ဝီဂါနှင့် အခြားလူနည်းစုများကို တရုတ်အစိုးရက လုပ်အားခေါင်းပုံဖြတ်မှု အကြီးအကျယ် လုပ်ဆောင်နေ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


တရုတ်အစိုးရဟာ နိုင်ငံအနောက်ပိုင်း ရှင်းကျန်းပြည်နယ်က ဝီဂါနဲ့ အခြားလူနည်းစုတွေအပေါ် လုပ်အားခေါင်းပုံဖြတ်မှု မူဝါဒတွေ ဆက်လက်ကျင့်သုံးနေတယ်လို့ နိုင်ငံတကာ အလုပ်သမားအဖွဲ့ (ILO) က ပြောကြားလိုက်ပြီး နိုင်ငံတကာစံနှုန်းတွေအရ အလုပ်ခိုင်းစေဖို့လည်း တိုက်တွန်းလိုက်ပါတယ်။

ချိုးဖောက်မှုတွေမှာ အဓမ္မလုပ်အား ခိုင်းစေတာ၊ မဖြစ်နိုင်တဲ့ ကုန်ထုတ်လုပ်မှုစံချိန်တွေ သတ်မှတ်တာ၊ အလုပ်ချိန် အများအပြားခိုင်းစေတာတွေ ပါဝင်တယ်လို့ Application of International Labour Standards ခေါင်းစဉ်နဲ့ ထုတ်ပြန်တဲ့ စာမျက်နှာ ၈၇၀ ပါ အစီရင်ခံစာမှာ ILO က ဖော်ပြထားပါတယ်။

ရှင်ကျန်းပြည်နယ်က လူနည်းစုတွေဖြစ်တဲ့ ဝီဂါနဲ့ အခြား တူရကီမျိုးနွယ် စုစုပေါင်း ၁၃ သန်းလောက်ဟာ လူမျိုး၊ ဘာသာတရားတွေကြောင့် တရုတ်အစိုးရရဲ့ စနစ်တကျ ပစ်မှတ်ထား ခေါင်းပုံဖြတ်အမြတ်ထုတ်မှုကို ခံနေရ​တယ်လို့ အစီရင်ခံဏာမှာ ဖော်ပြထားပါတယ်။

ဒီချိုးဖောက်မှုတွေဟာ ဆက်လက်ဖြစ်ပွားနေပြီး တရုတ်အစိုးရက ဆင်းရဲမွဲတေမှုလျှော့ချရေး၊ အသက်မွေးဝမ်းကြောင်း သင်တန်း၊ အလုပ်မှတစ်ဆင့် အသိပညာပေးရေး၊ အစွန်းရောက်မှုတိုက်ဖျက်ရေး စတဲ့ ခေါင်းစဉ်အမျိုးမျိုး တပ်ထားတယ်လို့ ILO ရဲ့ လေ့လာဆန်းစစ်မှုမှာ တွေ့ရှိခဲ့ရပါတယ်။

တရုတ်ရဲ့ လုပ်အားခေါင်းပုံဖြတ်မှု အဓိကစီမံကိန်းက အကျဉ်းစခန်းတွေဖြစ်ပါတယ်။ ရှင်ကျန်းပြည်နယ်တစ်ဝိုက် အကျဉ်းစခန်းကွန်ယက်ကို တည်ဆောက်ထားပြီး ဝီဂါနဲ့ အခြားလူမျိုးစုငယ်​ ၁.၈ သန်းလောက်ကို ထိန်းသိမ်းကာ အဓမ္မလုပ်အားခိုင်းစေကာ၊ လုပ်ငန်းခွင်ဆိုင်ရာ ချိုးဖောက်မှုတွေဟာ ဒီအကျဉ်းစခန်းတွေမှာရော နိုင်ငံတစ်ဝှမ်းက လုပ်ငန်းခွင်တွေမှာပါ တွေ့ရတယ်လို့ အစီရင်ခံစာမှာ ထည့်သွင်းဖော်ပြထားပါတယ်။

