ကမ္ဘာ့ပထမဆုံး မျိုးဗီဇအခြေပြု ကို​ဗစ် ကာကွယ်ဆေး ကို အိန္ဒိယတွင် စင်တင် အသုံးပြု

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



ပြည်တွင်းထုတ် မျိုးဗီဇအခြေပြု ကိုဗစ်ကာကွယ်ဆေးကို အရေးပေါ်အသုံးပြုဖို့ အိန္ဒိယ ကျန်းမာရေးဝန်ကြီးဌာနက ခွင့်ပြုလိုက်ပြီး ဒါဟာ ကိုဗစ်အတွက် ဒီလိုကာကွယ်ဆေးမျိုးကို ကမ္ဘာပေါ်မှာ ပထမဆုံးအသုံးပြုနိုင်တာ ဖြစ်ပါတယ်။

မျိုးဗီဇအခြေပြုကာကွယ်ဆေး (DNA vaccine) ဆိုတာ ရောဂါဖြစ်စေတဲ့ ဗိုင်းရပ်စ်ထဲက မျိုးဗီဇီအစိတ်အပိုင်းကို ခန္ဓာကိုယ်ထဲ ထိုးသွင်းပြီး ဗိုင်းရပ်စ် မွေးခိုင်းကာ ခန္ဓာကိုယ်ထဲက ကိုယ်ခံစွမ်းအား ထွက်လာအောင် လုပ်ဆောင်တာဖြစ်ပါတယ်။ သာမန်ကာကွယ်ဆေးက ဗိုင်းရပ်စ်ပိုးကို ထိုးသွင်းတာပါ။

အိန္ဒိယအစိုးရက ခွင့်ပြုတဲ့ မျိုးဗီဇအခြေပြု ကိုဗစ်ကာကွယ်ဆေး ZyCoV-D ကို ပြည်တွင်းကုမ္ပဏီ Cadila Healthcare က ထုတ်လုပ်တာဖြစ်ပါတယ်။ အရွယ်ရောက်ပြီးသား ကာကွယ်ဆေးထိုးရမယ့်သူတွေအားလုံး ဒီဇင်ဘာလမှာ အပြီးထိုးပေးဖို့ ရည်ရွယ်ထားတဲ့ အိန္ဒိယရဲ့ ကိုဗစ်ကာကွယ်ဆေး စီမံကိန်းကို ZyCoV-D က အထောက်အကူဖြစ်စေမှာပါ။

လက်ရှိ ကိုဗစ်ကာကွယ်ဆေးအများစုဟာ ၂ ကြိမ်ထိုးရပြီး ZyCoV-D ကိုတော့ ၃ ကြိမ်ထိုးရမှာ ဖြစ်ပါတယ်။ ကာကွယ်ဆေးကို တစ်နှစ် အလုံးရေ သန်း ၁၀၀ နဲ့ သန်း ၁၂၀ ကြား ထုတ်လုပ်ဖို့ ကုမ္ပဏီက ရည်ရွယ်ထားပြီး လက်ရှိမှာ အမြောက်အများ စတင်ထုတ်လုပ်နေပြီ ဖြစ်ပါတယ်။ အိန္ဒိဟာ သမရိုးကျ ကိုဗစ်ကာကွယ်ဆေးတစ်ခုဖြစ်တဲ့ Covaxin ကိုလည်း ပြည်တွင်းမှာ ထုတ်လုပ်ထားနိုင်ပါတယ်။

အိန္ဒိယမှာ လူဦးရေရဲ့ ၉.၁၈ ရာခိုင်နှုန်းသာ ကိုဗစ်ကာကွယ်ဆေးထိုးထားနိုင်ပြီး၊ အရေးပေါ်အသုံးပြုခွင့်ပေးထားတဲ့ ကာကွယ်ဆေးအရေအတွက်က ၆ မျိုးရှိပါတယ်။

ZyCoV-D ကာကွယ်ဆေးကို နိုင်ငံတစ်ဝှမ်းက စေတနာ့ဝန်ထမ်းပေါင်း ၂၈၀၀၀ ကို ထိုးနှံပေးထားရာမှာ ၆၆.၆ ရာခိုင်နှုန်း ထိရောက်မှုရှိတယ်လို့ ကုမ္ပဏီဖက်က ပြောထားပြီး၊ လက်ရှိ ကမ္ဘာတစ်ဝှမ်း ပြန့်နှံ့နေတဲ့ ပုံပြောင်းကိုဗစ် Delta ကို ကာကွယ်နိုင်တယ်လို့လည်းဆိုပါတယ်။

****************************************************************

END / 251