မလေးရှားတွင် မိုးသည်းထန်စွာရွာသွန်းမှုကြောင့် ရေကြီးရေလျှံမှုဖြစ်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


မလေးရှားနိုင်ငံမှာ အခုရက်ပိုင်းအတွင်း မိုးသည်းထန်စွာ ရွာသွန်းမှုကြောင့် အနည်းဆုံး ပြည်နယ် ၆ ခုမှာ ရေကြီးရေလျှံမှုတွေဖြစ်ပွားပြီး လူသောင်းချီ အိုးအိမ်စွန့်ခွာကာ ကယ်ဆယ်ရေးစခန်းတွေမှာ ခိုလှုံနေရပါတယ်။

သောကြာနေ့ကနေ စနေနေ့ညပိုင်းအထိ မိုးဆက်တိုက် ရွာနေတာကြောင့် လူဦးရေသိပ်သည်းတဲ့ ဆီလန်ဂေါပြည်နယ်၊ ကလန်တန်း၊ သရန်ဂါနူး၊ ပါဟန်း၊ နီဂရီ ဆမ်ဘီလန်နဲ့ မလာကာ ပြည်နယ်တွေမှာ နေအိမ်ထဲအထိ ရေတွေဝင်တာ၊ ကားလမ်းတွေ၊ အဝေးပြေးလမ်း ရေလျှံတာတွေ ဖြစ်ခဲ့ပြီး လူတွေ၊ ကားတွေ ပိတ်မိနေတာတွေလည်း ရှိနေပါတယ်။

ရေကြီးမှုဒဏ်ကို အဆိုးဆုံးခံစားရတဲ့ဒေသက ဆိပ်ကမ်းမြို့ဖြစ်တဲ့ ကလန်းဗာလီဖြစ်ပါတယ်။ နိုင်ငံတစ်ဝှမ်း လူပေါင်း ၁၁၀၀၀ ကျော်လောက် ကယ်ဆယ်ရေးစခန်းတွေမှာ ခိုလှုံနေရပါတယ်။

မလေးရှား ဇလဗေဒဌာနက လာမယ့်ရက်ပိုင်းအတွင်း ပြည်နယ်တစ်ချို့မှာ တနင်္ဂနွေနေ့အထိ မိုးဆက်လက်ရွာသွန်းဖို့ရှိနေပြီး သတိနဲ့နေကြဖို့ ထုတ်ပြန်ထားပါတယ်။

မလေးရှားမှာ အောက်တိုဘာလကနေ မတ်လအထိကြာမြင့်တဲ့ မိုးရာသီအတွင်း အထူးသဖြင့် နိုင်ငံအရှေ့ပိုင်းမှာ ရေကြီးရေလျှံမှု ပုံမှန်လိုဖြစ်ပွားလေ့ရှိပေမယ့် အခုရက်ပိုင်း နိုင်ငံအလယ်ပိုင်းက ပြည်နယ်တွေမှာ မိုးရွာသွန်းမှုက စံချိန်တင်ရွာသွန်းမှု ဖြစ်ပါတယ်။

****************************************************************
END / 251