?>

အိန္ဒိယ တွင် မွတ်စလင် အမျိုးသမီးများ အား လေလံတင် ရောင်းသည့် App တစ်ခုကို အစွန်းရောက်များ ဖန်တီး

အိန္ဒိယ တွင် မွတ်စလင် အမျိုးသမီးများ အား လေလံတင် ရောင်းသည့် App တစ်ခုကို အစွန်းရောက်များ ဖန်တီး

မွတ်စလင်အမျိုးသမီးတွေကို လေလံတင်ရောင်းချတဲ့ ဖုန်းအက်ပလီကေးရှင်းတစ်ခု အခုလအစောပိုင်းက အိန္ဒိယမှာ ပေါ်ထွက်လာခဲ့ပြီး တက်ကြွလှုပ်ရှားသူတွေအပေါ် ဟိန္ဒူအစွန်းရောက်တွေရဲ့ တိုက်ခိုက်အသရေဖျက်မှုတွေထဲက တစ်ခု ဖြစ်ပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


မွတ်စလင်အမျိုးသမီးတွေကို လေလံတင်ရောင်းချတဲ့ ဖုန်းအက်ပလီကေးရှင်းတစ်ခု အခုလအစောပိုင်းက အိန္ဒိယမှာ ပေါ်ထွက်လာခဲ့ပြီး တက်ကြွလှုပ်ရှားသူတွေအပေါ် ဟိန္ဒူအစွန်းရောက်တွေရဲ့ တိုက်ခိုက်အသရေဖျက်မှုတွေထဲက တစ်ခု ဖြစ်ပါတယ်။

Sulli Deals လို့ခေါ်တဲ့ အဲဒီ အပ်ပလီကေးရှင်းမှာ မွတ်စလင်အမျိုးသမီး ၈၀ ကျော်ရဲ့ ပုံတွေ၊ ကိုယ်ရေးအချက်အလက်တွေ ပါဝင်ပြီး ဈေးပြိုင်စနစ်နဲ့ ရောင်းချတဲ့ပုံစံမျိုး ဖန်တီးထားပါတယ်။

Sulli ဆိုတာ ဟိန္ဒူအစွန်းရောက်တွေက မွတ်စလင်အမျိုးသမီးတွေအပေါ် နှိမ့်ချခေါ်ဝေါ်တဲ့ စကားလုံးဖြစ်ပါတယ်။ အက်ပလီကေးရှင်းမှာ ပါဝင်သူအများစုဟာ ကျောင်းသူတွေ၊ တက်ကြွလှုပ်ရှားသူတွေနဲ့ ဂျာနယ်လစ်တွေဖြစ်ပါတယ်။

နိုင်ငံမြောက်ပိုင်း ပါတူဒီမြို့က အခမ်းအနားတစ်ခုကို တက်ရောက်တဲ့ မွတ်စလင်အမျိုးသမီးတွေကို ပြန်ပေးဆွဲဖို့ ဟိန္ဒူလက်ယာစွန်းရောက်တစ်ဦးက တိုက်တွန်းဆော်ဩပြီးတဲ့နောက် Sulli Deals အက်ပလီကေးရှင်း ပေါ်ထွက်လာတာ ဖြစ်ပါတယ်။

“အဲ့ဒီညတုန်းကဆိုရင် ကျွန်မကို မက်ဆေ့ခ်ျပို့လာတဲ့သူတွေကို ပြန်မဖြေနိုင်တော့ဘူး။ Twitter ကို Log out လုပ်လိုက်ရတယ်။ ပြန်လည်တုန့်ပြန်ဖို့ ကျွန်မမှာ စွမ်းအား မရှိတော့ပါဘူး” လို့ အက်ပလီကေးရှင်းမှာ ပါဝင်နေတဲ့ ဖာတီမာက ပြောပါတယ်။