အကျဉ်းစခန်းတွေမှာ အလွန်အမင်းခက်ခဲကြမ်းတမ်းအောင် လုပ်ဆောင်တာ၊ လွတ်လပ်စွာသွားလာလှုပ်ရှားမှု ပိတ်ပင်တာ၊ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ညှင်းပမ်းတာတွေလည်း ရှိပါတယ်။ အကျဉ်းစခန်းထဲကလူတွေဟာ များသောအားဖြင့် ဝါဂွမ်း ရိတ်သိမ်းရေးလုပ်ငန်း၊ အဝတ်အထည်နဲ့ ဖိနပ်ထုတ်လုပ်ရေးလုပ်ငန်းတွေမှာ အဓမ္မ လုပ်အားခိုင်းစေခံရတာ ဖြစ်ပါတယ်။

တရုတ်နိုင်ငံရဲ့ တစ်ခြားဒေသတွေမှာလည်း ဝီဂါအလုပ်သမားတွေဟာ သီးခြားနေထိုင်၊ အလုပ်လုပ်ရတာ၊ တရုတ်စာကို မဖြစ်မနေ သင်ရတာ၊ ယဉ်ကျေးမှုနဲ့ ဘာသာရေးဆိုင်ရာ ထုံးတမ်းတွေကျင့်သုံးခွင့်မရတာ စတဲ့ ချိုးဖောက်မှုဒဏ်တွေ ဆက်လက်ခံစားနေရတာကို ILO ရဲ့ လေ့လာဆန်းစစ်မှုမှာ တွေ့ခဲ့ရပါတယ်။ ဝီဂါအလုပ်သမားတွေဟာ တရုတ်အစိုးရက သတ်မှတ်ထားတဲ့ အနိမ့်ဆုံးလုပ်ခထက် ပိုနည်းတဲ့ လုပ်ခကိုသာ ရရှိကြပါတယ်။

တရုတ်အစိုးရက ILO ရဲ့ ဒီတွေ့ရှိချက်တွေဟာ မဟုတ်မှန်ဘူးလို့ တုန့်ပြန်ခဲ့ပါတယ်။

တရုတ်စကား သင်ခိုင်းတာဟာ ဝီဂါတွေရဲ့ ဘာသာစကားကျွမ်းကျင်မှု တိုးတက်စေဖို့နဲ့ အလုပ်အကိုင်အခွင့်အလမ်း ပိုမိုရရှိစေဖို့ဖြစ်ပြီး၊ အနိမ့်ဆုံးလုပ်ခထက် လျှော့ပြီးရတယ်ဆိုတာကလည်း လုံးဝအခြေအမြစ်မရှိဘူးလို့ ဆိုပါတယ်။

ရှင်ကျန်းပြည်နယ်အစိုးရအဖွဲ့က မိမိတို့မှာ အလုပ်သမားအခွင့်အရေးကို ကာကွယ်ရေးပြီး အလုပ်သမားတွေ တိုင်ကြားလာတာကို ဖြေရှင်းပေးမယ့် မူဝါဒမျိုး ရှိနေတယ်လို့ တုန့်ပြန်ပြောကြားခဲ့ပါတယ်။

အနိမ့်ဆုံးလုပ်အားခ အပြည့်အ၀​ပေးရမယ်ဆိုတဲ့ အချက်ကို လုပ်ငန်းရှင်တွေက လိုက်နာမှုရှိလားဆိုတာ စုံစမ်းစစ်ဆေးသွားမယ်လို့ တရုတ်အစိုးရက ထည့်သွင်းပြောဆိုခဲ့ပြီး လုပ်ငန်းရှင်တွေအနေနဲ့ ဒီသတ်မှတ်ချက်ကို လိုက်နာဖို့ တိုက်တွန်းခဲ့ပါတယ်။

****************************************************************
END / 251