အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
‘မယုံကြည်ရတဲ့’ အပြုအမူအအပြောအဆိုတွေကြောင့် သမ္မတဟောင်းတွေကို ထောက်လှမ်းရေးသတင်းအကျဉ်းချုပ် ပုံမှန်တင်ပြလေ့ရှိတဲ့ အစီအစဉ်မှာ ဒေါ်နယ်ထရမ့်ကို မထည့်သွင်းသင့်ဘူးလို့ အမေရိကန်သမ္မတ ဂျိုးဘိုင်ဒန်က ပြောကြားလိုက်ပါတယ်။
ထရမ့်ဟာ သမ္မတဘ၀မှာကတည်းက နိုင်ငံရဲ့ ထိပ်တန်းလျှို့ဝှက်ချက်တွေကို ထုတ်ပြောတာမျိုး ရှိခဲ့သူပါ။
“သူ့ကို ထောက်လှမ်းရေးသတင်းအချက်အလက်တွေပေးဖို့ မလိုဘူးလို့ ကျွန်တော်ထင်ပါတယ်။ ဒီသတင်းတွေပေးလိုက်လို့လည်း သူက ဘာတန်ဖိုးထားမှာလဲ။ ဒါတွေကို လျှောက်ပြီးပြောလိုက်ရင် မခက်ဘူးလား” လို့ မနေ့က CBS Evening News နဲ့ အင်တာဗျူးမှာ ဘိုင်ဒန်က ပြောပါတယ်။
၂၀၁၇ ခုနှစ် အိမ်ဖြူတော်အစည်းအဝေးမှာ ရုရှားနိုင်ငံခြားရေးဝန်ကြီးနဲ့ အမေရိကန်သံအမတ်တို့ကို IS အကြမ်းဖက်အဖွဲ့က တိုက်ခိုက်ဖို့စီစဉ်နေတယ်ဆိုတဲ့ ထိပ်တန်းထောက်လှမ်းရေး သတင်းကို ထရမ့်က ထုတ်ပြောခဲ့ဖူးပါတယ်။
၂၀၁၆ ရွေးကောက်ပွဲမှာ ရုရှားက ဝင်ရောက်စွက်ဖက်မှုရှိလားဆိုတာကို အထူးအရာရှိ ရောဘတ်မူလာက စုံစမ်းစစ်ဆေးမှုအတွင်း တစ်ချို့အချက်ကို ထရမ့်က ထုတ်ပြောတဲ့အတွက် အမေရိကန်ထောက်လှမ်းရေးအေဂျင်စီဟာ ရုရှားမှာရှိနေတဲ့ သူလျှိုကို ပြန်ခေါ်ခဲ့ရပါတယ်။
၂၀၂၀ ရွေးကောက်ပွဲ မဲဆွယ်မှုကာလမှာ ပြိုင်ဘက်နိုင်ငံရေးသမားတွေကို တိုက်ခိုက်ဖို့အတွက် ထရမ့်အစိုးရ တာဝန်ရှိသူတစ်ချို့ဟာ လျှို့ဝှက်အချက်အလက်တွေကို ဖွင့်ချခဲ့ပါတယ်။
ဘိုင်ဒန်က ထရမ့်ဟာ အရင်ကတည်း သမ္မတဖြစ်ဖို့ အရည်အချင်းပြည့်မီသူမဟုတ်ဘဲ၊ မယုံကြည်ရသူတစ်ဦး ဖြစ်တယ်လို့ မနေ့က အင်တာဗျူးမှာ ထည့်သွင်းပြောဆိုခဲ့ပါတယ်။ နောက်ပိုင်းမှာ အမေရိကန်ရဲ့ ထောက်လှမ်းရေးသတင်းတွေ ထရမ့်ကို ပေးမှာမဟုတ်ဘူးလို့လည်း သူက ဆိုပါတယ်။
********************************************
END / 251
အကိုး အကား : M-Mediagroup
စနနေေ့
၆ ဖေဖော်ဝါရီ ၂၀၂၁
၂၀:၁၂:၀၉
1112890
‘မယုံကြည်ရတဲ့’ အပြုအမူအအပြောအဆိုတွေကြောင့် သမ္မတဟောင်းတွေကို ထောက်လှမ်းရေးသတင်းအကျဉ်းချုပ် ပုံမှန်တင်ပြလေ့ရှိတဲ့ အစီအစဉ်မှာ ဒေါ်နယ်ထရမ့်ကို မထည့်သွင်းသင့်ဘူးလို့ အမေရိကန်သမ္မတ ဂျိုးဘိုင်ဒန်က ပြောကြားလိုက်ပါတယ်။