အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


ရန်ကုန်မြို့ပေါ်လမ်းမတွေပေါ်မှာ စစ်အာဏာရှင်ဆန့်ကျင်ရေးလှုပ်ရှားမှုအဖြစ် ဒီကနေ့ ဖေဖော်ဝါရီ ၁၇ ရက် မနက် အစောပိုင်းလောက်ကတည်းက ကားတွေပျက်နေတယ်ဆိုပြီး ရပ်ထားတာကို တွေ့ရပါတယ်။

ရန်ကုန်မြို့ရဲ့ အဓိကလမ်းမကြီးတွေ၊ လမ်းဆုံလမ်းခွတွေ၊ တံတားတွေပေါ်မှာ ရပ်ထားတဲ့ ကားတွေထဲမှာ အိမ်စီးကားတွေ၊ တက္ကစီအငှားကားတွေသာမက YBS ဘတ်စ်ကားကြီးတွေပါ တွေ့ရပြီး  တချို့ကားတွေကတော့  စက်ဖုံးတွေ ဖွင့်ကာ ရပ်ထားကြတာဖြစ်ပါတယ်။ အဲ့ဒီလို ကားပိတ်ဆို့မှုတွေနဲ့အတူ ဆန္ဒပြသူတော်တော်များများလည်း လမ်းတွေပေါ်မှာ ရှိနေပါတယ်။

မြန်မာနိုင်ငံတော်ဗဟိုဘဏ်သွားရာလမ်းဖြစ်တဲ့ စက်မှု ၁ လမ်းနဲ့ ရန်ကင်းလမ်းထောင့်၊ ဦးချစ်မောင်လမ်း၊ လှည်းတန်း၊ အင်းစိန်လမ်းမကြီး၊ ဗိုလ်ချုပ်လမ်း၊ အနော်ရထာလမ်း၊ ဗိုလ်မြတ်ထွန်းလမ်း၊ ဆူးလေဘုရားလမ်းနဲ့ မဟာဗန္ဓုလတံတားပေါ်မှာ ကားပျက်တယ်ဆိုပြီး ကားတွေ အများအပြားရပ်တန့်ထားကြပါတယ်။

အဲ့ဒီလို ကားတွေရပ်ပြီး ပိတ်နေတာကို ရဲတပ်ဖွဲ့က လာရောက်ကြည့်ရှုပြီး ကားနံပါတ်တွေကို မှတ်တမ်းယူသွားတာလည်း တွေ့ရပါတယ်။  လမ်းတချို့မှာတော့ စက်ဘီးတွေနဲ့ အနှေးယာဉ်ဆိုက်ကားတွေ ရပ်ပြီး လမ်းပိတ်ထားတာ တွေ့ရပါတယ်။

အာဏာသိမ်းစစ်အစိုးရကို ဆန့်ကျင်ကန့်ကွက်တဲ့အနေနဲ့ ရန်ကုန်မြို့မှာ  သန်းနဲ့ချီတဲ့ ပြည်သူလူထုတွေက ငြိမ်းချမ်းစွာ ဆန္ဒထုတ်ဖော်ခဲ့ကြပါတယ်။


******************************************
END / 251