ထရမ့်၏ အထူးကိုယ်စားလှယ်က အီရန်နှင့် သံတမန်ရေး သဘောတူညီချက်ကို မည်သည့်ကုန်ကျစရိတ်ဖြင့်မဆို ရရှိရန် ကြိုးပမ်းနေကြောင်း အစ္စရေး Channel 12 ဖော်ပြ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အစ္စရေး Channel 12 သည် အစ္စရေးအရာရှိတစ်ဦးကို ကိုးကား၍ အစီရင်ခံထားရာတွင် အမေရိကန်သမ္မတ  ဒေါ်နယ်ဒ် ထရမ့် ၏ အထူးကိုယ်စားလှယ် စတိဗ် ဝစ်ကိုဖ် သည် တီဟီရန် နှင့် သံတမန်ရေးဆိုင်ရာ သဘောတူညီချက်တစ်ရပ်ကို မည်သည့်ကုန်ကျစရိတ်ဖြင့်မဆို ရရှိနိုင်ရန် ဆက်လက် ကြိုးပမ်းလျက်ရှိပြီး စစ်ရေး လှုပ်ရှားမှုများကို ပြန်လည်မစတင်ရန် ထရမ့်ကို ဖိအားပေးနေကြောင်း ဖော်ပြထားပါတယ်။

အဆိုပါ သတင်းသည် အမေရိကန်အတွင်း ရီပတ်ဘလစ်ကန် ပါတီဝင် ဥပဒေပြုလွှတ်တော်အမတ်အချို့နှင့် အမျိုးသားလုံခြုံရေးကဏ္ဍမှ အရာရှိများက မည်သည့် သဘောတူညီချက်မဆို အီရန် ကို နိုင်ငံရေးနှင့် စစ်ရေးအင်အား ပြန်လည်တည်ဆောက်နိုင်စေပါက ဒေသတွင်း လုံခြုံရေးအပေါ် အန္တရာယ်များ ဖြစ်ပေါ်လာနိုင် ကြောင်း ဆက်လက် သတိပေးနေဆဲဖြစ်သည့် အခြေအနေအတွင်း ထွက်ပေါ်လာခြင်းဖြစ်ပါတယ်။

လက်ရှိအချိန်တွင် အမေရိကန်အစိုးရဘက်မှ တရားဝင် အတည်ပြုချက်များ မထုတ်ပြန်သေးသော်လည်း အီရန်နှင့် ဆက်ဆံရေးအပေါ် အမေရိကန်၏ မူဝါဒလမ်းကြောင်းသည် နိုင်ငံတကာ အသိုင်းအဝိုင်းအတွင်း အာရုံစိုက်မှု မြင့်တက်လျက်ရှိကြောင်း သုံးသပ်သူများက ဆိုကြပါတယ်။

++++++++++++++++++++++++++++++++++++++++++++++++++

END / 251