အာဏာသိမ်း ပြီးနောက်ပိုင်း စစ်ကောင်စီ ၏ ကျူးလွန်မှု Crimes Against Humanity မြောက်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
 

ဖေဖော်ဝါရီ ၁ ရက်နေ့ စစ်အာဏာသိမ်းပြီးနောက်ပိုင်း မြန်မာစစ်တပ်က ပြည်သူလူထုအပေါ် ကျူးလွန်တွေမှုဟာ ‘လူသားထုအပေါ် ကျူးလွန်တဲ့ ရာဇဝတ်မှု’ (Crimes Against Humanity) မြောက်တယ်ဆိုတဲ့ အထောက်အထားတွေကို ကနဦးစုံစမ်းစစ်ဆေးမှုမှာ တွေ့ရကြောင်း ကုလသမဂ္ဂရဲ့ မြန်မာနိုင်ငံအရေး လွတ်လပ်တဲ့စုံစမ်းစစ်ဆေးရေးအဖွဲ့ (IIMM) က ပြော ကြားလိုက်ပါတယ်။

IIMM အဖွဲ့ အကြီးအကဲ နီကိုလက်စ် ကွမ်ဂျီယန်ရဲ့ သောကြာနေ့က သတင်းစာရှင်းလင်းပွဲမှာ စစ်တပ်ရဲ့ အကြမ်းဖက်မှုနဲ့ပတ်သက်လို့ ဆက်သွယ်ပြောဆိုမှုပေါင်း ၂ သိန်းကျော်၊ သက်သေအထောက်အထားပေါင်း ၁.၅ သန်းကျော် ရရှိထားတယ်လို့ ဆိုပါတယ်။ ဒီကျူးလွန်မှုတွေအတွက် တာဝန်ရှိသူတွေကို တစ်ချိန်မှာ တရားဥပဒေရှေ့​မှောက် ခေါ်ဆောင်နိုင်ဖို့အတွက် ရရှိထားတဲ့ အထောက်အထားတွေကို လေ့လာဆန်းစစ်နေတယ်လို့လည်း ကွမ်ဂျီယန်က ပြောပါတယ်။

အာဏာသိမ်းပြီးနောက်ပိုင်း မြန်မာစစ်တပ်ရဲ့ နိုင်ငံတစ်ဝှမ်း အကြမ်းဖက်မှုတွေမှာ ပုံစံတူနည်းလမ်းတွေကို တစ်ပြိုင်တည်း အသုံးပြုတာမျိုး တွေ့ရပြီး အထက်ကချမှတ်တဲ့ မူဝါဒကို အကောက်အထည်ဖော်တာမျိုး ဖြစ်တယ်ဆိုတာ ကောက်ချက်ချလို့ရကြောင်း IIMM အကြီးအကဲက မှတ်ချက်ပြုပါတယ်။

မြန်မာစစ်တပ်က ပြည်သူလူထု၊ တိုင်းရင်းသားနဲ့ အခြားလူမျိုးစုတွေအပေါ် လူ့အခွင့်အရေးချိုးဖောက်မှုတွေ၊ အကြမ်းဖက်မှုတွေ ကျူးလွန်တာကို စုံစမ်းဖော်ထုတ်ဖို့အတွက် IIMM ကို ၂၀၁၈ ခုနှစ် စက်တင်ဘာမှာ ဖွဲ့စည်းခဲ့တာပါ။ ရှေ့နေတစ်ဦးဖြစ်ပြီး နိုင်ငံတကာရာဇဝတ်မှုတွေကို ကျွမ်းကျင်နားလည်တဲ ကွမ်ဂျီယန်ကို ကုလ အထွေထွေအတွင်းရေးမှူး အန်တိုနီယို ဂူတာရက်စ်က IIMM အကြီးအကဲအဖြစ် ၂၀၁၉ ခုနှစ်မှာ ခန့်အပ်ခဲ့တာ ဖြစ်ပါတယ်။

အာဏာသိမ်းပြီးနောက် စစ်ကောင်စီဟာ ဂျာနယ်လစ်တွေ၊ ကျန်းမာရေးဝန်ထမ်းတွေ၊ နိုင်ငံ​ရေး အတိုက်အခံတွေ အပါအဝင် အဖွဲ့အစည်းအမျိုးမျိုးကို ပစ်မှတ်ထားပြီး ဥပဒေကို ချိုးဖောက်ကာ ဖမ်းဆီးနှိပ်ကွပ်တာတွေ လုပ်ဆောင်တယ်လို့ ကွမ်ဂျီယန်က ပြောပါတယ်။

IIMM ရဲ့ တာဝန်ထဲမှာ ကချင်ပြည်နယ်၊ ရှမ်းပြည်နယ်အပါအဝင် တိုင်းရင်းသားဒေသတွေမှာ မြန်မာစစ်တပ်ရဲ့ ကျူးလွန်မှုတွေ၊ ရိုဟင်ဂျာမွတ်စလင်တွေအပေါ် အကြမ်းဖက်မှုတွေကို စုံစမ်းဖော်ထုတ်ဖို့၊ ရရှိတဲ့ရလဒ်တွေကို ကုလရဲ့ လူ့အခွင့်အရေးကောင်စီ၊ နိုင်ငံတကာ ခုံသမာဓိရုံး (ICJ) တို့ကို မျှဝေကာ ပူးပေါင်းဆောင်ရွက်သွားဖို့လည်း ပါဝင်ပါတယ်။


*********************************************************
END / 251