$icon = $this->mediaurl($this->icon['mediaID']); $thumb = $this->mediaurl($this->icon['mediaID'],350,350); ?>

The Voice, The Hate Voice, or Non-Ethic Voice ? (The Voice မီဒီယာသို့ ပေးစာတစ်စောင်)

  • News Code : 723588
  • Source : M-Media
၂၀၁၅ ခုနှစ် ဒီဇင်ဘာလ ၆ ရက် တနင်္ဂနွေနေ့ထုတ် The Voice Daily စာမျက်နှာ ၂၂ ပါ ကန့်ကွက်ရှုတ်ချဖွယ် ဘာသာပြန်ရေးသားချက် များနှင့် စပ်လျဉ်း၍ အိတ်ဖွင့်ပေးစာတစ်စောင် ရေးသားလိုက်ပါသည်။

အဲဟ်လေ့ဘိုက်(သ) (အ.စ) သတင်းဌာန ၊ အဗ်နာ


၂၀၁၅ ခုနှစ် ဒီဇင်ဘာလ ၆ ရက် တနင်္ဂနွေနေ့ထုတ် The Voice Daily စာမျက်နှာ ၂၂ ပါ ကန့်ကွက်ရှုတ်ချဖွယ် ဘာသာပြန်ရေးသားချက် များနှင့် စပ်လျဉ်း၍ အိတ်ဖွင့်ပေးစာတစ်စောင် ရေးသားလိုက်ပါသည်။

ပင်ကိုယ်ရေးသော်လည်းကောင်း၊ ဘာသာပြန်သော်လည်းကောင်း ဘာသာတရားတစ်ရပ်ရပ်နှင့်ပတ်သက်ပြီး ရေးသားဖော်ပြမည်ဆိုလျှင် သက်ဆိုင်ရာဘာသာတရား၏ အခြေခံအကြောင်းတရားများ၊ ဓလေ့ထုံးတမ်းများကို နည်းများမဟူ တီးမိခေါက်မိအောင် လေ့လာထား၊ ဖတ်ရှုထားသင့်ပါသည်။ သို့မဟုတ်ပါက မလိုလားအပ်သည့် ပြဿနာများ၊ အမုန်းတရားမီးပွားများ ထတောက်လာအောင် ဖန်တီးရာရောက်ပါသည်။

အမေရိကန်နိုင်ငံထုတ် ကမ္ဘာကျော် National Geographic မဂ္ဂဇင်းကြီး၏ရေးသားဖော်ပြချက်များမှာ မီဒီယာကျင့်ဝတ်နှင့်ညီညွတ်ခြင်း၊ အကြောင်းအရာခိုင်မာခြင်း၊ အရေးအသားပြေပြစ်ညက်ညောခြင်း၊ အမှားအယွင်းနည်းပါးခြင်း စသည်တို့ကြောင့် ကမ္ဘာတလွှားတွင် သန်းပေါင်းများစွာသော ပရိသတ်ရှိနေပါသည်။ မည်သည့်အခါမျှ လက်လွတ်စပယ် ရေးသားဖော်ပြခြင်း မရှိသလို အကြိမ်ကြိမ်အဖန်ဖန် တည်းဖြတ်ပြီးမှသာ ပရိသတ်၏လက်ဝယ်သို့ ပို့ကြောင်း သိရှိရပါသည်။ ယခု လူကြီးမင်းတို့၏ The Voice သတင်းစာ အတွင်း ဘာသာပြန်ရေးသားဖော်ပြချက်များ၌ သာမန်မှားယွင်းမျိုး အဆင့်ထက်ကျော်လွန်ပြီး အတော်အတန် မဖွယ်မရာသော အချက်အချို့ကို တွေ့လိုက်ရပါသည်။ ၎င်းတို့အနက် မတော်တဆ မဟုတ်ပဲ တမင်ကြံစည်ထားသလားဟု အထင်ရောက်သွားနိုင်စေသည်များလည်း ပါဝင်နေပါသည်။

