ယူအေအီး နိုင်ငံ အဘူဒါဘီမြို့မှ ဟိန္ဒူဘုရားကျောင်း ဌာပနာတည်ပွဲကို စည်ကား သိုက်မြိုက်စွာ ကျင်းပ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




အာရပ်စော်ဘွားများပြည်ထောင်စု (ယူအေအီး) နိုင်ငံ မြို့တော် အဘူဒါဘီက ပထမဆုံး ဟိန္ဒူဘုရားကျောင်းအတွက် ဌာပနာတည်ပွဲ အခမ်းအနားကို အခုတစ်ပတ်အစောပိုင်းက စတင်ပြီး ကျင်းပနေပါတယ်။

Pratham Shila Sthaapan Saptah လို့ အမည်ရတဲ့ အဲဒီ ဌာပနာတည်ပွဲကို နိုဝင်ဘာ ၉ ရက်နေ့က ၁၆ ရက်နေ့အထိ တစ်ပတ်တာ ကျင်းပသွားမှာ ဖြစ်ပါတယ်။

အင်္ဂါနေ့က ဘုရားကျောင်း အုတ်မြစ်မှာ ဌာပနာမြှုပ်နှံပွဲအခမ်းအနားကို ကျောင်းထိုင်မယ့် ဟိန္ဒူဘုန်းကြီး Pujya Brahmvihari Swami၊ အခြားဟိန္ဒူဘုန်းတော်ကြီးတွေ၊ ယူအေအီးအစိုးရ တာဝန်ရှိသူတွေ၊ ဟိန္ဒူဘာသာဝင်တွေ စုစုပေါင်း ၃၀၀ ကျော် တက်ရောက်ခဲ့ကြပါတယ်။

“ဒီဘုရားကျောင်းနဲ့ပတ်သက်ပြီး ၂၀၁၈ ခုနှစ်က စတင်ကာ တိုးတက်မှုတွေကို ဘုန်းကြီးတို့ မြင်ခဲ့ရတယ်။ သမိုင်းဝင်မယ့်၊ အမှတ်တရဖြစ်စေမယ့် အခမ်းအနားတွေ အများကြီးကိုလည်း ဆင်နွှဲနိုင်ခဲ့ပါတယ်။ အခုအခမ်းအနားကတော့ ဘုရားကျောင်း တည်ထားကိုးကွယ်ရေးမှာ အလွန်အရေးပါတဲ့ သမိုင်းမှတ်တိုင်တစ်ခု ဖြစ်လာမှာပါ။ ကြီးကျယ်ခမ်းနားတဲ့ ဘုရားကျောင်းကြီး အသက်ဝင်လာမယ့် ပထမဆုံး ပုံရိပ်ကို မြင်ရတာလည်း ဖြစ်ပါတယ်” လို့ ကျောင်းထိုင်မယ့် ဟိန္ဒူဘုန်းကြီး Pujya Brahmvihari Swami က အခမ်းအနားမှာ မိန့်ကြားခဲ့ပါတယ်။

BAPS Hindu Mandir လို့ အမည်ရမယ့် အဲဒီဘုရားကျောင်းကို အိန္ဒိယကနေ ပေးပို့လိုက်တဲ့ ကျောက်ဆိုင်၊ ကျောက်သားကြီးတွေကို ပေါင်းစပ်ကာ တည်ဆောက်မှာဖြစ်ပါတယ်။ အဲဒီ ကျောက်ဆိုင်ကျောက်သားကြီးတွေမှာ ဟိန္ဒူနတ်ဘုရားတွေရဲ့ ပုံတော်တွေ၊ ဖြစ်တော်စဉ်တွေကို ပန်းချီ၊ ပန်းပု ပညာရှင်ပေါင်း ၂၀၀၀ ကျော်က လက်ရာမြောက်စွာ ထွင်းထုပူဇော်ထားပါတယ်။

ဒီကျောက်ဆိုင်ကျောက်သားကြီးတွေကို ပေါင်းစပ်ကာ ဘုရားကျောင်းတည်ဆောက်ဖို့အတွက် အိန္ဒိယနိုင်ငံက ပညာရှင် ၁၇ ဦးလည်း ယူအေအီးကို ရောက်နေပါတယ်။ ဘုရားကျောင်းမှာ စတီး၊ သံ စတာတွေကို လုံးဝသုံးမှာမဟုတ်ဘဲ ဟိန္ဒူရှေးဟောင်း ဗိသုကာလက်ရာအတိုင်း ကျောက်သားစစ်စစ်ကိုသာ အသုံးပြုမှာ ဖြစ်ပါတယ်။ အရှေ့အလယ်ပိုင်းက ကျောက်သားစစ်စစ်နဲ့ တည်ဆောက်တဲ့ ပထမဆုံး ဟိန္ဒူဘုရား​ကျောင်းအဖြစ် မှတ်တမ်းဝင်မှာပါ။

ဘုရားကျောင်းမှာ ကျောက်တုံးရဲ့ အနေအထား၊ ဖိအား၊ အပူချိန်၊ ငလျင်ဒဏ်ခံနိုင်မှု စတဲ့ အခြေအနေ​တွေကို စောင့်ကြည့်နိုင်မယ့် နည်းပညာမြင့် ဆင်ဆာပေါင်း ၃၀၀ လောက် တပ်ဆင်ထားမှာ ဖြစ်ပါတယ်။ ဒီဆင်ဆာတွေဟာ နောက်ထပ် နှစ်ပေါင်း ၅၀ လောက်အတွက် စောင့်ကြည့်နိုင်မှာပါ။

BAPS Hindu Mandir ဘုရားကျောင်းမှာ ခေါင်ချွန်း ၇ ခု၊ အမိုးခုံး ၅ ခု ပါဝင်မှာဖြစ်ပါတယ်။ ဘုရားရှိခိုးဆောင်တွေ၊ ဧည့်ဆောင်၊ စာကြည့်တိုက်၊ စာသင်ခန်း၊ အများသုံးဟောခန်း၊ ကလေးကစားကွင်း၊ ပန်းခြံ၊ စာအုပ်နဲ့ လက်ဆောင်ပစ္စည်းအရောင်းဆိုင်၊ စားသောက်ဆိုင်နဲ့ အခြား အများပြည်သူသုံး နေရာတွေကို ထည့်သွင်းဆောက်မှာဖြစ်ပါတယ်။ ဘုရားကျောင်းကို ၂၀၂၃ ခုနှစ်မှာ ဖွင့်လှစ်နိုင်ဖို့ ရည်ရွယ်ထားပါတယ်။

ဘုရားကျောင်းဆောက်လုပ်ဖို့အတွက် ယူအေအီးအစိုးရက မြေပေးခဲ့တာဖြစ်ပြီး အိန္ဒိယဝန်ကြီးချုပ် နရန်ဒရာမိုဒီရဲ့ ၂၀၁၉ ခုနှစ် ယူအေအီးခရီးစဉ်မှာ ဘုရားကျောင်းဒီဇိုင်းကို ထုတ်ပြန်ခဲ့ပါတယ်။
*********************************************************************

END / 251