စစ်တပ်မှာ တာဝန်ထမ်းဆောင်နေတဲ့ အစ္စလာမ်ဘာသာဝင်စစ်သမီးတွေ တာဝန်ချိန်မှာ ပုဝါဆောင်းနိုင်ဖို့အတွက် ယူနီဖောင်းပေါ်လစီကို ပြင်ဆင်ခဲ့တယ်လို့ တောင်အာဖရိကစစ်တပ်က ကြာသာပတေးနေ့မှာ ထုတ်ပြန်ပါတယ်။
အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
စစ်တပ်မှာ တာဝန်ထမ်းဆောင်နေတဲ့ အစ္စလာမ်ဘာသာဝင်စစ်သမီးတွေ တာဝန်ချိန်မှာ ပုဝါဆောင်းနိုင်ဖို့အတွက် ယူနီဖောင်းပေါ်လစီကို ပြင်ဆင်ခဲ့တယ်လို့ တောင်အာဖရိကစစ်တပ်က ကြာသာပတေးနေ့မှာ ထုတ်ပြန်ပါတယ်။
ဖာတီမာ အိုက်ဇက်လို့ အမည်ရတဲ့ မွတ်စလင်အမျိုးသမီး ဗိုလ်မှူးတစ်ဦး တာဝန်ချိန် ပုဝါဆောင်းတဲ့အတွက် ၂၀၁၈ ခုနှစ် ဇန်နဝါရီလက တရားစွဲဆိုခံပြီးတဲ့နောက် အခုလို ပြင်ဆင်ပြောင်းလဲမှု ဖြစ်ပေါ်လာတာပါ။
စစ်တပ်ရဲ့ ယူနီဖောင်းမူဝါဒမှာ တာဝန်ထမ်းဆောင်စဉ် ပုဝါဆောင်းခွင့်ရှိတယ်လို့ မပါတဲ့အတွက် ဖာတီမာဟာ စစ်ခုံရုံးမှာ စစ်ဆေးခံခဲ့ရပါတယ်။ ဒါပေမယ့် သူမအပေါ် စွဲဆိုထားတဲ့ စွဲချက်အားလုံးကို ၂၀၂၀ ခုနှစ် ဇန်နဝါရီလမှာ စစ်ခုံရုံးက ရုပ်သိမ်းခဲ့ပြီး နာရွက်မအုပ်စေဘဲ ပုဝါဆောင်းခွင့်လည်း ဖာတီမာကို ပေးခဲ့ပါတယ်။
ဖာတီမာဟာ ဒီကိစ္စကို တောင်အာဖရိက တန်းတူညီမျှရေးဆိုင်ရာ တရားရုံးကို တင်ပြခဲ့ပြီး၊ တရားရုံးကလည်း စစ်တပ်ရဲ့ ဒီလိုတားဆီးပိတ်ပင်မှုဟာ အခြေခံဥပဒေက အာမခံထားတဲ့ ဘာသာရေးတန်းတူညီမျှမှုကို ဖောက်ဖျက်တာဖြစ်တယ်လို့ ဆုံးဖြတ်ခဲ့ပါတယ်။
ဒါ့ကြောင့် စစ်တပ်တာဝန်ရှိသူတွေဟာ ယူနီဖောင်းဆိုင်ရာ သတ်မှတ်ချက်ကို အခုတစ်ပတ်မှာ ပြင်ဆင်ခဲ့ပြီး မွတ်စလင်စစ်သမီးတွေအားလုံး တာဝန်ထမ်းဆောင်ချိန်မှာ အနက်ရောင် တူညီပုဝါ ဆောင်းခွင့်ရှိတယ်လို့ ထည့်သွင်းခဲ့ပါတယ်။
“ယူနီဖောင်း စည်းမျဉ်းမှာ သတ်မှတ်ထားတဲ့အတိုင်း မွတ်စလင်စစ်သမီးတွေ ပုဝါဆောင်းနိုင်ဖို့ တောင်အာဖရိကာကွယ်ရေးတပ်ဖွဲ့ရဲ့ တူညီဝတ်စုံဥပဒေကို ထပ်တိုးပြင်ဆင်ခဲ့ပါတယ်” လို့ စစ်တပ်ရဲ့ ပြောရေးဆိုခွင့်ရှိသူ မာဖီ အမ်ဂိုဘိုဇီက မနေ့မှာ ပြောကြားခဲ့ပါတယ်။
အမျိုးသမီးတွေ ဆံပင်ကို ဖုံးအုပ်တာဟာ ဘာသာရေးဆိုင်ရာ တာဝန်တစ်ခုလို့ အစ္စလာမ်ဘာသာဝင်တွေက မှတ်ယူထားကြတာ ဖြစ်ပါတယ်။
******************************************
END / 251