အစ္စလာမ်ဘာသာရေး၏ ဝေါဟာရအသုံးအနှုန်းအများစုသည် အရဗီဘာသာစကား Arabic Language ဖြစ်နေသဖြင့် အရဗီစာပေနှင့် မရင်းနှီးသူများအဖို့ ရေးသားဖော်ပြရာတွင် လွဲချော်လေ့ရှိပါသည်။ အနီးစပ်ဆုံးအသံထွက်ဖြစ်နေခဲ့လျှင် မည်သူမဆို နားလည်ပေးလို့ရပါသည်။ ဥပမာ – (တမန်တော်) မိုဟာမက်၏ အသံထွက်နှင့်ဝေါဟာရအမှန်သည်  “မုဟမ္မဒ်” ဖြစ်ပါသည်။ အစ္စလာမ်သာသနာ၌ ကိုးကွယ်ရာအရှင်ကို Allah “အလ္လာဟ်” ဟုရေးပါသည်၊ အလ္လာ/အလာ မဟုတ်ပါ။

အဆိုပါဂျာနယ် စာမျက်နှာ ၂၂ မှ (၆၁၀-၆၆၁ ခေါင်းစဉ်တပ်) ပထမဆုံးစာပိုဒ် စာကြောင်းရေ ၆ ၌ “၎င်းသေဆုံးချိန်တွင်” ဟု ရေးထားသည်။ လက်ရှိမြန်မာနိုင်ငံ အတွင်း ဘာသာရေးအရ ထိလွယ်ရှလွယ်ဖြစ်နေဆဲအခြေအနေကြောင့် အပြန်အလှန် လေးစားမှုအရ “ကွယ်လွန်သည်” ဟု ရေးသင့်ပါသည်။ မြန်မာစာတတ်သည့် အစ္စလာမ်ဘာသာဝင်များသည်ပင်လျှင် ရှင်တော်ဂေါတမဗုဒ္ဓမြတ်စွာ ဘုရားအား ဗုဒ္ဓဘာသာဝင်တို့၏ လေးမြတ်သောအသုံးအနှုန်းအတိုင်း “ပရိနိဗ္ဗာန်စံတော်မူသည်” ဟုသာ သုံးနှုန်းဖော်ပြလေ့ရှိကြောင်း တွေ့နိုင်ပါသည်။ ၎င်းစာကြောင်းမှာပင် “အန်မာ(အသိုင်းအ၀န်း)” ဟု ရေးသားပါသည်။ အသံထွက်အမှန်မှာ အွမ္မဟ် Ummah ဖြစ်ပြီး အဓိပ္ပာယ်မှာ လူ့အဖွဲ့အစည်း/ပြည်သူလူထု ဖြစ်ပါသည်။ (တမန်တော် ကွယ်လွန်ချိန်က မဒီနဟ်မြို့ပြ၌ မှီတင်းနေထိုင်နေကြသူများသည် အစ္စလာမ် ဘာသာဝင်တစ်မျိုးတည်း မဟုတ်ပါ။ ခရစ်ယာန်၊ ဂျူး/ရေ၀တီ၊ ဘာသာမဲ့၊ ရိုးရာကိုးကွယ်သူများအားလုံး စုစည်းညီညွတ်သင့်မြတ်စွာ နေထိုင်လျက်ရှိခဲ့ပါသည်။ လူမျိုးနွယ်စုံ အယူဝါဒစုံ လူ့အဖွဲ့အစည်းတစ်ရပ်ဖြစ်သည်။ ၎င်းကို အွမ္မဟ် ဟုသာ ရည်ညွှန်းပြောဆိုသုံးနှုန်းခဲ့ကြသည်)။  ဤစာပိုဒ်၏နောက်ဆုံး ပိုင်းတွင် ရေးသားတင်ပြထားချက်က အစ္စလာမ်သာသနာနှင့် အစ္စလာမ်ဘာသာဝင်များ အားလုံး အပေါ် စော်ကားရာ ရောက်သွားစေပါသည်။

