အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ဘင်ဂျမင် နေတန်ယာဟု က ဇီယွန်ဝါဒီအစိုးရရဲ့ ကာကွယ်ရေး ဝန်ကြီးကို ထုတ်ပယ်ပြီးနောက် ထောင်နဲ့ချီတဲ့ လူတွေက ဇီယွန် အစိုးရ အစ္စရေး မတရား သိမ်းပိုက်ထားတဲ့ ဂျေရုဆလင် နှင့် တဲလ်အဗစ်တွင် နေတန်ယာဟုကို ဆန့်ကျင်ဆန္ဒပြခဲ့ကြပြီး လုံခြုံရေး အတား အဆီးများ ကို ဖြတ်ကျော် ပြီး နေတန်ယာဟု အိမ်အထိ ရောက် ရှိခဲ့ ကြပါတယ်၊
ဒေါသထွက်နေသော ဆန္ဒပြသူများသည် Knesset အဆောက်အအုံကို ဝိုင်းရံထားကြောင်း ဒေသတွင်း သတင်းရင်းမြစ်အချို့က ဖော်ပြသည်။ အခြားတစ်ဖက်တွင်၊ ဇီယွန်ဝါဒီအရာရှိအချို့က နေတန်ယာဟု သည် တရားစီရင်ရေးမဏ္ဍိုင်ကို ပြန်လည်သုံးသပ်ရန် ဖြစ်နိုင်ချေရှိကြောင်း ထုတ်ဖော် ပြောဆိုခဲ့ ပါ တယ်။
ထို့အပြင်၊ သိမ်းပိုက်ခံမြေမှ ဗီဒီယိုမှတ်တမ်းများအရ Tel Aviv ၏လမ်းများသည် လက်တွေ့အားဖြင့် စစ်မြေပြင်အဖြစ်သို့ ပြောင်းလဲသွားကြောင်း ဖော်ပြထားပါတယ်။ တစ်ဖက်ကလည်း တရားရေးဝန်ကြီး ရာထူးမှ နုတ်ထွက်မည်ဟု ခြိမ်းခြောက်ထားပါတယ်။
ဇီယွန် သတင်းရင်းမြစ်များအရ ယနေ့ညတွင် Tel Aviv တွင် ဆန္ဒပြမှုသည် လွန်ခဲ့သည့် ၁၂ ပတ်အတွင်း အကြီးမားဆုံး ဆန္ဒပြပွဲဖြစ်ပြီး လူစုလူဝေး တိုးပွားနေဆဲဖြစ်ကြောင်း သိရပါတယ်။
Tel Aviv မြို့ရှိ Ayalon လမ်းပေါ်ရှိ ဆန္ဒပြသူများမှ မိမိ တို့သည် လမ်းပေါ်မှ ထွက် သွားကြမည် မဟုတ်ဘဲ ညလုံးပေါက် ရှိနေကြမည်ဟု ကြေညာ ခဲ့ ပါတယ်။
Tel Aviv မြို့ရှိ ဆန္ဒပြသူတစ်စုကို ကားတစ်စီးက တိုက်ခိုက်ခဲ့ပြီး ၎င်းတို့ကို နိုင်နင်းရန် ကြိုးစားခဲ့ကြောင်း ဇီယွန် မီဒီယာက ဖော်ပြခဲ့ပါတယ်။
ဇီယွန်ဝါဒီ ကာကွယ်ရေး ဝန်ကြီးရာထူးမှ ထုတ်ပယ်ခြင်း နှင့် သိမ်းပိုက်ခံ နယ်မြေရှိ မြို့များ တွင် အခြေအနေ ယိုယွင်း လာပြီးနောက် ပညာရေး အဖွဲ့ အစည်း အကြီးအကဲ များနှင့် အလုပ်သမား သမဂ္ဂ များမှ နေတန်ယာဟု ၏ တရားစီရင်ရေး ပြုပြင်ပြောင်းလဲမှု အစီအစဉ် ကို ရှုတ်ချကြောင်း ဆင့်ခေါ် ကာ တက္ကသိုလ်များနှင့် စီးပွားရေး ဆိုင်ရာ အဖွဲ့အစည်းများ ကို ပိတ်သိမ်း ရန် တောင်းဆို ခဲ့ ကြောင်း သိရှိရပါတယ်။
ယင်းနှင့်ဆက်စပ်၍ ဇီယွန်ဝါဒီစစ်တပ်၏ ကာကွယ်ရေး ဝန်ကြီးဌာန ညွှန်ကြားရေးမှူးချုပ် ဗိုလ်ချုပ် အယာလ် ဇမီးရ် သည် နေတန်ယာဟုမှ ရာထူးမှ ထုတ်ပယ်လိုက်ပြီးနောက် တဲလ်အဗစ်တွင် အခြေအနေများ ယိုယွင်းလာပြီးနောက် မတရားသိမ်းပိုက် ထားသည့် ပါလက်စတိုင်းတွင် ဝါရှင်တန်ရှိ အမေရိကန် အရာရှိတွေနဲ့ တွေ့ဆုံမည် အစီအစဥ်ကို ပျက်သိမ်း ခဲ့ကြောင်း သိရှိခဲ့ရပါတယ်။
ထိန်းချုပ်နိုင်မှု မရှိတော့ သည့် အတွက် ကြောင့် ဇီယွန်ဝါဒီ အစ္စရေးစစ်တပ် မှ အသင့် အနေအထား ရှိရန် ပြင်ဆင် ထားကြောင်း သိရှိ ရပါ တယ်။
ယခုနှစ် ဇန်နဝါရီလတွင် နေတန်ယာဟု၏ အစိုးရအဖွဲ့သည် ဤအစိုးရ၏ တရားစီရင်ရေးမဏ္ဍိုင်ကို ပြုပြင်ပြောင်းလဲရန် အစီအစဉ်ကို တင်ပြခဲ့ပါတယ်။ နေတန်ယာဟုသည် အကျင့်ပျက်ခြစားမှု၊ လာဘ်ပေးလာဘ်ယူမှုနှင့် ယုံကြည်မှုကို သစ္စာဖောက်မှုတို့ဖြင့် နှစ်ပေါင်းများစွာ ရုံးတင် စစ်ဆေးခံ ခဲ့ရသူဖြစ် ပါတယ်။
“တရားစီရင်ရေးမဏ္ဍိုင် ပြုပြင်ပြောင်းလဲရေး” လို့ ခေါ်တဲ့ တရားခွင်ကနေ လွတ်မြောက်ဖို့ စီစဉ်နေသည့် အတွက်ကြောင့် နေတန်ယာဟု အား ဆန့်ကျင်သည့် ပြည်တွင်းဆန္ဒပြမှုများ အစပြုခဲ့ပြီး ဆန္ဒပြပွဲများ စတင်ခဲ့သည်မှာ ၁၂ ပတ်ကြာခဲ့ပြီဖြစ်သော်လည်း ပြီးဆုံး သွား ခြင်း မရှိဘဲ ဆက်လက် တိုးပွားနေလျက် ရှိ ကြောင်း သိရှိရပါတယ်။
****************************************************************
END / 251
