တရုတ်နှင့် မြောက်ကိုရီးယားရန်ကြောင့် ကာကွယ်ရေး စွမ်းအား တိုးမြှင့်ရန် ဂျပန်ပြင်ဆင်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


တရုတ်နဲ့ မြောက်ကိုရီးယားတို့ရဲ့ ခြိမ်းခြောက်မှုမြင့်တက်လာတာကြောင့် ရန်သူစခန်းကို တိုက်ခိုက်နိုင်တဲ့စွမ်းရည် အပါအဝင် ကာကွယ်ရေးစွမ်းအား တိုးမြှင့်ဖို့အတွက် နည်းလမ်းအားလုံးကို လုပ်ဆောင်သွားမယ်လို့ ဂျပန်ကာကွယ်ရေးဝန်ကြီး ကီရှီဒါက ပြောကြားလိုက်ပါတယ်။

မနေ့က တိုကျိုမြို့မြောက်ဖက် Asaka စစ်စခန်းမှာလုပ်တဲ့ စစ်ရေးပြပွဲအခမ်းအနားမှာ ကီရှီဒါက မြောက်ကိုရီးယားက ဒုံးကျည်စွမ်းရည်အားကောင်းအောင် လုပ်ဆောင်တာ၊ တရုတ်က စစ်အင်အားတိုးချဲ့ပြီး ဒေသတွင်းမှာ ပိုင်စိုးပိုင်နင်းလုပ်ဆောင်တာလို ဒေသတွင်း လုံခြုံရေးဆိုင်ရာ ခြေအနေ အလျင်အမြန် ပြောင်းလဲလာတာကို ထောက်ပြခဲ့ပါတယ်။

“ကာကွယ်ရေးစွမ်းအား အားကောင်းဖို့ လိုအပ်လာတဲ့ အနေအထားမျိုးမှာ ရန်သူအခြေစိုက်စခန်းကို တိုက်ခိုက်နိုင်စွမ်းအပါအဝင် နည်းလမ်းပေါင်းစုံကို စဉ်းစားသွားမှာ ဖြစ်ပါတယ်။ ဂျပန်ရဲ့ ပတ်ဝန်းကျင်က လုံခြုံရေးဆိုင်ရာ အခြေအနေဟာ မကြုံစဖူးအခြေအနေနဲ့ အလျင်အမြန် ပြောင်းလဲနေတယ်။ သိပ္ပံဝတ္ထုတွေမှာသာ မြင်ရတဲ့ကိစ္စတွေဟာ ဒီနေ့မှာ အမှန်တကယ် ဖြစ်လာပါပြီ”

ရန်သူစခန်းကို တိုက်ခိုက်နိုင်စွမ်းလို စစ်အင်အားမျိုးဟာ ဒုတိယကမ္ဘာစစ်အပြီး ဂျပန်နိုင်ငံက ပြဌာန်းကျင့်သုံးခဲ့တဲ့ ‘ငြိမ်းချမ်းမှုရှေ့ရှုရေး အခြေခံဥပဒေ’ နဲ့ ဆန့်ကျင်နေပါတယ်။ ဂျပန်ဟာ ပြီးခဲ့တဲ့နှစ်တွေအတွင်း စစ်အင်အား ပိုမိုတိုးချဲ့နိုင်ဖို့ လုပ်ဆောင်လာတာ ဖြစ်ပါတယ်။

ကာကွယ်ရေးအတွက် ထပ်တိုးဘက်ဂျက်ငွေ ယန်း ၇၇၀ ဘီလီယံ (ဒေါ်လာ ၆.၈ ဘီလီယံ) လွှတ်တော်မှာ တောင်းဆိုဖို့အတွက် သောကြာနေ့မှာ ဂျပန်အစိုးရက အတည်ပြုခဲ့ပါတယ်။ ဒုံးကျည်တွေ၊ ရေငုပ်သင်္ဘောခွင်း ဒုံးတွေ စတဲ့ အဆင့်မြင့် လက်နက်တွေ ဝယ်ယူဖို့ ဖြစ်ပါတယ်။

ပတ်ဝန်းကျင်က လုံခြုံရေးအခြေအနေ ဆိုးရွားလာတာကြောင့် ပြည်သူလူထုရဲ့ အသက်အိုးအိမ်ကို ကာကွယ်ဖို့အတွက် ကာကွယ်ရေးအသုံးစားရိတ်ကို ၂ ဆတိုးဖို့ စဉ်းစားထားတယ်လို့ ကီရှီဒါက ပြောကြားခဲ့သလို၊ သူ့အစိုးရဟာ ဒါကို တည်တည်ငြိမ်ငြိမ်နဲ့ လက်တွေ့ကျကျ လုပ်ဆောင်သွားမယ်လို့လည်း ဆိုပါတယ်။
*********************************************************************
END / 251