“အနည်းစု (ရှီးယား)က အလ္လာ၏၀မ်းကွဲညီအစ်ကို အလီကို တရားဝင်ဆက်ခံသူအဖြစ် အသိအမှတ်ပြုသည်” ဟု ရေးသားထားသည် ကို တွေ့ရသည်။ အမှန်တကယ် ရေးသားရမည်မှာ “တမန်တော်၏၀မ်းကွဲညီအစ်ကို အလီ” ဟူ၍ ဖြစ်ရပါမည်။ အလီသည် တမန်တော် မုဟမ္မဒ်၏ ညီဝမ်းကွဲ ဖြစ်ပါသည်။ အလ္လာဟ်အရှင်မြတ်သည် တစ်ဆူတစ်ပါးတည်း သန့်စင်စွာ တည်နေရှိသော ဖန်ဆင်းရှင်၊ ကိုးကွယ်အပ်ရာ အရှင်သခင်အဖြစ် အစ္စလာမ်ခေါင်းစဉ်အောက်မှ အုပ်စုတိုင်းရှိ အစ္စလာမ်ဘာသာဝင်များအားလုံး အပြင်းစားယုံကြည်ထားကြပါသည်။ အစ္စလာမ်သာသနာ၏ကျမ်းဂန် ကုရ်အာန်၌လည်း အောက်ပါကဲ့သို့ အတိအလင်း ဖော်ပြထားပါသည်။

(အို – နဘီတမန်တော်) အသင်သည် ဤသို့ပြောကြားပါလေ။ (ထို) အလ္လာဟ်အရှင်မြတ်သည် တစ်ဆူတစ်ပါးတည်း ဖြစ်တော်မူ၏။ အလ္လာဟ်အရှင်မြတ်သည် လိုလားတောင့်တခြင်းမှ အကြွင်းမဲ့ကင်းရှင်းတော်မူသော – အရာအားလုံး၏ မှီခိုအားထားရာဖြစ်သော နိစ္စထာဝရအရှင်ဖြစ်တော်မူ၏။ ထိုအရှင်မြတ်သည် မည်သူတစ်ဦးတစ်ယောက်ကိုမျှ မွေးဖွားတော်မူခဲ့သည် မဟုတ်။ မည်သူတစ်ဦးတစ်ယောက်၏ မွေးဖွားခြင်းကိုလည်း ခံခဲ့ရတော်မူသည် မဟုတ်ပေ။ ထိုမှတပါး ထိုအရှင်မြတ်နှင့် ဂုဏ်ရည်တူသူ ဟူ၍လည်း တစ်ဦးတစ်ယောက်မျှပင် မရှိပါလေ။ ကုရ်အာန်(၁၁၂း၁-၄)

ဤမျှအထိ ရိုးစင်းရှင်းလင်းစွာဖော်ပြထားချက်ကို ထောက်ချင့်ပြီး ဂျာနယ်ပါရေးသားချက်မှာ အစ္စလာမ်သာသနာဝင် အပေါင်း၏ ကိုးကွယ်ရာ အရှင့်ဂုဏ်ရည်အပေါ် လုံးလုံးလျားလျား ထိပါးစော်ကားရာရောက်နေကြောင်း သိမြင်ပါလိမ့်မည်။   စာစီစာရိုက်အမှား၊ ဘာသာပြန်စာလုံးကျန်ရစ်မှု စသည်တို့မှာလည်း ဖြစ်လေ့ဖြစ်ထ ရှိတတ်ပါသည်။ ဤသည်ကို လျစ်လျူရှုလိုက်ပါလျှင် တည်ဆဲဥပဒေများအရ နိုင်ငံတော်အသိအမှတ်ပြု ဘာသာတရား၊ ဘာသာတရားဆိုင်ရာ ယုံကြည်ချက်များကို ထိခိုက်စေခြင်း၊ ဘာသာသာသနာ၏ဂုဏ်အင်သိက္ခာကို ညှိုးနွမ်းစေခြင်းတို့အား ကျူးလွန်လုပ်ဆောင်ရာရောက်သွားမည်ဖြစ်ပါသည်။ အကယ်၍ တမင်ရည်ရွယ်ချက်ဖြင့် မဟုတ်ဘဲ ရိုးသားသော မှားယွတ်ချွတ်ချော်မှုဖြစ်ပါက လူကြီးမင်းတို့အနေဖြင့် လာမည့်ရက်တင် ထုတ်မည့် သတင်းစာတွင်  “အမှားအယွင်းပြင်ဆင်မှု” ကို အများမြင်သာအောင် တခုတ်တရ ဖော်ပြပေးရန် တာဝန်ရှိပါသည်။




