အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ရုရှားနဲ့ ကပ်နေတဲ့ ဆွီဒင်နဲ့ ဖင်လန်နိုင်ငံတို့ဟာ မနေ့က နေတိုးအဖွဲ့ဝင်ဖြစ်ရေး တရားဝင် လျှောက်ထားလိုက်ပါတယ်။
အရင်က ဒီနှစ်နိုင်ငံဟာ ကြားနေအဖြစ် ရှိခဲ့ပေမယ့် ယူကရိန်းကို ရုရှားက ကျူးကျော်ပြီးနောက်ပိုင်း သူတို့လည်း ဒီလိုအနေအထားမျိုး တစ်ချိန်မှာ ကြုံတွေ့လာရနိုင်တယ်ဆိုတဲ့ စိုးရိမ်မှုတွေ ဖြစ်လာတာပါ။
နေတိုးအဖွဲ့ထဲဝင်ဖို့ ဆုံးဖြတ်ပြီးပြီလို့ ပြီးခဲ့တဲ့ သီတင်းပတ်အနည်းငယ်ကတည်းက ဖင်လန်နဲ့ ဆွီဒင်အစိုးရတို့က ထုတ်ဖော်ပြောဆိုထားတာ ဖြစ်ပါတယ်။
နေတိုးအဖွဲ့ရဲ့ အထွေထွအတွင်းရေးမှူး ဂျန်စတိုလ်တန်ဘာ့ဂ်က ဖင်လန်နဲ့ ဆွီဒင်တို့ရဲ့လျှောက်ထားမှုကို နွေးထွေးစွာ ကြိုဆိုတယ်လို့ ပြောကြားခဲ့ပါတယ်။
ရုရှားကတော့ ဒီလုပ်ရပ်ကို ပြင်းပြင်းထန်ထန်ရှုတ်ချထားပြီး ဆွီဒင်နဲ့ ဖင်လန်တို့ရှိရာဒေသမှာ စစ်အင်အားတိုးချဲ့မယ်လို့ ထုတ်ဖော်ပြောဆိုထားပါတယ်။
ဒီနှစ်နိုင်ငံရဲ့ အဖွဲ့ဝင်လျှောက်ထားမှုကို နေတိုးအဖွဲ့ဝင်နိုင်ငံ တော်တော်များများက လက်ခံပေမယ့် တူရကီကတော့ ကန့်ကွက်ထားပါတယ်။ အဖွဲ့စည်းမျဉ်းအရ အဖွဲ့ဝင်နိုင်ငံအားလုံးက ထောက်ခံမှ ၀င်ခွင့်ရမှာ ဖြစ်ပါတယ်။
****************************************************************
END / 251
အကိုး အကား : M-Media
ဗုဒ်ဓဟူးနေ့
၁၈ မေ ၂၀၂၂
၁၈:၄၉:၂၁
1258711
ရုရှားနဲ့ ကပ်နေတဲ့ ဆွီဒင်နဲ့ ဖင်လန်နိုင်ငံတို့ဟာ မနေ့က နေတိုးအဖွဲ့ဝင်ဖြစ်ရေး တရားဝင် လျှောက်ထားလိုက်ပါတယ်။