$icon = $this->mediaurl($this->icon['mediaID']); $thumb = $this->mediaurl($this->icon['mediaID'],350,350); ?>

ဒေါ်လာဈေး ထိုးတက်ခြင်းအပေါ် သူတို့အမြင်

  • News Code : 428618
  • Source : ဧရာဝတီ
Brief

 

အဟ်လေ့ဘိုက် (အ.စ) သတင်းဌာန ၊ အဗ်နာ

မြန်မာကျပ်ငွေနှင့် အမေရိကန်ဒေါ်လာ လဲလှယ်နှုန်းထားတွင် ပုံမှန်အားဖြင့် အမေရိကန် တဒေါ်လာလျှင် ကျပ်ငွေ ၈၅၀ နှင့် ၈၇၀ အကြား ရှိခဲ့ရာမှ ယခု မေလ ဆန်းပိုင်းမှ စတင်၍ ဒေါ်လာတန်ဖိုးများ မြင့်တက်ခဲ့ရာ ယနေ့ မေလနှောင်းပိုင်းတွင် ၉၆၅ ကျပ်အထိ မြင့်တက်လာပြီး ယနေ့ မေလ ၂၇ ရက်နေ့တွင် တဒေါ်လာ ၉၅၄ ကျပ်ဝန်းကျင် ဈေးပေါက်လျက် ရှိသည်။ ဒေါ်လာဈေး မြင့်တက်လာမှုကြောင့် ပို့ကုန်သမားများ တွက်ခြေကိုက်ပြီး ပို့ကုန်တန်ဖိုးမြင့်တက်လာမည်ဟူသော သုံးသပ်ချက်များ ရှိသော်လည်း လက်တွေ့တွင် အဓိက သွင်းကုန် စက်သုံးဆီဈေးနှုန်းများ မြင့်တက်လာပြီး အကျိုးဆက်အဖြစ် ပို့ဆောင်ရေး ကုန်ကျစရိတ်လည်း တက်လာကာ အခြေခံစား သောက်ကုန်ပစ္စည်း ဈေးနှုန်းများပါ တရိပ်ရိပ်မြင့်တက်လာခြင်းကြောင့် စီးပွားရေးပညာရှင်များနှင့် လုပ်ငန်းရှင်များကို ဧရာဝတီက ဆက်သွယ်မေးမြန်းပြီး အမြင်များကို စုစည်းဖော်ပြလိုက်ပါသည်။

 

ပါမောက္ခ ဒေါက်တာ အောင်ထွန်းသက် (စီးပွားရေးပညာရှင်)

 

ဒေါ်လာဈေး အတက်အကျ ကြမ်းတာဟာ စီးပွားရေးအမြင်အရ ကောင်း၏ မကောင်း၏ ဆိုတာက စီးပွားရေးမှာ ကောင်းတာ တွေရှိသလို မကောင်းတာတွေလည်း ရှိတာပဲလေ။ Export လုပ်တဲ့သူတွေအတွက် အဆင်ပြေတာပေါ့။ သွင်းကုန်လုပ် သူတွေကြတော့ အဆင်မပြေဘူး။ ကျနော်တို့ နိုင်ငံအတွက်ကတော့ ဒီနှစ်ခုကို ချိန်ရမှာပဲ။ ပို့ကုန်လုပ်ငန်းလုပ်သူတွေ ရမယ့် အကျိုးကျေးဇူးတွေနဲ့ သွင်းကုန်လုပ်ငန်းလုပ်သူတွေ ဆုံးရှုံးနစ်နာမှုဟာ နိုင်ငံစီးပွားရေးအတွက် ချိန်ရတယ်။ ကျနော်ထင်တာကတော့ နိုင်ငံတော်က ထုတ်ကုန်လုပ်ငန်းတွေကို အားပေးနေတဲ့ အချိန်ဖြစ်နေတဲ့အတွက် ထုတ်ကုန်လုပ်ငန်းလုပ်သူတွေအတွက် ပိုကောင်းတယ်လို့ ပြောလို့ရတယ်။

