ကူးစက်မြန် ဇီကာဗိုင်းရပ်စ် ကာကွယ်ရေးနှင့် ပြည်သူ့အသံ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အေးဒိစ်ခြင်ကျားကိုက်ပါက ဖြစ်ပွားတတ်သည့် ကူးစက်မြန် ဇီကာဗိုင်းရပ်စ်သည် မြန်မာနှင့်အိမ်နီးချင်း ထိုင်းနိုင်ငံတွင် ဖြစ်ပွားနေပြီဖြစ်သည်။ မြန်မာနိုင်ငံသို့ ကူးစက်မှုမရှိစေရန် လေဆိပ်နှင့်နယ်စပ်ဂိတ်ပေါက်များတွင် ရောဂါထောက်လှမ်းရှာဖွေမှုများ ပြုလုပ်နေကြောင်း အစိုးရက ပြောကြားထားပြီး ယင်းဗိုင်းရပ်စ်မှာ သာမန်လူထက် အထူးသဖြင့် ကိုယ်ဝန်ဆောင်မိခင်များ၊ ကိုယ်ဝန်ဆောင်ရန် စီစဉ်နေသည့်မိခင်လောင်းများတွင် ကူးစက်ပါက မွေးဖွားလာသည့်ကလေးများ မွေးရာပါဦးခေါင်းသေး ရောဂါအပါအ၀င် အခြားအာရုံကြောဆိုင်ရာ ရောဂါများပါ ဖြစ်ပွားနိုင်သည့် ဗိုင်းရပ်စ်လည်းဖြစ်သည်။ ထို့ကြောင့် အဆိုပါဗိုင်းရပ်စ် ကာကွယ်ရေးနှင့်ပတ်သက်၍ ပြည်သူများ၏ စိုးရိမ်ပူပန်မှု၊ ခြင်အန္တရာယ်အပါအ၀င် ဗိုင်းရပ်စ်ကူးစက်ခြင်းမခံရစေရေး ကာကွယ်ပေးစေလိုမှု စသည့် အသံများကို စုစည်းဖော်ပြလိုက်ပါသည်။

ခိုင်ယဉ်မွန် (ကိုယ်ဝန်ဆောင်၊ လှိုင်မြို့နယ်)

ကူးစက်မြန်တဲ့ ဇီကာဗိုင်းရပ်စ်အကြောင်းကို သတင်းစာတွေမှာ ရော၊ ဖေ့စ်ဘွတ်ခ်မှာရော တွေ့နေရတယ်။ စင်ကာပူနိုင်ငံက မြန်မာ တစ်ယောက် ဒီဗိုင်းရပ်စ်ကူးတယ်ဆိုတဲ့သတင်းတောင် ဟိုတလောက ဖတ်လိုက်ရသေးတယ်။ အခုက မြန်မာနိုင်ငံနဲ့ သိပ်မဝေးတဲ့ ချင်းမိုင်အထိ ရောက်နေပြီဆိုတော့ မြန်မာနိုင်ငံအတွက်လည်း စိုးရိမ်စရာပဲ။ စင်ကာပူ လို ဖွံ့ဖြိုးပြီး ကျန်းမာရေးကို ဂရုစိုက်တဲ့နိုင်ငံတောင် ကူးစက်တဲ့သူတွေ ရှိနေပြီဆိုတော့ မြန်မာနိုင်ငံလို ခြင်နဲ့ပတ်သက်ပြီး အစစအရာရာလိုအပ် နေတဲ့ နိုင်ငံဆိုတော့ ရောဂါကူးစက်မှုနှုန်းက တော်တော်များမှာ။ အစိုးရ အနေနဲ့ကတော့ ဇီကာဗိုင်းရပ်စ်နဲ့ပတ်သက်ပြီး သတင်းထုတ်ပြန်တာက တော့ မြန်ပါတယ်။ ဒါပေမဲ့ ကာကွယ်မှုအပိုင်းကိုတော့ မြို့နယ်အဆင့်၊ ရပ်ကွက်အဆင့်လုပ်တာမတွေ့ရသေးဘူး။ သတိပေးနှိုးဆော်တာမျိုးကို မြို့နယ်အလိုက်၊ ရပ်ကွက်အလိုက် လုပ်ပေးရင် ပိုကောင်းမယ်။ဒီဗိုင်းရပ်စ်က ကိုယ်ဝန်ဆောင်မိခင်တွေ အကူးခံရရင် မွေးလာတဲ့ကလေးကိုပါထိခိုက်တာဆိုတော့ ကိုယ်ဝန်ဆောင်မိခင်တွေ ဘယ်လိုနေထိုင်ရမယ်၊ ခြင်ကိုက်မခံရအောင် ဘယ်လိုကာကွယ်ရမယ်ဆိုတာမျိုးတွေကို ရပ်ကွက်အလိုက် လုပ်ဆောင်ပေးသင့်တယ်။ အခုတော့ ကိုယ့်ဘာသာကိုယ်ပဲ ကာကွယ်နေရ တယ်။ ကျွန်မဆို ခြင်ကိုက်မခံရအောင် ခြင်မကိုက်ဆေးတွေ လိမ်းတယ်။ ခြင်ခိုအောင်းတဲ့ နေရာတွေကို ရှင်းတယ်။ အိမ်တွင်းချောင်ကျတဲ့နေရာတွေကို ခြင်ဆေးတွေဖျန်းတယ်။ ညဘက်အိပ်ရင်လည်း ခြင်ထောင်ကို သေချာထောင်ပြီးမှအိပ်တယ်။ ဒါ ကျွန်မတို့လို သိတဲ့သူတွေမို့လို့ပါ။ မသိတဲ့သူတွေအတွက် အန္တရာယ်များ တယ်။ ဒါကို အစိုးရက သေသေချာချာ မြို့နယ်၊ရပ်ကွက်အလိုက် လုပ်ပေးသင့်တယ်။