ဖာတီမာဟာ အူတာပရာဒက်ရ်ှပြည်နယ် အလာဟာဘတ်မြို့က ဖြစ်ပါတယ်။

ဒီ အက်ပလီကေးရှင်းနဲ့ပတ်သက်ပြီး အိန္ဒိယပြည်သူတွေက ဝေဖန်ပြောကြားမှုတွေ ပေါ်ထွက်လာပြီးတဲ့နောက် GitHub က ဒီ အက်ပလီကေးရှင်းကို ဖြုတ်ချပေးခဲ့ပြီး လူတွေကို အရှက်ရအောင်လုပ်တာ၊ ခွဲခြားဆက်ဆံတာနဲ့ အကြမ်းဖက်ဖို့ လှုံ့ဆော်တဲ့ အရာတွေကို မိမိတို့ပလက်ဖောင်းမှာ လက်သင့်မခံတဲ့မူဝါဒမျိုး အရင်ကတည်းက ချမှတ်ထားတယ်လို့ ထုတ်ပြန်ခဲ့ပါတယ်။
ရဲတပ်ဖွဲ့က အရေးမယူ

ဒေလီ အမျိုးသမီးရေးရာကော်မရှင် (DCW) နဲ့ နိုင်ငံလုံးဆိုင်ရာ အမျိုးသမီးရေးရာကော်မရှင်တို့က စုံစမ်းစစ်ဆေးဖို့ ဆော်ဩခဲ့တာကြောင့် ဒေလီရဲတပ်ဖွဲ့ဟာ ဇူလိုင်လ ၈ ရက်နေ့မှာ အမှုဖွင့်ခဲ့ပါတယ်။

ဒါပေမယ့် ဖမ်းဆီးအရေးယူတာမျိုး အခုအချိန်အထိ မလုပ်သေးပါဘူး။

ထင်ရှားတဲ့ ဂျာနယ်လစ်တစ်ဦးဖြစ်ပြီး တက်ကြွလှုပ်ရှားသူလည်းဖြစ်တဲ့ ရာနာ အယွဘ်က ဒါဟာ ထက်မြက်တဲ့ မွတ်စလင်အမျိုးသမီးတွေအပေါ် စနစ်တကျ ပစ်မှတ်ထားတိုက်ခိုက်တဲ့ လုပ်ရပ်ဖြစ်တယ်လို့ ပြောကြားခဲ့ပါတယ်။

ရာနာဟာ အွန်လိုင်းမှာ ဟိန္ဒူအစွန်းရောက်တွေရဲ့ လိင်ပိုင်းဆိုင်ရာ စော်ကားပြောဆိုမှု တော်တော်များများကို ကြုံတွေ့နေရသူပါ။

“လိင်ပိုင်းဆိုင်ရာ ညစ်ညစ်ညမ်းညမ်း စော်ကားပြောဆိုလိုက်ရင် မွတ်စလင်အမျိုးသမီးတွေ အသံတိတ်သွားလိမ့်မယ်လို့ သူတို့(ဟိန္ဒူလက်ယာစွန်းရောက်)တွေ ယုံကြည်နေကြတာပါ။ ကျွန်မတို့ကို စော်ကားဖိနှိပ်ရမယ်လို့ သူတို့ရဲ့စာအုပ်တွေမှာ သင်ကြားထားတယ်။ ဒါ့ကြောင့် ‘ဒီဖိနှိပ်မှုကို နင်တို့ ပြောရဲပြောကြည့်စမ်း’ ဆိုတဲ့ အတွေးမျိုး သူတို့မှာ ရှိပါတယ်”

မီဒီယာသမားတစ်ယောက်ဖြစ်ပြီး Sulli Deals အက်ပလီကေးရှင်းမှာ ထည့်သွင်းခံထားရတဲ့ အသက် ၃၄ နှစ်အရွယ် ဆာနီယာ အဟ်မဒ်က အွန်လိုင်းကနေ ဒီလို အကြမ်းဖက်မှုမျိုးဟာ အံ့ဩစရာကောင်းပြီး အွန်လိုင်းအသုံးပြုကာ လိင်ပိုင်းဆိုင်ရာ စော်ကားပြောဆိုမှုတွေ၊ ခြိမ်းခြောက်မှုတွေ မြင့်တက်လာတယ်လို့ ဆိုပါတယ်။

