ကာကွယ်ဆေး မတိုးသည့် ပုံပြောင်း ကိုဗစ် အသစ် Lambda အတွက် ပညာရှင် များ သတိပေး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



မူရင်းကိုဗစ်ပိုးထက် ပိုမိုပြန့်နှံ့လွယ်ကာ၊ ကာကွယ်ဆေးဒဏ်ကို ပိုခံနိုင်မယ့် ပုံပြောင်းကိုဗစ်အသစ် Lambda ကို သတိထားကြဖို့ ပညာရှင်တွေက သတိပေးလိုက်ပါတယ်။

Lambda ဗိုင်းရပ်စ်ကို ပြီးခဲ့တဲ့နှစ် ဩဂုတ်လက ပီရူးနိုင်ငံမှာ စတင်တွေ့ရှိခဲ့တာဖြစ်ပြီး အဲဒီနောက် တောင်အမေရိကတစ်ဝှမ်း ပြန့်နှံခဲ့ပါတယ်။ အာရှမှာတော့ ဂျပန်က Lambda ကူးစက်သူတစ်ဦးကို ပထမဆုံးတွေ့ရကြောင်း မနေ့က ထုတ်ပြန်ခဲ့ပါတယ်။ ကူးစက်ခံရသူ အသက် ၃၀ ကျော် အမျိုးသမီးဟာ ဇူလိုင်လ ၂၀ ရက်နေ့ ပီရူးနိုင်ငံကနေ ပြန်လာသူပါ။

Lambda ဟာ နိုင်ငငံတော်တောာ်များများမှာ လက်ရှိပြန့်နှံ့နေတဲ့ Delta ထက် ပိုပြီးအန္တရာယ်ရှိလားဆိုတာကို ရှင်းရှင်းလင်းလင်း မသိရပေမယ့် တိုကျိုတက္ကသိုလ်က ပညာရှင်တွေကတော့ လူ့အဖွဲ့အစည်းအပေါ် ခြိမ်းခြောက်မှုသစ် ဖြစ်လာနိုင်တယ်လို့ သတိပေးခဲ့ပါတယ်။

ဓာတ်ခွဲခန်း စမ်းသပ်မှုတွေအရ Lambda ဟာ လက်ရှိ ထိုးပေးနေတဲ့ ကိုဗစ်ကာကွယ်ဆေးတွေက ထုတ်ပေးတဲ့ ကိုယ်ခံစွမ်းအားကို ခံနိုင်ရည်ရှိတယ်ဆိုတာ တွေ့ခဲ့ရပါတယ်။

ကမ္ဘာ့ကျန်းမာရေးအဖွဲ့ WHO က ပုံပြောင်းကိုဗစ် Lambda ဟာ variant of interest (VOI) အမျိုးအစား ဗိုင်းရပ်စ်မျိုးဖြစ်တယ်လို့ ဇွန်လ ၁၄ ရက်နေ့မှာ သတ်မှတ်ခဲ့ပြီး ဒါဟာ သာမန် ပုံပြောင်းကိုဗစ်ပိုးထက် ပိုပြီး အန္တရာယ်ရှိနိုင်တယ်လို့ ရည်ညွှန်းတာဖြစ်သလို၊ နောက်ထပ် ကြီးမားတဲ့ ခြိမ်းခြောက်မှုတစ်ခု ဖြစ်လာနိုင်တယ်ဆိုတာ ကမ္ဘာ့နိုင်ငံတွေကို သတိပေးလိုက်တာလည်း ဖြစ်ပါတယ်။

ဧပြီလနောက်ပိုင်း ပီရူးမှာဖြစ်ပွားတဲ့ ကိုဗစ်ကူးစက်မှုရဲ့ ၈၁ ရာခိုင်နှုန်းဟာ Lambda ဗိုင်းရပ်စ်ကြောင့် ဖြစ်ပြီး အဲဒီမတိုင်ခင် ၅၀ ရာခိုင်နှုန်းရှိရာကနေ သိသိသာသာ မြင့်တက်လာတာ ဖြစ်ပါတယ်။ အမေရိကန်မှာလည်း Lambda ကိုဗစ်ကူးစက်မှု ၁၀၃၇ ခု ရှိနေပါတယ်။


****************************************************************

END / 251