?>

ယီမင် စစ်ပွဲ ဆော်ဒီ ကို ပံ့ပိုးပေး မှု အမေရိကန် ရပ် ဆိုင်းမည်

ယီမင် စစ်ပွဲ ဆော်ဒီ ကို ပံ့ပိုးပေး မှု အမေရိကန် ရပ် ဆိုင်းမည်

ယီမင်ပြည်တွင်းစစ်မှာ ပါဝင်နေတဲ့ ဆော်ဒီဦးဆောင်တဲ့အဖွဲ့ကို ထောက်ပံ့မှု ရပ်ဆိုင်းတော့မယ်လို့ အမေရိကန်သမ္မတ ဂျိုးဘိုင်ဒန်က ကြေငြာလိုက်ပြီး စစ်ပွဲအဆုံးသတ်ရေး ပိုပြီးထဲထဲဝင်ဝင် ပါဝင်သွားမယ်လို့ ဆိုပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ယီမင်ပြည်တွင်းစစ်မှာ ပါဝင်နေတဲ့ ဆော်ဒီဦးဆောင်တဲ့အဖွဲ့ကို ထောက်ပံ့မှု ရပ်ဆိုင်းတော့မယ်လို့ အမေရိကန်သမ္မတ ဂျိုးဘိုင်ဒန်က ကြေငြာလိုက်ပြီး စစ်ပွဲအဆုံးသတ်ရေး ပိုပြီးထဲထဲဝင်ဝင် ပါဝင်သွားမယ်လို့ ဆိုပါတယ်။

အီရန်ကျောထောက်နောက်ခံပြု ဟူသီအဖွဲ့က ယီမင်အစိုးရကို ဖြုတ်ချခဲ့တဲ့ ၂၀၁၄ ခုနှစ်မှာ ပြည်တွင်းစစ်စတင်ခဲ့တာဖြစ်ပြီး ၂၀၁၅ ခုနှစ်ရောက်တဲ့အခါ ဆော်ဒီဦးဆောင်တဲ့ မဟာမိတ်အဖွဲ့က ဖြုတ်ချခံရတဲ့ အစိုးရဘက်ကနေ ဝင်တိုက်ပေးခဲ့ပါတယ်။ စစ်ပွဲကြောင့် လူသောင်းချီသေဆုံးခဲ့ရသလို၊ စားနပ်ရိက္ခာပြဿနာ၊ ကျန်းမာရေးပြဿနာတွေလည်း ယီမင်မှာ အကြီးအကျယ် ဖြစ်ပွားခဲ့ပါတယ်။

ဘိုင်ဒန်က လက်နက်ရောင်းချမှုအပါအ၀င် ယီမင်စစ်ပွဲမှာ ပံ့ပိုးပေးနေမှု ပုံစံအားလုံးကို ရပ်ဆိုင်းသွားမယ်လို့ မနေ့က နိုင်ငံခြားရေးဆိုင်ရာ အခြေပြမိန့်ခွန်းမှာ ပြောကြားခဲ့ပါတယ်။ ဆော်ဒီရဲ့ အချုပ်အခြာအာဏာကို ကာကွယ်ပေးသွားမယ်လို့လည်း သူက ဆိုပါတယ်။

“တစ်ချိန်တည်းမှာပဲ နိုင်ငံပေါင်းစုံမှာ အီရန်ကျောထောက်နောက်ခံပြုထားတဲ့ အဖွဲ့တွေရဲ့ ဒုံးကျည်နဲ့တိုက်ခိုက်မှုတွေ၊ ဒရုန်းနဲ့တိုက်ခိုက်မှုတွေကို ဆော်ဒီက ခံနေရတယ်။ ဆော်ဒီရဲ့အချုပ်အခြာအာဏာ၊ ပိုင်နက်နယ်မြေနဲ့ ပြည်သူတွေကို ကျွန်တော်တို့က ဆက်လက် ကာကွယ်ပေးသွားမှာဖြစ်ပါတယ်”

ဆော်ဒီအာရေဗျ နိုင်ငံခြားရေးဝန်ကြီး ဖိုက်ဆဲလ် ဘင် ဖာရ်ဟန် အလ်-ဆာအွဒ်က ဒေသတွင်းပြဿနာတွေဖြေရှင်းရေး ပူးပေါင်းဆောင်ရွက်မယ်ဆိုတဲ့ ဘိုင်ဒန်ရဲ့ပြောကြားချက်ကို ကြိုဆိုခဲ့ပြီး ယီမင်စစ်ပွဲမှာ ဆော်ဒီကို မကူညီတော့ဘူးဆိုတဲ့ကိစ္စအတွက် ဘာမှတ်ချက်မှ မပေးခဲ့ပါဘူး။

ယီမင်မှာ ဆော်ဒီဦးဆောင်တဲ့အဖွဲ့ရဲ့ တိုက်ခိုက်မှုတွေကို အမေရိကန်က ကူညီမပေးတော့ပေမယ့် ယီမင်မှာအခြေစိုက်တဲ့ အာရေဗျကျွန်းဆွယ်ဆိုင်ရာ အလ်-ကိုင်းဒါးအဖွဲ့ကို တိုက်ဖျက်ရာမှာ ဒေသတွင်းနိုင်ငံတွေနဲ့ ပူးပေါင်းဆောင်ရွက်သွားမယ်လို့ ဘိုင်ဒန်ရဲ့ နိုင်ငံတော်လုံခြုံရေးအကြံပေး ဂျိတ်ဆူလီဗန်က ပြောကြားခဲ့ပါတယ်။


********************************************
END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*

پیام رهبر انقلاب به مسلمانان جهان به مناسبت حج 1441 / 2020
We are All Zakzaky
No to deal of the century