“သိပ်ဝမ်းနည်းစရာကောင်းတဲ့ ကိစ္စပါ။ ကျွန်မအတွက်တော့ ဒါမျိုးတွေက ရိုးနေပါပြီ။ ပြီးခဲ့တဲ့နှစ်တုန်းကဆိုရင် Hindutva အကောင့်က ကျွန်မပုံတွေတင် ‘ဘယ်ဆာနီယာကို မိန်းမအဖြစ် သိမ်းပိုက်မလဲ’ ဆိုတဲ့ စာတန်းနဲ့ မဲကောက်တာမျိုးလုပ်တယ်။ Report လုပ်ပေမယ့် ၂၄ နာရီလောက် ဒီ မဲကောက်မှုက ရှိခဲ့ပါတယ်”

နောက်ပိုင်း မဲရလဒ်ကို ထုတ်ပြန်ရာမှာ ‘သူ့တို့ကို ဘာဖြစ်လို့ ယူရမှာလဲ။ မုဒိမ်းကျင့်ပြီး အမှိုက်ပုံထဲပစ်လိုက်’ ‘သူတို့လက်တွေကို ခုတ်ဖြတ်ပြီး နံရံမှာ အလှဆင်ထားချင်တယ်’ ဆိုတဲ့ မှတ်ချက်မျိုးတွေ လာရေးတာအထိ ရှိခဲ့တယ်လို့လည်း ဆာနီယာက ဆိုပါတယ်။

Hindutva ဟာ ဟိန္ဒူအစွန်းရောက် အဖွဲ့အစည်းတစ်ခုဖြစ်ပြီး ဒါလစ် ဟိန္ဒူဇာနိမ့်တွေ၊ ခရစ်ယာန်တွေနဲ့ မွတ်စလင်တွေကို မကြာခဏ ပစ်မှတ်ထား တိုက်ခိုက်လေ့ ရှိပါတယ်။
နှုတ်ဆိတ်မှာ မဟုတ်

အိန္ဒိယမှာ အွန်လိုင်းပလက်ဖောင်းတွေကို အသုံးပြုပြီး အမျိုးသမီးတွေ၊ အထူးသဖြင့် မွတ်စလင်အမျိုးသမီးတွေအပေါ် လိင်ပိုင်းဆိုင်ရာ အပါအဝင် နည်းလမ်းပေါင်းစုံနဲ့ နှိမ့်ချစော်ကား ပြောဆိုတာတွေ မြင့်တက်လာပါတယ်။

ပြီးခဲ့တဲ့နှစ် ဇန်နဝါရီက Amnesty International India ရဲ့ ထုတ်ပြန်ချက်မှာ အမျိုးသမီး နိုင်ငံရေးသမား ၁၀၀ လောက်ဟာ Twitter စာမျက်နှာမှာ စော်ကားပြောဆိုမှုတွေ မကြုံစဖူး ခံစားခဲ့ရတယ်လို့ ဖော်ပြထားပါတယ်။

ဒီအမျိုးသမီးတွေဟာ သူတို့ရဲ့ နိုင်ငံရေးအမြင် တစ်ခုတည်းကြောင့် ပုတ်ခတ်တိုက်ခိုက်ခံရတာမဟုတ်ဘဲ အမျိုးသမီးဖြစ်မှု၊ ဘာသာရေး၊ လူမျိုးရေး၊ မျိုးရိုးဇာတ်နဲ့ အိမ်ထောင်ပြုခြင်း၊ မပြုခြင်းတွေအပေါ်မှာလည်း စော်ကားခံရတယ်လို့ အစီရင်ခံစာက ဆိုပါတယ်။

ဒေလီအခြေစိုက် ရှေ့နေ ဗရင်ဒါ ဘန်ဒါရီက မွတ်စလင်အမျိုးသမီး နိုင်ငံရေးသမားတွေဟာ၊ ဟိန္ဒူအမျိုးသမီး နိုင်ငံရေးသမားတွေထက် ပိုမိုပစ်မှတ်ထား ပုတ်ခတ်ခံရတယ်လို့ ပြောပါတယ်။

“ဒီလိုစော်ကားပြောဆိုမှုတွေကို အမုန်းစကားအဖြစ် သတ်မှတ်ကိုင်တွယ်ဖို့ အရေးကြီးပါတယ်။ ဘာ့ကြောင့်လည်းဆိုတော့ ဒါမျိုးကျူးလွန်တဲ့သူတွေရဲ့ အမြင်ရှု့ထောင့်၊ Sulli ဆိုတဲ့ ​နှိမ်ချစော်ကားတဲ့ စကားလုံးကို မွတ်စလင်အမျိုးသမီးတွေအပေါ် ပစ်မှတ်ထားသုံးစွဲမှုတွေကြောင့်ပါ”

