အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အကိုး အကား : m-mediagroup.com
တနင်္ဂနွေနေ့

၂ အောက်တိုဘာ ၂၀၂၂

၂၁:၅၆:၄၀
1310017

နိုင်ငံအလယ်ပိုင်းမှ အစ္စလာမ့်မစ် စစ်သွေးကြွအဖွဲ့တစ်ခုကို အင်ဒိုနီးရှားက အပြီးသတ် ရှင်းလင်း

East Indonesia Mujahideen လို့ခေါ်တဲ့ အစ္စလာမ့်မစ် စစ်သွေးကြွ အဖွဲ့အစည်းရဲ့ နောက်ဆုံးကျန်ရစ်တဲ့ ခေါင်းဆောင်တစ်ဦးကို အင်ဒိုနီးရှား အထူးရဲတပ်ဖွဲ့က အသေပစ်ခတ် ဖမ်းဆီးခဲ့ပါတယ်။


အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

East Indonesia Mujahideen လို့ခေါ်တဲ့ အစ္စလာမ့်မစ် စစ်သွေးကြွ အဖွဲ့အစည်းရဲ့ နောက်ဆုံးကျန်ရစ်တဲ့ ခေါင်းဆောင်တစ်ဦးကို အင်ဒိုနီးရှား အထူးရဲတပ်ဖွဲ့က အသေပစ်ခတ် ဖမ်းဆီးခဲ့ပါတယ်။

MIT လို့ အတိုကောက်ခေါ်တဲ့ အဲဒီအဖွဲ့အစည်းဟာ IS အကြမ်းဖက်အဖွဲ့ကို သစ္စာခံတယ်လို့ ကြေငြာထားပြီး ရဲတပ်ဖွဲ့၀င်တွေနဲ့ ခရစ်ယာန်ဘာ၀င်အချို့ကို ဖမ်းဆီး သတ်ဖြတ်ခဲ့ဖူးပါတယ်။

နိုင်ငံအလယ်ပိုင်း ဆူလာ၀ေစီပြည်နယ်မှာ အင်ဒိုနီးရှား အထူးရဲတပ်ဖွဲ့ Densus 88 ရဲ့ ကြာသာပတေးနေ့ စီးနင်းမှုအတွင်း MIT ခေါင်းဆောင် အလ် အစ်ခ၀ါရစ္စမန်နဲ့ အပြန်အလှန်ပစ်ခတ်မှု ဖြစ်ခဲ့ပြီး အသေပစ်ခတ်ဖမ်းဆီးနိုင်ခဲ့တာ ဖြစ်ပါတယ်။

အစ်ခ၀ါရစ္စမန်ဟာ ၂၀၂၁ ခုနှစ် မေလက ခရစ်ယာန်ဘာသာ၀င် လယ်သမားတွေကို သတ်ဖြတ်မှုအပါအ၀င် MIT ရဲ့ အကြမ်းဖက်သတ်ဖြတ်မှု အနည်းဆုံး ၁၀ ခုမှာ ပါ၀င်ကျူးလွန်ခဲ့သူ ဖြစ်ပါတယ်။

“သူဟာ MIT အဖွဲ့က နောက်ဆုံး ကျန်တဲ့သူပါ။ ပိုဆိုဒေသ ငြိမ်းချမ်းရေးအတွက် ဆူးညှောင့်ခလုတ်ဖြစ်နေတဲ့ စစ်သွေးကြွအဖွဲ့ကို ကျွန်တော်တို့ အပြီးသတ် ရှင်းလင်းနိုင်ခဲ့ပါတယ်” လို့ ဆူလာ၀ေစီပြည်နယ် ရဲတပ်ဖွဲ့ အကြီးအကဲ ရူဒီ ဆူဖာရီယာဒီက ပြောပါတယ်။

အင်ဒိုနီးရှား ရဲတပ်ဖွဲ့ဟာ ၂၀၁၆ ခုနှစ် ဇူလိုင်လက MIT ခေါင်းဆောင် အဘူ၀ါဒါ ဆန်တိုဆိုကို အသေပစ်ခတ် ဖမ်းဆီးနိုင်ခဲ့ပြီးတဲ့နောက်ပိုင်း ဒီအဖွဲ့ကို အမြတ်ဖြတ်နိုင်ရေး ပိုမိုအားထုတ် လုပ်ဆောင်လာခဲ့ပါတယ်။

ပြီးခဲ့တဲ့နှစ်ကစလို့ ဆူလာ၀ေစီမှာ စီးနင်းဖမ်းဆီးမှုတွေ တောက်လျှောက်ပြုလုပ်လာခဲ့ပြီး MIT ခေါင်းဆောင်အများစုကို အသေပစ်ခတ် ဖမ်းဆီးနိုင်ခဲ့ပါတယ်။

Ref: Arab News

****************************************************************
END / 251