အာဖဂန်ပြည်သူများ အတွက် နိုင်ငံတကာ အသိုင်းက ဒေါ်လာ သန်း ၂၈၀ ထောက်ပံ့ ကူညီမည်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာဖဂန်နစ္စတန်မှာ ကြုံတွေ့နေရတဲ့ အဟာရချို့တဲ့မှုနဲ့ ကျန်းမာရေးပြဿနာတွေကို ဖြေရှင်းပေးနိုင်ရေး ကန်ဒေါ်လာ သန်း ၂၈၀ ကူညီသွားဖို့ ကမ္ဘာ့နိုင်ငံတွေက သဘောတူလိုက်ပါတယ်။

အလှူရှင်တွေဟာ အာဖဂန်ပြန်လည်တည်ဆောက်ရေး ရန်ပုံငွေအဖွဲ့(ARTF) ကနေတစ်ဆင့် ကမ္ဘာ့စားနပ်ရိက္ခာအဖွဲ့ (WFP) ကို သန်း ၁၈၀၊ ကုလရဲ့ ကလေးငယ်များ ကူညီစောင့်ရှောက်ရေးအဖွဲ့ (UNICEF) ကို သန်း ၁၀၀ ထောက်ပံ့ပေးသွားမှာဖြစ်ပါတယ်။

ဒီထောက်ပံ့မှုဟာ အာဖဂန်ပြည်သူတွေ စားနပ်ရိက္ခာ ဖူလှုံရေးနဲ့ ကျန်းမာရေးစောင့်ရှောက်မှု အားကောင်းစေရေးတို့အတွက် ဖြစ်ပါတယ်။

တာလီဘန်သိမ်းပိုက်ပြီးတဲ့ သြဂုတ်လကစလို့ အာဖဂန်နစ္စတန်ဟာ လူသားချင်း စာနာထောက်ထားမှုဆိုင်ရာ အကြပ်အတည်းတွေကို ပိုမိုခံစားနေရတာပါ။ နိုင်ငံတကာအသိုင်းအ၀ိုင်းက ထောက်ပံ့ကူညီမှုတွေ ရပ်ဆိုင်းလိုက်သလို နိုင်ငံခြားဘဏ်တွေမှာ အပ်ထားတဲ့ အာဖဂန်နိုင်ငံပိုင်ငွေ ဒေါ်လာ ၉ ဘီလီယံကိုလည်း တာလီဘန်ကို လွှဲမပေးသေးပါဘူး။

အာဖဂန်လူဦးရေရဲ့ ထက်ဝက်ဖြစ်တဲ့ ၂၃ သန်းလောက် စားလောင်မွတ်သိပ်မှုကို ရင်ဆိုင်နေရပြီး၊ အဲဒီအထဲက ၉ သန်းနီးပါးဟာ ငတ်မွတ်ခေါင်းပါးမှုအန္တရာယ်နဲ့ ရင်ဆိုင်ရတော့မယ်လို့ ကုလသမဂ္ဂက သတိပေးထားပါတယ်။

ARTF ကို ကမ္ဘာ့ဘဏ်က(World Bank) စီမံတာဖြစ်ပြီး တာလီဘန်အပေါ် အမေရိကန်ရဲ့ ပိတ်ဆို့မှုကို မချိုးဖောက်စေဘဲ နိုင်ငံတကာက လှူဒါန်းတဲ့ငွေတွေကို အာဖဂန်ပြည်သူတွေထံရောက်ရှိဖို့ ဆောင်ရွက်ပေးနေတာပါ။

အခုလှူဒါန်းမှူကြောင့် UNICEF ဟာ လူပေါင်း ၁၂.၅ သန်းကို အရေးပါတဲ့ အခြေခံ ကျန်းမာရေးစာင့်ရှောက်မှုတွေ ပေးကာ၊ လူ ၁ သန်းကို ကာကွယ်ဆေး ထိုးပေးနိုင်မှာ ဖြစ်သလို WFP ကလည်း လူ ၂.၇ သန်းကို စားနပ်ရိက္ခာထောက်ပံ့ကာ၊ မိခင်နဲ့ကလေး ၈၄၀၀၀၀ လောက်ကို အဟာရဆိုင်ရာ ကူညီမှုတွေ ပေးနိုင်လိမ့်မယ်လို့ ကမ္ဘာ့ဘဏ်က ပြောကြားခဲ့ပါတယ်။

****************************************************************
END / 251