?>

Hindutva Pop ဂီတ (သို့) အိန္ဒိယက မွတ်စလင်ဆန့်ကျင်ရေး ရေစီးကြောင်းအသစ်

Hindutva Pop ဂီတ (သို့) အိန္ဒိယက မွတ်စလင်ဆန့်ကျင်ရေး ရေစီးကြောင်းအသစ်



အိန္ဒိယ ပေါ့ပ်ဂီတလောကမှာ Hindutva Pop ဆိုတဲ့ ဂီတအမျိုးအစားတစ်ခု ခေတ်စားလာပြီး အမုန်းစကားတွေ အများအပြားပါတဲ့ ဒီသီချင်းတွေကြောင့် မတူညီတဲ့ ဘာသာတရားတွေကြား တိုက်ခိုက်သတ်ဖြတ်မှုတွေ ပိုမြင်လာရလိမ့်မယ်လို့ ပညာရှင်တွေက သတိပေးထားပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အိန္ဒိယ ပေါ့ပ်ဂီတလောကမှာ Hindutva Pop ဆိုတဲ့ ဂီတအမျိုးအစားတစ်ခု ခေတ်စားလာပြီး အမုန်းစကားတွေ အများအပြားပါတဲ့ ဒီသီချင်းတွေကြောင့် မတူညီတဲ့ ဘာသာတရားတွေကြား တိုက်ခိုက်သတ်ဖြတ်မှုတွေ ပိုမြင်လာရလိမ့်မယ်လို့ ပညာရှင်တွေက သတိပေးထားပါတယ်။

Hindutva ဆိုတာ ဟိန္ဒူအမျိုးသားရေးဝါဒတစ်မျိုး ဖြစ်ပြီး မွတ်စလင်တွေ၊ ဟိန္ဒူဇာတ်နိမ့်တွေ၊ ခရစ်ယာန်တွေနဲ့ အခြားလူမျိုးစုတွေကို ဟိန္ဒူဘာသာတရားနဲ့ ဟိန္ဒူလူမျိုးရဲ့ အန္တရာယ်လို့ ဒီဝါဒက ရှုမြင်ပါတယ်။

အခု အိန္ဒိယမှာ ခေတ်စားလာတဲ့ Hindutva Pop သီချင်းတွေမှာ မွတ်စလင်တွေကို မုန်းတီးဖို့၊ မောင်းထုတ်ဖို့၊ သတ်ဖြတ်ဖို့အထိ တိုက်တွန်းတဲ့စာသားတွေ ပါဝင်ပါတယ်။

“မင်းတို့က လူမဟုတ်။ သားသတ်သမားတွေသာ။ ဟိန္ဒူ-မွတ်စလင် ညီအစ်ကိုဝါဒ ဘာညာ တော်လောက်ပြီ”

အွန်လိုင်းအဆိုတော် Prem Krishnavanshi ရဲ့ YouTube မှာ လွန်ခဲ့တဲ့ ၃ နှစ်လောက်ကတည်းက တင်ထားတဲ့ အမျိုးသားရေးသီချင်းထဲက မွတ်စလင်တွေကို ရည်ညွှန်းတဲ့ စာသားတွေပါ။

အခုနောက်ပိုင်း ဒီလိုသီချင်းမျိုးတွေဟာ ဟိန္ဒူသီးသန့်ရှိတဲ့ အိန္ဒိယမြောက်ပိုင်း ပြည်နယ်တွေမှာ ခေတ်စားလာပြီး ဟိန္ဒူဘာသာရေး အခမ်းအနားတွေ၊ စီတန်းလှည့်လည်ပွဲတွေမှာ ဖွင့်တာ၊ မွတ်စလင်ရပ်ကွက်တွေမှာ ဒီသီချင်းတွေနဲ့ ရန်စတာတွေ အဖြစ်များလာပါတယ်။