ကိုစိုပြေ (လှိုင်မြို့နယ်)

မြန်မာနိုင်ငံထဲကို ၀င်မယ့်လမ်းကြောင်းတွေထဲမှာဆိုရင် ဗိုင်းရပ်စ် ကူးစက်ခံရတဲ့ နိုင်ငံတွေကလာတဲ့ သူတွေကို အဓိကထားစစ်ဆေးသင့် တယ်။ သူတို့ရဲ့ ကျန်းမာရေးအခြေအနေ၊ သေသေချာချာစမ်းသပ် စစ်ဆေးပြီးမှ မြန်မာနိုင်ငံအတွင်းကို ၀င်ခွင့်ပြုသင့်တယ်လို့ မြင်ပါတယ်။ နောက်ပြီး ဒီရောဂါက လိင်ကတစ်ဆင့်ကူးစက်တတ်တယ်ဆိုတော့ Awareness တွေကို Port အ၀င်အထွက်တွေမှာ ကျယ်ကျယ်ပြန့်ပြန့် လုပ်ပေးသင့်တယ်။ မြန်မာနိုင်ငံက လူတွေအနေနဲ့လည်း ဇီကာဗိုင်းရပ်စ်  ကူးစက်ထားတဲ့နိုင်ငံတွေကို ခရီးမထွက်သင့်ဘူး။ အစိုးရက ဒီရောဂါနဲ့ ပတ်သက်ပြီး ထုတ်ပြန်ချက်တချို့တော့ တွေ့ပါတယ်။ ဒါပေမဲ့ ထိ ရောက်မှု အားနည်းတယ်လို့မြင်ပါတယ်။ ကိုယ်ဝန်ဆောင်တွေအနေနဲ့ လည်း ခြင်မကိုက်အောင် ဂရုတစိုက်နေသင့်တယ်။ မိမိကိုယ်တိုင်တော့ ခြင်မကိုက်အောင် တတ်နိုင်သမျှ သတိထားနေနေပါတယ်။ အစိုးရအနေနဲ့ ဒီထက်ပိုပြီး ပညာပေးအစီအစဉ်တွေ များများလုပ်သင့်တယ်လို့ မြင်ပါတယ်။

ဒေါက်တာခင်နန်းလုံ (ဒုတိုင်းပြည်သူ့ကျန်းမာရေးဦးစီးဌာနမှူး ၊ ရန်ကုန် တိုင်းဒေသကြီး ပြည်သူ့ကျန်းမာရေးဦးစီးဌာန၊)