တစ်ခါ ယင်းစာပိုဒ်၏အောက်တည့်တည့်ဓာတ်ပုံကိုလည်း “မိုဟာမိတ်၏ မွေးရပ်မြေ မက္ကာ” ဟု caption စာတန်းထိုးထားပြန်ပါသည်။ ဘာသာတရားတစ်ရပ်မှ ဦးသျှောင်လူသား၏အမည်နာမကို ဤမျှအထိ အရိုအသေတန်စွာ မရေးသားသင့်ပါ။ ထို့ပြင် ၎င်းပုံသည် မက္ကဟ်မြို့၏၀တ်ကျောင်းတော်ကြီးဖြစ်ကြောင်း တစ်ကမ္ဘာလုံး သိထားကြပါသည်။ အမှန်တကယ်ဖော်ပြသင့်သည်မှာ  “မိုဟာမက်၏ မွေးရပ်မြေ မက္ကာရှိ ဗလီဝတ်ကျောင်းတော်” ဖြစ်ရပါမည်။ ဗလီ သို့မဟုတ် ၀တ်ကျောင်းတော် ဟူသော စာသားကို တမင်ချန်ရစ်ထားသလားဟူသည်ကို ကာယကံရှင်များသာ အသိဆုံးဖြစ်ပါမည်။

တဖန် (အစ္စလာမ် သမိုင်း) ခေါင်းစဉ်တပ်စာပိုဒ်ရှိ သက္ကရာဇ်စဉ် ဒုတိယစာကြောင်းတွင်လည်း “၆၃၂ မိုဟာမိတ် သေဆုံး” ဟုလည်းကောင်း၊ (အချိန်ပြမျဉ်း) ခေါင်းစဉ်တပ်စာပိုဒ် သက္ကရာဇ်စဉ် ပဉ္စမစာကြောင်းတွင်လည်း “၆၃၁ ဇွန် မဒီနာတွင် မိုဟာမက် သေဆုံး” ဟုလည်းကောင်း နောက်ထပ်နှစ်ကြိမ်တိုင်တိုင် မဖွယ်ရာလွန်းစွာ သုံးနှုန်းထားကြောင်း တွေ့ရပြန်ပါသည်။


သို့သာမကသေး ဤစာပိုဒ်နှင့်ဘေးချင်းယှဉ်လျက် တမန်တော် မုဟမ္မဒ်၏ ပုံကို ဖော်ပြလိုက်ခြင်းအပေါ် အလွန် အကျည်းတန်သော လုပ်ရပ်အဖြစ် ပြစ်တင်ရှုတ်ချလိုက်ရပါသည်။ အဘယ်ကြောင့်ဆိုသော် မည်သည့်အစ္စလာမ်ဘာသာဝင်မှ တမန်တော်မုဟမ္မဒ်အား ပုံတူရေးဆွဲသရုပ်ဖော်ခြင်းအမှုကို လက်သင့်မခံ၍ဖြစ်ပါသည်။ တမန်တော်ကိုယ်တိုင် သက်ရှိထင်ရှားရှိစဉ်က ယင်းသို့ဖြစ်မလာစေရန် အတွက် သက်ရှိရုပ်ပုံကားချပ်များရေးဆွဲခြင်းကို တားမြစ်တော်မူခဲ့ပါသည်။ ထပ်ဆင့်ဆိုရလျှင် သမိုင်းမှတ်တမ်းလာ တမန်တော်မုဟမ္မဒ် (ငြိမ်းချမ်းစေသား)၏ ရုပ်ရည်သွင်ပြင်လက္ခဏာများမှာ လက်ရှိကာလ၌ တွေ့နေရသည့် မှန်းဆပုံဖော်ချက်ပန်းချီရုပ်ပုံများနှင့် တက်တက်စင်အောင် မှားယွင်းလွဲချော်လျက်ရှိကြောင်း ဖြည့်စွက်အသိပေးလိုပါသည်။

တမန်တော်၏ပုံတူ(ရုပ်ပုံ)ကို မှန်းဆရေးဆွဲမှုမှသည် ရုပ်ပြောင်အဆင့်အထိ စော်ကားရေးဆွဲခဲ့သဖြင့် ကမ္ဘာ့နေရာအများအပြားရှိ အစ္စလာမ် ဘာသာဝင်များ မည်သို့ တုန့်ပြန်ခဲ့ကြပုံကို ခေတ်နှင့် မျက်ခြေမပြတ်သော မီဒီယာသမား လူကြီးမင်းတို့အနေဖြင့် သိရှိထားကြပြီးဖြစ်ပါသည်။ ယုတ်စွအဆုံး လူကြီးမင်းတို့ ကိုးကားဘာသာပြန်သည့် စာအုပ်/စာစောင်များတွင် ဖော်ပြထားနေလင့်ကစား လူကြီးမင်းတို့အနေဖြင့် မီဒီယာသတိ၊ ဘာသာတရားဆိုင်ရာ ဗဟုသုတများ၊ နိုင်ငံရေး အကူးအပြောင်း အသိတရားများကို အခြေပြု၍ မဖော်ပြအပ်ပါကြောင်း အသိပေးပါသည်။

