အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
စွန္နီအာလင်မ် အလာမဟ် ဟဘီးဗ် အဲဟ်မဒ် ဟိုစိုင်းန်နီ က အောက်ပါအတိုင်း ဟောကြားခဲ့ပါတယ်။
အာရှုရာနေ့ မှာ စိုရ်မာ လိမ်း ၊အဝတ်အသစ်ဝတ် ၊ ကောင်းတာတွေ ချက်ပြုတ် ၊ ကလေးတွေအပေါ် ပေါပေါသီသီသုံး ဆိုတဲ့ ဟဒီးစ် ဟာ လိမ်ညာ ထားတဲ့ ဟဒီးစ် ဖြစ်တယ်။ အားလုံး လိမ်ညာထားတာ ဖြစ်တယ်။ ဘာကြောင့်လဲ ? အဲနေ့ ဆယက်ဒ်ဒဟ် ဇိုင်နဗ် (စ.အ) သခင်မဟာ အေမာမ် ဟိုစိုင်းန် (အ.စ)သခင် ၏ အလောင်း အပေါ် ငိုနေသည့်နေ့ မင်းတို့ ကလေးတွေ ပျော်ပြီးတော့ မုန့်အချိုတွေ စားကြပေါ့ ... ဟုတ်လား ? ဝမ်းနည်းလေစွာ ... အာရှုရာနေ့ အေမာမ် ဟိုစိုင်းန် (အ.စ) ၏အလောင်း ပေါ်ကနေ အဝတ်တွေ စုပ်ဖြဲယူနေတဲ့အချိန် မင်းတို့ အဝတ်အသစ်တွေ ဝတ်ပေါ့ ... ဟုတ်လား ? ဘယ်လောက် ဝမ်းနည်း စရာကောင်းလဲ ? အဲဟ်လေ့ဘိုက် (သ ) (အ.စ) အပေါ် မုန်းတီး မှုကြောင့် လုပ်ကြံ လိမ်ညာထားသည့် ဟဒီးစ် ဖြစ်ကြောင်းပြောပြမယ်။
အကြင်မည်သူမဆို မုဟရမ်၁၀ရက်နေ့ အာရှုရာနေ့ စားကောင်းသောက်ကောင်းချက်ပြုတ်မယ်၊ စားကောင်း သောက် ကောင်း ကျွေးမွေးမယ်၊ကလေးတွေကို ပျော်အောင် ပြုပေးမည် ဆိုလျင် အလ္လာဟ်ဟို အရှင်မြတ် သည် ၎င်း အတွက် တစ်နှစ်ပတ်လုံး ရိုဇီ ပေါများမှုကိုပေးသနားတော် မူမည် ဆိုပြီး ဟဒီးစ် အတု ကို ဖြန့်နေကြတယ်။
ဒီဟဒီးစ် ဟာ ဘနီအိုမိုင်းယာ တို့၏ လုပ်ကြံ လိမ်ညာထားသည့် ဟဒီးစ် ဖြစ်ပါတယ်။ တစ်ချို့ လူတွေကပြောမယ် ။ မောင်လာနာဆပ် ကျနော်တို့ ငယ်ငယ် လေး ကတည်းက နားထောင်လာတယ် ။ ဒါကြောင့် ကျနော် ပြောချင် တယ် လူကြီးမင်း တို့ ငယ်စဥ် ကတည်းက မဟုတ်ဘူး နှစ်ပေါင်း ၁၄၀၀ ကတည်းက ကြားလာ ရတာဖြစ်တယ်။
