မြန်မာ့ အရေး ​ဖြေရှင်းရန် သိုသို သိပ်သိပ် ဆောင်ရွက် နေသည် ဟု ထိုင်းပြော

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


မြန်မာနိုင်ငံတစ်ဝှမ်း ဖြစ်ပွားနေတဲ့ တိုက်ခိုက်မှုတွေအတွက် စိုးရိမ်မိတယ်လို့ ထိုင်းနိုင်ငံက ပြောကြားလိုက်ပြီး၊ ပြဿနာတွေကို ဖြေရှင်းဖို့လည်း စစ်ကောင်စီကို တိုက်တွန်းလိုက်ပါတယ်။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်ကောင်စီတပ်တွေရဲ့ အကြမ်းဖက်မှုကြောင့် နိုင်ငံတစ်ဝှမ်း သေဆုံးသူအရေအတွက်ဟာ ၈၄၀ ကျော်​လာပြီး ထောင်နဲ့ချီ ဒဏ်ရာရကာ၊ ဖမ်းဆီးခံထားရသူတွေကလည်း ထောင်ချီ ရှိနေပါတယ်။

အာဏာသိမ်းမှုကို ဆန့်ကျင်သူတွေက စစ်ကောင်စီကို ရရာလက်နက် စွဲကိုင်တော်လှန်လာကြတာကြောင့် နိုင်ငံတစ်ဝှမ်းမှာလည်း တိုက်ခိုက်မှုတွေ ပိုမိုမြင့်တက်လာပါတယ်။

“မြန်မာနိုင်ငံက ဖြစ်ပေါ်တိုးတက်မှုတွေကို စိုးရိမ်စွာနဲ့ ကျွန်တော်တို့ အနီးကပ် စောင့်ကြည့်နေပါတယ်။ အထူးသဖြင့် နိုင်ငံရဲ့ နေရာဒေသတော်တော်များများမှာ ဖြစ်ပွားနေတဲ့ တိုက်ခိုက်မှုတွေပါ” လို့ ထိုင်းနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ တာနီ ဆန်ဂရက်က ဒီကနေ့ထုတ်ပြန်တဲ့ ကြေငြာချက်မှာ ပြောကြားခဲ့ပါတယ်။

အကြမ်းဖက်မှုတွေ ရပ်တန့်ဖို့၊ ဖမ်းဆီးထားသူအားလုံးကို ပြန်လွှတ်ပေးဖို့၊ ဧပြီလက အာဆီယံထိပ်သီးအစည်းအဝေးမှာ ရရှိခဲ့တဲ့ သဘောတူညီချက် ၅ ချက်ကို ခိုင်ခိုင်မာမာအကောင်အထည်ဖော်ဖို့လည်း ဆန်ဂရက်က တိုက်တွန်းခဲ့ပါတယ်။

အာဆီယံ လက်ရှိဥက္ကဌ ဘရူနိုင်းနိုင်ငံရဲ့ ဒုတိယနိုင်ငံခြားရေးဝန်ကြီးနဲ့ အာဆီယံအတွင်းရေးမှူးတို့ဟာ ဇွန်လ ၃ ရက်နေ့က မြန်မာနိုင်ငံကို ရောက်ရှိလာခဲ့ပြီး ဇွန်လ ၄ ရက်နေ့မှာတော့ စစ်ကောင်စီဥက္ကဌနဲ့ တွေ့ဆုံခဲ့ပါတယ်။

အာဏာသိမ်းပြီး ဝန်ကြီးချုပ်ဖြစ်လာတဲ့ စစ်ခေါင်းဆောင်ဟောင်း ပရာယွတ် ချန်အိုချာရဲ့ ထိုင်းအစိုးရဟာ စစ်ကောင်စီဖက်ယိမ်းပြီး မြန်မာ့အရေးဖြေရှင်းဖို့ ထိထိရောက်ရောက် ဆောင်ရွက်မှု မရှိဘူးလို့ ဝေဖန်ခံနေရတာပါ။

ထိုင်းနိုင်ငံခြားရေးဝန်ကြီးဌာနရဲ့ ပြောရေးဆိုခွင့်ရှိသူကတော့ မြန်မာကိစ္စမှာ ထိုင်းနိုင်ငံရဲ့ ကြိုးပမ်းမှုတွေကို ထုတ်ပြန်မှာမဟုတ်ဘူးလို့ ဆိုပါတယ်။

“ထိုင်းနိုင်ငံက ဆောင်ရွက်ခဲ့တာတွေ တော်တော်များများကို လူသိရှင်ကြား ထုတ်ပြန်မှာမဟုတ်ပါဘူး။ အိမ်နီးချင်းနိုင်ငံတွေအကြား သိုသိုသိပ်သိပ်လုပ်တဲ့ သံခင်းတမန်ခင်းဟာ ပိုမိုထိရောက်ပြီး ထိုင်းနိုင်ငံရဲ့ ယခင်ရှိခဲ့တဲ့ သံတမန်မူဝါဒနဲ့လည်း ကိုက်ညီတယ်လို့ ကျွန်တော်တို့ ယုံကြည်ပါတယ်”

*****************************************************************
END / 251