ဇီကာဗိုင်းရပ်စ်နဲ့ ပတ်သက်ပြီး ကြိုတင်ကာကွယ်ခြင်းလုပ်ငန်းတွေ လုပ်နေပါတယ်။ ဇီကာသီးသန့်ထက် သွေးလွန်တုပ်ကွေးနဲ့ ပေါင်းလုပ် နေတယ်။ ဖုံး၊ သွန်၊ လဲ၊ စစ် လုပ်ငန်းတွေ၊ ခြင်နှိမ်နင်းရေးလုပ်ငန်းတွေစစ် ဆေးတာတွေ လုပ်နေတယ်။ လေဆိပ်နဲ့ ပင်လယ်ကူးသင်္ဘောဆိပ် အ  ၀င်မှာ ခြင်ဥထောင်ချောက်တွေလုပ်ပြီး အေးဒီစ်ခြင်တွေရှိနေလားစစ် ဆေးတယ်။ လေဆိပ်မှာ ခြင်နှိမ်နင်းရေးကိစ္စကို ငှက်ဖျားရောဂါတိုက်ဖျက် ရေးအဖွဲ့က လုပ်နေတယ်။ ပြည်သူအတွက်ကျတော့ လေဆိပ်မှာရှိတဲ့ ကျန်းမာရေးအဖွဲ့ (ဗဟိုကူးစက်ရောဂါကာကွယ်ရေးဌာနခွဲ) က ကျန်း မာရေးစစ်ဆေးမှုတွေ လုပ်တယ်။ နောက်ပြီး ပြည်နယ်နဲ့တိုင်းအလိုက် ဇီကာနဲ့ပတ်သက်ပြီး သီးသန့်ပွဲကြီးတွေလုပ်ဖို့ အစီအစဉ်ရှိတယ်။ မြို့နယ်နဲ့ကျေးရွာရပ်ကွက်မှာရှိတဲ့ ကျန်းမာရေးဝန်ထမ်းတွေကလည်း ပြည်သူတွေကို ပညာပေးမှုတွေလုပ်ကိုင်နေပါတယ်။ ပြည်သူတွေအနေနဲ့ အိမ်တိုင်းအိမ်တိုင်းမှာ ခြင်၊ ပိုးလောက်လမ်း လုံးဝမရှိအောင် ကိုယ့်တာဝန်ကိုယ်ယူနိုင်ရင် ခြင်နှိမ်နင်းရေး လုပ်ငန်းတွေ ပိုထိရောက်ပြီး ရောဂါတွေကို ကာကွယ်နိုင်မှာဖြစ်ပါတယ်။

ကိုသော်ဖြိုးရွှေ (NGO ၀န်ထမ်း)

ဇီကာဗိုင်းရပ်စ်နဲ့ပတ်သက်ပြီး နိုင်ငံတော်အဆင့်အနေနဲ့ကို ဂရုတ စိုက်သေချာကြပ်မတ်ပြီး ဆောင်ရွက်သင့်တယ်လို့ မြင်ပါတယ်။ မြို့နယ် တွေကတစ်ဆင့် ကျေးရွာတွေအထိ အသိပညာပေးတဲ့ လုပ်ငန်းတွေ လုပ်ဆောင်ဖို့လိုအပ်သလို ကြိုတင်ကာကွယ်ရေးအပိုင်းတွေကို အင် တိုက်အားတိုက် လုပ်ဆောင်သင့်ပါတယ်။ မြန်မာပြည်အနေအထားနဲ့က နှစ်စဉ်လို ခြင်ကြောင့်ဖြစ်တဲ့သွေးလွန်တုပ်ကွေး၊ ငှက်ဖျား စတာတွေ ကြောင့် ကလေးသူငယ်နဲ့ အသက်အရွယ်မရွေး အသက်ဆုံးရှုံးမှုတွေဖြစ် ပေါ်နေရတာပါ။ လူနေထိုင်မှုပုံစံနဲ့ အစားအသောက်အနေအထိုင် စတာ တွေကြောင့်လည်း ရောဂါဖြစ်ပွားလာရင် အချိန်မီ ထိန်းချုပ်ဖို့တော်တော် ခက်ခဲပါတယ်။ Prevention is better than cure ပေါ့လေ။ ကာကွယ် ခြင်းက ကုသတာထက်ပိုကောင်းတာပေါ့။ ကိုယ်ဝန်ဆောင်မိခင်တွေ ကလေးတွေအနေနဲ့က ခြင်မကိုက်အောင် သတိထားနေထိုင်ရမယ့်အပြင် မိမိပတ်ဝန်းကျင်မှာ ခြင်ခိုအောင်းနိုင်မယ့်နေရာတွေကို ရှင်းလင်းရမယ်။ ရပ်ကွက်ကျေးရွာတွေ တစ်ပတ်တစ်ကြိမ်လို စုပေါင်းသန့်ရှင်းရေးလုပ်တာ၊ အသိပညာပေးဟောပြောတာ စတဲ့လှုပ်ရှားမှုတွေ ပြုလုပ်ရမှာ ပါ။ လက်ရှိအနေနဲ့ ထုတ်ပြန်ချက်တွေ အနည်းငယ် အားနည်းနေသေး တယ်လို့ ထင်မိပါတယ်။ ဒီထက်ကို ထိရောက်တဲ့လုပ်ဆောင်မှုတွေ လိုအပ်မှာပါ။ ကျေးလက်တောရွာတွေကို ကွင်းဆင်းစစ်ဆေးတာ၊ပရဟိတအသင်းတွေ လူမှုရေးအသင်းတွေနဲ့ ပူးပေါင်းပြီး လှုံ့ဆော်မှုတွေ ကျယ်ကျယ်ပြန့်ပြန့် လုပ်ဆောင်သင့်ပါတယ်။