လိမ်ညာထားတဲ့ ဟဒီးစ် ကို ကြည့်မည်ဆိုရင် အကြင်မည်သူမဆို အာရှုရာနေ့ မိမိ ၏ ကလေးများ အတွက် ပေါပေါသီသီ သုံးမည်ဆိုလျင် အလ္လာဟ် ဟို အရှင်မြတ်သည် တစ်နှစ် ပတ်လုံး ၎င်း၏ ရိုဇီ ကို ဘရ်ကသ် ရှိစေမှာ ဖြစ်တယ်။ ဤဟဒီးစ် က မှန်ပါသလား? အေမာမ် အစ်ဗ်နေအဲဟ်မဒ် ဟန်ဗလ် မိန့်တော်မူတယ်။ ဤဟဒီးစ် သည် လုံးဝ အခြေအမြစ် မရှိချေ။ဤဟဒီးစ် ၏ စနက်ဒ် တစ်ခု ပင် ခိုင်လုံမှု မရှိချေ။ အလာမဟ် အစ်ဗ်နေရဂျဗ် ဟန်ဗလီ မိန့်ကြားတော်မူတယ်။ဤဟဒီးစ်တော် ၏ စနက်ဒ် သည် မှန်ကန် မှု မရှိချေ။ စနက်ဒ် မျိုးစုံနဲ့ တင်ပြထားတယ်။ ဒါပေမဲ့ အဲ စနက်ဒ် အားလုံး မှန်ကန်မှုမရှိတဲ့ စနက်ဒ်တွေဖြစ်ပါတယ်။
ပြီးနောက် အဘူဂျအ်ဖရ် အိုကိုင်နီ မိန့်ထားပါတယ်။ ဤကဲ့သို့ သော် ဟဒီးစ် မျိုး တမန်တော်မြတ် (ဆွ) မိန့်ကြား တော် မူထားသည့် ဟဒီးစ် မရှိချေ။
အလာမဟ် အစ်ဗ်နေသိုင်းမီယာ စလဖီ တို့၏ အေမာမ် မိန့်ထားတယ်။ ဤဟဒီးစ် ဟာ ဟဒီးစ်စေ မောင်ဇူ (လိမ်ညာထားသည့်ဟဒီးစ် ) ဖြစ်ပါတယ်။ အလာမဟ် အစ်ဗ်နေ ကိုင်ယင်းန် မိန့်တော်မူတယ်။ ဤဟဒီးစ် ၏ စနက်ဒ် ဟာ လိမ်ညာထားတာ ဖြစ်ပါတယ်။ အလာမဟ် ဂျောင်ဇီ မိန့်ကြားထားတယ်။ လုပ်ကြံထားတဲ့ ဟဒီးစ် ဖြစ်တယ်။ အစ်ဗ်နေဟဂျ်ရ် အက်စ်ကလာနီ မိန့်ကြားတော်မူတယ်။ လုပ်ကြံထားတဲ့ ဟဒီးစ် ဖြစ်တယ်။ အလာမဟ် မိုဟမ္မဒ် ရှောင်ကာနီ မိန့်ကြားတယ်။ လုပ်ကြံထားတဲ့ ဟဒီးစ် ဖြစ်တယ်။
ဒါဆို ဤ ဟဒီးစ် ကို ဘယ်က ယူလာတာလဲ ? ရှိသမျှဟဒီးစ် ပါရဂူများ လိမ်ညာဟဒီးစ်လို့ပြောနေတယ်။ ဤ လျှို့ဝှက်ချက် ကို အလာမဟ် အစ်ဗ်နေကစီးရ် ကို ဖွင့်ချ ခဲ့ပါတယ်။ နှစ်ပေါင်း ၆၀၀ အလျင် က သဖ်စီးရ် ပညာရှင် ဖြစ်ပါတယ်။ သူဖွင့်ချတာကတော့ အဲဟ်လေ့ဘိုက် (သ) (အ.စ) ကိုချစ်ပြီးတော့ ရှီအဟ် တွေ ဟာ ဂူလူ (အတိုင်း ထက် အလွန် ပြုခြင်း) လုပ်ကြတယ်။သူတို့ကို ရန်ငြိုးထားတဲ့ အဲဟ်လေ့ဘိုက် (သ) (အ.စ) ၏ ရန်သူများ နစေဘီများ က ရှီအဟ် တွေ ဝမ်းနည်း ရင် ငါတို့ ပျော်ကြမည်ဆိုပြီး စလုပ်ခဲ့တာ ဖြစ်တယ်။