 

ပြီးတော့ ဒေါ်လာနဲ့ လစာရနေသူတွေ အတွက် ကောင်းတယ်။ အခြေအနေ တခုမှာ ကောင်းကျိုးတွေ၊ အားသာချက်တွေ ရှိတဲ့သူတွေ ရှိသလို ဆိုးကျိုးတွေရှိတဲ့ လူတွေလည်း ရှိတာပဲ။ စီးပွားရေးတခုလုံးကို ခြုံကြည့်ရင်တော့ အားသာချက် ရှိတဲ့သူတွေ များနေဖို့ပဲ၊ သူတို့အတွက် စဉ်းစားဖို့ပဲ လိုတာပေ့ါ။

 

တိုင်းပြည်အတွက် အားနည်းတဲ့ ငွေကြေးစနစ်ဖြစ်တဲ့အတွက် ဂျပန်မှာဆိုရင်တောင် သူတို့ငွေကြေးစနစ်ကို အားနည်းအောင်လုပ်တယ်။ တရုတ်လည်း ဒီလိုပဲ လုပ်သွားတာလေ။ ထုတ်ကုန်ကို အားပေးချင်တာကိုး။ ဒါကြောင့် သူ့ကို သူများတွေက ငွေကြေးတန်ဖိုးကို လျှော့ချတယ်ဆိုပြီး ရှုတ်ချကြတယ်။ တရုတ်ပြည်လုပ်တဲ့ ပုံစံကို ကြည့်လို့ရတာပဲလေ။

 

ပို့ကုန်လုပ်ငန်း လုပ်သူတွေ များများဝင်ငွေရလို့ နိုင်ငံခြားဈေးကွက်တွေ ရှိလာလို့ဆိုရင် ထုတ်ကုန်လုပ်ငန်းနဲ့ ပတ်သက်သူတွေအတွက် အကျိုးပိုရှိလာမယ်လို့ မှန်းပါတယ်။ တိုက်ရိုက် အကျိုးသက်ရောက်မှု ရှိနိုင်မှာ ဖြစ်သလို သွယ်ဝိုက်သောနည်းနဲ့ အကျိုးသက်ရောက်မှုတွေ ရှိနိုင်မှာပါ။

 

ဒေါ်လာဈေး အတက်အကျ ကြမ်းတဲ့အတွက် ကောင်းကျိုး ဆိုးကျိုး တွေက အားလုံးက ဈေးနှုန်းလို့ ပြောရင် ဝယ်လိုအားနဲ့ ရောင်းလိုအား ပေါ့။ ဝယ်လိုအား ရောင်းလိုအား မျှခြေပဲလေ။ အရင်က တဒေါ်လာ ၈၀၀ ကနေ အခု တဒေါ်လာ ၉၀၀ ဖြစ်လာတယ်။ အခု ၉၀၀ ကနေ ၁၀၀၀ ကြား ဖြစ်လာပြီဆိုတော့ ကောင်းကျိုး၊ ဆိုးကျိုး ဆိုတာထက် ဒါကို ပို့ကုန်လုပ်ငန်းရှင်တွေ အနေနဲ့ အခွင့်အရေးယူပြီး ကောင်းအောင်လုပ်ကြပါလို့ပဲ တိုက်တွန်းရမှာပါ။

 

ဒေါက်တာ မောင်မောင်စိုး (အငြိမ်းစားပါမောက္ခ၊ ရန်ကုန်အဝေးသင် တက္ကသိုလ် ဘောဂဗေဒဌာန)

 