မအေးအေးမြင့် (ကိုယ်ဝန်ဆောင်၊ KBZ Bank)

ဒီရောဂါက ခြင်ကနေတစ်ဆင့် ကူးစက်တာဆိုတော့ မြန်မာနိုင်ငံအ တွက်တော့ အန္တရာယ်များတယ်။ ထိုင်းနိုင်ငံမှာပါ ရောဂါကူးစက်တဲ့သူ တွေရှိနေပြီဆိုတော့ မြန်မာနိုင်ငံအနေနဲ့ လေဆိပ်တွေ၊ သင်္ဘောဆိပ် တွေနဲ့ နယ်စပ်အ၀င်အထွက်ဂိတ်တွေမှာ ရောဂါ ရှိ၊ မရှိ သေသေချာချာ စစ်ဆေးမှုတွေကို အရင်ထက်ပိုပြီး ဂရုတစိုက်လုပ်စေချင်ပါတယ်။ အစိုးရအနေနဲ့ သတိပေးထုတ်ပြန်တာတွေကိုတော့ သတိထားဖတ်မိပါ တယ်။ ဖေ့စ်ဘွတ်ခ်မှာလည်း ဒီဗိုင်းရပ်စ်နဲ့ပတ်သက်ပြီး ဆောင်ရန် ရှောင်ရန်တွေ ဖတ်မိပါတယ်။ အစိုးရအနေနဲ့ ဒီရောဂါအကြောင်းကို လူ တွေပိုသိလာအောင် ဒီထက်ပိုပြီး လုပ်ဆောင်ဖို့လိုပါတယ်။ ရောဂါကူး စက်ခံရတဲ့မိခင်က ဦးခေါင်းသေး၊ ဦးနှောက်သေးတဲ့ ကလေးတွေ မွေး ဖွားလာတယ်ဆိုတော့ အဓိကကိုယ်ဝန်ဆောင်မိခင်တွေ ခြင်ကိုက်မခံရအောင် ဂရုတစိုက်နေထိုင်ဖို့လိုပါတယ်။ ကျွန်မက နေ့ခင်းဆိုရင်တော့ အလင်းရောင်ရအောင်၊ လေ၀င်လေထွက်ကောင်းအောင် တံခါးတွေကိုတော့ ဖွင့်ထားတယ်။ ခြင်ခိုအောင်းတတ်တဲ့နေရာတွေကိုလည်း ခြင်ဆေးဖျန်းတယ်။ ညဘက်ဆိုရင်လည်း ခြင်ထောင်သေသေချာချာထောင်ပြီးမှ အိပ်တယ်။ ခြင်ပေါက်ဖွားနိုင်တဲ့၊ ရေ၀ပ်စေနိုင်တဲ့အရာတွေကိုလည်း ရှင်းသင့် ပါတယ်။ ဥပမာ ဘုရားပန်းအိုး၊ သောက်ရေအိုး၊ ရေချိုးကန်၊ နောက်ဆုံး အိမ်သာတွေကိုပါ နေ့စဉ်သန့်ရှင်းရေး လုပ်သင့်ပါတယ်။ ဒီရောဂါက ခြင်ကနေတစ်ဆင့် အများဆုံးကူးစက်တတ်တဲ့ရောဂါဖြစ်လို့ ခြင်ကိုက်မခံမိ အောင်နေဖို့က အရေးကြီးပါတယ်။

