ဥရောပ အရှေ့ခြမ်းတွင် နေတိုးနှင့် အမေရိကန်တို့ စစ်ရေး ပြင်ဆင်မှုများ လုပ်ဆောင်လာ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
 

ဥရောပအရှေ့ခြမ်းကို တပ်ဖွဲ့ဝင်တွေ ထပ်တိုးချသွားဖို့ရှိနေပြီး၊ ရှိပြီးသားတပ်ဖွဲ့တွေကိုလည်း အသင့်အနေအထား ပြင်ဆင်ထားတယ်လို့ မြောက်အတ္တလန်တိတ် မဟာမိတ်အဖွဲ့ (နေတိုး) က တနင်္လာနေ့မှာ ပြောကြားလိုက်ပါတယ်။

ရုရှားက နယ်စပ်မှာ စစ်အင်အား ၁ သိန်းလောက် ချထားပြီး ယူကရိန်းကို သိမ်းပိုက်တော့မယ်ဆိုတဲ့ စိုးရိမ်မှုတွေ မြင့်တက်လာတဲ့အချိန် နေတိုးအဖွဲ့ကလည်း ယူကရိန်းနိုင်ငံတည်ရှိရာ ဥရောပရှေ့ခြမ်းမှာ စစ်ပြင်ဆင်လာတာပါ။

အမေရိကန် ကာကွယ်ရေးဌာနက တပ်ဖွဲ့ဝင် ၈၅၀၀ လောက်ကို အသင့်ပြင်ဆင်ထားပြီး အရှေ့ဥရောပမှာ ချထားဖို့အတွက် အမိန့်စောင့်နေတယ်လို့ မနေ့က ထုတ်ပြန်ပါတယ်။

ယူကရိန်းကို ဝင်သိမ်းဖို့ရှိတယ်ဆိုတဲ့ သတင်းတွေကို ရုရှားဖက်က ငြင်းဆိုထားပြီး အနောက်နိုင်ငံတွေရဲ့ လုပ်ရပ်တွေကိုကြည့်ရင် ရုရှားဟာ ကျူးကျော်သူ၊ ရန်စသူမျိုးမဟုတ်ဘဲ ပစ်မှတ်ထားခံရသူ ဖြစ်တာဆိုတာ ထင်ရှားတယ်လို့ တုန့်ပြန်ခဲ့ပါတယ်။

အမေရိကန်သမ္မတ ဂျိုးဘိုင်ဒန်ဟာ ဂျာမနီ၊ ပြင်သစ်၊ အီတလီ၊ ဗြိတိန်နဲ့ ပိုလန်ခေါင်းဆောင်တွေနဲ့တနင်္လာနေ့က မိနစ် ၈၀ ကျော်ကြာ အွန်လိုင်းက တွေ့ဆုံပြီး ယူကရိန်းကိစ္စ ဆွေးနွေးခဲ့ကြပါတယ်။

အိမ်ဖြူတော်က ထုတ်ပြန်ချက်မှာ ရုရှားက ယူကရိန်းအပေါ်ကျူးကျော်မှုကိုတားဆီးဖို့ စီးပွားရေးပိတ်ဆို့တာ၊ နေတိုးရဲ့ အရှေ့ဖက်စစ်မျက်နှာမှာ လုံခြုံရေးဆိုင်ရာ အားဖြည့်မှုတွေလုပ်တာ အပါအဝင် နည်းလမ်းအားလုံးကို ခေါင်းဆောင်တွေက ဆွေးနွေးခဲ့ကြတယ်လို့ ဖော်ပြထားပါတယ်။

အမေရိကန်ဟာ ယူကရိန်းကို ပြီးခဲ့တဲ့ရက်ပိုင်းက စစ်လက်နက်ပစ္စည်းတွေ ပေးပို့ထားသလို၊ အက်စတိုးနီးယား၊ လတ်ဗီးယားနဲ့ လစ်သူယေးနီးယားတို့က ယူကရိန်းအပေါ် လက်နက်တွေ ထောက်ပံ့ဖို့လည်း အမေရိကန်က ခွင့်ပြုပေးခဲ့ပါတယ်။

#############################
END / 251