?>

ကရင်နီ(ကယား)ပြည်နယ် တိုက်ပွဲတွင် တပတ်အတွင်း စစ်ကောင်စီ တပ်သား ၂၆ ဦးသေဆုံး

 ကရင်နီ(ကယား)ပြည်နယ် တိုက်ပွဲတွင် တပတ်အတွင်း စစ်ကောင်စီ တပ်သား ၂၆ ဦးသေဆုံး

ကရင်နီ(ကယား)ပြည်နယ်အတွင်း ဇွန်လ ပထမရက်သတ္တပတ်အတွင်း ဖြစ်ပွားခဲ့တဲ့တိုက်ပွဲတွေမှာ စစ်ကော်စီတပ်သား ၂၆ ဦး သေဆုံးပြီး ကရင်နီပူးပေါင်းတပ်ဘက်က ၁ ဦး ကျဆုံးခဲ့ကြောင်း ကရင်နီအမျိုးသားများကာကွယ်ရေးတပ် (KNDF)က ဇွန် ၈ ရက် ဒီနေ့ သတင်းထုတ်ပြန်ပါတယ်။


 အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ကရင်နီ(ကယား)ပြည်နယ်အတွင်း ဇွန်လ ပထမရက်သတ္တပတ်အတွင်း ဖြစ်ပွားခဲ့တဲ့တိုက်ပွဲတွေမှာ စစ်ကော်စီတပ်သား ၂၆ ဦး သေဆုံးပြီး ကရင်နီပူးပေါင်းတပ်ဘက်က ၁ ဦး ကျဆုံးခဲ့ကြောင်း ကရင်နီအမျိုးသားများကာကွယ်ရေးတပ် (KNDF)က ဇွန် ၈ ရက် ဒီနေ့ သတင်းထုတ်ပြန်ပါတယ်။

ဇွန် ၂  ရက်ကစပြီး လွိုင်လင်လေးမြို့နယ်၊ ထီးစဲခါးအုပ်စု၊ လင်ဖုံကြီးနဲ့ ကုန်းမှီကျေးရွာဘက် စစ်ကြောင်းထိုးလာတဲ့ စစ်ကောင်စီတပ်ဟာ ပြည်သူတွေကို ပစ်ခတ်သတ်ဖြတ် နေအိမ်တွေ မီးရှိုခဲ့တဲ့အပြင်  ရွာဝေါကို လက်နက်ကြီးတွေနဲ့ တနေကုန်နီးပါး ပစ်ခတ်ခဲ့ပါတယ်။

ဇွန် ၄ ရက်မှာ  လွိုင်ကော်မြို့ဘက်ကန ဒီးမော့ဆိုမြို့နယ်၊ ဒေါပိုးစီနဲ့  သေးဆူလဲကျေးရွာမှ  ဟိုဖိတ်ကျေးရွာဘက်ကို စစ်ကြောင်းနှစ်ကြောင်းထိုးတာတဲ့ စစ်ကောင်စီတပ်နဲ့ KNDF တို့ တိုက်ပွဲဖြစ်ပွားခဲ့ပါတယ်။

ဇွန် ၅ ရက်မှာ စံပြ ၆ မိုင်ကျေးရွာထဲက နေအိမ်တွေမှာ ခိုအောင်းနေတဲ့ စစ်ကောင်စီတပ်ကို KNDFက တိုက်ခိုက်ခဲ့သလို ဇွန် ၆ ရက်မှာလည်း ဒေါခလိုက်လင်းကျေးရွာမှာ စစ်ကြောင်းထိုးလာတဲ့ စစ်ကောင်စီတပ်တွေကို KNDF က ထပ်မံတိုက်ခိုက်ခဲ့ရာ၊  တိုက်ပွဲဖြစ်ပွားခဲ့ကြောင်း KNDF က ထုတ်ပြန်ထားပါတယ်။

ဖရူဆိုမြို့နယ်မှာလည်း ဘောလခဲမှ ဖရူဆိုသို့ ဦးတည်လာတဲ့ စစ်ကောင်စီယာဉ် အစီး ၄၀ ပါ ထောက်ပို့ယာဉ်တန်းကို ဇွန် ၁ ရက်မှ ၃ ရက်အထိ ကရင်နီပူးပေါင်းတပ်တို့မှ လောကျေခူနဲ့ မာခရော်ရှေးကျေးရွာမှာ တိုက်ခိုက်လို့   ယာဉ် ၃ စီး မီးလောင်ခဲ့ပြီး၊ KNDF က လက်နက်တချို့နဲ့  ယာဉ် ၂ စီးတို့ကို သိမ်းဆည်းရမိခဲ့ကြောင်း ထုတ်ပြန်ထားပါတယ်။

မနေ့ ဇွန် ၇ ရက်က အကြမ်းဖက်စစ်ကောင်စီတပ်တွေဟာ လွိုင်ကော်ဘက်ကနေ ရှမ်းကယားနယ်စပ် မိုးဗြဲမြို့ဘက်ကို စစ်ကြောင်းလာတဲ့အတွက် မိုးဗြဲမြို့အဝင်နားမှာ ကရင်နီပူးပေါင်းတပ်တွေနဲ့ တနေကုန်နီးပါး တိုက်ပွဲဖြစ်ပွားခဲ့ပါတယ်။

စစ်ကောင်စီတပ်က မိုးဗြဲမြို့ ညောင်ဝိုင်းရပ်ကွက်အတွင်း တပ်စွဲပြီး၊ ရပ်ကွက်နေပြည်သူတွေကို လူသားဒိုင်းအဖြစ် အသုံးပြုကာ မိုးဗြဲမြို့ထဲသို့ လက်နက်ကြီးတွေနဲ့ ပစ်ခတ်ခဲ့လို့ ပြည်သူ ၂ ဦး သေဆုံးကာ  ၃ ဦး  ဒဏ်ရာရရှိခဲ့ပါတယ်။

ဒီကနေ့မှာလည်း လွိုင်ကော်မြို့အဝင် ဆိုင်းဘုတ်အနီး မနက်အစောပိုင်းက တိုက်ပွဲဖြစ်ပွားခဲ့သလို စစ်ကောင်စီဘက်က လက်နက်ကြီးတွေနဲ့ ပစ်ခတ်ခဲ့တယ်လို့ မြို့ခံတွေက  ပြောပါတယ်။
====================================
END /251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*