ဦးထွန်းလင်း (ဆေးလူမှုဆက်ဆံရေးအရာရှိ၊ ရန်ကုန်ပြည်သူ့ဆေးရုံကြီး)

စင်ကာပူတို့ ထိုင်းတို့မှာ ဇီကာဗိုင်းရပ်စ်ကူးစက်ခံရမှုတွေရှိလာ တော့ မြန်မာနိုင်ငံမှာလည်း ကြိုတင်ကာကွယ်မှုတွေ လုပ်ရမှာပေါ့။ လက်ရှိလေဆိပ်နဲ့ ပင်လယ်ကူးသင်္ဘောဆိပ်တွေမှာ ပြင်ပက၀င်လာတဲ့သူ တွေကို ဖျားနာခြင်းရှိ၊မရှိ စက်တွေနဲ့ စစ်ဆေးတာတွေလုပ်နေတာ တွေ့ ရတယ်။ အဓိကက ခြင်ကိုက်မခံရအောင် နေဖို့ဆိုတော့ ကိုယ့်အိမ်ဘေး ပတ်ဝန်းကျင်မှာ ခြင်ခိုအောင်းနိုင်မယ့်နေရာတွေကို သန့်ရှင်းရေးလုပ်ဖို့လို တယ်။ ခြင်ဆေးဖျန်းတာတို့၊ နေ့လယ်နေ့ခင်းအိပ်တာပဲဖြစ်ဖြစ်၊ ညအိပ်ရင်ပဲဖြစ်ဖြစ် ခြင်ထောင်နဲ့အိပ်ရမယ်။ ရန်ကုန်ပြည်သူ့ဆေးရုံကြီး မှာလည်း ခြင်အောင်းနိုင်တဲ့နေရာတွေကို သန့်ရှင်းရေးလုပ်တာ၊ ခြင်ဆေးဖျန်းတာတွေကို ဒီနေ့ စက်တင်ဘာ ၁၁ ရက်မှာ အင်န်အယ်လ်ဒီကလူတွေ လာလုပ်နေတယ်။ အဓိကက ကိုယ့်ရဲ့အသိစိတ်ဓာတ်နဲ့ အိမ်နဲ့ပတ်ဝန်း ကျင်သန့်ရှင်းရေးကို ဂရုတစိုက် လုပ်ဖို့လိုအပ်ပါတယ်။

ဒေါက်တာကျော်စိုးမင်း

သွေးလွန်တုပ်ကွေးဖြစ်တဲ့ ခြင်နဲ့အတူတူပဲဖြစ်တယ်။ သွေးလွန်တုပ် ကွေးဖြစ်တဲ့ လက္ခဏာချင်းဆင်တူတယ်။ ဒါပေမဲ့သွေးလွန်တုပ်ကွေး ရောဂါထက်တော့ ရောဂါလက္ခဏာညင်သာတယ်။ ဖျားတာ၊အနီစက် ထွက်တာ၊ မျက်စိနာတာတွေဖြစ်တယ်။ လက်ရှိမှာ ကုသဆေး၊ ကာ ကွယ်ဆေးမရှိသေးဘူး။ ဒါကြောင့် ခြင်ကိုက်မခံရအောင်ဘဲ ကာကွယ် နေထိုင်ရမယ်။ လက်ရှိမြန်မာနိုင်ငံမှာတော့ ဖြစ်ပွားမှုမရှိသေးဘူး။ ရော ဂါလက္ခဏာက ခြင်ကိုက်ပြီး နှစ်ရက်ကနေ တစ်ပတ်အတွင်းမှာပေါ်တာ ဆိုတော့ စစ်ဆေးဖို့ကလည်း ခက်တယ်။ ရိုးရိုးဖျားတာနဲ့လည်း ဆင်တူ တော့ စစ်ဆေးဖို့ခက်တယ်။ ပြည်သူတွေကြားမှာတော့ ဇီကာဆိုတာကို ကြားဖူးပေမယ့် ကျန်တာတွေကို သိပ်မသိကြသေးဘူး။ နားလည်တတ် ကျွမ်းတဲ့ ကျန်းမာရေးဘက်ကသူတွေ ပိုပြီးကျယ်ကျယ်ပြန့်ပြန့် သိအောင်လုပ်ပေးရမယ်။ အဓိက ကိုယ်ဝန်ဆောင်မိခင်တွေကို ထိခိုက်တယ်။ မွေးလာတဲ့ ကလေးက ဦးခေါင်းသေးမယ်၊ ဦးနှောက်ဖွံ့ဖြိုးမှု တုန့်နှေးစေ တယ်။ ဒါကြောင့် ကိုယ်ဝန်ဆောင်မိခင်တွေအနေနဲ့ ခြင်ကိုက်မခံရအောင် ဂရုစိုက်ရမယ်။ လက်ရှိကာကွယ်ဆေးလည်းမရှိ ရောဂါဖြစ်တဲ့အခါမှာလည်း ကုသဆေးမရှိတာကြောင့် လုပ်နိုင်တာအနေနဲ့ကတော့ ခြင်ကိုက်မခံရ အောင် နေထိုင်လို့ပဲရမယ်။ ဒီရောဂါနဲ့ပတ်သက်ပြီး နိုင်ငံတွင်းမှာ မဖြစ်သေးတဲ့အတွက် မကြောက်ကြသေးဘူး။ သက်ဆိုင်ရာ တာဝန်ရှိသူတွေဘက်ကလည်း ဒီရောဂါနဲ့ပတ်သက်ပြီး ကျယ်ကျယ်ပြန့်ပြန့်သိရှိအောင်၊ ဘယ်လိုကာကွယ်ရမလဲသိရှိအောင် အသိပညာပေးဖို့တွေ လိုအပ်မှုတွေတော့ရှိနေသေးတယ်။

