ChatGPT လုပ်ငန်း၏ အဆင့်သစ် စတင်ခြင်း — ကြော်ငြာများကို အရှေ့အလယ်ပိုင်းနှင့် မြောက်အာဖရိကသို့ တိုးချဲ့

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

 OpenAI က ChatGPT ၏ လုပ်ငန်းပုံစံအဆင့်သစ်ကို အမေရိကန်ပြည်ထောင်စုပြင်ပရှိ ဈေးကွက်များသို့ ကြော်ငြာများ တိုးချဲ့ခြင်းဖြင့် စတင်လိုက်ပြီဖြစ်သည်။ ထိုဈေးကွက်များတွင် အရှေ့အလယ်ပိုင်းနှင့် မြောက် အာဖရိက၊ အိန္ဒိယနှင့် ဥရောပတို့ ပါဝင်ပါတယ်။

အစီရင်ခံချက်များအရ အီဂျစ်နိုင်ငံသည် အရေးပါသော အာရပ်ဈေးကွက်များအနက် တစ်ခုအဖြစ် ယခုစနစ်တွင် ပါဝင်လာခဲ့ပါတယ်။ အီဂျစ်နှင့်အတူ အယ်လ်ဂျီးရီးယား၊ ဘာရိန်း၊ အီရတ်၊ ဂျော်ဒန်၊ ကူဝိတ်၊ လက်ဘနွန်၊ မော်ရိုကို၊ အိုမန် ၊ ကာတာနှင့် တူနီးရှားနိုင်ငံများရှိ မှတ်ပုံတင်ထားသော ကုမ္ပဏီများသည် ChatGPT ၏ ကြော်ငြာ ပလက်ဖောင်းကို အသုံးပြုနိုင်ပြီဖြစ်ပါတယ်။

ဤလုပ်ဆောင်ချက်သည် AI မော်ဒယ်များ၏ လုပ်ငန်းလည်ပတ်မှုကုန်ကျစရိတ်များနှင့် အကြီးစား အတိုင်း အတာဖြင့် ဝန်ဆောင်မှုပေးနိုင်ရန် လိုအပ်သော အခြေခံအဆောက်အအုံများအတွက် ကုန်ကျစရိတ်များကို ကာမိ စေရန် ရည်ရွယ်ခြင်းဖြစ်ပါတယ်။

OpenAI က ကြော်ငြာလုပ်ငန်းသည် သုံးစွဲသူအတွက် အခပေးစာရင်းသွင်းမှုများ၊ ကုမ္ပဏီများအတွက် ဝန်ဆောင်မှု များနှင့် အခပေး API များနှင့်အတူ ကုမ္ပဏီ၏ လုပ်ငန်းပုံစံ၏ အဓိကအစိတ်အပိုင်းတစ်ခု ဖြစ်ကြောင်း ကြေညာ ထားပါတယ်။

OpenAI ၏ မူဝါဒများအရ ကြော်ငြာများကို ChatGPT ၏ အဖြေများနှင့် သီးခြား၊ ထင်ရှားစွာ ခွဲခြား ဖော်ပြ မည်ဖြစ်ပြီး “အခပေးအကြောင်းအရာ” ဟူသော အမှတ်အသားဖြင့် ဖော်ပြမည်ဖြစ်ပါတယ်။

ကုမ္ပဏီကလည်း ကြော်ငြာရှင်များအနေဖြင့် AI မော်ဒယ်၏ အဖြေများကို ပြောင်းလဲနိုင်မည်မဟုတ်သလို အဖြေများ၏ အစီအစဉ် သို့မဟုတ် ဦးစားပေးဖော်ပြမှုအပေါ်တွင်လည်း သက်ရောက်မှုရှိ စေနိုင်မည် မဟုတ် ကြောင်း အလေးပေးပြောကြားခဲ့ပါတယ်။

ကြော်ငြာများသည် အဓိကအားဖြင့် အခမဲ့အစီအစဉ် (Free plan) အသုံးပြုသူများ ကို ရည်ရွယ်မည်ဖြစ်ပြီး “Plus” နှင့် “Pro” ကဲ့သို့သော အခပေးအစီအစဉ်များသည် ထိုကြော်ငြာများမှ ကင်းလွတ်မည်ဖြစ်ပါတယ်။

OpenAI က ကြော်ငြာရှင်များသည် သုံးစွဲသူများ၏ ကိုယ်ပိုင်စကားပြောဆိုမှုများ၊ စကားဝိုင်းမှတ်တမ်းများ သို့မဟုတ် ကိုယ်ရေးကိုယ်တာမှတ်ဉာဏ်များ ကို ဝင်ရောက်ကြည့်ရှုနိုင်မည်မဟုတ်သလို AI မော်ဒယ်၏ အဖြေများအပေါ်တွင်လည်း သက်ရောက်မှုရှိစေနိုင်မည်မဟုတ်ကြောင်း အလေးပေးပြောကြားခဲ့ပါတယ်။ ထို့အပြင် သုံးစွဲသူများအနေဖြင့် ကြော်ငြာများကို ကိုယ်ပိုင်စိတ်ကြိုက်ပြင်ဆင်သတ်မှတ်နိုင်သည့် ဆက်တင် အချို့ကိုလည်း ထိန်းချုပ်နိုင်မည်ဖြစ်ပါတယ်။

အီဂျစ်နှင့် ဒေသတွင်းသို့ ChatGPT ကြော်ငြာများ ဝင်ရောက်လာခြင်းသည် ဒစ်ဂျစ်တယ်ကြော်ငြာဈေးကွက်တွင် အရေးပါသော ပြောင်းလဲမှုတစ်ရပ် အဖြစ် သတ်မှတ်နိုင်သည်။ ယင်းသည် ဝက်ဘ်စာမျက်နှာများနှင့် လူမှု ကွန်ရက်များ ကို အခြေခံသည့် ရိုးရာကြော်ငြာပုံစံများမှ စကားပြောဆိုမှုအခြေပြု နေရာသစ်တစ်ခုသို့ ကူးပြောင်း လာခြင်းဖြစ်ပါ တယ်။

ဤပုံစံတွင် သုံးစွဲသူသည် မိမိ၏ လိုအပ်ချက်များနှင့် ရည်မှန်းချက်များကို တိုက်ရိုက်ဖော်ပြနိုင်ပြီး၊ ထိုစကားပြော ဆိုမှု၏ အတွင်း၌ပင် ကြော်ငြာများကို ပြသပေးနိုင်မည်ဖြစ်ပါတယ်။

++++++++++++++++++++++++++++++++++++++++++++++++++

END / 251