ဒေါ်လာဈေးအတက်အကျ ကြမ်းတာက စီးပွားရေးအမြင်အရ ပြောမယ်ဆိုရင် လုံးဝမကောင်းဘူး။ တိုင်းပြည်အတွက် ဘယ်လို အကျိုးသက်ရောက်မှု ရှိနိုင်လဲဆိုတော့ ငွေဖောင်းပွမှုက ပိုကြောက်ဖို့ကောင်းတယ်။ အခု ဒေါ်လာဈေး အတက်အကျက အရမ်းကြမ်းတယ်။ ဒါတွေ ဘာလို့ အခုလိုဖြစ်နေတာလဲဆိုတာ ကျနော် မပြောတတ်သေးဘူး။ ပြည်သူတွေအတွက် အကျိုးသက်ရောက်မှုက လုံးဝမကောင်းဘူး။ အထူးသဖြင့် စီးပွားရေးအတွက် ပိုတောင် မကောင်းဘူး။ စီးပွားရေးအတွက် မကောင်းဘူးဆိုတာက အခု ဒေါ်လာက ဖောင်းပွနေတယ်။ ဒီတော့ ပေးချေတဲ့အခါမှာ ဒေါ်လာနဲ့ ချေရပြီ။ ဒီတော့ ပြည်သူတွေအပေါ် ထပ်ပိတာပေါ့။

 

ဦးကြည်မြင့် (လသာမြို့နယ် ပြည်သူ့လွှတ်တော်ကိုယ်စားလှယ်)

 

ဒေါ်လာဈေးထိုးတက်တာက  နိုင်ငံသားအများစုအတွက် မကောင်းဘူး။ ဒီထက် ထပ်တက်မယ်ဆိုရင် ပိုပြီးတော့ မကောင်းဘူး။ ဒေါ်လာဈေးတက်တဲ့အတွက် သွင်းကုန်တွေပါ ဈေးတက်တယ်။ ဒါပေမယ့် ဂျာနယ်တွေမှာ ကြည့်ရင် ပို့ကုန်သမားတွေ ငိုပြတာကို တွေ့ရတာ များနေတယ်။ အမှန်ဆို သူတို့အတွက်က ဒေါ်လာဈေးတက်လေ ကောင်းလေပဲလေ။ သူတို့က ဒေါ်လာဈေးတက်အောင် လွှတ်တော်တွေ အစိုးရအဖွဲ့တွေကို ချဉ်းကပ်ခဲ့တယ်၊ ဒီတော့ ဈေးတက်ခဲ့တယ်။ ဈေးတက်လာတော့ သူတို့အတွက် ကောင်းကျိုးတွေ ရှိပေမယ့် လူအများစုအတွက်ကတော့ ဆိုးကျိုးတွေ ရှိလာနိုင်တယ်။

 

တိုင်းပြည်အတွက်တော့ ကုန်ဈေးနှုန်းတွေ ကြီးကုန်တာပေါ့။ သွင်းကုန်ဆိုတဲ့ အထဲမှာ စားသောက် ကုန်တွေတင် မဟုတ်ဘဲ  ဓာတ်ဆီ၊ ဒီဇယ်ဆီလို စက်သုံးလောင်စာဆီတွေလည်း ပါတာကိုး။ ဒါတွေဈေးတက်မယ်၊ ကုန်ကြမ်းတွေ ဈေးတက်မယ်ဆိုရင် တိုင်းပြည်ရဲ့ ထုတ်လုပ်တဲ့ ကုန်စည်တွေအပြင် သယ်ယူပို့ဆောင်ရေးစရိတ်တွေပါ ဈေးတက် ကုန်မှာပေါ့။ ဒါတွေ ဈေးတက်ကုန်တော့ အလုပ်သမားတွေက လုပ်ခမလောက်လို့ လုပ်ခတွေ တိုးတောင်းလာမယ်။ မရပြန်တော့ လည်း ကိုယ့်ကိုကိုယ် သတ်သေတာတွေ၊ လုယက်မှုတွေ၊ ဆန္ဒပြမှုတွေ ထပ်ဖြစ်လာမှာပေ့ါ။

 

ပြည်သူတွေအတွက် အကျိုးသက်ရောက်မှုကတော့ မွဲပြီးရင်းမွဲရင်းပဲ ထပ်ဖြစ်လာမှာပေါ့။ စောစောကပြောတဲ့ ထွက်ပေါက်တွေကို လိုက်လုပ်ကြတာတွေ များလာမှာပေါ့။