အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာန
ဖေဖော်ဝါရီလက မြို့တော် နယူးဒေလီမှာ ဖြစ်ပွားခဲ့ပြီး အစ္စလာမ်ဘာသာဝင်တွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေမှာ အိန္ဒိယရဲတပ်ဖွဲ့က ပူးပေါင်းပါဝင်ခဲ့တယ်လို့ နိုင်ငံတကာ လူ့အခွင့်အရေးအဖွဲ့ Amnsty International (AI) က ပြောကြားလိုက်ပါတယ်။
အဲဒီ တိုက်ခိုက်မှုအတွင်း ၅၃ ဦး သေဆုံးခဲ့ပြီး အစ္စလာမ်ဘာသာဝင်တွေရဲ့ နေအိမ်တွေ၊ စီးပွားရေးလုပ်ငန်းတွေ၊ ဗလီဝတ်ကျောင်းတော်တွေ မီးရှို့ဖျက်ဆီးခံခဲ့ရပါတယ်။
ဒေလီရဲတပ်ဖွဲ့ဟာ ဒီတိုက်ခိုက်မှုတွေကို ပူးပေါင်းပြီး တက်တက်ာကြွကြွ ပါဝင်ခဲ့ကြောင်း ရဲတပ်ဖွဲ့ရဲ့ လူ့အခွင့်အရေးချိုးဖောက်မှုနဲ့ ပတ်သက်လို့ ပြီးခဲ့တဲ့ ၆ လအတွင်း စုံစမ်းအရေးယူခဲ့တာ မရှိကြောင်း AI အဖွဲ့ရဲ့ ဒီကနေ့ အစီရင်ခံစာမှာ ဖော်ပြထားပါတယ်။
အကြမ်းဖက် ခံရသည့် ဗလီ
ဒီကိစ္စအတွက် တိုက်ခိုက်မှုက လွတ်မြောက်လာသူတွေ၊ မျက်မြင်သက်သေတွေ၊ လူ့အခွင့်အရေး တက်ကြွလှုပ်ရှားသူတွေကို တွေ့ဆုံ မေးမြန်းခဲ့သလို၊ တိုက်ခိုက်တွေကို မှတ်တမ်းတင်ထားတဲ့ ဗီဒီယိုတွေကို ကြည့်ရှုသုံးသပ်ခဲ့ရာမှာ “ဒေလီရဲတပ်ဖွဲ့ရဲ့ ဆိုးဆိုးရွားရွား လူ့အခွင့်အရေး ချိုးဖောက်မှုတွေကို တွေ့ခဲ့ရတယ်” လို့လည်း AI အဖွဲ့က ပြောပါတယ်။
ဖေဖော်ဝါရီလက ဒီတိုက်ခိုက်မှုတွေဟာ ဆယ်စုနှစ်တွေအတွင်း နယူးဒေလီမြို့မှာ ဖြစ်ပွားတဲ့ အဆိုးရွားဆုံး ဘာသာရေးအခြေပြု တိုက်ခိုက်မှု ဖြစ်ပါတယ်။
AI အဖွဲ့က ဒီအဖြစ်အပျက်အတွင်း ရဲတပ်ဖွဲ့ရဲ့ လူ့အခွင့်အရေး ချိုးဖောက်မှုတွေကို ဘက်လိုက်မှုမရှိဘဲ သေသေချာချာ စုံစမ်းဖို့ အိန္ဒိယအစိုးရကို အစီရင်ခံစာမှာ တိုက်တွန်းခဲ့ပါတယ်။
အစ္စလာမ်ဘာသာဝင်တွေကို ပစ်မှတ်ထားတဲ့ တိုက်ခိုက်မှုတွေကို ဒေလီရဲတပ်ဖွဲ့ဝင်တွေက အားပေးတာ၊ လစ်လျူရှုတာမျိုးတွေ ရှိခဲ့ပြီး၊ အဲဒီနောက်ပိုင်း ကျူးလွန်သူတွေကို ဖမ်းဆီးမှုမရှိဘဲ အစ္စလာမ်ဘာသာဝင်တွေကိုသာ ပစ်မှတ်ထား ဖမ်းဆီးတာ၊ ရဲအချုပ်အတွင်း ညှင်းပမ်းတာတွေ ရှိတယ်လို့ စွပ်စွဲခံထားရပါတယ်။
အိန္ဒိယက AI အဖွဲ့အကြီးအကဲ အာဗီနက်ရ်ှကူးမားရ်က ဒါတွေကို အစိုးရက အရေးမယူတာဟာ ရဲတပ်ဖွဲ့ဝင်တွေအနေနဲ့ လူ့အခွင့်အရေး ချိုးဖောက်မှုတွေကို အရေးယူခံရမှာ ကြောက်စရာမလိုတဲ့ ကျူးလွန်နိုင်တယ်ဆိုတဲ့ သတင်းစကားပေးတာမျိုး ဖြစ်ကြောင်း ပြောကြားခဲ့ပါတယ်။
AI ရဲ့ ဒီထုတ်ပြန်ချက်နဲ့ပတ်သက်ပြီး ဒေလီရဲတပ်ဖွဲ့က တုန့်ပြန်ပြောကြားမှု မရှိသေးပါဘူး။
