?>

ရှရီအာ ဥပဒေ၏ လူနည်းစု အခွင့် အရေးအရ ဟိန္ဒူဘုရားကျောင်းဆောက် ခွင့်ပေးရန် ပါကစ္စတန် ထိပ်တန်း အစ္စလာမ်ဘာသာရေး အဖွဲ့ ဆုံးဖြတ်

ရှရီအာ   ဥပဒေ၏ လူနည်းစု အခွင့် အရေးအရ ဟိန္ဒူဘုရားကျောင်းဆောက်                      ခွင့်ပေးရန် ပါကစ္စတန် ထိပ်တန်း အစ္စလာမ်ဘာသာရေး အဖွဲ့ ဆုံးဖြတ်


ဘာသာရေးကိစ္စတွေမှာ အစိုးရကို အကြံပေးနေတဲ့ ပါကစ္စတန် အစ္စလာမ့် သာသနာရေးရာကောင်စီ (CII) က မြို့တော် အစ္စလာမ်မာဘတ်မှာ ဟိန္ဒူဘုရားကျောင်းဆောက်လုပ်ဖို့ ခွင့်ပြုခဲ့ပြီး လူနည်းစုတွေ ဝတ်ပြုရာနေရာ ရရှိရေး အာမခံပေးထားတဲ့ အစ္စလာမ့်ရှရီအာဥပဒေအတိုင်း ဆုံးဖြတ်တာဖြစ်တယ်လို့ ထုတ်ပြန်ခဲ့ပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ဘာသာရေးကိစ္စတွေမှာ အစိုးရကို အကြံပေးနေတဲ့ ပါကစ္စတန် အစ္စလာမ့် သာသနာရေးရာကောင်စီ (CII) က မြို့တော် အစ္စလာမ်မာဘတ်မှာ ဟိန္ဒူဘုရားကျောင်းဆောက်လုပ်ဖို့ ခွင့်ပြုခဲ့ပြီး လူနည်းစုတွေ ဝတ်ပြုရာနေရာ ရရှိရေး အာမခံပေးထားတဲ့ အစ္စလာမ့်ရှရီအာဥပဒေအတိုင်း ဆုံးဖြတ်တာဖြစ်တယ်လို့ ထုတ်ပြန်ခဲ့ပါတယ်။

ဗုဒ္ဓဟူးနေ့က ထုတ်ပြန်ခဲ့တဲ့ ဒီဆုံးဖြတ်ချက်ကြောင့် မြို့တော် အစ္စလာမ်မာဘတ်မှာ ဟိန္ဒူဘုရားကျောင်းသစ်တစ်ခု ထွက်ပေါ်လာတော့မှာ ဖြစ်ပါတယ်။ လူဦးရေ ၁ သန်းကျော်ရှိနေတဲ့ အစ္စလာမ်မာဘတ်မှာ ဟိန္ဒူဦးရေက ၃ သောင်းလောက် ရှိနေတာပါ။

ပါကစ္စတန်လွှတ်တော်က ထင်ရှားတဲ့ ဟိန္ဒူခေါင်းဆောင် လာလ်မလ်ဟီက CII ရဲ့ ဒီဆုံးဖြတ်ချက်ကို ကြိုဆိုကြောင်း ပြောကြားခဲ့ပါတယ်။

အခြေခံဥပဒေမှာ အာမခံထားတဲ့ လူနည်းစုအခွင့်အရေးအရ ဟိန္ဒူတွေဟာ ဘာသာရေးကိစ္စအတွက် သင့်လျော်တဲ့ ဝတ်ပြုရာနေရာတစ်ခုရှိဖို့ လိုအပ်တယ်လို့ ထိပ်တန်း အစ္စလာမ် သာသနာ့ပညာရှင်တွေနဲ့ ဖွဲ့စည်းထားတဲ့ CII ရဲ့ ကြေငြာချက်မှာ ဖော်ပြထားပါတယ်။ လူနည်းစုတွေ မင်္ဂလာအခမ်းအနား၊ ဘာသာရေးအခမ်းအနားတွေကျင်းပနိုင်ရေး ဟောခန်းမတစ်ခု တည်ဆောက်ဖို့လည်း CII က ခွင့်ပြုခဲ့ပါတယ်။

သဘောထားတင်းမာပြီး အမျိုးဘာသာသာသနာ စောင့်ရှောက်ရေး ကြွေးကြော်နေတဲ့ မွတ်စလင်တစ်ချို့ရဲ့ ခြိမ်းခြောက်မှုကြောင့် အစ္စလာမ်မာဘတ်မြို့က ဆောက်လုပ်ဆဲ ဟိန္ဒူဘုရားကျောင်းကို ရပ်ဆိုင်းထားဖို့ ဝန်ကြီးချုပ် အင်မရန်းခန်းက ဇွန်လမှာ အမိန့်ထုတ်ခဲ့ပါတယ်။

ပါကစ္စတန် ထိပ်တန်း အစ္စလာမ်ဘာသာရေးအဖွဲ့ CII ရဲ့ အခုထုတ်ပြန်မှုကြောင့် ဟိန္ဒူဘုရားကျောင်း ဆောက်လုပ်ရေးလုပ်ငန်း ပြန်လည်စတင်နိုင်တော့မှာပါ။ ဒီဘုရားကျောင်းအတွက် ပြည်သူ့ဘဏ္ဍာထဲက ကန်ဒေါ်လာ ၆ သိန်း ထုတ်ပေးဖို့လည်း ဝန်ကြီးချုပ် အင်မရန်းခန်းက ကတိပြုထားပါတယ်။ အင်မရန်းခန်းဟာ အခြေခံဥပဒေမှာ အာမခံပေးထားတဲ့ လူနည်းစုအခွင့်အရေး အပြည့်အ၀ရရှိအောင် ဆောင်ရွက်ပေးမယ်ဆိုတဲ့ ကတိကဝတ်နဲ့ အာဏာရလာတာ ဖြစ်ပါတယ်။

ပန်ဂျပ်ပြည်နယ်က ဆစ်ခ်ဘာသာကိုတည်ထောင်သူ ဂုရုနာနက်ရဲ့ ဗိမာန်ကို အိန္ဒိယက ဆစ်ခ်ဘာသာဝင်တွေ အလွယ်တကူဘုရားဖူးလာရောက်နိုင်ရေးအတွက် ပြီးခဲ့တဲ့နှစ်နှောင်းပိုင်းမှာ အင်မရန်းခန်းအစိုးရက ဗီဇာကင်းလွတ်ခွင့် ပြုခဲ့ပါတယ်။

၁၉၉၈ ခုနှစ် သန်းခေါင်စာရင်းအရ ပါကစ္စတန်မှာ ဟိန္ဒူဘာသာဝင် ၈ သန်းဝန်းကျင်ရှိပြီး အများစုဟာ ၁၉၄၇ ခုနှစ် ပါကစ္စတန်နိုင်ငံ ပေါ်ပေါက်လာပြီးတဲ့နောက် အိန္ဒိယကနေ ပြောင်းရွှေ့လာကြသူတွေဖြစ်ပါတယ်။ နိုင်ငံတစ်ဝှမ်း ဟိန္ဒူဘုရားကျောင်း ၄၀၀ ကျော်ရှိနေပါတယ်။

******************************************

END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*