ရွှေဝတ်မှုံ (မရမ်းကုန်းမြို့နယ်)

ဒီရောဂါက ကူးစက်မြန်ရောဂါဖြစ်တဲ့အတွက် လူတိုင်းက သတိ ထားပြီးတော့ နေသင့်တယ်လို့ ထင်တယ်။ အမှန်တော့ ခြင်ကြောင့်ဖြစ် တာလို့ သိရတယ်။ ရေကြည်မှာပေါက်တာဆိုတော့  ခြင်တွေမပေါက် ပွားနိုင်အောင် နေရာတိုင်းမှာ ကြိုတင်ကာကွယ်ထားသင့်တယ်။ ရောဂါ ကူးစက်ခံရရင်၊ ကိုယ်ဝန်ဆောင်မိခင်တွေဆိုရင် ကလေးတွေ ဦးခေါင်း သေး ကလေးငယ်တွေ မွေးလာတတ်တယ်လို့ သိထားတယ်။ ဒါကြောင့် ကိုယ်ဝန်ဆောင်မိခင်တွေအနေနဲ့ပိုပြီး သတိထားသင့်တယ်။ ခြင်ကိုက် မခံရဖို့နဲ့ အိပ်စက်တဲ့အခါ ခြင်ထောင်ထောင်ပြီး အိပ်ဖို့လိုအပ်တယ်။

မထက်ထက် (စင်ကာပူတွင် နေထိုင်သူ)

ဓာတ်ခွဲခန်းက သူငယ်ချင်းတစ်ယောက်ပြောတာတော့ ဒီက ဇီကာ က ဟိုအနောက်နိုင်ငံတွေမှာတွေ့တဲ့ ဇီကာနဲ့တော့ Sequence မတူဘူး တဲ့။ ဒီမှာဖြစ်ပွားနေပေမယ့် အရမ်းပြင်းထန်တယ်လို့တော့ မသတ်မှတ် ဘူးတဲ့။ ဒီမှာတော့ National Environment Agency ကတော့ ခြင် မပေါက်ပွားအောင်၊ လုပ်ငန်းခွင်တွေမှာ ရေမ၀ပ်အောင် အမြဲလိုက်စစ် တယ်။ အခုချိန်မှာတော့ ပိုစစ်တယ်။ အိမ်တွေကိုလည်း လိုက်စစ်တယ်။ အစ်မနေတာက ဆမ်ဘာဝမ်၊ ဖြစ်ပွားတဲ့နယ်မြေထဲကတစ်ခုပေါ့။ ဖျား တယ်ဆိုလည်း ဆေးခန်းပြရင် ချက်ချင်းစစ်တယ်။ Zika Positive ရှိ၊မရှိ ပေါ့။ ကိုယ်ဝန်ဆောင်ဆိုလည်း ဆေးခန်းပြချိန်တိုင်းမှာ ဖျားလားဘာ လား စစ်တယ်လို့တော့ သူငယ်ချင်းကိုယ်ဝန်သည်က ပြောတယ်။ ဒီ ဗိုင်းရပ်စ်ကလည်း အခုဖြစ်ရင် ဆိုးဆိုးရွားရွားမဟုတ်ပေမယ့် နောက် မျိုးဆက်သစ်တစ်ခုကို ခြိမ်းခြောက်တာ။ မြန်မာနိုင်ငံလည်း ဆင်းရဲပြီး မဖွံ့ဖြိုးသေးတဲ့နိုင်ငံမှာ ဒီလိုပြန့်ပွားသွားရင် အစ်မတို့အားကိုးရမယ့် နောက် မျိုးဆက်သစ်အတွက် ရင်လေးစရာပါ။