အဆိုပါစာမျက်နှာ၏ထိပ်စည်းတွင်လည်း “အပတ်စဉ် တနင်္ဂနွေနေ့ တစ်ပတ်ခြား ပုံမှန်ဖော်ပြသွားမည်ဖြစ်သည်” ဟု အသိပေးကြေငြာ ထားပါသည်။ ဗွေဆော်ဦး ဘာသာပြန်ရေးသားဖော်ပြချက်မှာပင်လျှင် မဖွယ်ရာမှုများ ပါဝင်နေခြင်း၊ လူထုလက်သို့မပို့မီ အသေအချာ တည်းဖြတ်မှု မပြုခြင်းတို့ကို ထင်ထင်ရှားရှားတွေ့မြင်နေရပါသည်။ ဤအတိုင်းသာ ဆက်၍လွှတ်ထားပါလျှင် ရှေ့ဆက်စာစောင်များ၌ ဤသည်ထက် ဆိုးဝါးသော ပရမ်းပတာရေးသားဖော်ပြချက်များ ပါဝင်လာတော့မည်ဖြစ်ကြောင်း လူအများမှ ရိပ်စားနားလည်နိုင်ပါသည်။

အကယ်၍များ လူကြီးမင်းတို့မှ သဘောရိုးဖြင့် message ပေး ရေးသားဖော်ပြလိုခြင်း မှန်ပါက အစ္စလာမ်သာသနာအကြောင်း အလျဉ်းမသိရှိသူ၊ မလေ့လာထားသူ၊ အပြန်အလှန်လေးစားတန်ဖိုးထားမှုကို ဂရုမစိုက်သူ၊ (အစ္စလာမ်သာသနာအပေါ် တစ်ဖက်သတ်အမြင်လွဲကြောက်မုန်းရောဂါ) Islamophobia ဝေဒနာသည်များဖြင့် စာတစ်ပုဒ်ဖြစ်ပြီးရော ရေးသားစေသည်ထက် (လူကြီးမင်းတို့ထံ၌ ယင်းသို့အရည်အသွေးပိုင်ရှင် မရှိပါကလည်း) ရေးပြီးစာမူများကို အစ္စလာမ့်ရေးရာနားလည်တတ်ကျွမ်းသူများထံ ဦးစွာပြသတိုင်ပင်ခြင်း၊ အသေအချာစိစစ်တည်းဖြတ်ခြင်းပြီးမှသာ ဖော်ပြသင့်ပါသည်။

သတိမမူ ဂူမမြင်ခြင်းသာ ဖြစ်ပါစေဟု နှလုံးသွင်း၍ အသိပေးရေးသားတင်ပြလိုက်ရခြင်းဖြစ်ပါသည်။ ခိုင်မာတည်ကြည်သော မီဒီယာကျင့်ဝတ်ကို စောင့်ထိန်းနိုင်ကြပါစေ။ ဘာသာတရားအချင်းချင်း၊ ဘာသာဝင်များအချင်းချင်း အပြန်အလှန် လေးစား နားလည်တတ်ကြပါစေ။ အမှန်တကယ် ပြောင်းလဲချိန်တန်ပြီ ဟု အမြင်ထားတတ်ကြပါစေ။

ဂျူလိုင်ရဲရင့်
၇.၁၂.၂၀၁၅၊ တနင်္လာနေ့


===================

251 / End


လူကြီးမင်း၏ အမြင်ကို ဖော်ပြပါ ။

လူကြီးမင်း ၏ မေးလ်အား အများသိ အောင်ကြေငြာလိမ့်မည်မဟုတ်ပါ။အရေးကြီးသည် ဖိုင် များ * ခရေပွင့် ပြထားပါသည်

*