?>

စစ်အာဏာရှင်သစ် လက်ထက် မြန်မာနိုင်ငံ အပေါ် တရုတ်က ပိုမိုချယ်လှယ် နိုင်မှုကို အိန္ဒိယက အနီးကပ် စောင့်ကြည့်မည်

စစ်အာဏာရှင်သစ် လက်ထက် မြန်မာနိုင်ငံ အပေါ် တရုတ်က ပိုမိုချယ်လှယ် နိုင်မှုကို အိန္ဒိယက အနီးကပ် စောင့်ကြည့်မည်

မြန်မာနိုင်ငံမှာ ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း တရုတ်က ပိုမိုချယ်လှယ်ဖို့ ကြိုးစား လာတာကို အနီးကပ်စောင့်​ကြည့်ရမယ်လို့ အိန္ဒိယ စစ်ဦးစီးအရာရှိချုပ် ဘီပင် ရာဝပ်က မနေ့မှာ ပြောကြားလိုက်ပါတယ်။


အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



မြန်မာနိုင်ငံမှာ ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း တရုတ်က ပိုမိုချယ်လှယ်ဖို့ ကြိုးစား လာတာကို အနီးကပ်စောင့်​ကြည့်ရမယ်လို့ အိန္ဒိယ စစ်ဦးစီးအရာရှိချုပ် ဘီပင် ရာဝပ်က မနေ့မှာ ပြောကြားလိုက်ပါတယ်။

အာဏာသိမ်းမှုကြောင့် မြန်မာစစ်ခေါင်းဆောင်တွေအပေါ် နိုင်ငံတကာက ပိတ်ဆို့အရေးယူမှုတွေ လုပ်ဆောင်ထားတာပါ။ ရာဝပ်က ဒီပိတ်ဆို့မှုတွေကြောင့် မြန်မာနိုင်ငံမှာ တရုတ်က ပိုမိုချယ်လှယ်ခွင့်ရသွားမယ်လို့ သုံးသပ်ပါတယ်။

“ပိတ်ဆို့မှုတွေခံရတဲ့ မြန်မာနိုင်ငံကို ခါးပတ်တစ်ကွင်းလမ်းတစ်စင်း (BRI) စီမံကိန်းနဲ့ ပိုပြီး နေရာယူဖို့ရှိနေတယ်။ အိန္ဒိယအရှေ့မြောက်ပိုင်း ဒေသအတွက် စိန်ခေါ်မှုဖြစ်သလို၊ အခွင့်အလမ်းလည်း ဖြစ်ပါတယ်”

မြန်မာနိုင်ငံမှာ ဒီမိုကရေစီ ပြန်လည်ထွန်းကားမှသာ ဒေသအတွင်း အထူးသဖြင့် သမိုင်းကြောင်းနဲ့ ယဉ်ကျေးမှုမှာ ဆက်စပ်မှုတွေရှိနေတဲ့ အိန္ဒိယရဲ့ အနာဂတ် ပိုမိုကောင်းမွန်မှာ ဖြစ်တယ်လို့လည်း ရာဝပ်က ဆိုပါတယ်။

အရှေ့မြောက်ပိုင်း အိန္ဒိယပြည်မကြီးကို ကျဉ်းမြောင်းတဲ့ စီလီဂူရီ စင်္ကြန်လမ်းတစ်ခုတည်းနဲ့သာ ဆက်သွယ်ထားနိုင်တာဖြစ်ပြီး ဒေသတွင်းမှာ တရုတ်က ပိုမိုကြီးစိုးဖို့ လုပ်ဆောင်နေတဲ့အချိန် ဒီနေရာဟာ ပထဝီနိုင်ငံရေးမှာ အလွန်မဟာဗျူဟာကျတဲ့ဒေသ ဖြစ်တယ်လို့ ရာဝပ်က ထည့်သွင်းပြောဆိုခဲ့ပါတယ်။

မြန်မာနိုင်ငံကနေ ရိုဟင်ဂျာတွေ ထွက်ပြေးလာရပြီး ပတ်ဝန်းကျင်နိုင်ငံတွေမှာ ဒုက္ခသည်တွေအဖြစ် ခိုလှုံနေရတာဟာ အစွန်းရောက်အဖွဲ့အစည်းတွေ အမြတ်ထုတ်စရာ​ ဖြစ်လာနိုင်ကာ ဒေသတွင်း တည်ငြိမ်အေးချမ်းရေး၊ လုံခြုံရေးကို ထိခိုက်စေနိုင်ကြောင်း၊ တရုတ်ရန်အပြင် သူပုန်ကိစ္စ၊ တရားမဝင် ဝင်ရောက်မှု၊ မူးယစ်မှောင်ခိုမှု စတဲ့ စိန်ခေါ်မှုတွေလည်း အရှေ့မြောက်ပိုင်းဒေသမှာ ရှိနေသေးကြောင်း စစ်ဦးစီးအရာရှိချုပ်က ဆိုပါတယ်။
****************************************************************

END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*