စောင်မ ကြည့်ရှု သည့် ရုရှား ကို ကျေးဇူး ဥပကာရ တင်ရှိကြောင်း အာဏာသိမ်း စစ်ခေါင်း ဆောင်ပြော

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ



မိမိတို့ကို အင်အားတောင့်တင်းအောင် ကူညီပံ့ပိုးပေးတဲ့ ရုရှားနိုင်ငံကို ကျေးဇူးတင်တယ်လို့ မြန်မာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ပြောကြားလိုက်ပါတယ်။

ဗိုလ်ချုပ်မှူးကြီးဟာ မော်စကိုမြို့မှာ ပြုလုပ်တဲ့ နိုင်ငံတကာ လုံခြုံရေးဆိုင်ရာ အစည်းအဝေးကို တက်ရောက်ဖို့ ရုရှားနိုင်ငံကို ရောက်ရှိနေတာ ဖြစ်ပါတယ်။

“ရုရှားရဲ့ ကျေးဇူးကြောင့် ကျွန်တော်တို့ စစ်တပ်ဟာ ဒေသတွင်း အတောင့်တင်းဆုံးစစ်တပ်တစ်ခု ဖြစ်လာတာပါ” လို့ ရုရှားကာကွယ်ရေးဝန်ကြီး ဆာဂျီ ရှိုဂူနဲ့ တွေ့ဆုံစဉ်မှာ စစ်ကောင်စီဥက္ကဌက ပြောကြားခဲ့ပါတယ်။

ရုရှားနဲ့ မြန်မာတို့ရဲ့ မိတ်ဖက်ဆက်ဆံရေးဟာ ခိုင်မာသထက် ခိုင်မာလာတယ်လို့လည်း သူက ပြောပါတယ်။

ရုရှားဟာ ခေတ်ခေတ်အဆက်ဆက် မြန်မာစစ်အာဏာရှင်တွေကို စစ်လက်နက်၊ နည်းပညာတွေ ထောက်ပံ့ပေးခဲ့တာပါ။ ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်းမှာလည်း စစ်အာဏာရှင်ကို ဆက်လက်ကူညီသွားမယ့်အကြောင်း ရုရှားက လူသိရှင်ကြား ပြောကြားခဲ့ပါတယ်။

“ကျွန်တော်တို့အတွက် မြန်မာနိုင်ငံဟာ မဟာဗျူဟာမြောက် မိတ်ဟောင်းဆွေဟောင်း၊ ယုံကြည်စိတ်ချရတဲ့ မဟာမိတ်ပါ။ နှစ်နိုင်ငံ ဆက်ဆံရေး ပိုမိုခိုင်မာအောင် ဆက်လက်ဆောင်ရွက်သွားဖို့ ကျွန်တော်တို့ စိတ်ပိုင်းဖြတ်ထားပါတယ်” လို့ ရုရှား ကာကွယ်ရေးဝန်ကြီးက ပြောကြားခဲ့ပါတယ်။

မော်စကိုရောက်နေတဲ့ စစ်ကောင်စီဥက္ကဌဟာ ရုရှား လုံခြုံရေးကောင်စီ အကြီးအကဲ နီကိုလိုင်း ပက်ထရူးရှက်နဲ့ တွေ့ဆုံခဲ့သလို၊ ရုရှားနိုင်ငံပိုင် လက်နက်ကုမ္ပဏီ Rosoboronexport အကြီးအကဲ အလက်ဇန်းဒါး မီခီယက်ဗ်နဲ့တွေ့ဆုံပြီး စစ်လက်နက်နည်းပညာ ပူးပေါင်းဆောင်ရွက်ရေးကိစ္စတွေကို ဆွေးနွေးခဲ့ပါတယ်။

ဒီခရီးစဉ်ဟာ အာဏာသိမ်းပြီးနောက်ပိုင်း စစ်ကောင်စီဥက္ကဌရဲ့ ဒုတိယမြောက် နိုင်ငံခြားခရီးစဉ် ဖြစ်ပါတယ်။

ဗိုလ်ချုပ်မှူးကြီးမင်းအောင်လှိုင်ဦးဆောင်တဲ့ စစ်ကောင်စီတပ်တွေရဲ့ အကြမ်းဖက်မှုကြောင့် ဖေဖော်ဝါရီ ၁ ရက်နေ့နောက်ပိုင်း နိုင်ငံတစ်ဝှမ်း ပြည်သူ အနည်းဆုံး ၉၀၀ လောက် သေဆုံးကာ၊ ဒဏ်ရာရသူနဲ့ မတရား ဖမ်းဆီး ထိန်းသိမ်းခံရသူ ထောင်ချီ ရှိနေပါတယ်။ိ

*****************************************************************
END / 251