Krishnavanshi ဟာ မြောက်ပိုင်း အူတာပရာဒက်ရ်ှပြည်နယ် လက်ခနောင်မြို့မှာ အင်ဂျင်နီယာနဲ့ ဘွဲ့ရခဲ့ပြီး ဘောလီးဝုဒ် ဂီတလောကကိုတိုးဖို့ ကြိုးစားခဲ့ပေမယ့် မအောင်မြင်ပါဘူး။ နောက်ပိုင်း အပြင်မှာ သီချင်းလိုက်ဆိုရင်း မွတ်စလင်ဆန့်ကျင်ရေးသီချင်းတွေဆိုတဲ့ဘက် ရောက်လာတာ ဖြစ်ပါတယ်။

အူတာပရာဒက်ရ်ှဟာ အာဏာရ ဟိန္ဒူအမျိုးသားရေးပါတီ BJP အမာခံ ဟိန္ဒူဘုန်းကြီး Yogi Adityanath အုပ်ချုပ်တဲ့ ပြည်နယ်တစ်ခုဖြစ်ပြီး ခရစ်ယာန်တွေ၊ မွတ်စလင်တွေ၊ ဟိန္ဒူဇာတ်နိမ့်တွေကို တိုက်ခိုက်သတ်ဖြတ်မှု အများဆုံးဖြစ်ပွားရာ ဒေသလည်း ဖြစ်ပါတယ်။

သီချင်းတွေမှာ မွတ်စလင်တွေ ဆန့်ကျင်ရေးစာသားတွေ ပါဝင်ပြီး မောင်းထုတ်ဖို့၊ သတ်ဖြတ်ဖို့ တိုက်တွန်းထားပေမယ့် Krishnavanshi ကတော့ သူ့သီချင်းဟာ အမုန်းစကားမဟုတ်ဘူးလို့ အခိုင်အမာ ဆိုပါတယ်။

မကြာသေးခင်ကပဲ အူတာပရာဒက်ရ်ှအစိုးရက သူ့ကို ဂုဏ်ပြုဆုပေးခဲ့ပြီး ဟိန္ဒူဘုန်းကြီး Adityanath က သူ့သီချင်းတွေကို ချီးကျူးခဲ့ပါတယ်။

ဝန်ကြီးချုပ်မိုဒီနဲ့ အခြား BJP ပါတီ ခေါင်းဆောင်တွေလည်း ဒီသီချင်းတွေကို ချီးကျူးပါတယ်။

အရင်က ပွဲတွေမှာ ဘာသာပေါင်းစုံညီညွတ်ရေး သီချင်းတွေ လိုက်ဆိုခဲ့တဲ့ အဆိုတော် အသက် ၃၁ နှစ်အရွယ် Laxmi Dubey လည်း အခုအချိန်မှာ Hindutva အဆိုတော် ဖြစ်နေပါပြီ။

ဘယ်ပါတီဝင်မှ မဟုတ်ပေမယ့် ၂၀၁၄ ခုနှစ် အာဏာရလာတဲ့ BJP မိုဒီရဲ့ ဟိန္ဒူတွေအတွက် ဆောင်ရွက်မှုကို ကျေးဇူးတင်လို့ သူမက ပြောပါတယ်။

နဖူးမှာ ပူတူးတပ်၊ လည်ပင်းမှာ ပန်းကုံးစွပ်ပြီး ဆိုထားတဲ့ သူမရဲ့ သီချင်းတွေထဲမှာ မွတ်စလင်တွေအပေါ် တိုက်ခိုက်တဲ့ စာသားတွေ ပါဝင်နေပါပြီ။

Laxmi Dubey ရဲ့ YouTube မှာ Follower ၃ သိန်းလောက်ရှိပြီး သူ့သီချင်းတွေကိုကြည့်သူက သန်းချီရှိပါတယ်။ သီချင်းအောက်မှာ မွတ်စလင်တွေကို တိုက်ခိုက်စော်ကားတဲ့ ကွန့်မန့်တွေ အပြည့်ပါပဲ။ BJP ပါတီဝင်တွေက ပွဲတွေရှိရင် သူမကို ခေါ်ပြီး ဖျော်ဖြေခိုင်းတာတွေလည်း ရှိပါတယ်။