ဒါကြောင့် အာရှုရာနေ့ မှာ အစားကောင်း အသောက်ကောင်း ချက်ပြုတ် ခြင်း၊ အဝတ်အသစ်ဝတ်ခြင်း ရေမွှေး လိမ်း ခြင်းသည် တို့ကို လုပ်ရမှာ မဟုတ်ချေ။ ဒီနေ့ ဟာ ဘာနေ့ လည်းဆိုရင် ... သာဝကတော် ကြီး အဗ်ဒိုလ္လာဟ် အစ်ဗ်နေ အဘာစ် မိန့်ကြားတယ် ... ကျနော် အိမ်မက်မက်တယ်။ ကြောက်ပြီးတော့နိုးလာတယ်။ ဘာမက် လည်းဆိုရင်တော့ မုဟရမ်လ ၏ ၁၀ ရက်နေ့ ဖြစ်ပါတယ်။ ကိုယ်တော် မြတ်(ဆွ) ၏ ဆံတော်များပေါ် နှင့် မုတ်ဆိတ်တော်ပေါ်မှာ သဲမှုန့်များ ပေးနေတာ တွေ့ရပါတယ်။ခေါင်းပေါ်မှာ အမာမဟ် မရှိတာတွေ့ရပါတယ်။ မျက်လုံးတော်များ မှ မျက်ရည် ကျနေပါတယ်။ ကျနော် အနေဖြင့် ကိုယ်တော် (ဆွ) အား မေးမြန်း လျှောက်ထားပါတယ်။ ယာရစူ လွလ္လာဟ် (ဆွ) ဘာဖြစ်တာလဲ? အဖြေပေးမိန့်တော် မူလေ၏? အခုပဲ ငါ၏ သားတော် ဟိုစိုင်းန် (အ.စ) ရှဟာဒသ် ဖြစ်ခဲ့သည့်နေရာကနေလာတာ ဖြစ်တယ်။ မိုသဖကအလိုင်း အရ မှန်ကန်သည့် ဟဒီးစ်တော်လာရှိပါတယ်။အကြင်မည်သူမဆို ကိုယ်တော်မြတ် (ဆွ) အိမ်မက် တွက်မက်လျင် အမှန်တကယ်ဖြစ် တယ်။ ဒီတော့ ကိုယ်တော်မြတ် (ဆွ) သဲမှုန့်များပေးနေပြီး ပူဆွေးနေချိန် မိမိကိုယ်ကို ကိုယ်တော် ၏ အွန်မသ် ပြောပြီး ရေမွှေးလိမ်းထွက်တာ မှန်ရဲလား ??? ဝမ်းနည်းစရာ ကျနော် တို့ အကြားမှာ ယဇီးဒ်ဝါဒတွေကို ထည့်ထားကြတယ်။ ကျနော်တို့လည်း မသိကြဘူး။
ကျနော်ထံမှာ အထောက်အထားအပြည့်အစုံရှိပါတယ်။ ဤဟဒီးစ် ဟာ လုပ်ကြံဟဒီးစ် ဖြစ်တယ်။ ဒါကို ကျနော်ပြောနေတာမဟုတ်ဘူး ။ အလာမဟ် အစ်ဗ်နေကစီးရ် က မိမိကျမ်း အတွဲ ၈ စာမျက်နှာ ၂၈၃ မှာ ရေးထား တာ ဖြစ်ပါတယ်။
မှတ်ချက် - အလာမဟ် ဟဘီးဗ် အဲဟ်မဒ် ဟိုစိုင်းန်နီ ၏ ၆မိနစ်ခန့် ကြာသည့် အူရ်ဒူဘာသာစကား ဖြင့် ဗယာန်း အား မြန်မာဘာသာပြန် ပေးထား ခြင်း ဖြစ်ပါတယ်။
++++++++++++++++++++++++++++++++++++++++++++++++++
END / 251
Your Comment