ဥပဒေအပါ