Jawaharlal Nehru တက္ကသိုလ်က ဥပဒေနဲ့ အစိုးရဆိုင်ရာ လေ့လာမှု လက်ထောက်ပါမောက္ခ ဂါဇာလာ ဂျမီလ်က အိန္ဒိယမှာ မွတ်စလင်တွေ၊ အမျိုးသမီးတွေနဲ့ ဒါလစ်ဇာတ်နိမ့်တွေအပေါ် အကြမ်းဖက်မှုတွေကို အရေးယူမခံရဘဲ ပြောင်ပြောင်တင်းတင်း ကျူးလွန်နေကြတယ်လို့ ပြောပါတယ်။

“အွန်လိုင်းမှာ အမျိုးသမီးတွေကို ဒီလို လေလံတင်တယ်ဆိုတာ လှောင်ပြောင်အရှက်ခွဲတာထက်ကို ပိုပါတယ်။ လူကုန်ကူးမှု၊ ကျွန်ကုန်ကူးမှု စိတ်ဓာတ်အကြွင်းအကျန်တွေဖြစ်သလို၊ အများပြည်သူနဲ့ သက်ဆိုင်တဲ့နေရာမှာ ခေါင်းမဖော်နိုင်အောင် လုပ်လိုက်တာမျိုးပါ”

ကျောင်းသားအရေး တက်ကြွလှုပ်ရှားသူ ဖာတီမာကတော့ အွန်လိုင်းမှာ ဒီလို အရှက်ခွဲတာကနေ နောက်ဆက်တွဲ တိုက်ခိုက်မှုတွေ ဖြစ်လားမလားဆိုပြီး စိုးရိမ်နေပါတယ်။

“တစ်ယောက်ယောက် သူတို့ ဒီအမျိုးသမီးတွေကို ဝယ်ထားတယ်လို့ ပြောလာရင် ဘာလုပ်ကြမလဲ။ ဒီလောက်နဲ့ သူတို့ ကျေနပ်ကြမယ်လို့ မထင်ပါဘူး။ ဒီလိုလုပ်လိုက်လို့ ကျွန်မတို့လည်း နှုတ်ဆိတ်မသွားပါဘူး။ Twitter ဖြစ်စေ၊ Instagram ဖြစ်စေ၊ Facebook ဖြစ်စေ၊ အွန်လိုင်းဖြစ်စေ အပြင်မှာဖြစ်စေ ဘယ်နေရာပဲဖြစ်ဖြစ် အများပြည်သူကြားထဲမှာ ကျွန်မတို့ ဆက်ရှိသွားမှာပါ”

Sulli Deals ထဲမှာ ထည့်သွင်းခံခဲ့ရတဲ့ ဟာနာ မိုရှင်ခန်ကလည်း ဒီအက်ပလီကေးရှင်းမှာ ပါဝင်တဲ့ အခြား အမျိုးသမီး ၂၀ ကျော်နဲ့အတူ Solidarity ဆိုတဲ့ WhatsApp ဂရုကို ဖန်တီးပြီး တုန့်ပြန်မှုတွေ ဆောင်ရွက်နေပါတယ်။

လေယာဉ်မှူးတစ်ဦးဖြစ်တဲ့ ဟာနာဟာ ရဲတပ်ဖွဲ့ထံမှာလည်း ဒီကိစ္စအတွက် အမှုဖွင့်ထားပြီး ပစ်မှတ်ထားတိုက်ခိုက်ခံရသူတွေ တစ်ယောက်နဲ့တစ်ယောက် ဖေးမကူညီသွားမယ်လို့ ပြောကြားခဲ့ပါတယ်။

“ကျွန်မတို့ တစ်ယောက်နဲ့တစ်ယောက် ဖေးမကူညီနေတယ်။ မအိပ်မနေ လုပ်နေတာပါ။ ကျွန်မတို့ နှုတ်ဆိတ်နေမှာမဟုတ်ဘဲ ဒီကိစ္စကိုလည်း ဒီအတိုင်းထားမှာ မဟုတ်ပါဘူး”


****************************************************************

END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*