Laxmi Dubey ကတော့ သူ့သီချင်းတွေဟာ မွတ်စလင်တွေကို စော်ကားတာမဟုတ်ဘဲ၊ ပါကစ္စတန်ကိုထောက်ခံတဲ့ ရန်သူတွေကိုသာ ရည်ညွှန်းတာလို့ ဆိုပါတယ်။

သူမရဲ့အဖွဲ့ဟာ မန်နေဂျာတွေ၊ ဟာမိုနီအဖွဲ့တွေနဲ့ ကျကျနနပါ။ ဒီသီချင်းတွေအတွက် ငွေကြေးလည်း အတော်ရပါတယ်။ ဒီငွေတွေကို ဟိန္ဒူမုဆိုးမတွေ၊ ဆင်းရဲသားတွေအတွက် သုံးတယ်လို့ Laxmi Dubey က ပြောပါတယ်။

ဟိန္ဒူအစွန်းရောက်အဖွဲ့တွေက ၀ါဒဖြန်တဲ့ ‘အချစ်ဂျီဟတ်’ ဆိုတာကို သူမက ယုံကြည်နေပါတယ်။ မွတ်စလင်တွေဟာ မိန်းမအများကြီးယူပြီး ကလေး ၁၅ ယောက်ကနေ အယောက် ၂၀ မွေးတယ်ဆိုတဲ့ ၀ါဒဖြန့်မှုပါ။

အူတာပရာဒက်ရ်ှပြည်နယ် နွိုင်ဒါမြို့က တေးရေးတေးဆို Upendra Rana ကလည်း Hindutva သီချင်းတွေ ရေးဆိုရင်း YouTube မှာ Follower ၃ သိန်း ၇ သောင်းကျော် ရလာပါပြီ။



အရင်က ဘုရားသီချင်းတွေ ရေးဆိုပြီး ကက်ဆက်ခွေနဲ့ မြို့ထဲမှာ လိုက်ဖြန့်ရတဲ့ သူဟာ ၂၀၁၇ ခုနှစ်ကစပြီး သမိုင်းက ဟိန္ဒူဘုရင်တွေအကြောင်း ဘုန်းတော်ဖွဲ့သီချင်းတွေရေးကာ မွတ်စလင်တွေကို တိုက်ခိုက်လာပါတယ်။

သူ့ရဲ့သီချင်းတစ်ပုဒ်မှာ “ဘာသာရေးခေါင်းစဉ်နဲ့ ငါတို့နယ်မြေကို သူတို့သိမ်းကာ မွတ်စလင်နိုင်ငံ လုပ်လိုက်ကြတယ်” ဆိုတာမျိုး ပါဝင်ပါတယ်။

ကျောင်းသင်ရိုးတွေမှာ ဟိန္ဒူ သမိုင်းတွေ၊ ဏ္ဏာရီတွေ ပျောက်နေပြီး သီချင်းတွေကနေတစ်ဆင့် ဟိန္ဒူသူရဲကောင်းတွေအကြောင်း လူငယ်တွေသိလာအောင် လုပ်တာလို့ သူက ပြောပါတယ်။
ပညာရှင်များ သတိပေး

နယူးဒေလီ Jawaharlal Nehru တက္ကသိုလ်က ပရော်ဖက်ဆာ Brahma Prakash က ဒီလိုသီချင်းတွေဟာ ဘာသာရေးအကြမ်းဖက်မှုဖြစ်အောင် လှုံ့ဆော်တဲ့ပုံစံကို ပြောင်းလဲသွားစေတယ်လို့ သုံးသပ်ပါတယ်။

