မွတ်စလင်ကျောင်းသူများ ပုဝါမဆောင်းရအမိန့်ကြောင့် အိန္ဒိယတောင်ပိုင်းတွင်း တင်းမာမှု မြင့်တက်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အိန္ဒိယနိုင်ငံ တောင်ပိုင်း ကာနာတာကာပြည်မှာ စာသင်ကျောင်းအတွင်း မွတ်စလင်အမျိုးသမီးတွေ ပုဝါမဆောင်းရလို့ အမိန့်ထုတ်ပြန်မှုကနေတစ်ဆင့် မွတ်စလင်အမျိုးသမီးတွေ နှောက်ယှက်ခံရတဲ့ အခြေအနေအထိ ဖြစ်လာပြီး တင်းမာမှုတွေ မြင့်တက်လာပါတယ်။

ပြည်နယ်အတွင်းက စာသင်ကျောင်းတွေမှာ ပုဝါဆောင်းထားတဲ့ မွတ်စလင်အမျိုးသမီးတွေကို စာသင်ခန်းထဲ ပေးမ၀င်တဲ့ကိစ္စဟာ ဒီဇင်ဘာနှောင်းပိုင်းကတည်းက စတင်လာတာ ဖြစ်ပါတယ်။

ကနာတာကာပြည်ကို အာဏာရ ဟိန္ဒူအမျိုးသားရေးပါတီ BJP ပါတီက အုပ်စိုးပြီး၊ ပုဝါဆောင်းထားရင် စာသင်ခန်းထဲ ပေးမ၀င်တဲ့ အမိန့်ကို ပြည်နယ်အစိုးရက ထုတ်ပြန်တာ ဖြစ်ပါတယ်။

ဒီအမိန့် ထွက်ပေါ်လာပြီးတဲ့နောက် ဟိန္ဒူအမျိုးသားရေးအစွန်းရောက်တွေက ပုဝါဆောင်းတဲ့ မွတ်စလင်ကျောင်းသူတွေကို နှောက်ယှက်တာ၊ စာသင်ကျောင်းတွေထဲဝင်ခွင့်မပေးတာ စတဲ့ အဖြစ်အပျက်တွေလည်း ပြည်နယ်အတွင်းမှာ မြင့်တက်လာပါတယ်။

မန်ဒယာမြို့က ကောလိပ်မှာ အဆိုင်းမန့်တင်ဖို့သွားတဲ့ မွတ်စလင်အမျိုးသမီးတစ်ဦးကို လိမ္မော်ရောင် အ၀တ်စတွေကိုင်ထားတဲ့ လူအုပ်စုက ဟစ်အော်နှောက်ယှက်တဲ့ ဗီဒီယိုတစ်ခု ပြီးခဲ့တဲ့ရက်ပိုင်းက အွန်လိုင်းမှာ ပြန့်နှံ့ခဲ့ပါတယ်။

“ကျွန်မက အဆိုင်းမန့်တင်ဖို့လာတယ်။ ကောလိပ်ထဲကိုဝင်တယ်။ ကျွန်မ ဘုရ်ခါဝတ်ထားလို့ဆိုပြီး သူတို့က ကျွန်မကို အထဲပေးမ၀င်ပါဘူး။ ပြီးတော့ ‘အရှင်ရာမ အဓွန့်ရှည်ပါစေ’ လို ၀ိုင်းအော်ကျတယ်။ ကျွန်မလည်း ‘အလ္လာဟ်အရှင်သည် အကြီးမြတ်ဆုံး’ လို့ ပြန်အော်ခဲ့တယ်။ အဲဒီလူအုပ်ရဲ့ ၁၀ ရာခိုင်နှုန်းက ကျောင်းကလူတွေ၊ ကျန်တာက အပြင်ကပါ” လို့ လူအုပ်ရဲ့နှောက်ယှက်မှုကို ခံခဲ့ရတဲ့ မွတ်စလင်ကျောင်းသူ မူစကန်ခန်းက ပြောပါတယ်။

တင်းမှာမှုအမြင့်ဆုံးက ကမ်းရိုးတန်းမြို့ဖြစ်တဲ့ အူဒူပီမြို့ဖြစ်ပြီး မွတ်စလင်ကျောင်းသူတွေကို စာသင်ကျောင်းတွေက လုံးဝ ၀င်ခွင့်မပေးတာကြောင့် ဆန္ဒပြမှုတွေဖြစ်ခဲ့ပါတယ်။

ကာနာတာကာပြည်နယ် လူဦးရေရဲ့ ၁၂ ရာခိုင်နှုန်းက အစ္စလာမ်ဘာသာဝင်တွေ ဖြစ်ပါတယ်။ မွတ်စလင်တွေက ဒီတားမြစ်မှုဟာ နိုင်ငံရေးမှာ ဘာသာရေးမစွက်ရ၊ နိုင်ငံသားတိုင်း လွတ်လပ်စွာ ၀တ်ပြုကိုးကွယ်ခွင့် ရှိရမယ်ဆိုတဲ့ ဖွဲ့စည်းပုံအခြေခံဥပဒေပါ ပြဌာန်းချက်ကို အစိုးရက အတိအလင်းချိုးဖောက်တာ ဖြစ်တယ်လို့ ၀ဖေန်ထားပါတယ်။

ပြည်နယ်ပညာရေးဝန်ကြီး ဘီစီ နာဂက်ရ်ှက ပညာရေးနဲ့သက်ဆိုင်တဲ့ နေရာတွေမှာ ပုဝါဆောင်းမှုကို ပိတ်ပင်တဲ့ တရားရုံးဆုံးဖြတ်ချက်တွေကို ကိုးကားပြီး ဒီလိုအမိန့်ထုတ်တာလို့ Twitter စာမျက်နှာမှာ ရေးသားခဲ့ပါတယ်။

ဒီအမိန့်ကို ဆန့်ကျင်တဲ့ အဂ်ါနေ့က ဆန္ဒပြမှုကို ရဲတပ်ဖွဲ့က ဖြိုခွဲခဲ့ပြီး ပြည်နယ်ဝန်ကြီးချုပ် ဗာဆာဗာရက်ဂ်ျ ဘွန်မိုင်းက ပြည်နယ်အတွင်းမှာရှိတဲ့ကျောင်းတွေအားလုံးကို ၃ ရက် ပိတ်လိုက်ကြောင်း မနေ့က ကြေငြာခဲ့ပါတယ်။
****************************************************************
END / 251