?>

တတိယမြောက် ပြည်တွင်းဖြစ် ကိုဗစ် ကာကွယ်ဆေး ကို အီရန် က လူသားများတွင် စမ်းသပ်

 တတိယမြောက် ပြည်တွင်းဖြစ် ကိုဗစ် ကာကွယ်ဆေး ကို အီရန် က လူသားများတွင် စမ်းသပ်

တတိယမြောက် ပြည်တွင်းဖြစ် ကိုဗစ်ကာကွယ်ဆေး Fakhravac ကို လူသားတွေမှာ စတင်စမ်းသပ်နေပြီလို့ အီရန်က ကြေငြာပါတယ်။


အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


တတိယမြောက် ပြည်တွင်းဖြစ် ကိုဗစ်ကာကွယ်ဆေး Fakhravac ကို လူသားတွေမှာ စတင်စမ်းသပ်နေပြီလို့ အီရန်က ကြေငြာပါတယ်။

ပြီးခဲ့တဲ့နှစ် နိုဝင်ဘာနှောင်းပိုင်းမှာ လုပ်ကြံခံလိုက်ရတဲ့ နျူသိပ္ပံပညာရှင် မိုရှန် ဖာကရီဇာဒါကို ဂုဏ်ပြုတဲ့အနေနဲ့ Fakhravac လို့ အမည်ပေးထားတာပါ။ ဖာကရီဇာဒါဟာ ကိုဗစ်ကာကွယ်ဆေး ထုတ်လုပ်ရေးအဖွဲ့တစ်ခုကို ဦးဆောင်ခဲ့သူလည်း ဖြစ်ပါတယ်။

Fakhravac ကိုဗစ်ကာကွယ်ဆေး လူသားတွေမှာ စတင်စမ်းသပ်ထိုးနှံမှု အခမ်းအနားကို ဒီကနေ့ မြို့တော်တီဟီရန်မှာ ပြုလုပ်ခဲ့ပါတယ်။ ဒီအခမ်းအနားကို ကာကွယ်ရေးဝန်ကြီး အမီရန် ဟာတာမီ၊ ကျန်းမာရေးဝန်ကြီး စအီဒ် နာမာကီနဲ့ ဖာကရီဇာဒါရဲ့ မိသားစုဝင်တွေ ဒီအခမ်းအနားကို တက်ရောက်ခဲ့ပါတယ်။

ဖာကရီဇာဒါရဲ့သားဖြစ်သူ ဟာမဒ် ဖာကရီဇာဒါက မိမိဆန္ဒအလျောက် ဒီကာကွယ်ဆေးကို ထိုးနှံခဲ့ပါတယ်။

အီရန်ရဲ့ ပထမဦးစားပေး ကိုဗစ်ကာကွယ်ဆေးဟာ COVIran Barekat ဖြစ်ပြီး လက်ရှိမှာ အလုံးရေ ၃ သန်းထုတ်လုပ်မှု စတင်နေပြီလို့ အီရန် ကိုဗစ်ကာကွယ်ဆေးစီမံကိန်း Setad ရဲ့ အကြီးအကဲ မိုဟာမက် မွခ်ဘာရ်က ပြောပါတယ်။ အခုနွေရာသီကုန်ရင် အလုံးရေ ၁၅ သန်းလောက် ထုတ်လုပ်ဖို့ အီရန်က စီစဉ်နေပါတယ်။

ကနဦးစမ်းသပ်မှုတွေအရ Barekat ကာကွယ်ဆေးဟာ ၉၀ ရာခိုင်နှုန်း ထိရောက်မှုရှိတယ်လို့ အီရန်အာဏာပိုင်တွေက ​ပြောပါတယ်။ တနင်္လာနေ့မှာ အဆင့် ၂ စမ်းသပ်မှု စတင်ခဲ့ပြီး သိပ်မကြာခင်မှာ အဆင့် ၃ စမ်းသပ်မှုနဲ့ပေါင်းကာ နိုင်ငံအတွင်းက လူသောင်းချီကို ထိုးပေးမှာ ဖြစ်ပါတယ်။

အီရန်ဆေးသုတေသနကုမ္ပဏီ Pasteur Institute of Iran နဲ့ ကျူးဘားနိုင်ငံတို့ ပူးပေါင်းထုတ်လုပ်တဲ့ ကိုဗစ်ကာကွယ်ဆေးတစ်မျိုးကိုလည်း လူသားတွေမှာ စတင်စမ်းသပ်ခဲ့ပြီး အလုံးရေ ၁ သိန်း မှာယူခဲ့ပါတယ်။

နောက်ထပ် အီရန်ဆေးဝါးလုပ်ငန်း Razi Vaccine and Serum Research Institute က ထုတ်တဲ့ Razi COV-Pars ကိုလည်း လူသားတွေမှာ စမ်းသပ်ဖို့ စီစဉ်နေပါတယ်။

၂၀၂၀ အစောပိုင်း ကိုဗစ် စတင်ပြန့်နှံချိန်ကစလို့ အီရန်မှာ သေဆုံးသူ ၆၁၀၀၀ ရှိခဲ့တာပါ။ လက်ရှိမှာ နိုင်ငံရပ်ခြားက ကိုဗစ်ကာကွယ်ဆေးတွေကို တင်သွင်းပြီး ထိုးပေးတာမျိုးတွေကိုလည်း အီရန်က လုပ်ဆောင်နေပါတယ်။

******************************************
END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*