?>

မြန်မာ့အရေးဖြေရှင်းရန် အမေရိကန်-အာဆီယံ ထိပ်သီးအစည်းအဝေး ကျင်းပမည်

 မြန်မာ့အရေးဖြေရှင်းရန် အမေရိကန်-အာဆီယံ ထိပ်သီးအစည်းအဝေး ကျင်းပမည်

မြန်မာအရေးဆွေးနွေးဖို့နဲ့ အာဏာသိမ်းစစ်ခေါင်းဆောင်တွေကို ပိတ်ဆို့အရေးယူမှု ပိုလုပ်ရေး လာမယ့်နှစ်မှာ အာဆီယံ-အမေရိကန် ထိပ်သီးအစည်းအဝေး ကျင်းပဖို့ ရှိတယ်လို့ အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်က ပြောကြားလိုက်ပါတယ်။


အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

မြန်မာအရေးဆွေးနွေးဖို့နဲ့ အာဏာသိမ်းစစ်ခေါင်းဆောင်တွေကို ပိတ်ဆို့အရေးယူမှု ပိုလုပ်ရေး လာမယ့်နှစ်မှာ အာဆီယံ-အမေရိကန် ထိပ်သီးအစည်းအဝေး ကျင်းပဖို့ ရှိတယ်လို့ အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်က ပြောကြားလိုက်ပါတယ်။

အာဆီယံကို ၄ ရက်ကြာ အလည်အပတ်ခရီးရောက်ရှိနေတဲ့ ဘလင်ကန်ဟာ ဒီကနေ့ မလေးရှားနိုင်ငံကိုသွားရောက်ခဲ့ပါတယ်။ အင်ဒို-ပစိဖိတ်ဒေသမှာ အာဆီယံဟာ အလွန်အရေးပါတဲ့ အခန်းကဏ္ဍကနေ ပါဝင်နေတယ်လို့ ဘလင်ကန်က သတင်းစာရှင်းလင်းပွဲမှာ ပြောကြားခဲ့ပါတယ်။

သမ္မတဘိုင်ဒန်ဟာ မြန်မာ့အရေး ဖြေရှင်းဖို့ကိစ္စ ထိပ်သီးအစည်းအဝေးလုပ်ဖို့ အာဆီယံခေါင်းဆောင်တွေကို ဖိတ်ကြားထားတယ်လို့လည်း ဘလင်ကန်က ဆိုပါတယ်။

“လာမယ့်နှစ်မှာ အာဆီယံနဲ့ ထိပ်သီးအစည်းအဝေး ကျင်းပနိုင်ဖို့အတွက် ကျွန်တော်တို့ မျှော်မှန်းထားပါတယ်”

အာဏာသိမ်းပြီးနောက်ပိုင်း မြန်မာစစ်တပ်က အကြမ်းဖက်မှု၊ အစုလိုက်အပြုံလိုက် ဖမ်းဆီးမှုတွေကြောင့် မြန်မာနိုင်ငံကအခြေအနေ ပိုဆိုးလာတယ်လို့လည်း ဘလင်ကန်က ပြောပါတယ်။

“မြန်မာနိုင်ငံ ဒီမိုကရေစီလမ်းကြောင်းပေါ် ပြန်ရောက်ရေး စစ်ခေါင်းဆောင်တွေကို ဖိအားပေးရာမှာ တစ်ဦးချင်းနဲ့ အစုအဖွဲ့အလိုက် ဘယ်လို ထပ်တိုးအရေးယူမှုတွေ လုပ်ရမလဲဆိုတာကို သုံးသပ်ဖို့ ရှေ့လာမယ့်သီတင်းပတ်တွေ၊ လတွေက အရေးပါလာမှာဖြစ်ပါတယ်”

ထိပ်သီးအစည်းအဝေးလုပ်ရေး သမ္မတဘိုင်ဒန်ရဲ့ ဖိတ်ကြားမှုကို ဇန်နဝါရီ ၁၉ ရက်နေ့လုပ်မယ့် အာဆီယံ နိုင်ငံခြားရေးဝန်ကြီးများ အစည်းအဝေးမှာ ဆွေးနွေးဆုံးဖြတ်သွားမယ်လို့ မလေးရှားနိုင်ငံခြားရေးဝန်ကြီး ဆိုက်ဖူဒင် အဘ်ဒူလာက ပြောပါတယ်။

မြန်မာ့အရေးဖြေရှင်းရာမှာ အာဆီယံက ထိရောက်တဲ့မူဝါဒ ချမှတ်လုပ်ဆောင်ဖို့ ဘလင်ကန်က တိုက်တွန်းခဲ့သလို မြန်မာစစ်တပ်က ရိုဟင်ဂျာတွေအပေါ် ဖိနှိပ်သတ်ဖြတ်မှုကို ‘လူမျိုးတုန်းသတ်ဖြတ်မှု’ အဖြစ် သတ်မှတ်ဖို့ မိမိတို့အစိုးရက ဆောင်ရွက်နေတယ်လို့လည်း ထည့်သွင်းပြောဆိုခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်ဆောင်ဆန်းစုကြည်အပါအဝင် ဖမ်းဆီးထားသူတွေကို ပြန်လွှတ်ပေးရေး၊ အကြမ်းဖက်မှုတွေ ချက်ခြင်းရပ်တန့်ရေး၊ အတိဒုက္ခရောက်နေသူတွေကို လူသားချင်းစာနာထောက်ထားမှုဆိုင်ရာ အကူအညီပေးဖို့ ခွင့်ပြုရေး အာဏာသိမ်းစစ်ကောင်စီကို ဘလင်ကန်က တိုက်တွန်းခဲ့ပါတယ်။

****************************************************************
END / 251
 


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*