“ပဋိပက္ခဖြစ်အောင်၊ အစုလိုက်အပြုံလိုက် သတ်ဖြတ်မှုတွေအောင် အရင်ကလုပ်တဲ့ နည်းလမ်းတွေရှိတယ်။ ခေါင်းဆောင်တစ်ယောက်က မိန့်ခွန်းပြောပြီး လှုံ့ဆော်ပေးမယ်။ ပြီးရင် လမ်းတွေမှာ လိုက်သတ်ကြပြီ။ ဒါမျိုးပေါ့။ အခုတော့ လှုံဆော်တဲ့ပုံစံက ပြောင်းသွားပြီ။ ခေါင်းဆောင်တွေဘာတွေမလိုတော့ဘူး။ BJP ထောက်ခံတဲ့သူတွေကို လှုံ့ဆော်ပေးနိုင်တာ ရှိတာနဲ့ ပြီးပြီပဲ”

သီချင်းဖွင့်ပြီး လူထုကိုလှုံ့ဆော်ပေးကာ အရှိန်ကောင်းလာရင် လိုက်သတ်ခိုင်းတာမျိုးဖြစ်တယ်လို့ သူက ထည့်ပြောပါတယ်။

“သံစဉ်နဲ့ စာသားလေးသာ လုပ်ပေးလိုက်။ အငုံ့စိတ်နဲ့ အမုန်းတရားက ပေါက်ကွဲထွက်လာတာ”

လက်ရှိအိန္ဒိယက ဒီအခြေအနေဟာ ၁၉၃၀ ပြည့်နှစ် ဂျာမနီမှာ နာဇီတွေလုပ်တာနဲ့ တစ်ပုံစံတည်းပဲလို့ Brahma Prakash က ပြောပါတယ်။

အူတာပရာဒက်ရ်ှပြည်နယ် အခြေစိုက် ရှေ့နေ အာရစ်ဘ် အွတ်ဒင်းက ဒီသီချင်းတွေဟာ အမုန်းစကားမြောက်တယ်လို့ မှတ်ချက်ပေးပါတယ်။

“အမုန်းစကားနဲ့ပတ်သက်တဲ့ ဥပဒေတွေကို ကျင့်သုံးသင့်ပါပြီ။ အမုန်းစကား တားမရဆီးမရ ထွက်လာပြီး ဘယ်သူမှ တားဖို့ဆီးဖို့ မလုပ်ကြတဲ့ အနေအထားမျိုးမှာ တရားရုံး၊ ဒါမှမဟုတ် ဥပဒေဆိုင်ရာ အဖွဲ့အစည်းတွေက ဒါတွေကို ထိန်းကွပ်ဖို့ စည်းမျဉ်းစည်းကမ်းတွေ ထုတ်သင့်ပါပြီ”

မွတ်စလင်ဆန့်ကျင်ရေးသီချင်းဆိုတဲ့ Laxmi Dubey က သူမရဲ့သီချင်းတွေဟာ ဟိန္ဒူတွေသတိရှိအောင် ရည်ရွယ်ပြီး ဒီအတွက် ဂုဏ်ယူတယ်လို့လည်း ဆိုပါတယ်။

“ဟူဒီတွေ၊ ဂျင်းဘောင်းဘီအပြဲတွေသာ ၀တ်လေ့ရှိတဲ့ လူငယ်တွေဟာ အခုဆိုရင် အုတ်ခဲရောင်ကို ဂုဏ်ယူစွာ ၀တ်လာကြပါပြီ။ ဟိန္ဒူဘာသာအတွက် အသက်ပေးဖို့ သူတို့ အသင့်ဖြစ်နေကြပြီ။ ဟိန္ဒူတွေကို စုစည်းပြီး ဟိန္ဒူစစ်တပ်တစ်တပ် ကျွန်မ ထူထောင်ချင်ပါတယ်”

Brahma Prakash က Hindutva Pop ဟာ ဂီတရေစီးကြောင်း တစ်ခုလို ဖြစ်လာတာကို ထောက်ပြပါတယ်။

“အရင်က ဒီလိုသီချင်းတွေကို နိုင်ငံရေး အဖွဲ့အစည်းတွေလောက်ကပဲ ရေးကြဆိုကြတာ။ အခုတော့ ရေစီးကြောင်းတစ်ခုလို ကျယ်ကျယ်ပြန့်ပြန့် ဖြစ်လာပါပြီ”

****************************************************************
END / 251


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*