အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အကိုး အကား : ابنا
တနင်္လာနေ့

၂၆ ဖေဖော်ဝါရီ ၂၀၂၄

၂၀:၃၀:၁၀
1440619

ဖားကန့်တွင် ပစ်ခတ်မှုဖြစ်ပြီး ရဲတပ်ဖွဲ့ဝင် ၂ ဦးသေ

ကချင်ပြည်နယ်၊ ဖားကန့်မြို့နယ်မှာ ဖေဖော်ဝါရီ ၂၅ ရက် မနက်ပိုင်းက စစ်ကောင်စီတပ်ဖွဲ့ဝင်တွေနဲ့ ဒေသခံ ပြည်သူ့ကာကွယ်ရေးတပ် ပစ်ခတ်မှုဖြစ်ပွားပြီး ရဲတပ်ဖွဲ့ဝင် နှစ်ဦးသေဆုံးကြောင်း ဒေသခံထံက သိရပါတယ်။




ကချင်ပြည်နယ်၊ ဖားကန့်မြို့နယ်မှာ ဖေဖော်ဝါရီ ၂၅ ရက် မနက်ပိုင်းက စစ်ကောင်စီတပ်ဖွဲ့ဝင်တွေနဲ့ ဒေသခံ ပြည်သူ့ကာကွယ်ရေးတပ် ပစ်ခတ်မှုဖြစ်ပွားပြီး ရဲတပ်ဖွဲ့ဝင် နှစ်ဦးသေဆုံးကြောင်း ဒေသခံထံက သိရပါတယ်။

စစ်ကောင်စီလက်အောက်ခံ ရဲတပ်ဖွဲ့ဝင် ၇ ဦးထက်မနည်း ဆိပ်မူကျေးရွာအုပ်စု ရှမ်းကုန်းဈေးကို ဈေးလာဝယ်စဉ် ဒေသခံ ပြည်သူ့ကာကွယ်ရေးတပ် KPDF နဲ့ တွေ့ဆုံကာ နှစ်ဖက်ပစ်ခတ်မှု ဖြစ်ပွားခဲ့တာဖြစ်ပါတယ်။

ဒေသခံ အမျိုးသားတဦးက “မနက် ၈ နာရီလောက်က ဖြစ်သွားတာ။ ရဲတွေ ဈေးလာဝယ်ရင်း PDF နဲ့ ထိပ်တိုက်တွေ့ပြီး ပစ်ကြတာ။ ရဲက ၇ ဦးလောက်ရှိတယ်။ ရဲတယောက်ကို PDF ဘက်က ဖမ်းသွားတယ်။ ရဲ နှစ်ဦး သေသွားတာ၊ သေသွားတာ အရာရှိလို့ ပြောကြတယ်” လို့ ပြောပါတယ်။

စစ်ကောင်စီလက်အောက်ခံ ရဲတပ်ရင်း ၃၀ က ရဲတပ်ဖွဲ့ဝင်တွေနဲ့ ဒေသခံ ပြည်သူ့ကာကွယ်ရေးတပ် KPDF တို့ ပစ်ခတ်မှုဖြစ်ပွားပြီး သေဆုံးသွားတဲ့ ရဲတပ်ဖွဲ့ဝင် နှစ်ဦးရဲ့ အလောင်းကို နေ့လယ်ပိုင်းမှာ ရဲတပ်ဖွဲ့ဝင်တွေက လာရောက်သယ်ဆောင်သွားပါတယ်။

ပြီးခဲ့တဲ့ ၂၀၂၃ ခုနှစ် စက်တင်ဘာ ၂၁ ရက်ကလည်း ဆိုင်းတောင်ကျေးရွာမှာ အိမ်စီးကားနဲ့ ကင်းလှည့်နေတဲ့ ရဲတပ်ဖွဲ့ဝင် ၅ ဦးကို လက်နက်ကိုင်အဖွဲ့တခုက ပစ်ခတ်တိုက်ခိုက်ခဲ့လို့ ရဲတပ်ဖွဲ့ဝင်တဦး သေဆုံးပြီး နှစ်ဦး ထိခိုက်ဒဏ်ရာ ရခဲ့ပါတယ်။