မြတ်အလ္လာဟ်၏ နှစ်သက်မှုကို ဖြစ်စေသော အရာသုံးမျိုး

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ဘေဟာရိုလ်အန်နဝါရ် ကျမ်း  မှ ရီဝါယသ်တော် လာရှိမှု ကို တင်ပြလိုက်ခြင်း ဖြစ်ပါတယ်။ ရီဝါယသ်တော် တွင် အောက်ပါအတိုင်း အရဘီ စာသား လာရှိပါတယ်။

قال الامام الجواد علیه السلام:

ثَـلاثٌ يَبْلُغْنَ بِالْعَبْدِ رِضْوانَ اللّه ِ تَعالى: كِثْـرَةُ الاْءسْتِغفـارِ وَ لِينُ الْجانِبِ وَ كَثْرةُ الصَّدَقَةِ.

အေမာမ် ဂျဝါဒ်  (အလိုင်ဟစ်စလာမ်)   မိန့်တော် မူ၏။

«  လူတစ်ဦးမှာ အောက်ပါအချက်သုံးချက်ရှိပါက အလ္လာဟ်ဟိုအရှင်မြတ် ၏ ကျေနပ်မှုကို ရရှိစေမည်ဖြစ် ပါသည်။

၁။ သောင်ဗဟ် (အပြစ်များအတွက် နောင်တယူ၍ အလ္လာဟ်ထံ ပြန်လည်လှည့်ခြင်း) များစွာ ပြုလုပ်ခြင်း

၂။ ကောင်းမွန်သော မိတ်ဆွေများ နှင့် ပေါင်းသင်းနေထိုင်ခြင်း

၃။ ဆဒ်ကဟ် များစွာ ပေးခြင်း  တို့ ဖြစ်ပါသည်။ »

ကျမ်းကိုး ။ ။ ဘေဟာရိုလ်အန်နဝါရ် ကျမ်း ၊ အတွဲ ၇၅ ၊ စာမျက်နှာ  ၃၈၀ ၊ ဟဒီးစ်တော် ၄၂

ရှင်းလင်းချက် အကျဥ်း   -  အထက်ပါ ဟဒီးစ်တော် ကို ကြည့်ပြီးသုံးသပ်ရမည်ဆိုလျှင်  ဤဟဒီးစ်တော်မှ လူတစ်ယောက် အလ္လာဟ်ဟို အရှင်မြတ် ရဲ့ ကျေနပ်မှုကို ရဖို့အတွက် အရေးကြီးတဲ့ အကျင့်သုံးမျိုးကို သင်ကြား ထားပါတယ်။

၁။သောင်ဗဟ် များများပြုလုပ်ခြင်း က လူကို အပြစ်ကနေ သန့်ရှင်းစေပြီး အလ္လာဟ်ဟိုအရှင်မြတ် နဲ့ ဆက်ဆံရေးကို ပြန်လည်ကောင်းမွန်စေပါတယ်။

၂။ကောင်းသောမိတ်ဆွေရွေးချယ်ခြင်း က လူရဲ့ အကျင့်စရိုက်ကို ကောင်းမွန်စေပြီး မကောင်းမှု တွေ ကနေ ကာကွယ်ပေးပါတယ်။

၃။ဆဒ်ကဟ် ပေးခြင်း က ဆင်းရဲသားများ ကို ကူညီပေးသလို လူရဲ့ စိတ်နှလုံးကိုလည်း ကောင်းမွန် နူးညံ့စေပြီး အလ္လာဟ်ဟို အရှင်မြတ်၏  ကျေးဇူးတော်ကို ရရှိစေပါတယ်။

အနှစ်ချုပ်အားဖြင့် — ဤသုံးချက်ကို လိုက်နာသူဟာ အလ္လာဟ်ဟို အရှင်မြတ်၏ ကျေနပ်မှုကို ရရှိသူ ဖြစ်ပြီး နီးကပ်လာသူ ဖြစ်ပါတယ်။

======================================================

END / 251