အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

အကိုး အကား : M-Media
တနင်္လာနေ့

၆ မတ် ၂၀၂၃

၁၈:၀၃:၅၇
1350908

ဘုန်းကြီးများ၏ လိင်စော်ကားမှုကို ပုန်ရဟန်းမင်းဟောင်းက ကာကွယ်ပေးခဲ့သည်ဟု စုံစမ်းစစ်ဆေးမှုတွင် တွေ့ရှိ

ပိုလန် ခရစ်ယာန်ကက်သလစ်အသင်းတော်က ဘုန်းတော်ကြီးတွေ ကလေးငယ်တွေအပေါ် လိင်ပိုင်းဆိုင်ရာ စော်ကားမှုလုပ်တာကို ပုပ်ရဟန်းမင်းဟောင်း ဂျွန်ပေါလ် ၂ က သိရှိခဲ့ပေမယ့် အရေးမယူဘဲ ဖုံးကွယ်ပေးခဲ့တယ်လို့ စုံစမ်းစစ်ဆေးမှုမှာ တွေ့ခဲ့ရပါတယ်။

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ပိုလန် ခရစ်ယာန်ကက်သလစ်အသင်းတော်က ဘုန်းတော်ကြီးတွေ ကလေးငယ်တွေအပေါ် လိင်ပိုင်းဆိုင်ရာ စော်ကားမှုလုပ်တာကို ပုပ်ရဟန်းမင်းဟောင်း ဂျွန်ပေါလ် ၂ က သိရှိခဲ့ပေမယ့် အရေးမယူဘဲ ဖုံးကွယ်ပေးခဲ့တယ်လို့ စုံစမ်းစစ်ဆေးမှုမှာ တွေ့ခဲ့ရပါတယ်။

ရဟန်းမင်း ဂျွန်ပေါလ်ဟာ ပိုလန်လူမျိုးဖြစ်ပြီး ရဟန်းမင်းကြီးအဖြစ် ရွေးချယ်မခံရမီ ပိုလန်က အဖြစ်အပျက်တွေကို သိရှိခဲ့တာလို့ TVN ရုပ်သံက စုံစမ်းဖော်ထုတ်သူ မီခါလ် ဂူတိုစကီးက ပြောပါတယ်။

ပိုလန်နိုင်ငံတောင်ပိုင်း ကရာကိုမြို့မှာ ကာဒီနယ်အဖြစ် တာ၀န်ထမ်းဆောင်နေချိန် သူ့လက်အောက်က ဘုန်းကြီးတွေ ကလေးငယ်တွေအပေါ် လိင်ပိုင်းဆိုင်ရာ စော်ကားမှုလုပ်တာကို သိရှိခဲ့တာပါ။

ဒါပေမယ့် အရေးယူတာမျိုးမလုပ်ဘဲ သြစတြီးယားလို ၀ေးလံခေါင်ဖျားတဲ့ သာသနာနယ်တွေကို ရွှေ့ပြောင်းတာ၊ ကျူးလွန်ခံရသူတွေကို နှစ်သိမ့်ပြီး သတင်းမပေါက်အောင် လုပ်တာမျိုးတွေသာ ရှိခဲ့ပါတယ်။  

ဂျွန်ပေါ ၂ ဟာ ၁၉၇၈ ခုနှစ်ကနေ ၂၀၀၅ နှစ် ကွယ်လွန်ချိန်အထိ ပုပ်ရဟန်းမင်းကြီးတာ၀န်ကို ထမ်းဆောင်ခဲ့တာ ဖြစ်ပါတယ်။

လိင်ပိုင်းဆိုင်ရာ စော်ကားတဲ့ ဘုန်းကြီးတွေကို ထိပ်တန်းသာသာနာပိုင်နေရာတွေမှာ ခန့်အပ်ဖို့ ထောက်ခံချက်ရေးပေးတာမျိုးတွေအထိ ဂျွန်ပေါက လုပ်ဆောင်ခဲ့တာကို တွေ့ရကြောင်း ဂူတိုစကီးက ပြောပါတယ်။

ဂူတိုစကီးဟာ သူ့ရဲ့ စုံစမ်းစစ်ဆေးမှုမှာ ဆိုဗီယက်ခေတ် ပိုလန်ရဲတပ်ဖွဲ့ရဲ့ လျှို့၀ှက် စာရွက်စာတမ်းတွေ၊ ပိုလန် ကက်သလစ်အသင်းတော်က ရှားပါးစာရွက်စာတမ်းတွေကို လေ့လာဆန်းစစ်ခဲ့တာပါ။

ကရာကိုမြို့ ကက်သလစ်အသင်းတော်က ဒီကိစ္စနဲ့ပတ်သက်တဲ့ စာရွက်စာတမ်းတွေကို ဂူတိုစကီးထံ ပေးအပ်ခြင်းမရှိပါဘူး။

ဘုန်းကြီးတွေ ကလေးငယ်တွေအပေါ် လိင်ပိုင်းဆိုင်ရာ စော်ကားမှုနဲ့ပတ်သက်တဲ့ ကိစ္စတွေအတွက် တရားရေးဌာနက စုံစမ်းစစ်ဆေးမှုတွေမှာ ပိုလန်ကက် သလစ် အသင်းတော်က ပူးပေါင်းဆောင်ရွက်ခြင်းမရှိဘဲ စာရွက်စာတမ်းတွေကိုလည်း ရှေ့နေ၊ တရားသူကြီးတွေထံ ပေးအပ်ခြင်း မရှိပါဘူး။

ပြီးခဲ့တဲ့ ၂ နှစ်အတွင်း အမေရိကနဲ့ ဥရောပနိုင်ငံတစ်ချို့မှာ ကက်သလစ်ဘုန်းကြီးတွေက ကလေးတွေအပေါ် လိင်ပိုင်းဆိုင်ရာ စော်ကားမှု ပြုလုပ်တဲ့ ကိစ္စတွေ အများ အပြား ပေါ်ထွက်ခဲ့ပြီး အသင်းတော် ဗဟိုချက်ဖြစ်တဲ့ ဗာတီကန်က ထိပ်တန်း ဘုန်းကြီးတွေကို အရေးယူတာမျိုးတွေ ရှိခဲ့ပါတယ်။

Ref: Daily Mail


****************************************************************
END / 251