ပြည့်စုံ (ချင်းမိုင်မြို့တွင် နေထိုင်သူ)

ချင်းမိုင်ခရိုင်ထဲမှာ ၁၁ ယောက် ဇီကာဖြစ်တယ်လို့ သတင်းထုတ်ပြန် ထားတယ်။ ဒီအထဲမှာ ဆန်ဆိုင်းက ကိုယ်ဝန်ဆောင်မြန်မာအမျိုးသမီးပါ တယ်။ ဆန်ဆိုင်းမြို့နယ်ထဲမှာ ရှမ်းများတယ်။ ဒါပေမဲ့ ဇီကာအကြောင်း သိတဲ့သူနည်းတယ်။ အများစုက ဘာသိဘာသာပဲ။ကျန်းမာရေးဌာနက တော့ ခြင်ဆေးဖျန်းတာလောက်တော့ လုပ်ပေးတယ်။ မြန်မာကောင် စစ်ဝန်နဲ့အဖွဲ့က မြန်မာတွေ၊ အလုပ်သမားတွေ၊ အများစုလာတတ်တဲ့ နေရာတွေ၊ ဘုန်းကြီးကျောင်းတွေမှာ ဇီကာအကြောင်း သတိပေးစာတွေ လိုက်ကပ်ထားတာတွေ့ရတယ်။ ဒီမှာက မြန်မာမှမဟုတ်ဘူး။ ထိုင်းတွေ ကအစ သိပ်အလေးထားပုံမရဘူး။ ချင်းမိုင်လေဆိပ်မှာ အဖျားတိုင်း စကင်န်နာတော့ ထားတယ်။ တခြားစစ်ဆေးမှုတော့မရှိဘူး။ အစိုးရထုတ် ပြန်ချက်သတိထားမိလားဆိုတော့ သိပ်သတိမထားကြဘူးလို့ပဲ ထင်တယ်။

မ၀င်းဝင်းခိုင် (ပုဂ္ဂလိကဆေးရုံဝန်ထမ်း၊ ပြည်မြို့)

