အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အကိုး အကား : m-mediagroup
အင်္ဂါနေ့

၂၇ ဒီဇင်ဘာ ၂၀၂၂

၂၀:၃၂:၀၆
1333865

မြောက်ကိုရီးယားဒရုန်းများကို မပစ်ချနိုင်သည့် တောင်ကိုရီးယားစစ်တပ် ၀ေဖန်ခံနေရ

တနင်္လာနေ့မနက်ပိုင်းက မြောက်ကိုရီးယားဒရုန်းတွေ နိုင်ငံလေပိုင်နက်ထဲ၀င်လာရာမှာ ထိထိရောက်ရောက် ဟန့်တားနိုင်ခြင်းမရှိတဲ့အတွက် တောင်ကိုရီးယားစစ်တပ် ၀ေဖန်ခံနေရပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
 

တနင်္လာနေ့မနက်ပိုင်းက မြောက်ကိုရီးယားဒရုန်းတွေ နိုင်ငံလေပိုင်နက်ထဲ၀င်လာရာမှာ ထိထိရောက်ရောက် ဟန့်တားနိုင်ခြင်းမရှိတဲ့အတွက် တောင်ကိုရီးယားစစ်တပ် ၀ေဖန်ခံနေရပါတယ်။

ဒရုန်း ၅ စင်းဟာ နိုင်ငံအနောက်မြောက်ပိုင်း ဂင်ပိုမြို့ကနေ ၀င်ရောက်လာတာဖြစ်ပြီး ဆိုးလ်အပါအ၀င် မြို့ကြီးတစ်ချို့ကို ဖြတ်ပျံသွားခဲ့ပါတယ်။

တောင်ကိုရီးယားစစ်တပ်က တိုက်လေယာဥ်တွေ၊ တိုက်ခိုက်ရေး ရဟတ်ယာဥ်တွေ ပျံတက်ခဲ့ပြီး ရဟတ်ယာဥ်ကနေ စစ်သေနက်နဲ့ အချက် ၁၀၀ လောက် ပစ်ခဲ့ပေမယ့် ဒရုန်းတွေကို ပစ်ချနိုင်ခြင်းမရှိပါဘူး။

ဒီအဖြစ်အပျက်မှာ ပါ၀င်တဲ့ KA-1 တိုက်လောဥ်တစ်စီးဟာ မတော်တဆမှုကြောင့် ပျက်ကျခဲ့ပြီး လေယာဥ်မှုးနှစ်ဦး အချိန်မီခုန်ထွက်နိုင်ခဲ့တယ်လို့ တောင်ကိုရီးယားစစ်တပ်က ထုတ်ပြန်ပါတယ်။

တောင်ကိုရီးယားသမ္မတ ယွန်ဆက်ယိုက နျူခြိမ်းခြောက်မှုနဲ့ ရင်ဆိုင်နေရချိိန်မှာ ဒရုန်းတွေကိုတောင် စစ်တပ်က ပစ်ချနိုင်စွမ်းမရှိတဲ့အတွက် စိုးရိမ်မိတယ်လို ၀ေဖန်ခဲ့ပါတယ်။

စစ်တပ်ကလည်း ဒီကိစ္စအတွက် ပြန်လည်တောင်းပန်ခဲ့ပါတယ်။

ဒရုန်းတွေကျူးကျော်၀င်ရောက်မှုကို တုန့်ပြန်နိုင်ရေး အထူးအဖွဲ့တစ်ခု ဖွဲ့စည်းသွားမယ်လို့လည်း သမ္မတက ထည့်သွင်းပြောဆိုခဲ့ပါတယ်။

ကုလကသမဂ္ဂ မြောက်ကိုရီးယားစောင့်ကြည့်အဖွဲ့ရဲ့ ၂၀၁၆ ခုနှစ် အစီရင်ခံစာအရ မြောက်ကိုရီးယားမှာ ထောက်လှမ်းရေး၊ လေ့ကျင့်ရေးနဲ့ တိုက်ပွဲ၀င်ဒရုန်း စုစုပေါင်း ၃၀၀ လောက် ရှိတယ်လို့ ဖော်ပြထားပါတယ်။

အဲဒီဒရုန်းတွေဟာ တရုတ်၊ ချက်၊ ဂျပန်၊ ဆွစ်ဇာလန်နဲ့ အမေရိကန်တို့က တင်သွင်းတဲ့ ပစ္စည်းတွေနဲ့ ပြုလုပ်ထားတယ်ဆိုတာကို တွေ့ရကြောင်း ဒီအဖွဲ့က ဆိုပါတယ်။

ပြီးခဲ့တဲ့နှစ် အလုပ်သမားပါတီ နှစ်ပတ်လည်အစည်းအ၀ေးမှာ မြောက်ကိုရီးယားခေါင်းဆောင် ကင်ဂျုံအွန်က အဆင့်မြင့်ဒရုန်းထုတ်လုပ်ရေးကို ပိုမိုအားထည့်လုပ်ဆောင်သွားမယ်လို့ ပြောကြားထားပါတယ်။


****************************************************************
END / 251