?>

အာဏာသိမ်းစစ်ကောင်စီကလုပ်မည့် ရွေးကောက်ပွဲ တရားမျှတမည်မဟုတ်

အာဏာသိမ်းစစ်ကောင်စီကလုပ်မည့် ရွေးကောက်ပွဲ တရားမျှတမည်မဟုတ်

စစ်ကောင်စီက လာမယ့်နှစ်မှာလုပ်ဖို့ စီစဉ်ထားတဲ့ ရွေးကောက်ပွဲဟာ လွတ်လပ်ပြီး၊ တရားမျှတဲ့ ရွေးကောက်ပွဲမျိုး ဖြစ်လာမှာ မဟုတ်ဘူးလို့ အမေရိကန်အစိုးရ အကြံပေး ဒဲရစ်ခိုလက်က ပြောကြားလိုက်ပါတယ်။


အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

စစ်ကောင်စီက လာမယ့်နှစ်မှာလုပ်ဖို့ စီစဉ်ထားတဲ့ ရွေးကောက်ပွဲဟာ လွတ်လပ်ပြီး၊ တရားမျှတဲ့ ရွေးကောက်ပွဲမျိုး ဖြစ်လာမှာ မဟုတ်ဘူးလို့ အမေရိကန်အစိုးရ အကြံပေး ဒဲရစ်ခိုလက်က ပြောကြားလိုက်ပါတယ်။

၂၀၂၁ ဖေဖော်ဝါရီ ၁ ရက်နေ့က အာဏာသိမ်းခဲ့တဲ့ စစ်တပ်ဟာ တစ်နှစ်အတွင်း ရွေးကောက်ပွဲလုပ်ပေးမယ်လို့ အဲဒီတုန်းက ကတိပေးခဲ့တာပါ။ ဒါပေမယ့် နောက်ပိုင်းမှာ တိုင်းပြည်မတည်ငြိမ်တာကိုအကြောင်းပြကာ ရွှေ့ဆိုင်းခဲ့ပြီး ၂၀၂၃ ခုနှစ် ဩဂုတ်လမှာ ရွေးကောက်ပွဲလုပ်မယ်လို့ နောက်ဆုံး ထုတ်ပြန်ထားပါတယ်။

ဒဲရစ်ခိုလက်က စစ်ကောင်စီရဲ့ ဒီအစီအစဉ်ဟာ ဒေသတွင်းနဲ့ နိုင်ငံတကာအသိုင်းအဝိုင်းကို လှည့်စားဖို့ဖြစ်တယ်လို့ စင်ကာပူမှာ မနေ့ကလုပ်တဲ့ ဆွေးနွေးပွဲတစ်ခုမှာ ပြောကြားခဲ့ပါတယ်။

“လွတ်လပ်ပြီး၊ တရားမျှတတဲ့ ရွေးကောက်ပွဲမျိုးဖြစ်လာဖို့ အလားအလာမရှိဘူးလို့ ကျွန်တော်ထင်ပါတယ်။ ဒေသတွင်းနဲ့ နိုင်ငံတကာကို လှည့်စားဖို့ ကြိုးပမ်းမှုသာ ဖြစ်ပါလိမ့်မယ်”

စစ်အာဏာသိမ်းမှုဆန့်ကျင်တဲ့ ပြည်သူလူထုရဲ့လှုပ်ရှားမှုတွေကို စစ်ကောင်စီက အကြမ်းပတမ်း တုန့်ပြန်ရာမှာ အခုအချိန်အထိ လူ ၂ ထောင်ကျော်သေဆုံးခဲ့ပြီး ထောင်သောင်းချီ ဖမ်းဆီးခံထားရပါတယ်။ လက်နက်ကိုင်တော်လှန်ရေး အားကောင်းတဲ့ ဒေသတွေမှာ စစ်တပ်က ရွာလုံးကျွတ် မီးရှို့ဖျက်ဆီးမှုတွေလည်း နေ့စဉ်ရက်ဆက် ဖြစ်နေပါတယ်။

မြန်မာနိုင်ငံဆိုင်ရာ ကုလအထူးကိုယ်စားလှယ် နိုလင်းဟေဇာက စစ်တပ်ကလုပ်ဖို့ စီစဉ်ထားတဲ့ တရားမဝင် ရွေးကောက်ပွဲဟာ ပြည်သူ့ဆန္ဒကို အလေးထားပြီး၊ အရပ်သားအုပ်ချုပ်ရေးကို ပြန်သွားမယ့် ရွေးကောက်ပွဲမျိုး မဟုတ်ဘူးလို့ ပြည်သူလူထုက ‌ယူဆရင် တိုင်းပြည်မှာ မတည်ငြိမ်မှုကိုသာ ထပ်ဖြစ်စေလိမ့်မယ်လို့ သုံးသပ်ပါတယ်။

****************************************************************
END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*