စာပေဆိုင်ရာ နိုဘယ်ဆုကို တန်ဇန်းနီးယားမှ အဘ်ဒွလ်ရာဇတ် ဂူရ်နာ ရရှိ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


၂၀၂၁ ခုနှစ်အတွက် စာပေဆိုင်ရာ နိုဘယ်ဆုကို တန်ဇန်းနီးယားနိုင်ငံက စာရေးဆရာ အဘ်ဒွလ်ရာဇတ် ဂူရ်နာက ဆွတ်ခူးရရှိသွားပါတယ်။

ဇန်ဇီဘာရ်ဒေသမှာ မွေးပြီး အင်္ဂလန်နိုင်ငံမှာ အခြေချနေထိုင်တဲ့ ဂူရ်နာဟာ Kent တက္ကသိုလ်က ပရော်ဖက်ဆာ ဖြစ်ပါတယ်။

နိုဘယ်ဆုရွေးချယ်ရေးကော်မတီက ဂူရ်နာဟာ ကိုလိုနီဝါဒရဲ့ သက်ရောက်မှု၊ ဒုက္ခသည်တွေရဲ့ ကံကြမ္မာတွေကို နက်နက်ရှိုင်းရှိုင်း ထိုးထွင်းသိမြင်နိုင်စွမ်းရှိသူ ဖြစ်တယ်လို့ မှတ်ချက်ပေးခဲ့ပါတယ်။

ဂူရ်နာဟာ ၀တ္ထုရှည် ၁၀ ပုဒ်နဲ့ ၀တ္ထုတို တော်တော်များများကို ရေးသားခဲ့ပြီး ၁၉၉၄ ခုနှစ်က ရေးသားထုတ်ဝေတဲ့ Paradise ၀တ္ထုက နာမည်ကျော်ပါတယ်။ ဒီဝတ္ထုဟာ ပထမကမ္ဘာစစ်ကာလအတွင်းက အရှေ့အာဖရိကကို ဇာတ်အိမ်တည် ရေးဖွဲ့ထားတဲ့ ၀တ္ထုဖြစ်ပါတယ်။ Booker Prize for Fiction ဆုအတွက် ဒီဝတ္ထုက ဇကာတင်စာရင်း ဝင်ခဲ့ပါတယ်။

စာပေဆိုင်ရာ နိုဘယ်ဆုရွေးချယ်ရေးကော်မတီ ဥက္ကဌ အန်ဒါစ် အိုလ်ဆန်က ဂူရ်နာဟာ ကိုလိုနီခေတ်နောက်ပိုင်း အကြီးကျယ်ဆုံး စာရေးဆရာတစ်ယောက်ဖြစ်တယ်လို့ ကင်းပွန်းတပ်ခဲ့ပါတယ်။

ဂူရ်နာဟာ ဆုကြေးငွေ ဆွီဒင်ကရိုနာ ၁၀ သန်း (ဒေါ်လာ ၁.၁၃ သန်း) ရရှိမှာ ဖြစ်ပါတယ်။ ဆုပေးပွဲအခမ်းအနားကို ပုံမှန် ဒီဇင်ဘာ ၁၀ ရက်နေ့ကျရင် ဆွီဒင်နိုင်ငံ စတော့ဟုမ်းမှာ ကျင်းပလေ့ရှိပေမယ့် ကိုဗစ်ကပ်ရောဂါ မပြီးသေးတဲ့အတွက် ဒီနှစ် ကျင်းပနိုင်ခြင်း မရှိပါဘူး။ ကိုဗစ်ကြောင့် ဆုပေးပွဲမကျင်းပနိုင်တာ ၂ နှစ်ရှိပြီ ဖြစ်ပါတယ်။

၁၉၀၁ ခုနှစ်က စတင်ချီးမြှင့်ခဲ့တဲ့ နိုဘယ်ဆုမှာ စာပေဆိုင်ရာဆုကို ရရှိသူ ၁၁၈ ဦးရှိပြီး အဲဒီအထဲက ၈၀ ရာခိုင်နှုန်းကျော် ဖြစ်တဲ့ ၉၅ ဦးဟာ ဥရောပနဲ့ မြောက်အမေရိကက စာရေးဆရာတွေ ဖြစ်ပါတယ်။

****************************************************************

END / 251