?>

ဒေါ်လာကို ဖယ်ခွာပြီး ရုရှားငွေကြေးစနစ်ကို အသုံးပြုရန် စစ်ကောင်စီ စီစဉ်နေ

 ဒေါ်လာကို ဖယ်ခွာပြီး ရုရှားငွေကြေးစနစ်ကို အသုံးပြုရန် စစ်ကောင်စီ စီစဉ်နေ

အမေရိကန်ဒေါ်လာအခြေပြုတဲ့ ဘဏ္ဏာရေးစနစ်ကနေ ဖယ်ခွာပြီး ရုရှားက ဦးဆောင်တဲ့စနစ်မှာ ပါဝင်ဖို့ ဆွေးနွေးမှုတွေလုပ်နေတယ်လို့ စစ်ကောင်စီခန့် တာဝန်ရှိတစ်ဦးက ပြောပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အမေရိကန်ဒေါ်လာအခြေပြုတဲ့ ဘဏ္ဏာရေးစနစ်ကနေ ဖယ်ခွာပြီး ရုရှားက ဦးဆောင်တဲ့စနစ်မှာ ပါဝင်ဖို့ ဆွေးနွေးမှုတွေလုပ်နေတယ်လို့ စစ်ကောင်စီခန့် တာဝန်ရှိတစ်ဦးက ပြောပါတယ်။

ယူကရိန်းကို ကျူးကျော်ပြီးနောက်ပိုင်း ရုရှားကို Swift လို နိုင်ငံတကာ ဘဏ္ဏာရေးစနစ်ကနေ ကမ္ဘာ့နိုင်ငံတွေက ဖယ်ထုတ်လိုက်ပြီးနောက်ပိုင်း ရုရှားကလည်း SPFS လို့ ခေါ်တဲ့ ရူဘယ်အခြေပြု ဘဏ္ဏာရေးစနစ်ကို တည်ထောင်ခဲ့တာပါ။

လက်ရှိမှာ Swift စနစ်မှာ ၀င်ရောက်အသုံးပြုခွင့်မရှိတဲ့ အီရန်လိုနိုင်ငံမျိုးက ရုရှားရဲ့ SPFS စနစ်ကို အသုံးပြုနေပါတယ်။

စစ်ကောင်စီခန့် နိုင်ငံခြား ရင်းနှီးမြှုပ်နှံမှုဝန်ကြီး ဦးအောင်နိုင်ဦးက SPFS စနစ်ကို မြန်မာနိုင်ငံက လက်ခံအသုံးပြုဖို့ ရုရှားဘဏ်တွေနဲ့ ညှိနှိုင်းဆွေးနွေးမှုတွေ လုပ်ဆောင်နေကြောင်း ရုရှား နိုင်ငံပိုင်သတင်းဌာနတစ်ခုကို ဒီကနေ့မှာ ပြောကြားခဲ့ပါတယ်။

ဒီဆွေးနွေးမှုမှာ စစ်ကောင်စီခန့် နိုင်ငံတော်ဗဟိုဘဏ်အကြီးအကဲရဲ့ အကြံပေးလည်း ပါဝင်တယ်လို့ ဦးအောင်နိုင်ဦးက ဆိုပါတယ်။

အရင်က တိုင်းရင်းသားလူမျိုးစုတွေအပေါ် လူ့အခွင့်အရေး ချိုးဖောက်ကျူးလွန်မှုတွေ၊ ၂၀၂၁ ခုနှစ် ဖေဖော်ဝါရီ ၁ ရက်နေ့ အာဏာသိမ်းပြီးတဲ့နောက် ကျူးလွန်မှုတွေအတွက် မြန်မာစစ်ခေါင်းဆောင်တွေနဲ့ သူတို့ပိုင်ဆိုင်တဲ့ ဧရာမ စီးပွားရေးလုပ်ငန်းတွေကို နိုင်ငံတကာအသိုင်းအ၀ိုင်းက ပိတ်ဆို့အရေးယူထားတာ ဖြစ်ပါတယ်။

ဦးအောင်နိုင်ဦးက ရုရှားရူဘယ်နဲ့ တရုတ်ယွမ်လို ဒေါ်လာမဟုတ်တဲ့ ငွေကြေးအခြေပြု ဘဏ္ဏာရေးစနစ်ကို အစားထိုးအသုံးပြုရေး အာဆီယံနိုင်ငံတွေက စဉ်းစားသုံးသပ်ဖို့ အရေးကြီးလာပြီလို့လည်း ထည့်သွင်းပြောဆိုခဲ့ပါတယ်။
****************************************************************
END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*