ဇီကာဗိုင်းရပ်စ်ရောဂါပိုးက ခြင်ကနေ ကူးစက်နိုင်တာကြောင့် ခြင် ကိုက်မခံရအောင် ဂရုစိုက်နေဖို့လိုပါတယ်။ ကိုယ့်နိုင်ငံ စတင်ဖြစ်ပွားတာ မဟုတ်ဘဲ တခြားနိုင်ငံတွေကနေ စတင်ခဲ့တာဆိုတော့ အဲဒီရောဂါပိုး သယ်ဆောင်လာသူတွေ ကိုယ့်နိုင်ငံအတွင်း ၀င်ရောက်လာမှုကိုစစ်ဆေး မှု၊ ကြိုတင်ကာကွယ်မှုတွေက အဓိကကျတယ်။ မြန်မာနိုင်ငံလို ခြင်ပေါ တဲ့၊ ဆင်းရဲတဲ့နိုင်ငံမှာ ဒီလိုရောဂါကူးစက်ပျံ့ပွားပြီဆိုရင် ထိန်းချုပ်ကုသ ဖို့ အလွန်ခက်ခဲတာပါ။ ဒါကြောင့် ကြိုတင်ကာကွယ်ရေးက အဓိကကျပြီး လေဆိပ်တို့ နယ်စပ်ထွက်ပေါက်တွေမှာ တင်းတင်းကျပ်ကျပ် စစ်ဆေးမှု လိုအပ်တယ်။ အိမ်ဦးနဲ့ကြမ်းပြင်လိုသွားလာနေကြတဲ့ ထိုင်းနိုင်ငံနဲ့ အာ ဆီယံဒေသတွင်းနိုင်ငံတွေမှာတောင် ကူးစက်ပျံ့ပွားနေတာကြောင့် ခိုး ၀င်၊ ခိုးထွက် သွားလာနေတဲ့လူတွေကြောင့်လည်း စိတ်ပူစရာပါ။ ခြင်ဆို တာက အချိန်မရွေးကိုက်လိုက်နိုင်တယ်လေ။ ကျွန်မတို့ဘက်က နတ္တ လင်း၊ ပေါင်းတည်စတဲ့မြို့က လူတွေဆို ထိုင်းနိုင်ငံဘက်ကို နေ့ချင်းပြန် သွားလာ လှုပ်ရှားနေကြတာတွေရှိတယ်။ ကိုယ်ဝန်ဆောင်မိခင်တွေ၊ မိခင်လောင်းတွေအနေနဲ့ ဒီရောဂါကူးစက် ခံရပြီဆိုရင် ခေါင်းသေးတဲ့ ကလေးငယ်တွေ မွေးဖွားလာနိုင်တာကြောင့် ပေါ့ပေါ့ဆဆမနေဘဲ ခြင်ကိုက်မခံရ အောင် ဂရုစိုက်သတိထားနေသင့်တယ်။ တချို့ဆို ဇီကာ ဗိုင်းရပ်စ်ရောဂါပိုးအကြောင်း၊ ဘယ်လိုကူးစက်နိုင် တယ်ဆိုတာကို မသိကြသလို မိသားစုစားဝတ်နေရေး ရုန်းကန်နေရတော့လည်း သတိမထား မိကြတာဖြစ်လိမ့် မယ်။ ဇီကာဗိုင်းရပ်စ်ရောဂါအကြောင်းကို အစိုးရနဲ့ သက်ဆိုင်ရာဌာနတွေကကျယ်ကျယ်ပြန့်ပြန့်အသိပညာ ပေးဖို့လိုနေပါသေးတယ်။ အစိုးရထုတ်ပြန်ချက်တွေကို သတိထားမိသူနည်းပါတယ်။ ထိရောက်ပျံ့နှံ့မှု အားနည်းတယ်။

မမော်မော်လင်း (လမ်းမတော်မြို့နယ်)

ဇီကာဗိုင်းရပ်စ် မြန်မာပြည်ရောက်ရင်တော့ မလွယ်ပါဘူး။ ပြည်ပ ၀င်ထွက်ပေါက်တွေကနေ သေချာစောင့်ကြည့် စစ်ဆေးဖို့ပဲလိုပါတယ်။ ကြိုတင်ကာကွယ်တာက မြန်မာပြည်အတွက်တော့ အကောင်းဆုံးပါပဲ။  ဒီရောဂါသာဖြစ်လာရင် ငုတ်တုတ်ခံကြရမှာပါ။ နိုင်ငံခြားခရီးထွက်တဲ့ သူတွေလည်း သတိထားသင့်ပါတယ်။ အထူးသဖြင့် ကိုယ်ဝန်ဆောင်တွေ စင်ကာပူ၊ ထိုင်းတို့ကို မလိုအပ်ရင်ခရီးမသွားတာ အကောင်းဆုံးပါပဲ။ ဇီကာဗိုင်းရပ်စ်နဲ့ပတ်သက်လို့ အစိုးရက ထုတ်ပြန်တဲ့ထုတ်ပြန်ချက်တွေ ကို နည်းနည်းတော့ သတိထားမိပါတယ်။ ကိုယ်တိုင်လည်း လိုက်နာ သလို ပတ်ဝန်းကျင်ကိုလည်း တိုက်တွန်းပါတယ်။ အစိုးရအနေနဲ့ မီဒီယာ ပေါင်းစုံကနေ ဒီထက်ပိုပြီး ပညာပေးသင့်တယ်လို့ထင်ပါတယ်။ အခုအ နေအထားက ဇီကာဆိုတော့ မြို့နေပြည်သူတွေ တော်တော်များများ ကြားသိနေပြီးသားပါ။ Awareness ရနေတဲ့ အနေအထားပေါ့။ ဆောင်ရန်၊ရှောင်ရန်တွေကို ပြည်သူအားလုံး၊ လူတန်းစားအားလုံး အတိအကျ လိုက်နာဖို့တော့ လိုသေးတယ်ထင်ပါတယ်။

===================    
251 / End