အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
အိန္ဒိယမြောက်ပိုင်း အူတာပရာဒက်ရ်ှပြည်နယ် ဗာရာဏသီမြို့က ဗလီတစ်လုံးမှာ ဟိန္ဒူနတ်ဘုရားရုပ်တုတွေ တွေ့တယ်ဆိုတဲ့ သတင်းကြောင့် တရားရုံးက ဗလီကို ၀တ်ပြုခွင့် ပိတ်လိုက်ပါတယ်။
အပိတ်ခံလိုက်ရတဲ့ဗလီဟာ သမိုင်းဝင် ‘ဂျန်ဝါပီ’ ဗလီ ဖြစ်ပါတယ်။ ဒီဗလီဟာ ဟိန္ဒူဘုရားကျောင်းနေရာမှာ ဆောက်ထားတယ်တဲ့အတွက် ဗလီပရ၀ုဏ်ထဲမှာ ဘုရားရှိခိုးချင်တယ်လို့ ဟိန္ဒူအမျိုးသမီး ၅ ဦးက အခုလအစောပိုင်းမှာ တရားရုံးကို လျှောက်ထားခဲ့ပါတယ်။
ဒီအတွက် တရားရုံးက အဖွဲ့တစ်ခုဖွဲ့ကာ ရှာဖွေမှုတွေလုပ်ခဲ့ပြီး နတ်ဘုရား ရှီးဗားနဲ့ အခြား ဟိန္ဒူနတ်ဘုရားရုပ်တုတွေ တွေ့ရှိခဲ့တယ်လို့ အဲဒီအဖွဲ့က ထုတ်ပြန်ပါတယ်။
အိန္ဒိယကို အုပ်စိုးခဲ့တဲ့ မွတ်စလင်ဘုရင်တွေဟာ ဟိန္ဒူဘုရားကျောင်းတွေကိုဖျက်ဆီးကာ အဲဒီနေရာတွေမှာ ဗလီတွေ၊ အထိမ်းအမှတ်နေရာတွေ တည်ဆောက်ထားတယ်လို့ ဟိန္ဒူလက်ယာသမားတွေ အရင်ကတည်းက စွပ်စွဲခဲ့ကြတာ ဖြစ်ပါတယ်။
ဂျန်ဝါပီဗလီ
ဂျန်ဝါပီဗလီဟာ ဥတာပရာဒက်ရ်ှပြည်နယ်မှာရှိတဲ့ အကြီးဆုံး ဗလီဝတ်ကျောင်းတော် ၃ ခုထဲက တစ်ခုလည်း ဖြစ်ပါတယ်။ ဟိန္ဒူအမျိုးသမီးတွေဖက်က လိုက်ပါဆောင်ရွက်ပေးနေတဲ့ ရှေ့နေက ဗလီထဲမှာ ဟိန္ဒူနတ်ဘုရားရုပ်ထုတွေ တွေ့တဲ့အတွက် မွတ်စလင်တွေ ဘုရားဝတ်ပြုမှုကို တရားရုံးက ပိတ်ပင်လိုက်တာဖြစ်ကြောင်း ပြောကြားခဲ့ပါတယ်။
ဗာရာဏသီမြို့ဟာ ၀န်ကြီးချုပ် မိုဒီရဲ့ မဲဆန္ဒနယ်ထဲမှာ ပါဝင်တဲ့မြို့ ဖြစ်ပါတယ်။ မိုဒီရဲ့ အာဏာရ ဟိန္ဒူအမျိုးသားရေးပါတီ BJP ကို ထောက်ခံသူတွေဟာ တဂ်ျမဟာလ် ဂူဗိမာန်အပါအ၀င် နိုင်ငံတစ်ဝှမ်းက မွတ်စလင်တွေရဲ့ အထိမ်းအမှတ်နေရာတွေ၊ သမိုင်းဝင်ဗလီတွေကို ဖြိုချတူးဖော်ပြီး ဟိန္ဒူနတ်ဘုရားတွေရှာဖို့ ဆော်သြနေတဲ့အချိန် ဗာရာဏသီမြို့က ဒီကိစ္စ ပေါ်ပေါက်လာတာဖြစ်ပါတယ်။
အယွဒ္ဒယမြို့က ဘာဘရီဗလီဟာ ဟိန္ဒူနတ်ဘုရား ရာမ မွေးဖွားရာနေရာလို့ စွပ်စွဲပြီး ၁၉၉၂ ခုနှစ်မှာ ဟိန္ဒူလူအုပ်က တိုက်ခိုက်ဖျက်ဆီးခဲ့ပါတယ်။ အဲဒီနောက်ဆက်တွဲ နိုင်ငံတစ်ဝှမ်းဖြစ်ပွားတဲ့ ဟိန္ဒူ-မွတ်စလင် အဓိကရုဏ်းမှာ မွတ်စလင်တွေ ထောင်နဲ့ချီ အသတ်ခံခဲ့ရပါတယ်။
၂၀၁၉ ခုနှစ်မှာတော့ အိန္ဒိယတရားရုံးချုပ်က ဘာဘရီဗလီနေရာမှာ ဟိန္ဒူဘုရားကျောင်းဆောက်ဖို့နဲ့ မွတ်စလင်တွေ ဗလီဆောက်နိုင်ရေး မြေနေရာတစ်ခုကို အစိုးရက သတ်မှတ်ပေးဖို့ ဆုံးဖြတ်ချက် ချမှတ်ခဲ့ပါတယ်။
****************************************************************
END / 251